Հայաստանի ազգային հավաքականի երկրպագուների «Առաջին հայկական ճակատ» (FAF) շարժման անդամները հայտարարությամբ են հանդես եկել՝ երկրում ստեղծված իրավիճակի վերաբերյալ.

Ի աջակցություն Հայաստանի Հանրապետության, բոլոր բուժաշխատողների և մեկս մյուսի, FAF-ը կոչ է անում պատուհաններից ծածանել հայոց եռագույնը՝ ի նշան մեր միասնականության ու հաղթանակի վճռակամության.

«Սիրելի հայրենակիցներ,

Հայաստանի Հանրապետությունը և ամբողջ աշխարհը գտնվում է պատերազմի մեջ:

Այս պատերազմն, ի տարբերություն բոլոր եղած պատերազմների ոչ թե խրամատում ու սահմաններին է, այլ մեր բակերում, փողոցներում ու պատուհանի տակ: Այս պատերազմի մեջ, կամա թե ակամա, ներքաշված ենք բոլորս ու հիմա հաղթանակը կախված է յուրաքանչյուրիս պատասխանատվությունից:

Ի աջակցություն Հայաստանի Հանրապետության, բոլոր բուժաշխատողների և մեկս մյուսի, եկեք պատուհաններից ծածանենք հայոց եռագույնը ի նշան մեր միասնականության ու հաղթանակի վճռակամության:

Եռագույն չունենալու դեպքում կարելի է պատրաստել նաև տանը, փոքրերը կարող են եռագույն նկարել թղթի վրա, ամրեցնել պատուհաններին»,- ասվում է FAF-ի տարածած հաղորդագրության մեջ:

Հիշեցնենք՝ Հայաստանում մարտի 27-ի՝ ժամը 10:00-ի դրությամբ, հաստատվել է կորոնավիրուսով վարակման ևս 39 դեպք, հաստատված դեպքերի ընդհանուրը թիվը 329 է:

Բուժվածների թիվը 18 է, փաստացի բուժվողներինը՝ 311, բացասական թեստերը՝ 1625, մահվան ելքերը՝  1:

Ֆուտբոլի Հայաստանի ազգային հավաքականի երկրպագուների Առաջին հայկական ճակատ (FAF) շարժման անդամները Երևանում կայացած բասկետբոլային շոուի ընթացքում խաղացել են հայկական շոու-բիզնեսի և այլ աստղերի հավաքական թիմի հետ ու հաղթել են 27:5 հաշվով:

FAF-ականները հանդիպմանը մասնակցել են ամերիկացի լեգենդար բասկետբոլիստ Կոբի Բրայանտին նվիրված հատուկ շապիկներով:

Տեսանյութը` First Armenian Front /FAF ultras/-ի ֆեյսբուքյան էջի

Հայաստանի ազգային հավաքականի և ղազախական «Կայրաթի» ֆուտբոլիստ Կամո Հովհաննիսյանն Instagram-ում գրառում է կատարել` շնորհակալություն հայտնելով FAF-ականներին 2019 թվականի «FAF-համակրանք» մրցանակին իրեն արժանացնելու համար.

«Շնորհակալ եմ ձեր սիրո և վստահության համար, ինձ համար դա շատ կարևոր և պատվաբեր է:

Միշտ պատրատ եմ անմնացորդ նվիրվել խաղին և ուրախացնել մեր երկրպագուներին»,- գրել է ֆուտբոլիստը:

View this post on Instagram

Շնորհակալ եմ ձեր սիրո և վստահության համար, ինձ համար դա շատ կարևոր և պատվաբեր է: Միշտ պատրատ եմ անմնացորդ նվիրվել խաղին և ուրախացնել մեր երկրպագուներին: Thank you for your love and trust, it is very important for me Always ready to give myself for a good game and joy to the fans спасибо за вашу любовь и доверие, мне это очень важно. Всегда готов полностью отдаваться игре и дарить радость фанатом#fafultras

A post shared by Kamo Hovhannisyan (@hovhannisyan13) on Jan 21, 2020 at 9:48am PST

Հայաստանի հավաքականի երկրպագուների FAF ֆան-ակումբը հայտարարություն է տարածել:

Կա անդրադարձ Ռուբեն Հայրապետյանի վերջին հարցազրույցներին.

