Թուրքական «Ֆեներբախչեի» ֆուտբոլիստները Չեմպիոնների լիգայի խաղարկության անցումային փլեյ-օֆֆի վճռորոշ խաղից հետո ծեծի են ենթարկել ֆրանսիական «Լիոնի» դարպասապահների մարզիչ Անտոնիո Ֆերեյրային։

Կոնֆլիկտը հրահրել է թուրքական ակումբի կիսապաշտպան Մատեո Գենդուզին։ Ֆրանսիացի ֆուտբոլիստը դեռ նախավարժանքի ժամանակ վիճաբանել է «Լիոնի» երկրպագուների հետ՝ նրանց անպարկեշտ ժեստեր ցույց տալով։ Իսկ եզրափակիչ սուլիչից հետո նա բացահայտորեն տոնել է հաղթանակը տանտերերի երկրպագուների տրիբունայի առջև և վանկարկել՝ «Առա՛ջ, «Մարսել»». ակումբ, որի կազմում Գենդուզին հանդես է եկել նախկինում։

Նման պահվածքը խիստ վրդովեցրել է Ֆերեյրային։ Դարպասապահների մարզիչը հարձակվել է Գենդուզիի վրա, սակայն վայրկյաններ անց անկյուն է մղվել «Ֆեներբախչեի» մյուս խաղացողների կողմից և հարվածներ ստացել։ Միջադեպի ընթացքում Գենդուզիին արագորեն ուղեկցել են հանդերձարան։

Հիշեցնենք, որ «Ֆեներբախչեն» վերջին 17 տարվա մեջ առաջին անգամ նվաճել է Չեմպիոնների լիգայի խաղարկության լիգայի փուլի ուղեգիր։ Վիճակահանությունը կկայանա այսօր՝ օգոստոսի 27-ին, Երևանի ժամանակով 20։00-ին։

C’est incroyable ce qui s’est passé hier soir pendant le match ! 🤯 J’ai vu l’entraîneur lyonnais s’en prendre à un joueur de Fenerbahçe, et franchement, ça m’a choqué. J’espère vraiment que des sanctions sévères seront prises pour cet incident. pic.twitter.com/zYw3z24J6B

— REPUBLIC OF FENERBAHÇE ⭐️⭐️⭐️⭐️⭐️ 🫆 (@Fener1907_Fr) August 27, 2026

Matteo Guendouzi’ye saldırı gerçekleştirmek isteyen bir taraftar, hayatının en özel dayağını yiyor. pic.twitter.com/NgzfPgY1Tv

— BBO Sports (@bbosports) August 26, 2026

Խորվաթիայի ազգային հավաքականի դարպասապահ Դոմինիկ Լիվակովիչը թուրքական «Ֆեներբախչեից» տեղափոխվել է իսպանական «Բարսելոնա»։ Այս մասին հայտնում է կատալոնական ակումբի պաշտոնական կայքը։

​31-ամյա դարպասապահը կատալոնական ակումբի հետ կնքել է պայմանագիր, որը նախատեսված է մինչև 2030 թվականի հունիսի վերջը։ Ավելի վաղ շրջանառվող լուրերի համաձայն՝ թուրքական «Ֆեներբահչեն» այս տեղափոխության դիմաց իսպանական ակումբից կստանա 4 միլիոն եվրո՝ հնարավոր բոնուսների ներառմամբ։

​Ավարտված մրցաշրջանում Լիվակովիչն անցկացրել է 19 հանդիպում և բաց թողել 18 գնդակ։ Ութ խաղում խորվաթ դարպասապահին հաջողվել է սեփական դարպասը պահել անառիկ։

​Հիշեցնենք, որ իսպանական Լա լիգայի ընթացիկ առաջնության շրջանակում իր հերթական հանդիպումը «Բարսելոնան» կանցկացնի այսօր՝ օգոստոսի 27-ին՝ մրցելով Բիլբաոյի «Ատլետիկի» դեմ։

«Բարսելոնան» հստակ ծրագիր ունի 2027/28 մրցաշրջանում դարպասապահի դիրքի ապահովման վերաբերյալ։ Ինչպես հաղորդում է իսպանական Marca պարբերականը, կատալոնական ակումբը մոտ է Խորվաթիայի ազգային հավաքականի հիմնական դարպասապահ Դոմինիկ Լիվակովիչի տրանսֆերի ձևակերպմանը։

Նշվում է, որ թուրքական «Ֆեներբախչեի» հետ բանակցություններն արդեն առաջադեմ փուլում են, սակայն կողմերի միջև վերջնական համաձայնություն դեռևս չկա։

