RAF ըմբշամարտի պրոմոուշենի համահիմնադիր Չադ Բրոնշտեյնն անդրադարձել է ԱՄՆ-ի Սենթ Լուիս քաղաքում կայացած «RAF 10» մրցաշարում ռուսաստանցի Խամզատ Չիմաևի և ամերիկացի Դիլոն Դենիսի գոտեմարտի ժամանակ բռնկված զանգվածային ծեծկռտուքին։

«Չեմ կարծում, թե սա այն է, ինչ մենք ցանկանում ենք տեսնել։ Գործողությունները չպետք է դուրս գան հարթակի սահմաններից։ Մենք երկուսի հետ էլ խոսել էինք գոտեմարտից առաջ՝ հորդորելով դիմակայությունը թողնել միայն մրցագորգի վրա:

Շոուն հիանալի էր մինչև այս… միջադեպը։ Ըմբշամարտի աշխարհն արժանի է մաքուր պայքարի, և դա այն է, ինչ մենք պետք է ապահովենք։ Այնպես որ, հարցի պատասխանն է՝ ոչ, մենք նման բան չէինք ցանկանում:

10 մրցաշարերի ընթացքում նման բան տեղի էր ունեցել միայն մեկ անգամ, իսկ հիմա արդեն՝ երկրորդ: Մենք պետք է համոզվենք, որ անվտանգության միջոցառումները կխստացվեն՝ հետագայում նման իրավիճակներից խուսափելու համար»,- մամուլի ասուլիսի ժամանակ ասել է Բրոնշտեյնը:

Համացանցում տարածվել է սկանդալային միջադեպի տեսանյութը ԱՄՆ-ի Միսսուրի նահանգի Սենթ Լուիս քաղաքում կայացած «RAF 10» մրցաշարից, որտեղ Խամզատ Չիմաևը հաղթանակ է տարել Դիլոն Դենիսի նկատմամբ։

Տեսանյութում ֆիքսված է գոտեմարտի ավարտը. ամերիկացի մարտիկը որակազրկվել է այն բանից հետո, երբ ըմբշամարտի կանոններով անցկացվող մենամարտում փորձել է ցավեցնող հնարք կիրառել, ինչը մրցաշարի կանոնների կոպիտ խախտում է:

 

Посмотреть эту публикацию в Instagram

 

Публикация от Fox Nation (@foxnation)

Մենամարտի դադարեցումից հետո իրավիճակը կտրուկ սրվել է: Չիմաևը ոտքով հարվածել է պառկած մրցակցին, ինչն էլ առիթ է դարձել թիմերի միջև բախման համար։ Լեզվակռիվն ակնթարթորեն վերածվել է զանգվածային ծեծկռտուքի՝ երկու ճամբարների ներկայացուցիչների մասնակցությամբ։

Հատկանշական է, որ այս մենամարտը նորամուտային էր ինչպես Չիմաևի, այնպես էլ Դենիսի համար՝ RAF լիգայի հովանու ներքո:

Ազատ ոճի ըմբշամարտի Հայաստանի հավաքականի առաջատարներից Արսեն Հարությունյանը հաղթանակով է նշել իր նորամուտը Real American Freestyle (RAF) լիգայում։

Միսսուրի նահանգի Սենթ Լուիս քաղաքում անցկացվող RAF 10 մրցաշարի նախնական քարտում հայ ըմբիշը տեխնիկական առավելությամբ գերազանցել է Պուերտո Ռիկոն ներկայացնող Քելեբ Սմիթին։

Գոտեմարտն ավարտվել է երկրորդ մրցափուլում՝ 14։4 հաշվով։ Թեև պուերտոռիկացին մեկնարկում բավականին ակտիվ էր և կարողացավ արագորեն 4 միավորի առավելություն ստանալ, Հարությունյանը ցուցաբերեց կամային բարձր որակներ։

Հայ մարզիկը ոչ միայն հավասարեցրեց հաշիվը, այլև ամբողջությամբ իր վերահսկողության տակ վերցրեց գոտեմարտի ընթացքն ու վստահորեն հասավ ժամանակից շուտ հաղթանակի։

Հավելենք, որ հունիսի 14-ին կայացող RAF 10 մրցաշարի հիմնական քարտում սպասվում է ևս մեկ հայ մարզիկի ելույթ. Արման Ծառուկյանն ուժերը կչափի Թոնի Ֆերգյուսոնի հետ։ Իսկ մրցաշարի գլխավոր իրադարձությունը կլինի Խամզատ Չիմաևի և Դիլոն Դենիսի դիմակայությունը։

ԱՄՆ-ի Սենթ Լուիս քաղաքում անցկացվել են հունիսի 13-ին կայանալիք RAF 10 (Real American Freestyle) մրցաշարի մամուլի ասուլիսն ու մարզիկների հայացքների մենամարտերը։

