Անտոնիո Ռուդիգերը Բրազիլիայի հավաքականին համարում է այնպիսի թիմ, որը վախ է ներշնչում 2022 թվականի Աշխարհի առաջնությունում։
«Կա Վինիսիուսը, Ռոդրիգոն, և ես կարող եմ նշել ևս տասը ֆուտբոլիստ: Այս թիմը վախեցնող կազմ ունի, բայց ամեն ինչ կարող է տեղի ունենալ 90 րոպեում:
Մենք ոչ մեկից չպետք է վախենանք։ Սա ֆուտբոլ է։ Միասնությունն օգնում է նման պահերին։ Դուք պարզապես պետք է կատարեք ձեր աշխատանքը:
Մենք շատ հիանալի հանդիպումներ անցկացրինք, բայց հիմա կարևոր փուլ է սկսվում։ Ես չեմ անհանգստանում. մենք ևս անհավանական կազմ ունենք»,- մեջբերում է Գերմանիայի հավաքականի և Մադրիդի «Ռեալի» պաշտպանին The Guardian-ը:
