ՀՖՖ նախագահ Արմեն Մելիքբեկյանն այսօր կայացած ասուլիսի ընթացքում ամփոփել է ԱԱ-2022-ի ընտրական փուլում՝ Հայաստանի հավաքականի ելույթները.
«Ես վերջին խաղից հետո տղաներին շնորհակալություն եմ հայտնել ելույթների համար․ Սխալները չի լինում մեկինը, սխալվել ենք բոլորս, մարզիչները, ֆուտբոլիստները, մենք: Սրանք լոկալ սխալներ են եւ գալիս են հոգեբանական կողմից։ Ռումինիայի նկատմամբ տարած հաղթանակը գերէմոցիոնալ էր։ Բոլորս հասկանում ենք, որ սա համատեղ աշխատանք է։ Հոկտեմբերին մենք կարող էինք ավելի շատ միավորներ բերել, ոչ թե ընդամենը մեկը։ Օբյեկտիվ պատճառներ էլ են եղել։ Հյուսիսային Մակեդոնիայի հետ խաղում չենք ունեցել մի քանի առանցքային ֆուտբոլիստներ։ Մենք հիմա վերլուծության գործընթացքում ենք։ Տոներից հետո մարզչական շտաբի հետ քննարկում կունենանք և կհասկանանք թե ինչպես ենք առաջ շարժվում։ Ողբերգական ոչինչ չկա, այս թիմը մարտունակ թիմ է։ Մենք կարող ենք խաղալ ու այս տարի կտեսնենք, որ գոնե խաղի մարտունակության առումով մենք հաջողում ենք»,-ասել է Մելիքբեկյանը։
