Ռոբերտո Մարտինեսը կարող է մեկ այլ հավաքական գլխավորել

Բելգիայի հավաքականի նախկին մարզիչ Ռոբերտո Մարտինեսը պատրաստվում է գլխավորել Մեքսիկան: Այս մասին հայտնում է HLN-ը։

Աղբյուրի համաձայն՝ Մարտինեսը Խերարդո Մարտինոյի հավանական փոխարինողների թվում առաջնահերթ տարբերակ է։

Մեքսիկայի հավաքականը չկարողացավ դուրս գալ աշխարհի առաջնության փլեյ-օֆֆ։ Սակայն Մարտինեսը դեռ կոնկրետ առաջարկ չի ստացել։ Մեքսիկայի ֆուտբոլի ֆեդերացիան արդեն կազմել է հավանական թեկնածուների կարճ ցուցակը։

Օրերս Մարտինեսը լքել է Բելգիայի հավաքականի գլխավոր մարզչի պաշտոնը։