«Բավարիայի» հարձակվող Ռոբերտ Լևանդովսկին մասնակցել է Չեմպիոնների լիգայի 2019/20 մրցաշրջանի եզրափակչի ՊՍԺ-ի դեմ խաղին: Հիշեցնենք, որ հանդիպումը կայացավ Լիսաբոնում օգոստոսի 23-ին և ավարտվեց 1-0 հաշվով հօգուտ մյունխենյան թիմի, միակ գոլը խփեց Քինգսլի Կոմանը:
Սա «Բավարիայի» երրորդ տիտղոսն է 2019/20 մրցաշրջանում՝ ավելի վաղ նվաճելով Բունդեսլիգայի չեմպիոնությունը և Գերմանիայի գավաթը: Լևանդովսկին պատմության մեջ առաջին ֆուտբոլիստն է, ով հաղթել է երեք մրցաշարերում և դարձել է յուրաքանչյուր մրցաշարի լավագույն ռմբարկու: 32-ամյա լեհ ֆուտբոլիստը Բունդեսլիգայում դարձել է 34 գոլի հեղինակ, Չեմպիոնների լիգայում՝ 15, իսկ Գերմանիայի գավաթի խաղարկությունում՝ 6:
Լևանդովսկին պաշտպանում է «Բավարիայի» գույները 2014 թվականից Այդ ժամանակվանից ի վեր Ռոբերտը մյունխենյան ակումբի կազմում անցկացրել է 289 հանդիպում և դարձել 246 գոլի հեղինակ: Նրա պայմանագիրը «Բավարիայի» հետ ուժի մեջ է մինչև 2023 թվականի հունիսի վերջ:
