Հայաստանի ազգային հավաքականի գլխավոր մարզիչ Խոակին Կապառոսն այսօր հանդիպել է հայ մարզական լրագրողների հետ ու պատասխանել նրանց հարցերին։
Խոակին Կապառոսը նախ հայտարարեց Հայաստանի ազգային հավաքականի հայտացուցակը՝ սեպտեմբերյան խաղերի համար, ապա պատասխանեց լրագրողների հարցերին։ Հարցերից մեկը վերաբերվում էր Վարազդատ Հարոյանի՝ Լա Լիգա տեղափոխվելուն։
«Ես կարող եմ ասել, որ ակումբի նախագահը ու աշխատակիցները շատ գոհ են Վատոյից՝ նախ իր պրոֆեսիոնալիզմի համար։ Վարազդատը կարողանում է ադապտացվել իսպանական ֆուտբոլին, ինչը բոլորովին հեշտ չէ։ Լավ է մեկնարկել, երկու խաղ անցկացրեց մեկնարկային կազմում։ Ինքը Վարազդատն էլ շատ գոհ է։ Սա մի բան է, որը շատ լավ է հայկական ֆուտբոլի համար։ Հուսանք ՝ ապագայում ի հայտ կգան երիտասարդ հայ ֆուտբոլիստներ, ովքեր կկարողանան խաղալ Եվրոպական առաջնություններում»։
Այն հարցին, որ Վարազդատ Հարոյանը իսպանական Լա լիգայում հայտնվել է Կապառոսի խորհրդով և Արդյոք կլինե՞ն այլ խաղացողներ, ովքեր Իսպանիայում, մարզիչը պատասխանեց․
«Իհարկե մենք «Կադիսին» տեղեկատվություն տրամադրել ենք Վատոյի վերաբերյալ։ Նրանք հետևել են Վատոյին, համոզվել, որ ունի այն որակները, որոնք թույլ կտան խաղալ այդ ակումբում։ Կան այլ ֆուտբոլիստներ, ովքեր ևս կարող էին հայտնվել իսպանական ֆուտբոլում, բայց վերջում չստացվեց։ Վստահ եմ՝ մոտ ապագայում կլինեն այդպիսի ֆուտբոլիստներ»։
