«Չելսիի» հարձակվող Տիմո Վերները գնահատել է անգլիական թիմի երկրպագուների աջակցությունը։
«Երբեմն նույնիսկ ես չգիտեմ, թե ինչու եմ այդքան մեծ աջակցություն ստանում, քանի որ որպես հարձակվող ցանկանում ես որքան հնարավոր է շատ գոլեր խփել, բայց, անկեղծ ասած, երբեմն ես բաց եմ թողնում այդ հնարավորությունը:
Հիանալի է խաղալ «Չելսիի» երկրպագուների առջև, և երբ նրանք քեզ նման աջակցություն են ցուցաբերում, դու միայն ուժ ես ստանում նրանց աջակցությունից՝ երբ շանսեր ես բաց թողնում կամ դժվար ժամանակներ ես հաղթահարում:
Մյուս կողմից, ես փորձում եմ ամեն խաղում տալ ամեն ինչ, որպեսզի երկրպագուներն ու թիմը ուրախ լինեն խաղի վերջում։ Դժվար է բացատրել, բայց երբ խաղադաշտ ես դուրս գալիս, և երկրպագուները քեզ հավանում են, նրանք աջակցում են քեզ, երգում քո անունը, դու հպարտանում ես քեզնով։
Ես սա ասում եմ, քանի որ գիտեմ, թե ինչ է նշանակում խաղալ մարզադաշտերում, որտեղ երկրպագուները քեզ չեն սիրում և ատում են քեզ, ուստի հիանալի է զգալ այն, ինչ հիմա ես զգում այստեղ»,- մեջբերում է Վերներին լոնդոնյան ակումբի մամուլի ծառայությունը։