​Առաջիկա մրցաշարի սպասված իրադարձություններից է UFC-ի թեթև քաշային կարգի դասակարգման երկրորդ համար Արման Ծառուկյանի և պրոմոուշենի նախկին ժամանակավոր չեմպիոն Թոնի Ֆերգյուսոնի գոտեմարտը։ Մարտիկների դեմառդեմ հանդիպումն աչքի է ընկել զավեշտալի միջադեպով. ամերիկացին անսպասելիորեն կատակով կսմթել է Ծառուկյանին, ինչից հետո երկուսն էլ ծիծաղել են ու շարունակել կեցվածք ընդունել լրատվամիջոցների համար։ Ի դեպ, նույն մրցաշարում նորամուտը կնշի նաև Խամզատ Չիմաևը, որի մրցակիցը կլինի Դիլլոն Դանիսը։

Why did Tony Ferguson grab Arman Tsarukyan’s nipple during their face off? 😭 pic.twitter.com/YEOfAqgEPs

— ACD MMA (@acdmma_) June 12, 2026

​RAF-ում իր նորամուտին է պատրաստվում նաև ազատ ոճի ըմբշամարտի Եվրոպայի քառակի չեմպիոն և աշխարհի առաջնության քառակի բրոնզե մեդալակիր Արսեն Հարությունյանը։ 26-ամյա հայ ըմբիշն արդեն հայացքների մենամարտ է անցկացրել իր նոր մրցակցի՝ ամերիկացի Քեյլեբ Սմիթի հետ։

​Հիշեցնենք, որ նախապես նշվում էր, որ Արսեն Հարությունյանը գոտեմարտելու է Փարիզի Օլիմպիական խաղերի չեմպիոն, ճապոնացի Ռեյ Հիգուչիի հետ: Օլիմպիական չեմպիոնը դուրս է եկել մրցաշարից:

 

View this post on Instagram

 

Հունիսի 13-ին ԱՄՆ-ի Սենթ Լուիս քաղաքում կայանալիք RAF 10 (Real American Freestyle) մրցաշարում իր նորամուտը կնշի ազատ ոճի ըմբշամարտի Եվրոպայի քառակի չեմպիոն և աշխարհի առաջնության քառակի բրոնզե մեդալակիր Արսեն Հարությունյանը:

Կազմակերպության մամուլի ծառայության հաղորդմամբ՝ 26-ամյա հայ ըմբիշի մրցակիցը կլինի Փարիզի Օլիմպիական խաղերի ոսկե մեդալակիր, ճապոնացի Ռեյ Հիգուչին:

​Նույն մրցաշարին կմասնակցի նաև խառը մենամարտերի UFC կազմակերպության թեթև քաշային կարգի դասակարգման երկրորդ համար Արման Ծառուկյանը: Ինչպես հայտնի էր դարձել ավելի վաղ, հայ մարտիկն ազատ ոճի ըմբշամարտի կանոններով գոտեմարտելու է UFC-ի նախկին ներկայացուցիչ Թոնի Ֆերգյուսոնի հետ:

​Հիշեցնենք, որ Արսեն Հարությունյանը վերջին անգամ միջազգային ասպարեզում հանդես է եկել այս տարվա ապրիլին: Հայ ըմբիշը մասնակցել է ազատ ոճի ըմբշամարտի Եվրոպայի առաջնությանը և նվաճել մրցաշարի բրոնզե մեդալը:

UFC-ի հայ մարտիկ Արման Ծառուկյանը «Real American Fighter 10» (RAF) մրցաշարում գոտեմարտ կանցկացնի UFC-ի նախկին ժամանակավոր չեմպիոն Թոնի Ֆերգյուսոնի հետ։

Միջոցառումը կկայանա հունիսի 13-ին Սենթ Լուիսում։ Ծառուկյանի համար սա հերթական ելույթը կլինի ազատ ոճի ըմբշամարտի կանոններով՝ RAF լիգայի շրջանակում։

Ավելի վաղ հայտնի էր դարձել, որ մայիսի 30-ին Արմանը ևս հանդես կգա RAF-ի մրցաշարում, որտեղ նրա մրցակիցը կլինի ամերիկացի ըմբիշ Քիլոն Ջիմիսոնը։ Այսպիսով, Ծառուկյանը երկու շաբաթվա ընթացքում միանգամից երկու գոտեմարտ կանցկացնի այս լիգայում։ Նշենք նաև, որ վերջերս հայ մարտիկը հաղթել էր WEC-ի նախկին չեմպիոն և UFC-ի տիտղոսի նախկին հավակնորդ Յուրայա Ֆեյբերին։

Հիշեցնենք, որ Արման Ծառուկյանը ներկայումս զբաղեցնում է երկրորդ տեղը UFC-ի թեթև քաշային կարգի վարկանիշային աղյուսակում։ Խառը մենամարտերում նա իր վերջին ելույթն ունեցել է 2025 թվականի նոյեմբերին, ինչից հետո շարունակում է իր ուժերը փորձել այլ մարզաձևերում և պրոմոուշեններում։