Spotify աուդիո ծառայության սեփականատեր, շվեդ ձեռնարկատեր և միլիարդատեր Դանիել Էկը, ով ցանկանում է ձեռք բերել «Արսենալը», ստացել է լոնդոնյան ակումբի երեք լեգենդների աջակցությունը՝ Թիերի Անրին, Դենիս Բերգկամպը և Պատրիկ Վիեյրան: Այդ մասին հայտնում է The Telegraph-ը:
Հիշեցնենք, որ ուրբաթ օրը «զինագործների» հազարավոր երկրպագուներ դուրս էին եկել բողոքելու «Արսենալի» ներկայիս սեփականատեր Ստեն Կրոնկեի դեմ: Երկրպագուները թշնամաբար արձագանքեցին այն փաստին, որ «Արսենալը» դարձավ Սուպերլիգայի 12 հիմնադիր ակումբներից մեկը, նախագիծ, որն ի վերջո կասեցվեց հասարակության ճնշման ներքո:
Նույն երեկոյան Էկը, ում կարողությունը գնահատվում է 3,4 միլիարդ ֆունտ, թվիթերում գրել է, որ մտադիր է ուսումնասիրել «Արսենալը» ձեռք բերելու հնարավորությունը:
