Մադրիդի «Ռեալի» գլխավոր մարզիչ Զինեդին Զիդանը պատասխանել է ակումբում իր աշխատանքի եւ պայմանագրի հնարավոր երկարաձգման վերաբերյալ հարցերին:
«Ուրախ եմ Ֆլորենտինո Պերեսի համար, որ նա կշարունակի մնալ նախագահ: Ոչ ոք չգիտի, թե ինչ կլինի հետո: Կարող եք պայմանագիր կնքել 4-5 տարի ժամկետով, իսկ վաղը աշխատանքից հեռացվեք: Ես չեմ նայում ապագային, չեմ խոսում դրա մասին, նույնիսկ երբ պնդում են, որ Զիդանը պետք է հեռացվի։
Ճիշտ է, ես շատ հաջողակ եմ՝ լինելով «Ռեալի» մարզիչ, բայց ես սարսափելի մարզիչ չեմ, չնայած ոչ էլ լավագույնն եմ: Հիմնականը ձեր գործի մեջ կիրք մտցնելն է: Խաղացողներն ամենակարևորն են», — մեջբերում Զիդանին Marca-ն։