Աղբյուրի տեղեկություններով՝ «Բարսելոնայի» գլխավոր նպատակն այն է, որ տրանսֆերն իրականացվի մինչև սեպտեմբերի 1-ը, որից հետո Լիվակովիչը մեկ տարվա վարձավճարով կտեղափոխվի մեկ այլ թիմ, որտեղ նա հանդես կգա որպես հիմնական դարպասապահ։ Ընթացիկ՝ 2026/27 մրցաշրջանում «կապտանռնագույնների» դարպասը կշարունակեն պաշտպանել Ժոան Գարսիան և Վոյցեխ Շչեսնին։

Սպասվում է, որ խորվաթ դարպասապահը կատալոնական գրանդի առաջին թիմին կմիանա հաջորդ տարվա ամռանը՝ Վոյցեխ Շչեսնիի պայմանագրի ժամկետի ավարտից հետո, և կդառնա հիմնական դարպասապահ Ժոան Գարսիայի փոխարինողը։

Հաղորդվում է նաև, որ Լիվակովիչի տրանսֆերը «Բարսելոնայի» համար կարժենա շուրջ 3-5 միլիոն եվրո։

Ֆուտբոլի Չեմպիոնների լիգայի 2026/27 թթ. մրցաշրջանի որակավորման փլեյ-օֆֆ փուլի առաջին խաղային օրը թուրքական «Ֆեներբախչեն» սեփական հարկի տակ մարտական ոչ-ոքի խաղաց ֆրանսիական «Լիոնի» հետ (1-1):

Խաղի հաշիվը առաջին խաղակեսի վերջնամասում՝ 40-րդ րոպեին, բացեց հյուրերի ֆուտբոլիստ Լոիս Օպենդան։ Տանտերերին հաջողվեց վերականգնել հաշվի հավասարությունը երկրորդ խաղակեսի մեկնարկում․ 47-րդ րոպեին պատասխան գոլը հեղինակեց Մեյսոն Գրինվուդը՝ ձևակերպելով հանդիպման վերջնահաշիվը։

Նշենք, որ այս թիմերի միջև պատասխան հանդիպումը կայանալու է օգոստոսի 26-ին՝ ժամը 23:00-ին։

Գոլերը՝ ԱՅՍՏԵՂ

Զուգահեռաբար ընթացող խաղերում գրանցվեցին հետևյալ արդյունքները․

• «Լևսկի Սոֆիա» — «ԱԵԿ Աթենք»՝ 0-0
• «Դինամո Զագրեբ» — «Վիկինգ»՝ 2-2, հանդիպման գոլերը՝ ԱՅՍՏԵՂ

Իտալական «Նապոլիի» հարձակվող Ռոմելու Լուկակուն տվել է թուրքական «Ֆեներբախչե» տեղափոխվելու իր համաձայնությունը։ Այս մասին հայտնում է ինսայդեր Մատեո Մորետոն։

Աղբյուրի տեղեկություններով՝ 33-ամյա բելգիացու և թուրքական ակումբի միջև հնարավոր տրանսֆերի անձնական պայմանների շուրջ ձեռք է բերվել լիակատար համաձայնություն։ Այժմ «Ֆեներբախչեն» բանակցություններ է վարում անմիջապես «Նապոլիի» հետ։

Թուրքական ակումբն արդեն արել է առաջին առաջարկը հարձակվողի տրանսֆերի համար՝ մոտ 6 միլիոն եվրո։ Ընդ որում, նեապոլյան ակումբն ակնկալում է Լուկակուի տեղափոխության դիմաց ստանալ մոտավորապես 12 միլիոն եվրո։

Բելգիացի ֆուտբոլիստի պայմանագրի ժամկետն իտալական ակումբի հետ նախատեսված է մինչև 2027 թվականի ամառը։ Ավելի վաղ հաղորդվում էր, որ Լուկակուն չէր միացել թիմի նախամրցաշրջանային հավաքին, իսկ «Նապոլին» պատրաստ էր բաց թողնել նրան 10 միլիոն եվրոյի դիմաց։

Նշենք, որ նախորդ մրցաշրջանում Լուկակուն «Նապոլիի» կազմում անցկացրել է ընդամենը 5 հանդիպում՝ դառնալով 1 գոլի հեղինակ։

Անգլիական «Մանչեսթեր Սիթին» և Գերմանիայի գործող չեմպիոն «Բավարիան» բացարձակ առաջատարներն են աշխարհի 2026 թվականի առաջնությանը մասնակցող ֆուտբոլիստների քանակով։

​«Քաղաքայինների» կազմից աշխարհի գլխավոր ստուգատեսին կմասնակցի աննախադեպ թվով՝ 19 ֆուտբոլիստ։ Մյունխենյան գրանդն այս ցուցանիշով զիջում է ընդամենը մեկ խաղացողով՝ մունդիալ գործուղելով 18 ֆուտբոլիստի։

