«Լանսը» դարձավ ֆուտբոլի Ֆրանսիայի գավաթի 2025/26 մրցաշրջանի խաղարկության հաղթող։

Փարիզի «Ստադ դը Ֆրանս» մարզադաշտում կայացած եզրափակիչում «կարմրաոսկեգույնները» 3։1 հաշվով վստահ հաղթանակ տարան «Նիցցայի» նկատմամբ։

Հաղթողների կազմում գոլերի հեղինակ դարձան Ֆլորիան Թովենը, Օդսոն Էդուարն ու Աբդալա Սիման։ «Նիցցայի» հեղինակության միակ գնդակն իր ակտիվում գրանցեց Ջիբրիլ Կուլիբալին։

Նշենք, որ «Լանսն» իր պատմության մեջ առաջին անգամ նվաճեց Ֆրանսիայի գավաթը։ Մինչ այս թիմը երեք անգամ հասել էր մրցաշարի եզրափակիչ (1947/48, 1974/75, 1997/98), սակայն բոլոր դեպքերում պարտություն էր կրել։

Հավելենք, որ այս մրցաշարում տիտղոսների քանակով բացարձակ ռեկորդակիրը ՊՍԺ-ն է՝ 16 գավաթով։ Երկրորդ տեղում «Մարսելն» է (10 տիտղոս), իսկ «Նիցցան» պատվավոր մրցանակին տիրացել է երեք անգամ։

Տեսանյութը՝ ԱՅՍՏԵՂ

Ֆրանսիայի գավաթի խաղարկության քառորդ եզրափակիչում «Մարսելը» սեփական հարկի տակ ընդունել էր «Թուլուզին»։ Թիմերի միջև հանդիպման հիմնական ժամանակն ավարտվեց մարտական ոչ-ոքիով՝ 2-2 հաշվով։

Տանտերերի կազմում հանդիպման հաշիվը հենց սկզբում՝ 2-րդ րոպեին, 11-մետրանոցից բացեց Մեյսոն Գրինվուդը, սակայն 13-րդ րոպեին Յան Գբոհոն վերականգնեց հավասարությունը։ Երկրորդ խաղակեսում ևս թիմերը փոխանակվեցին մեկական գնդակով. 56-րդ րոպեին Իգոր Պայշաոն կրկին առաջ մղեց «Մարսելին», իսկ 60-րդ րոպեին Քրեսվելը խփեց հյուրերի երկրորդ գոլը։

Խաղի ելքը վճռվեց հետխաղյա 11 մետրանոց հարվածաշարում, որտեղ ավելի դիպուկ գտնվեցին «Թուլուզի» ֆուտբոլիստները՝ հաղթելով 4-3 հաշվով։ «Մարսելի» կազմում իրենց հարվածները չկարողացան անվրեպ իրացնել Լեոնարդո Բալերդին և Իթան Նվաներին, ինչի արդյունքում «Թուլուզը» նվաճեց կիսաեզրափակիչի ուղեգիր։

Ֆրանսիայի գավաթի խաղարկության 1/32-րդ եզրափակիչում «Մարսելը» հյուրընկալվելիս 9-0 հաշվով ջախջախեց սիրողական «Բայո» ակումբին:

Ռոբերտո Դե Ձերբիի գլխավորած թիմի կազմում դուբլի հեղինակ դարձան Մեյսոն Գրինվուդը (27′, 49′) և Ամին Գուիրին (32′, 55′): Մեկական անգամ աչքի ընկան Անջել Գոմեսը (13′), Համեդ Տրաորեն (19′), Սիջեյ Էգան-Ռայլին (80′) և Նեալ Մոպեն (86′):

Հանդիպման վերջնամասում մարսելցիները ևս երկու գնդակ ուղարկեցին մրցակցի դարպասը՝ ձևակերպելով վերջնական հաշիվը՝ 9-0: Այս հաղթանակի շնորհիվ «Մարսելը» վստահ քայլերով դուրս եկավ մրցաշարի 1/16-րդ եզրափակիչ:

Ֆրանսիայի գավաթի 2025/26 խաղարկության 1/16 եզրափակիչը ճակատագրական եղավ մրցաշարի գործող հաղթողի համար։ «Պարկ դե Պրենս» մարզադաշտում կայացած փարիզյան դերբիում «Պարի Սեն-Ժերմենը» նվազագույն՝ 0։1 հաշվով անակնկալ պարտություն կրեց «Փարիզ» ակումբից։

Հանդիպման ելքը վճռվեց խաղավերջում։ 76-րդ րոպեին փոխարինման դուրս եկած հարձակվող Նանիտամո Իկոնեն օգտագործեց իր շանսը և խփեց խաղի միակ ու հաղթական գնդակը։

Այսպիսով, Լուիս Էնրիկեի թիմը, որը նախորդ մրցաշրջանում նվաճել էր տիտղոսը (եզրափակիչում 3։0 հաշվով հաղթելով «Ռեյմսին»), այս անգամ վաղաժամ դուրս մնաց պայքարից։ Իսկ «Փարիզը» դուրս եկավ 1/8 եզրափակիչ՝ շարունակելով պայքարը գավաթի համար։

Գոլը՝ ԱՅՍՏԵՂ

Ֆրանսիայի գավաթի խաղարկության 1/16-րդ եզրափակիչում «Լիոնը» սեփական հարկի տակ 2-1 հաշվով առավելության հասավ «Լիլիի» նկատմամբ։

Հանդիպման հաշիվը բացվեց արդեն 1-ին րոպեին՝ գոլի հեղինակ դարձավ Աֆոնսո Մորեյրան։ 27-րդ րոպեին հաշվի տարբերությունը վերականգնեց Նաթան Նգոյը՝ 1-1։

«Ջուլհակների» համար հաղթական գոլը 42-րդ րոպեին հեղինակեց թիմի բրազիլացի նորեկ Էնդրիկը, որի համար այս խաղն առաջինն էր «Լիոնի» մարզաշապիկով։

Այսպիսով, Պաուլո Ֆոնսեկայի թիմը պայքարը կշարունակի մրցաշարի 1/8-րդ եզրափակիչում։

Endrick is still the greatest talent Brazil have created since Neymar.

