Իտալացի նկարչի տպավորիչ աշխատանքը. արվեստի լեգենդար գործիչները` ֆուտբոլային մարզաշապիկներով

Իտալացի նկարիչ Ֆաբրիցիո Բիրիմբելին հանդես է եկել Cultural F.C. յուրօրինակ նախագծով, որտեղ արվեստի համաշխարհային գործիչներին պատկերել է ֆուտբոլի ազգային հավաքականների մարզաշապիկներով:

Իսկ թե ինչպիսին է ստացվել արդյունքը, դատեք ինքներդ.

Սալվադոր Դալի

«Սյուրռեալիզմը ես եմ». իր մասին այսպես է ասել Սալվադոր Դալին: Նրա նկարներն անմոռանալի են, գեղեցիկ, անիրական ու հրաշալի: Նրան հանճար էին անվանում, խելագար ու էքսցենտրիկ: Բիրիմբելին նրան իր երկրի` Իսպանիայի հավաքականի մարզաշապիկով է պատկերել.

Վինսենտ Վան Գոգ

Անվանի նկարիչը Հոլանդիայի հավաքականի մարզաշապիկով: Փորձում է ամեն ինչ լսել` մեկ ականջով.

Լեոնարդո դա Վինչի

Վերածննդի դարաշրջանի իտալացի հեղինակավոր գեղանկարիչ, քանդակագործ, ճարտարապետ, երաժիշտ ու գրող:

Վիլյամ Շեքսպիր

Անգլիական դրամատուրգիայի մեծագույն ներկայացուցիչներից մեկն, որ իր մեծ հետքն է թողել նաև պատմության մեջ:

Օսկար Ուայլդ

Իռլանդիայում ծնված էպիտաժային գրող, դրամատուրգ, աֆորիզմների վարպետ:

Ֆրանց Կաֆկա

Ծագումով հրեա ավստրիացի գրող Ֆրանց Կաֆկան ծնվել է 1883թ.-ի հուլիսի 3-ին:

Մահից առաջ Կաֆկան կտակել է այրել իր ձեռագրերը, բայց նրա մտերիմ ընկեր ու բարեկամ Մաքս Բրոդը 1925-1926 թթ.-ին հրատարակել է 3 անավարտ վեպերը («Ամերիկա», «Դատավարություն», «Դղյակը») և անտիպ պատմվածքները («Չինական պատի շինարարությունում», ժողովածու), որոնցով էլ նա համաշխարհային ճանաչման է արժանացել: 

Յուկիո Միսիմա

Իսկական սամուրայ ու ճապոնացի այն քիչ գրողներից, որին արդարացիորեն իսկական կլասիկ են համարում: Իր ստեղծագործություններում նա հստակ ցույց է տվել ճապոնական իսկական մշակույթն ու աշխարհընկալումը:

Ալեքսանդր Պուշկին

19-րդ դարի ռուսական մշակույթի մեծագույն ներկայացուցիչ, ռուս նոր գրականության և գրական լեզվի հիմնադիր Ալեքսանդր Պուշկինին իտալացի նկարիչը պատկերել է ԽՍՀՄ հավաքականի մարզաշապիկով:

Ֆյոդոր Դոստոևսկի

Աշխարհահռչակ ռուս արձակագիր Ֆյոդոր Դոստոևսկին` Ռուսաստանի հավաքականի ներկայիս մարզաշապիկով.

Արիստոտել

Հունական դասական փիլիսոփայության խոշորագույն ներկայացուցիչներից մեկը, որին անվանում են նաև հունական փիլիսոփայության Ալեքսանդր Մակեդոնացի կամ հունական փիլիսոփայության «Զևս».

Ֆրիդա Կալո

Ծագումով մեքսիկուհի Ֆրիդա Կալոն 20-րդ դարի գեղանկարչության կարկառուն ներկայացուցիչներից մեկն է:

Ֆաբրիցիո Բիրիմբելին հանճարեղ մեքսիկուհուն ևս պատկերել է իր աշխատանքում.

Վոլֆգանգ Մոցարտ

Ավստրիայի ազգային հերոս, մեծագույն կոմպոզիտոր: Նրա կյանքն ու մահն ավելի շատ հարցեր են թողել, քան պատասխաններ: Թե ինչու է նա պատկերված Դիբալայի հայտնի ժեստով, նույնպես հարցեր է թողնում:

Լյուդվիգ վան Բեթհովեն

Գերմանացի աշխարհահռչակ կոմպոզիտորին իտալացի նկարիչը հետաքրքիր տեսքով է պատկերել.