«Փյունիկ» փոխնախագահ Ալեքսանդր Տարխանովը մեկնաբանել է Եվրոպայի առաջնությունում Դանիայից Ռուսաստանի հավաքականի կրած պարտությունը (1:4) ու մրցաշարից դուրս մնալը:
«Ասելու բան չկա. չկա կազմակերպվածություն՝ ո՛չ հարձակման, ո՛չ էլ պաշտպանության գծում: Մենք երկու անգամ հակագրոհեցինք, բայց մյուս դրվագներում շատ սխալներ ու կորուստներ եղան: Երկրորդ գոլը ամենահիմար սխալն է: Նույնիսկ եթե ազատ տարածություն կար, նրանք անընդհատ հետ էին խաղում, երբ պետք է առաջ շարժվեին: Մենք անընդհատ կախված ենք Ձյուբայից, քանի որ պաշտպանությունից հարձակման գիծ անցում չունենք:
Ընդհանրապես, չկա կառուցվածքային խաղ, հասկացողություն, թե ինչ է ուզում թիմը: Ոչ հիմա, ոչ Ազգերի լիգայում:
Առաջին գոլը Սաֆոնովի սխալն էր: Նա հեռու գնաց և հարվածը չտեսավ, չնայած դանիացին հիանալի խաղաց: Բայց նա պետք է ավելի մոտ լիներ դարպասային գծին:
Մեր գրոհում մենք ունենք միայն Ձյուբային փոխանցումներ և գնդակի խլում. այլևս մարտավարություն չկա: Չկա թիմային ֆուտբոլ, գնդակի վերահսկողություն, հարվածներ դարպասին: Չնայած մենք չունեինք «Ա» ծրագիր — երեք խաղերն էլ շատ վատն էին:
Ի՞նչ ասել ազգային հավաքականի մասին: Մեր ակումբները չեն կարող դուրս գալ փլեյ-օֆֆ:
Կարո՞ղ էինք այլ կերպ խաղալ: Իհարկե՛։ Հավաքականում ավելի բարդ է, բայց մեկ ամսվա ընթացքում կարող ես ինչ-որ բան խաղալ: Նրանք գնդակ են ստանում, և նրանք չգիտեն, թե ինչ անել: Ոչ ոք չի բացվում, չի հարմարվում, ամեն ինչ շատ դանդաղ է ընթանում: Իսկ Ռուսաստանի առաջնությունն էլ անցկացվում է ոչ շատ բարձր տեմպերով:
ԱԱ-2018-ում, որպես այդպիսին, խաղ չկար. իսպանացիների հետ խաղում մի փոքր բախտավոր էինք: Շատ մարզիչներ ասում են՝ գլխավորը արդյունքն է, խաղը կգա: Խաղը չի գալիս, մարզիչներն են այն թելադրում: Եթե խաղ չկա, ապա արդյունք էլ չի լինի», — Տարխանովին է մեջբերում Metaratings.ru- ն:
Հիշեցնենք, որ Ալեքսանդր Տարխանովը «Փյունիկում աշխատել է 2019 և 2020թթ․։ Նրա գլխավորությամբ «Փյունիկը» հռչակվել է Հայաստանի փոխչեմպիոն և Եվրոպա լիգայի որակավորման փուլում հասել է մինչև երրորդ փուլ։
