Սանչեսը և Ինտերը համաձայնության են եկել ֆուտբոլիստի պայմանագիրը խզելու հարցում

Չիլիացի հարձակվող Ալեքսիս Սանչեսը պայմանավորվել է Միլանի «Ինտերի» հետ՝ խզելու աշխատանքային պայմանագիրը։

Այս մասին հայտնում է լրագրող Ֆաբրիցիո Ռոմանոն։

Մոտ ժամանակներս կողմերը կկազմեն բոլոր փաստաթղթերը, որից հետո հարձակվողը կդառնա ազատ գործակալ։

Ալեքսիսը երկար ժամանակ անգործ չի մնա, նրան արդեն սպասում են Ֆրանսիայի առաջնությունում։ «Մարսելը» պատրաստ է պայմանագիր կնքել 33-ամյա խաղացողի հետ։