Եվրագավաթային գարնանային հատվածում ամենաշատ ներկայացուցիչն ունի երեք լիգա

Ավարտվեցին եվրագավաթային մրցաշարերի՝ Չեմպիոնների լիգայի, Եվրոպա լիգայի և Կոնֆերենցիաների լիգայի խմբային փուլերը։ 

Այսպիսով, եվրագավաթային մրցաշարերի գարնանային հատվածում ամենաշատ ներկայացուցիչն ունեն Անգլիան, Գերմանիան և Իտալիան՝ 7-ական թիմ։ Անգլիայի և Իտալիայի լիգաներն առանց կորուստների են շարունակում եվրամրցաշրջանը, իսկ Գերմանիան ու Իսպանիան արդեն մեկական թիմ կորցրել են աշնանային հատվածից հետո։ Խոսքը համապատասխանաբար «Քյոլնի» և «Ատլետիկոյի» մասին է։

Բոլորից շատ ներկայացուցիչ ՉԼ-ում ունեն Անգլիան և Գերմանիան՝ 4-ական թիմ, իսկ ԵԼ-ում՝ Իսպանիան (4 թիմ), Ֆրանսիան (3 թիմ), Գերմանիան (3 թիմ), Նիդերլանդները (3 թիմ)։

Անգլիա — 7 թիմ

ՉԼ— «Լիվերպուլ», «Չելսի», «Տոտենհեմ», «Մանչեսթեր Սիթի»
ԵԼ— «Մանչեսթեր Յունայթեդ», «Արսենալ»
ԿԼ — «Վեսթ Հեմ»

Գերմանիա — 7 թիմ

ՉԼ— «Բավարիա», «Այնտրախտ», «Բորուսիա Դ․», «Լայպցիգ»
ԵԼ — «Բայեր», «Յունիոն», «Ֆրայբուրգ»,

Իտալիա — 7 թիմ

ՉԼ — «Միլան», «Նապոլի», «Ինտեր»
ԵԼ— «Յուվենտուս», «Ռոմա»
ԿԼ— «Լացիո», «Ֆիորենտինա»

Իսպանիա — 6 թիմ

ՉԼ — «Ռեալ»
ԵԼ — «Բարսելոնա», «Սևիլիա», «Բետիս», «Ռեալ Սոսյեդադ»
ԿԼ — «Վիլյառեալ»

Ֆրանսիա — 5 թիմ

ՉԼ— ՊՍԺ
ԵԼ — «Ռեն», «Նանտ», «Մոնակո»
ԿԼ — «Նիցա»

Պորտուգալիա — 4 թիմ

ՉԼ— «Պորտու», «Բենֆիկա»
ԵԼ— «Սպորտինգ»
ԿԼ — «Բրագա»

Բելգիա — 4 թիմ

ՉԼ — «Բրյուգե»
ԵԼ— «Յունիոն Սեն-Ժիլ»
ԿԼ— «Անդերլեխտ», «Գենտ»

Բելգիայի առաջնությունը եվրագավաթների գարնանային հատվածում կներկայանա ռեկորդային թվով մասնակիցներով։ Եվրոպայի լիգայի և ՈՒԵՖԱ-ի Կոնֆերենցիաների լիգայի վերջին տուրի հանդիպումները թույլ տվեցին «Յունիոն Սենտ Ժիլին», «Անդերլեխտին» և «Գենտին» դուրս գալ փլեյ-օֆֆ: Եվրոպայի լավագույն բելգիական թիմը «Բրյուգեն» է, որը սենսացիոն կերպով դուրս եկավ Չեմպիոնների լիգայի փլեյ-օֆֆ, իսկ «Ունիոն Սեն-Ժիլը» դարձավ Եվրոպայի լիգայի իր խմբի հաղթողը։
Այսպիսով, փլեյ-օֆֆ փուլերի չորս մասնակիցները ռեկորդային են բելգիական ֆուտբոլի համար մայրցամաքային մրցաշարերում։

Նիդերլանդներ — 4 թիմ

ԵԼ- «Այաքս», ՊՍՎ, «Ֆեյենորդ»
ԿԼ — «Ալկմար»

Նշենք, որ Իսպանիան առաջին անգամ ընդամենը մեկ ներկայացուցիչ կունենա ՉԼ-ի փլեյ-օֆֆում։ Դա մադրիդյան գրանդն է և մրցաշարի գործող չեմպիոնը՝ «Ռեալը»։ Թոփ-5 լիգաներից նաև Ֆրանսիան ունի մեկ ներկայացուցիչ փլեյ-օֆֆում՝ ՊՍԺ-ն։ Այս տարի ՉԼ-ի խմբային փուլին մասնակցում էր 5 գերմանական ակումբ, քանի որ «Այնտրախտը» մրցաշարի ուղեգիր էր ստացել Եվրոպա լիգան հաղթելու համար։ Ֆրանկֆուրտցիները խմբային փուլի արդյունքներով ևս դուրս եկան մրցաշարի փլեյ-օֆֆ։