«Շուրջ 1 ամիս առաջ FAF-ի նախաձեռնած 3 պահանջներից 2-ի՝ ՀՖՖ նախագահի և ՀՖՖ գործկոմի հրաժարականի իրականացումից հետո, FAF-ն ուներ ներքին կայացրած որոշում՝ ՀՖՖ նախագահական ընտրություններում պահպանելով չեզոքություն՝ հետամուտ լինել 3-րդ պահանջի կատարմանը՝ ֆեյք ՀԿ-ների ֆիլտրացման հարցին։

Ռուբեն Հայրապետյանի վերջին հարցազրույցից հետո, որտեղ վերջինս հանրային հաստատեց՝ Թովմաս Գրիգորյանին սատարելու և քարոզարշավին մասնակցելու մասին, կարող ենք փաստել՝ 3 տարի տևած մեր պայքարը Ռուբեն Հայրապետյանի դիկտատուրական կայսրության, վարած քաղաքականության, կեղտոտ բարքերի դեմ՝ հեղափոխությամբ ավարտված չէ և այն թևակոխում է վերջին՝ վճռորոշ փուլ։ Մեզ հասած տվյալներով քարոզարշավի ընթացքում ահաբեկվում են ինչպես ընտրությանը մասնակից ՀԿ նախագահներ, ՀԿ-ի ներկայացուցիչ պատվիրակներ, այնպես էլ ֆան շարժման ներկայացուցիչ անդամներ։ Այժմ կարող ենք փաստել Ռուբեն Հայրապետյանի և իր ամբողջ թիմի հնարավոր վերադարձը լինելու է Թովմաս Գրիգորյանի տեսքով»:

Դեկտեմբերի 23-ին կայանալիք ընտրությունների մասով FAF-ի դիրքորոշումն այսպիսին է.

«Այս նախագահական ընտրություններում մեր առաքելությունը լինելու է հնի վերադարձի բացառումը։ Չունենալով մեր կողմից առաջադրված թեկնածու՝ ունենք որոշում ստեղծված իրավիճակում մեր աջակցությունը հայտնել Արմեն Մելիքբեկյանին, ով չի թաթախված եղել նախկինների կեղտոտ խաղերի մեջ և հավատում ենք, որ կարող է տանել հայկական ֆուտբոլը մաքրման ուղիով։ Արմեն Մելիքբեկյանի ֆուտբոլային ծրագրի տարբեր դրույթների և իր առկա թիմի մասով ունենք առարկություններ և վերջինիս ՀՖՖ նախագահ դառնալու դեպքում կներկայացնենք մեր տեսլականը, պահանջները իսկ կատարված աշխատանքի գնահատականը կտրվի որոշ խելամիտ ժամանակ ՀՖՖ նախագաի պաշտոնում աշխատելուց հետո»,- նշված է հայտարարությունում»։

Հայաստանի ազգային հավաքականի FAF (Առաջին հայկական ճակատ) երկրպագուական շարժման անդամ Երվանդ Իսմայիլյանը վերադարձել է հայրենիք. օդանավակայանում նրան դիմավորել են ընկերներն ու հարազատները:

Հիշեցնենք՝ Երվանդ Իսմայիլյանը հոկտեմբերի 15-ին կայացած Ֆինլանդիա-Հայաստան խաղից հետո հայտնվել էր ֆիննական բանտում՝ թուրք երկրպագուի բողոքի պատճառով:

Երվանդը 2 ամիս անցկացրեց Տուրկուի բանտում:

Տեսանյութը՝ urishfootball-ի

Հայաստանի հավաքականի ֆան-ակումբ FAF-ն ամփոփել է հավաքականի վերջին արտագնա խաղը  Ֆինլանդիայի հավաքականի հետ:

«Շուրջ 7000 ցամաքային կմ, 2 ավտոբուս /100 երկրպագու/, ավտոբուսի վթար, 8 սահման, 0-ական ջերմաստիճան եղանակային պայմաններ, հավաքականի անհաջող անցկացրած հանդիպում, անփառունակ հաշիվ։ Ուղևորությունը դեպի Տուրկու անցյալում է»,- գրված է FAF-ի ֆեյսբուքյան էջում։