Ֆուտբոլային սկաուտ․ Շոտլանդիայի առաջնության ամենահեռանկարային ֆուտբոլիստները

Շոտլանդիայի ֆուտբոլի լիգան ավարտեց այս մրցաշրջանը ժամկետից շուտ: Մրցաշարային աղյուսակում թիմերի վերջնական դիրքերը հաշվարկվել են մարտ ամսին դադարեցված առաջնության պահին յուրաքանչյուր խաղի միջին միավորների հաշվարկով: Այսպիսով, «Սելթիկը» 2019/20 մրցաշրջանում դարձավ Շոտլանդիայի չեմպիոն՝ 13 միավորով գերազանցելով «Ռեյնջերսին»:

Հենց վերը նշված երկու թիմերի ամենահեռանկարային ֆուտբոլիստներին էլ այս անգամ կանդրադառնանք Ֆուտբոլային սկաուտ շարքի այսօրվա մասում։

Ռայան Քրիստի

🏴󠁧󠁢󠁳󠁣󠁴󠁿 Շոտլանդիա
25 տարեկան
«Սելթիկ»

Ռայանը իր ամբողջ կարիերան անցկացրել է հայրենիքում` հանդես գալով հիմնականում տեղի միջին կարգի ակումբներում։ 2018-ին նա «Աբերդինից» տեղափոխվեց «Սելթիկ» և բավականին լավ անցկացրած առաջին մրցաշրջանից հետո է՛լ ավելի լավ հանդես եկավ այս մրցաշրջանում՝ 24 խաղում 11 գոլ և նույնքան գոլային փոխանցում։ Քրիստին ոչ միայն շոտլանդական գրանդի առաջատար խաղացողներից մեկն է, այլ նաև հանդիսանում է Շոտլանդիայի հավաքականի առանքային ֆուտբոլիստ։ Շոտլանդական լիգան արդեն բավականին թույլ է թվում Քրիստիի համար, և միգուցե արդեն նոր մրցաշրջանը նա կցանկանա ուժերը փորձել առավել ուժեղ լիգայում։

Ռայան Քենթ

🏴󠁧󠁢󠁥󠁮󠁧󠁿 Անգլիա
23 տարեկան
«Ռեյնջերս»

Ռայանը, ով «Լիվերպուլի» սան է, բավականին հաջող մրցաշրջան անցակացրեց, կարելի է նույնիսկ ասել՝ ամենահաջողը մինչ այժմ։ Քենթը շոտլանդական ակումբում հանդես է գալիս դեռ նախորդ մրցաշրջանից, սկզբում՝ վարձավճարով, իսկ հետո Գլազգոն ներկայացնող ակումբը գնեց նրա ամբողջական տրանսֆերը 7,7 մլն եվրոյով։ Ջերարդի գլխավորությամբ անգլիացի հարձակվողը սկսեց գործել հարձակման բոլոր դիրքերում՝ աջ, ձախ, կենտրոն, մինչև վերջանկանապես պարզ դարձավ, որ ֆուտբոլիտի համար առավել հարմար դիրքը դա հարձակման ձախ եզրն է։ Ներկա դրությամբ նա համարվում է շոտլանդական թիմի առանցքային ֆուտբոլիստներից մեկը և չի բացառվում, որ ևս մեկ հաջող մրցաշրջան անցկացնելուց հետո նա շուտով կվերադառնա ԱՊԼ։

Քրիստոֆեր Այեր

🇳🇴 Նորվեգիա
22 տարեկան
«Սելթիկ»

Իսկ ահա ո՞ւմ նկատմամբ կա բավականին մեծ հետաքրքություն մեծ ակումբների կողմից, դա նորվեգացի հսկան է։ Մոտ 2 մ հասակ ունեցող Այերը համարվում է «Սելթիկի» պաշտպանության հենասյունը։ Հուսալի պաշտպանություն, բավականին հասուն խաղ, երկրորդ հարկում գերիշխանություն․ կենտորնական պաշտպանի համար գրեթե բոլոր լավագույն հատկանիշներով օժտված ֆուտբոլիտը պարզապես հիանալի մրցաշրջան անցկացրեց։ Այերին ձեռք բերելու համար մրցավազքում ամենաակտիվը «Միլանն» է, և Ա Սերիա հավանական տեղափոխությունը դրական իմաստով մեծ քայլ կլինի Քրիստոֆերի համար։ Հոլանդ, Էդեգոր, իսկ այժմ նաև Այեր․․․ Նորվեգիայի հավաքականին կարծես թե պայծառ ապագա է սպասվում․․․

