Երեկ տեղի ունեցան շախմատի Magnus Carlsen Invitational առցանց մրցաշարի յոթերորդ տուրի պարտիաները:

Ռուս շախմատիստ Յան Նեպոմնյաշչին 3:2 հաշվով հաղթեց իրանցի Ալիրեզա Ֆիրուջային: Լրացուցիչ խաղում («Արմագեդոն») վճռորոշ միավոր վաստակեց մարզիկը:

Եզրափակիչ փուլի մյուս հանդիպումներում աշխարհի չեմպիոն նորվեգացի Մագնուս Կարլսենը պարտվեց Չինաստանի ներկայացուցիչ Դինգ Լիրենին (1:3): Ամերիկացի Ֆաբիանո Կարուանան պարտվեց Անիշ Գիրիին (1,5: 2,5): ԱՄՆ-ի մեկ այլ ներկայացուցիչ՝ Հիկարու Նակամուրան, հաղթեց Մաքսիմ Վաշյե-Լագրավին (3:2):

Փլեյ-օֆֆի բոլոր մասնակիցները հայտնի են․ նրանք են՝ Մագնուս Կարլսենը, Հիկարու Նակամուրան, Ֆաբիանո Կարուանան և Լիրեն Դինգը:

Մագնուս Կարլսենի մրցաշար

7-րդ տուր

Լիրեն Դինգ (Չինաստան) — Մագնուս Կարլսեն — 3:1

Յան Նեպոմնյաշչի (Ռուսաստան) — Ալիրեզա Ֆիրուժա (Իրան) — 3:2

Մաքսիմ Վաշյե-Լագրավ (Ֆրանսիա) — Հիկարու Նակամուրա (ԱՄՆ) — 2:3

Անիշ Գիրի (Նիդերլանդներ) — Ֆաբիանո Կարուանա (ԱՄՆ) — 2,5:1,5

Կիսաեզրափակիչ

Մագնուս Կարլսեն — Լիրեն Դինգ

Ֆաբիանո Կարուանա — Հիկարու Նակամուրա

Մրցաշաջային աղյուսակ

Ավարտվեց շախմատի Magnus Carlsen Invitational առցանց մրցաշարի 6-րդ տուրը: Յան Նեպոմնյաշչին թայ-բրեյքում պարտվեց Մագնուս Կարլսենին, իսկ Ալիրեզա Ֆիրուժան հաղթեց Անիշ Գիրին:

Մագնուս Կարլսենի մրցաշար․ 6-րդ տուր

Ապրիլի 28-ին

♟Յան Նեպոմնյախչի (Ռուսաստան) — Մագնուս Կարլսեն — 2:3

♟Ալիրեզա Ֆիրուջա (Իրան) — Անիշ Գիրի (Նիդեռլանդներ) — 2,5:1,5

Ապրիլի 29-ին

♟Հիկարու Նակամուրա (ԱՄՆ) — Լիրեն Դինգ (Չինաստան) — 3:2

♟Ֆաբիանո Կարուանա (ԱՄՆ) — Մաքսիմ Վաշյե-Լագրավ (Ֆրանսիա) — 2,5:1,5

Մրցաշարային աղյուսակ

Ավարտվել է շախմատի Magnus Carlsen Invitational առցանց մրցաշարի 5-րդ տուրը: Անիշ Գիրին պարտության մատնեց Մագնուս Կարսլենին, իսկ Յան Նեպոմնյաշչին պարտվեց Լիրեն Դինգին:

Արագ շախմատի առցանց մրցաշարի 5-րդ տուրում աշխարհի չեմպիոն Մագնուս Կարլսենը 4 պարտիայի արդյունքում պարտվել է հոլանդացի Անիշ Գիրիին՝ 1,5։2,5 հաշվով։ Ֆրանսիացի Մաքսիմ Վաշյե-Լագրավը 2,5։1,5 հաշվով հաղթել է իրանցի Ալիրեզա Ֆիրուջային։

Magnus Carlsen Invitational

5-րդ տուր

Ապրիլի 26-ին

Անիշ Գարի (Նիդեռլանդներ) — Մագնուս Կարլսեն (Նորվեգիա) — 2,5: 1,5

Լագրավ (Ֆրանսիա) — Ալիրեզա Ֆիրուջի (Իրան) — 1,5: 2.5

Ապրիլի 27-ին

Ֆաբիանո Կարուանա (ԱՄՆ) — Հիկարու Նակամուրա (ԱՄՆ) — 3: 2

Յան Նեպոմնյաշչի (Ռուսաստան) — Լիրեն Դինգ (Չինաստան) — 1,5: 2,5

Մրցաշարային աղյուսակ

Երեկ ավարտվել են շախմատի Magnus Carlsen Invitational առցանց մրցաշարի երրորդ տուրի հանդիպումները: Ֆաբիանո Կարուանան պարտվել է Մագնուս Կարլսենին, Յան Նեպոմնյաշչին հաղթել է Անիշ Գիրիին:

