Իրանի գլխավոր մարզիչ Կառլուշ Կեյրուշը խոսել է ԱԱ 2022-ի առաջին տուրում Անգլիայի հետ սպասվող խաղի մասին։
«Սա մեր կյանքի ամենակարևոր հանդիպումն է։ Նախ, քանի որ այն հաջորդ խաղն է: Հաջորդ հանդիպումը միշտ ամենակարևորն է։ Երկրորդ, քանի որ սա եզակի հնարավորություն է նույնիսկ ինձ համար, չնայած այն հանգամանքին, որ ես ունեմ ավելի քան 200 հանդիպում ազգային հավաքականների մակարդակով։
Բայց ես առաջին անգամ հնարավորություն ունեմ հանդիպել Անգլիայի հետ։ Մեր խաղացողներից շատերի համար սա կախարդական շանս է, իսկական նվեր: Անգլիայի կամ Գերմանիայի հետ խաղալը, հաշվի առնելով միջազգային հանդիպումների օրացույցը, գրեթե անհնար է։
Նոր սերունդը, որին Գարեթ Սաութգեյթի գլխավորությամբ ներկայացել է այս մրցաշարին, կարելի է ասել, որ ամենատաղանդավորն ու ամենաուժեղն է 1966 թվականից ի վեր: Սա շատ պրագմատիկ թիմ է և, հետևաբար, շատ վտանգավոր»,- Կեյրուշի խոսքն է մեջբերել Daily Mail-ը։
Անգլիա — Իրան հանդիպումը կկայանա նոյեմբերի 21-ին և կմեկնարկի Երևանի ժամանակով 17։00-ին։
