Կոնֆերենցիաների լիգայի որակավորման առաջին փուլի պատասխան խաղում Երևանի «Արարատը» «Հանրապետական» մարզադաշտում ընդունել է Հյուսիսային Մակեդոնիան ներկայացնող «Շկենդիային»:
Առաջին խաղակեսից հետո հյուրերը հաղթում են 2:0 հաշվով:
Խաղի 2-րդ րոպեին հյուրերն առաջ են անցել հաշվի մեջ: Ինքնագոլի հեղինակ է դարձել Խուան Բրավոն:
6-րդ րոպեին տանտերերը վտանգավոր գրոհ ձեռնարկեցին ու գնդակն ուղարկեցին մրցակցի դարպասը, սակայն մրցավարն արձանագրեց խաղից դուրս վիճակ: 20-րդ րոպեին երևանյան թիմը հերթական վտանգավոր գրոհը ձեռնարկեց, սակայն Գլիշիչի գլխի հարվածից հետո գնդակը դիպավ դարպասաձողին: 25-րդ րոպեին հյուրերը կարող էին կրկնապատկել հաշիվը, սակայն մրցակցի ֆուտբոլիստը, մենակ-մենակ դուրս գալով «Արարատի» դարպասապահի դեմ, շեղ հարվածեց: Առաջին խաղակեսի ավելացված ժամանակում հյուրերն անկյունայինի խաղարկումից հետո կրկնապատկեցին իրենց առավելությունը:
Դիմակայության առաջին խաղում հյուսիսմակեդոնական թիմը հաղթել էր 2:0 հաշվով:
