Ազգերի Լիգայի A դիվիզիոնի չորրորդ տուրում Գերմանիան 5-2 հաշվով հաղթեց Իտալիային։
Խաղից հետո իր տպավորություններով է կիսվել գերմանացիների հարձակվող Տիմո Վերները, որը դարձավ դուբլի հեղինակ։
«Հանդիպման մեկնարկից կարողացանք թելադրել մեր խաղը։ Չորրորդ հանդիպումն էինք անցկացնում և առաջին անգամ մրցակցի նկատմամբ ունեինք այդպիսի առավելություն։
Բավականին որակյալ պրեսինգ էինք կիրառում և մրցակցին ցույց տվեցինք, որ կարող ենք այդպես հաղթել»,- հարձակվողի խոսքերն է մեջբերում UEFA-ի պաշտոնական կայքը։