Մագնուս Կարլսենի մրցաշար

3-րդ փուլ

Ապրիլի 22-ին

Ֆաբիանո Կարուանա (ԱՄՆ) — Մագնուս Կարլսեն (Նորվեգիա) — 1-3

Ալիրեզա Ֆիրուժա (Իրան) — Հիկարու Նակամուրա (ԱՄՆ) — 0,5-3,5

Ապրիլի 23-ին

Մաքսիմ Վաշյե-Լագրավ (Ֆրանսիա) — Լիրեն Դինգ (Չինաստան) — 2-3

Անիշ Գիրի (Նիդեռլանդներ) — Յան Նեպոմնյաշչչի (Ռուսաստան) — 1,5-2.5

Մրցաշարային աղյուսակ

4-րդ տուրը կմեկնարկի այսօր՝ ապրիլի 24-ին։

Այս հանգստյան օրերին մեկնարկած շախմատի առցանց մրցաշարը՝ Magnus Carlsen Invitational-ը, դատապարտված է դառնալու սպորտի համար բավականին նշանակալի իրադարձություն ոչ միայն նրա համար, որ կորոնավիրուսի համաճարակի պատճառով մենք ներկայումս ունենք մարզական իրադարձությունների պակաս, այլ նաև այն պատճառով, որ այն բավականին ներկայացուցչական է։ Եթե ֆուտբոլասեր եք, կարելի է այսպիսի համեմատություն անել․ այն նման է շախմատային Չեմպիոնների լիգայի, որտեղ միայն լավագույններն են։

Հիմա կասեք, նման մրցաշար արդեն կար, այն էլ՝ թիմային․ օրինակ՝ Pro Chess League-ն, որտեղ միմյանց հետ խաղում են երկու տասնյակից ավելի թիմեր՝ հաճախ համալրված շախմատի աստղերով։ Բայց այն միշտ հետաքրքրել է երկրպագուների շատ նեղ շրջանակի։

Magnus Carlsen Invitational-ն այս առումով հսկայական առաջընթաց է, որը ապահովված է մեծ մագնիսականությամբ, աշխարհի չեմպիոն Մագնուս Կարլսենի հեղինակությամբ, որը սկզբունքորեն ժամանակակից շախմատի դեմքն է: Քիչ հավանական է, որ որևէ մեկին, բացի նորվեգացուց, կհաջողվեր գործարկել նման մրցաշար ՝ առևտրային գործընկերների նման ցանկով և նման մրցանակային ֆոնդով՝ 270 հազար եվրո, ընդ որում 70 հազար եվրոն կստանա հաղթողը: Դե իսկ մասնակիցների ներկայացուցչական կազմի բաղկացուցիչն էլ բոլորովին այլ հարթություն է տեղափոխում մրցաշարը։

Ապրիլի 18-ին մեկնարկած մրցաշարին, բացի Կարլսենից, մասնակցում են նաև Յան Նեպոմնյաշչին (Ռուսաստան), Ֆաբիանո Կարուանան, Հիկարու Նակամուրան (երկուսն էլ՝ ԱՄՆ), Դին Լիժենը (Չինաստան), Մաքսիմ Վաշյե-Լագրավը (Ֆրանսիա), Անիշ Գիրին (Նիդերլանդներ) և իրանցի Ալիրեզա Ֆիրուջան:

Կարլսենը, որպես մրցաշարի գլխավոր կազմակերպիչ, ցանկանում էր մրցաշարում տեսնել ՖԻԴԵ-ի միջազգային վարկանիշի առաջին 8 շախմատիստներին, սակայն, բոլորը չէ, որ պատրաստ էին խաղալ: Արդյունքում, աշխարհի 8 լավագույն շախմատիստներից մրցաշարին չեն մասնակցի Ալեքսանդր Գրիշչուկը (Ռուսաստան, 6-րդ հորիզոնական), Լևոն Արոնյանը (7-րդ հորիզոնական) և Ուեսլի Սոն (ԱՄՆ, 8-րդ հորիզոնական):

Հայկական շախմատի առաջատար, գրոսմայստեր Լևոն Արոնյանը չի մասնակցում աշխարհի գործող չեմպիոն, նորվեգացի Մագնուս Կարլսենի կազմակերպված արագ շախմատի օնլայն մրցաշարին: Հիշեցնենք՝ վերջերս ողբերգական ավտովթարի արդյունքում կյանքից հեռացավ Արոնյանի կինը՝ Արիանե Կաոիլին:

Մրցաշարը մեկնարկել է ապրիլի 18-ին, այն կանցկացվի շրջանային համակարգով և կտևի ավելի քան 2 շաբաթ: Սկզբում, բոլոր մասնակիցները կխաղան իրար հետ, իսկ հետո առաջատարները կխաղան փլեյ-օֆֆում։