His smell for goal is absurd, this kid will bring us a World Cup. pic.twitter.com/Cd3FnwpU3b

— chris 🇧🇷 (@crsxsa) January 11, 2026

Ֆրանսիայի գավաթի 2025/2026 մրցաշրջանի 1/32 եզրափակչում փարիզյան ՊՍԺ-ն հյուրընկալվելիս 4:0 հաշվով ջախջախեց հինգերորդ դիվիզիոնը ներկայացնող «Վանդե Ֆոնտենե» ակումբին։

Դուբլ ձևակերպեց Գոնսալու Ռամուշը, մեկական անգամ աչքի ընկան Դեզիրե Դուեն և Ուսման Դեմբելեն։

Հանդիպումը կայացավ Նանտի «Լա Բոժուար» մարզադաշտում։ Այս հաղթանակի շնորհիվ Լուիս Էնրիկեի սաները դուրս եկան մրցաշարի հաջորդ փուլ։

Հիշեցնենք, որ «Վանդե Ֆոնտենեն» մինչ այս փուլ հասնելը սենսացիոն հաղթանակ էր տարել «Շատորուի» նկատմամբ (4:1):

Հանդիպման գոլերը՝ ԱՅՍՏԵՂ

«Ռեյմսը» դարձավ Ֆրանսիայի գավաթի եզրափակիչի երկրորդ մասնակիցը։ Կիսաեզրափակչում «Ռեյմսն» արտագնա հանդիպմանը 2-1 հաշվով հաղթեցին «Կաննին»։

Հյուրերի կազմում գոլի հեղինակ դարձան Իբրահիմը և Տեուման: Տանտերերի կազմում գոլի հեղինակ դարձավ Նդոյեն։

Գավաթի եզրափակիչում «Ռեյմսը» կհանդիպի ՊՍԺ-ի հետ, որը ապրիլի 1-ին 4-2 հաշվով հաղթել է «Դունկերկեին»։

Եզրափակիչը կկայանա մայիսի 24-ին։

Ֆրանսիայի գավաթի կիսաեզրափակիչում ՊՍԺ-ն «Մարսել Տրիբյու» մարզադաշտում հյուրընկալվեց «Դյունկերկին»։ Հանդիպումն ավարտվեց փարիզյան ակումբի կամային հաղթանակով՝ 4:2:

Վենսան Սասոյի և Մուհանադ Ալ-Սադի խփած գոլերին պատասխանեցին Ուսման Դեմբելեն (դուբլ), Մարկինյոսը և Դեզիրե Դուեն։

ՊՍԺ-ն Ֆրանսիայի գավաթի եզրափակիչում կմրցի «Կան»-«Ռեյմս» զույգի հաղթողի հետ։ Մրցող թիմերի հանդիպումը կկայանա ապրիլի 2-ին։

Ֆրանսիայի գավաթի քառորդ եզրափակչում ՊՍԺ-ն հյուրընկալվելիս 7 անպատասխան գնդակ ուղարկեց չորրորդ լիգայի «Ստադ Բրիոշեն» ակումբի դարպասը։

Հեթ-տրիկ ձևակերպեց Գոնսալու Ռամուշը, մեկական անգամ աչքի ընկան Ժոաու Նևեշը, Դեզիրե Դուեն, Սենի Մայուլուն և Ուսման Դեմբելեն։

Տանտերերի կազմում խաղին մասնակցեց հայազգի կիսապաշտպան Արթուր Զաքարյանը, որը փոխարինվեց 77-րդ րոպեին։

Հավելենք, որ Ֆրանսիայի գավաթի կիսաեզրափակիչ փուլի ուղեգիր էին նվաճել «Ռեյմսը», «Կանը» և «Դյունկերկը»։

Հայտնի են դարձել Ֆրանսիայի գավաթի խաղարկության քառորդ եզրափակչի վիճակահանության արդյունքները։

Այսպիսով, ՊՍԺ-ի մրցակիցը կլինի «Ստադ Բրիոշը», որը հանդես է գալիս երկրի չորրորդ դիվիզիոնում: Վերջինս մրցաշարի 1/8 եզրափակչում սեփական հարկի տակ սենսացիոն կերպով պարտության է մատնել «Նիցային» 2:1 հաշվով: Տանտերերը նախ 88-րդ րոպեին հավասարեցրել են հաշիվը, ապա 90+7-րդ րոպեին խփել են հաղթական գնդակը:

Ֆրանսիայի գավաթի քառորդ եզրափակչում «Բրեստը» կխաղա «Դյունկերկի» հետ, «Կանը» կհանդիպի «Գենգամին» (Լիգա 2), իսկ «Ռեյմսը» կխաղա «Անժեի» հետ։

Փետրվարի 26-ին նշանակված են Ֆրանսիայի գավաթի խաղարկության քառորդ եզրափակիչ հանդիպումները։