Այսօր Վուլվերհեմփթոնում կայացավ Ազգերի լիգայի խմբային փուլի հանդիպումը, որում Անգլիան ընդունել էր Իտալիային։
Այս խաղում այդպես էլ գոլեր չգրանցվեցին, չնայած երկու թիմերն էլ ունեին լավ հնարավորություններ գրավելու մրցակցի դարպասը։ Նախ Տոնալիի հարվածից հետո հիանալի գործեց անգլիացիների դարպասպահը, իսկ երկրորդ խաղակեսում Ստերլինգը վրիպեց անչափ նպաստավոր դիրքից։
⚽ Գերմանիայի և Հունգարիայի հավաքականները ևս չպարզեցին հաղթողին։ Հանդիպումն ավարտվեց ոչ-ոքի՝ 1-1 հաշվով։ Գոլերով աչքի ընկան Հոֆմանն ու Նագին։
Այսօրվա հանդիպումներից հետո Իտալիան շարունակում է գլխավորել A դիվիզիոնի երրորդ խմբի մրցաշարային աղյուսակը՝ իր ակտիվում ունենալով 5 միավոր։ Հունգարիան ունի 4 միավոր, Գերմանիան՝ 3, իսկ Անգլիան՝ 2։