Ընդհանուր առմամբ, Magnus Carlsen Invitational- ի ընթացքում ութ շախմատիստներ մեկական հանդիպում կանցկացնեն միմյանց միջև. դրանք չորս խաղ են՝ յուրաքանչյուրը 15 րոպե + 10 վայրկյան տևողությամբ: 2-2 հաշվով ոչ-ոքիի դեպքում մրցակիցները խաղում են «արմագեդոն». սպիտակին տրվում է յուրաքանչյուր խաղում հինգ րոպե, իսկ սևերին չորս րոպե, ընդ որում՝ սպիտակները պետք է անպայման հաղթեն: Լրացուցիչ ժամանակի արդյունքների համաձայն՝ հաղթողը ստանում է երկու միավոր, իսկ պարտվողը՝ մեկ: Շրջանաձև մրցաշարից հետո չորս շախմատիստներ դուրս կգան կիսաեզրափակիչ:

Առաջին տուրը արդեն իսկ մեկնարկել է։ Ռուս գրոսմայստեր Յան Նեպոմնյաշչին պարտվեց ամերիկացի Ֆաբիանո Կարուանային: Մրցաշարը անցկացվում է առցանց՝ Chess24 կայքում:

Չորս պարտիաների արդյունքների համաձայն՝ Կարուանան ուժեղ էր՝ 2,5-1,5 հաշվով: Առաջին տուրի մեկ այլ խաղում ֆրանսիացի Մաքսիմ Վաշյե-Լագրավը 3-1 հաշվով հաղթեց հոլանդացի Անիշ Գիրիին: Ավելի վաղ կայացած մրցավեճում աշխարհի չեմպիոն, Նորվեգիայի ներկայացուցիչ Մագնուս Կարլսենը լրացուցիչ խաղում 3-2 հաշվով հաղթեց ԱՄՆ ներկայացուցիչ Հիկարու Նակամուրային: Չինացի Դինգ Լիժեն հաղթեց իրանցի Ալիրեզա Ֆիրուջիին ՝ 2,5-1,5:

Այսպիսով, առաջին փուլի արդյունքների համաձայն, Կարուանան, Դինգ Լիժենը և Վաշյե-Լագրավը վաստակեցին երեքական միավոր, Կառլսենը վաստակեց երկու միավոր, Նակամուրան՝ մեկ: Նեպոմնյաշչին, Ֆիրուջին և Գիրին առայժմ միավորներ չունեն:

Մի խոսքով, Magnus Carlsen Invitational-ը պետք է որ դիտարժան լինի։ Նման կոշտ խաղերը վերջին ժամանակներս շախմատային աշխարհում թրենդային են, և Մագնուս Կարլսենը դեռ մի քանի տարի առաջ էր ասում, որ կցանկանար՝ իրենց «տեսակարար կշիռը» շախմատում, նույնիսկ չեմպիոնական շրջափուլում, որտեղ իշխում է «դասականը», ավելի բարձր լիներ։

Ապրիլի 18-ին մեկնարկել է շախմատի աշխարհի չեմպիոն Մագնուս Կարսլենի կազմակերպած Magnus Carlsen Invitational առցանց մրցաշարը։ Արդեն կայացել է առաջի տուրը։

Ռուս գրոսմայստեր Յան Նեպոմնյաշչին պարտվեց ամերիկացի Ֆաբիանո Կարուանային: Մրցաշարը անցկացվում է առցանց՝ Chess24 կայքում:

Չորս պարտիաների արդյունքների համաձայն՝ Կարուանան ուժեղ էր՝ 2,5-1,5 հաշվով: Առաջին տուրի մեկ այլ խաղում ֆրանսիացի Մաքսիմ Վաշյե-Լագրավը 3-1 հաշվով հաղթեց հոլանդացի Անիշ Գիրիին: Ավելի վաղ կայացած մրցավեճում աշխարհի չեմպիոն, Նորվեգիայի ներկայացուցիչ Մագնուս Կարլսենը լրացուցիչ խաղում 3-2 հաշվով հաղթեց ԱՄՆ ներկայացուցիչ Հիկարու Նակամուրային: Չինացի Դինգ Լիժեն հաղթեց իրանցի Ալիրեզա Ֆիրուջիին ՝ 2,5-1,5:

Այսպիսով, առաջին փուլի արդյունքների համաձայն, Կարուանան, Դինգ Լիժենը և Վաշյե-Լագրավը վաստակեցին երեքական միավոր, Կառլսենը վաստակեց երկու միավոր, Նակամուրան՝ մեկ: Նեպոմնյաշչին, Ֆիրուջին և Գիրին առայժմ միավորներ չունեն: