CONCACAF GOLD CUP — Armsport.am

CONCACAF Gold Cup․ Հայտնի են եզրափակչի մասնակիցները

Վարուժան Բաբայան — Fri, 30 Jul 2021 05:27:04 +0000

ԱՄՆ հավաքականը դուրս եկավ CONCACAF Gold Cup-ի եզրափակիչ: Կիսաեզրափակիչում ամերիկացիները 1-0 հաշվով հաղթեցին Քաթարի ընտրանուն:

Հանդիպման ճակատագիրը որոշեց Գյասի Զարդեսի միակ գոլը` 86 -րդ րոպեին: Նշենք, որ 61-րդ րոպեին Քաթարի հավաքականի հարձակվող Հասան Ալ-Հայդոսը վրիպեց 11 մետրանոցից:

Եզրափակչում ԱՄՆ-ը կխաղա Մեքսիկայի հավաքականի հետ, որն իր հերթին 2-1 հաղթեց Կանադայի ընտրանուն: Մեքսիկացիներից աչքի ընկան Պինեդան և Հերերան, իսկ կանադացիների միակ գոլը խփեց Բուչանանը։

ԱՄՆ-Մեքսիկա եզրափակիչը տեղի կունենա օգոստոսի 2-ին, Լաս Վեգասում։

🎥 CONCACAF Gold Cup․ Հայտնի են փլեյ-օֆֆի բոլոր մասնակիցները

Վարուժան Բաբայան — Wed, 21 Jul 2021 06:10:11 +0000

Հուլիսի 20-ի լույս 21-ի գիշերը (Երևանի ժամանակով) կայացան CONCACAF Gold Cup-ի խմբային փուլի եզրափակիչ հանդիպումները: Այս պահին որոշվել են փլեյ-օֆֆի բոլոր մասնակիցները: Քառորդ եզրափակչի մասնակիցներին միացան Կոստա Ռիկայի և Ճամայկայի հավաքականները C խմբից, ինչպես նաև Հոնդուրասը և Քաթարը D քառյակից:

Կոստառիկացիները 3-րդ տուրում 1-0 հաշվով հաղթեցին ճամայկացիներին և 9 միավորով հաղթեցին իրենց խումբը: Ճամայկան իր հերթին երկրորդն է (6 միավոր): Նույն խմբում Սուրինամը հաղթեց Գվադելուպային՝ 2:1, ինչի շնորհիվ նա վաստակեց 3 միավոր և գրավեց 3-րդ տեղը:

D խմբում Հոնդուրասը և Քաթարը 3-րդ տուրում հանդիպեցին առերես: Աշխարհի 2022 թվականի առաջնության տանտերերը տոնեցին 2: 0 հաշվով հաղթանակ: Քաթարը վաստակեց 7 միավոր և D խմբում զբաղեցրեց առաջին հորիզոնականը, Հոնդուրասը (6) զբաղեցրեց երկրորդ տեղը:

1/4 զույգերը

Քաթար-Էլ Սալվադոր
Մեքսիկա-Հոնդուրաս
ԱՄՆ-Ճամայկա
Կոստա Ռիկա-Կանադա

Հոնդուրաս — Քաթար

Կոստա Ռիկա — Ճամայկա

🎥 CONCACAF GOLD CUP. ԱՄՆ-ը և Կանադան չխնայեցին մրցակիցներին

Վարուժան Բաբայան — Fri, 16 Jul 2021 05:18:18 +0000

Հուլիսի 16-ի գիշերը (Երևանի ժամանակով) տեղի ունեցան CONCACAF Golden Cup-ի խմբային փուլի հերթական հանդիպումները:

B խմբում ԱՄՆ-ի հավաքականը 6:1 հաշվով հաղթեց Մարտինիկային: Հաղթողների կազմում դուբլի հեղինակ դարձավ Դարիլ Դայքը, Մայլս Ռոբինսոնը, Գյասի Զարդեսը և
Նիկոլաս Ջիոակինին դարձան մեկական գոլի հեղինակ, իսկ Մարտինիկայի ֆուտբոլիստ Սամուել Կամիլը ևս մեկ գնդակ ուղարկեց սեփական դարպասը:

Նույն խմբի մյուս խաղում Կանադայի հավաքականը ոչ մի շանս չթողեց Հայիթիի ընտրանուն՝ 4: 1: Դուբլը ձեւակերպեց Կայլ Լարինը, մեկական գոլ հեղինակեցին Սթիվեն Էուստաչին ու Դեվիդ Հոյլեթը:

🎥 CONCACAF GOLD CUP. Քաթարի հավաքականը բաց թողեց հաղթանակը Պանամայի հետ խաղում

Վարուժան Բաբայան — Wed, 14 Jul 2021 05:27:56 +0000

Քաթարի և Պանամայի ազգային հավաքականները 6 գոլ խփեցին CONCACAF GOLD CUP-ի խաղում: Հանդիպումը տեղի է ունեցել Հյուսթոնում հուլիսի 14-ի գիշերը (Երևանի ժամանակով) և ավարտվել է 3: 3 հաշվով:

Առաջին խաղակեսում գոլեր չգրանցվեցին: Ընդմիջումից հետո Քաթարը երեք անգամ առաջ անցավ հաշվի մեջ, բայց Պանաման երեք անգամ կարողացավ հավասարեցնել հաշիվը: 79-րդ րոպեին 11 մետրանոցից վերջին գոլը խփեց պանամացի պաշտպան Էրիկ Դեվիսը: Երկու թիմերն էլ ունեն 1-ական միավոր և D խմբում կիսում են 2-3-րդ տեղերը:

Տուրի մյուս խաղում Հոնդուրասի հավաքականը 4-0 հաշվով հաղթեց Գրենադային։

🎥 CONCACAF GOLD CUP. Կոստա Ռիկան և Ճամայկան ևս մեկնարկում են հաղթանակով

Վարուժան Բաբայան — Tue, 13 Jul 2021 05:18:49 +0000

Հուլիսի 13-ի գիշերը (Երևանի ժամանակով) տեղի ունեցավ CONCACAF GOLD CUP Կոստա Ռիկա — Գվադելուպա խմբային փուլի 1-ին տուրի հանդիպումը: Հանդիպումն ավարտվեց Կոստա Ռիկայի հաղթանակով ՝ 3: 1 հաշվով:

Հաղթողների կազմում աչքի ընկան Ջոել Քեմփբելը, Արիել Լասիտերը և Սելսո Բորխեսը: Սիլվեն Միրվալը գոլի հեղինակ դարձավ Գվադելուպայի կազմում: Նշենք, որ 54-րդ րոպեից Սվոլ Սոլվետին հեռացնելուց հետո Գվադելուպան խաղում էր տասը ֆուտբոլիտներով:

C խմբի մեկ այլ խաղում Ճամայկան հաղթեց Սուրինամին՝ 2:0:

Կարդացեք նաև

CONCACAF GOLD CUP. Կանադան մեկնարկում է վստահ հաղթանակով, այլ արդյունքներ

Վարուժան Բաբայան — Mon, 12 Jul 2021 07:11:08 +0000

Մեկնարկել է CONCACAF GOLD CUP (Հս․ և Կենտրոնական Ամերիկայի ու Կարիբյան ավազանի երկրների առաջնություն) 2021թ առաջնությունը (մրցաշարն անցկացվում է երկու տարին մեկ)։

Մեկնարկային տուրում Մեքսիկայի ընտրանին միավորներ կորցրեց, ինչը կարելի է անակնկալ համարել, իսկ Կանադան և ԱՄՆ-ն մեկնարկեցին հաղթանակով։

⚽ Մեքսիկա-Տրինիդադ և Տոբակո 0-0
⚽ Կանադա-Մարտինիկա 4-1
⚽ ԱՄՆ-Հաիթի 1-0
⚽ Էլ Սալվադոր-Գվատեմալո 2-0