Ալֆրեդո Մորելոս

🇨🇴 Կոլումբիա
23 տարեկան
«Ռեյնջերս»

Մորելոսի համար «Ռեյնջերսը» առաջին եվրոպական ակումբը չէ․ մինչ Շոտլանդիա տեղափոխվելը բավականին արդյունավետ էր հանդես գալիս ֆիննական ՀԻԿ-ում։ Սակայն Գլազգոյում Ալֆրեդոն էլ ավելի հաջող սկսեց գործել․ նա արդեն երրորդ մրցաշրջանն է, ինչ առաջնության շրջանակում դառնում է 10 գոլից ավելի հեղինակ՝ ընդհանուր առմամբ իր ակտիվում ունենալով 44 գոլ այս ժամանակահատվածում։ Մորելոսը, ով խաղում է հարձակման կենտրոնում, բավականին լավ է հանդես գալիս նաև Եվրոպա Լիգայի ընթացիկ մրցաշրջանում, որտեղ, ուշադրություն, նա 16 խաղում դարձել է 14 գոլի հեղինակ։ Պարզապես ֆանտաստիկ արդյունավետություն։ Եվ այժմ պատահակն չէ եվրոպական առաջատար լիգաները ներկայացնող թիմերի կողից հետաքրքրությունը նրա նկատմամբ։

Օդսոն Էդուարդ

🇫🇷 Ֆրանսիա
22 տարեկան
«Սելթիկ»

ՊՍԺ-ի սանը 2017թ-ին տեղափոխվելով Գլազգո՝ դարձավ Շոտլանդիայի առաջնության վերջին տարիների լավագույն հարձակվողներից մեկը, իսկ այս մրցաշրջանում՝ ընդհանրապես լավագույնը։ 28 գոլ 45 հանդիպումներում․ ահա այսպիսին է Օդսոնի վիճակագրությունը բոլոր մրցաշարերում այս մրցաշրջանում։ Եվ այդպիսի ստաբիլությունը չէր կարող վրիպել ուժեղագույն լիգաների ներկայացուցիչ ակումբների աչքից։ Անգլիական մի քանի ակումբներ՝ «Էվերտոնը», «Արսենալը», «Նյուքասլը», և նույնիսկ իսպանական գրանդը՝ «Ռեալը», ցանկանում են իրենց կազմում տեսնել ֆրանսիացի դիպուկահարին։

Ներկա դրությամբ Էդուարդը և Մորելոսը շոտլանդական լիգայի ամենավառ ներկայացուցիչներն են և նրանց հեռանալը բավականին լուրջ կորուստ կլինի Գլազգոյի երկու թիմերի համար։ Սակայն, մյուս կողմից էլ, դա նախևառաջ առաջընթաց կլինի երկու շատ հեռանկարային ֆուտբոլիստների համար, իսկ ինչ վերաբերվում է «Սելթիկին» և «Ռեյնջերսին»՝ այս երկու թիմերը միշտ էլ կարողանում են գտնել նոր անուններ և պարգևել համաշխարհային ֆուտբոլին նոր աստղեր․․․

Վար Բաբայան

Շարքի նախորդ մասերը

Լավագույնները Ա Սերիայի նկուղում

Ամերիկացիների երիտասարդ դեսանտը Եվրոպայում

Բեռլինում նոր աստղեր են հասունանում

Այս հիանալի Զալցբուրգը․․․

Երիտասարդ գլադբախցիներն ու դեղագործները՝ համաշխարհային ֆուտբոլի ապագա աստղեր

Ֆրանսիայի առաջնության գլխավոր բացահայտումները

Հաշվենկատ Վերոնան և հավակնոտ Բոլոնյան՝ ցատկահարթակ ֆուտբոլային էլիտա

Քեյ-ֆուտբոլի (K-Football) ակնկալիքով

Երիտասարդ աղվեսների ոդիսականը շարունակվում է

Ֆուտբոլային սկաուտ․ Ռեալ Սոսեյդադ, Սևիլյա