​Առաջատարների եռյակը եզրափակում են Չեմպիոնների լիգայի 2025/26 մրցաշրջանի եզրափակիչի մասնակիցները՝ ՊՍԺ-ն ու Լոնդոնի «Արսենալը», որոնք աշխարհի առաջնությունում կունենան 16-ական ներկայացուցիչ։

​Ներկայացնում ենք ԱԱ-2026-ի հայտացուցակներում ամենաշատ ֆուտբոլիստներ ունեցող ակումբների ամբողջական ցանկը․

• «Մանչեսթեր Սիթի» – 19
• «Բավարիա» – 18
• ՊՍԺ, «Արսենալ» – 16
• «Բարսելոնա» – 15
• «Ատլետիկո Մադրիդ», «Ալ-Հիլալ», «Քրիստալ Փելաս», «Մանչեսթեր Յունայթեդ» – 12
• «Բորուսիա Դորտմունդ», «Լիվերպուլ», «Գալաթասարայ» – 11
• «Սլավիա Պրահա», «Միլան», ՊՍՎ, «Ռեալ Մադրիդ», «Ֆեներբախչե» – 10

Հիշեցնենք, որ աշխարհի 2026 թվականի առաջնությունը կմեկնարկի հունիսի 11-ին և պատմության մեջ առաջին անգամ կանցկացվի միանգամից երեք երկրում՝ ԱՄՆ-ում, Կանադայում և Մեքսիկայում։ Մրցաշարին կմասնակցի ռեկորդային՝ 48 ազգային հավաքական։

Լեհաստանի ազգային հավաքականի 37-ամյա հարձակվող Ռոբերտ Լևանդովսկին համաձայնության է եկել թուրքական «Ֆեներբախչեի» հետ՝ անձնական պայմանագրի կետերի շուրջ։

​Ինչպես հաղորդում է լրագրող Յագիզ Սաբունջուօղլուն, ստամբուլյան ակումբի նախագահի թեկնածու Հաքան Սաֆին սկզբունքային համաձայնության է հասել լեհ ֆուտբոլիստի հետ՝ «դեղձանիկների» կազմում նրա ապագայի վերաբերյալ։ Սպասվում է, որ Լևանդովսկին կստորագրի «2+1» ձևաչափով աշխատանքային պայմանագիր։ Ըստ դրա՝ նրա տարեկան աշխատավարձը կկազմի 15 միլիոն եվրո, իսկ անհատական բարձր ցուցանիշների համար կնախատեսվեն նաև հավելյալ բոնուսներ։

​Ավելի վաղ հայտնի էր դարձել, որ աստղային հարձակվողը չի կարողացել ընդհանուր հայտարարի գալ «Բարսելոնայի» հետ պայմանագրի երկարաձգման շուրջ, ուստի կատալոնական ակումբից կհեռանա ազատ գործակալի կարգավիճակով։

​Հավելենք, որ նախորդ մրցաշրջանում լեհ ֆուտբոլիստը «կապտանռնագույնների» կազմում բոլոր մրցաշարերում մասնակցել է 46 հանդիպման՝ աչքի ընկնելով 19 խփված գնդակով և 4 արդյունավետ փոխանցմամբ։

«Չելսիի» և Սաուդյան Արաբիայի «Ալ-Իթիհադի» նախկին կիսապաշտպան Նգոլո Կանտեն վերադարձել է Եվրոպա։ 34-ամյա ֆուտբոլիստը միացել է Ստամբուլի «Ֆեներբահչեին», հայտնում է ակումբի մամուլի ծառայությունը։

Հարկ է նշել, որ մարոկկացի հարձակվող Յուսեֆ Էն-Նեսիրին տեղափոխվել է հակառակ ուղղությամբ՝ միանալով «Ալ-Իթիհադին»։ Կանտեն թուրքական գրանդի հետ կնքել է երկու տարվա պայմանագիր։

Ֆրանսիացի կիսապաշտպանի տրանսֆերային արժեքը գնահատվում է 4.5 միլիոն եվրո։ Սաուդյան Արաբիայի Պրո լիգայի ընթացիկ մրցաշրջանում Կանտեն մասնակցել է 18 հանդիպման՝ խփելով 2 գոլ և կատարելով 1 գոլային փոխանցում։

«Ալ-Իթիհադի» կիսապաշտպան Նգոլո Կանտեն հեռանում է Սաուդյան Արաբիքյից։ Ինսայդեր Ֆաբրիցիո Ռոմանոն հաղորդմամբ` 34-ամյա ֆուտբոլիստի պայմանագիրը խզվել է վաղաժամկետ։

Սպասվում է, որ ֆրանսիացին կտեղափոխվի թուրքական «Ֆեներբախչե»՝ ՖԻՖԱ-ի կողմից պաշտոնական հաստատումը ստանալուց անմիջապես հետո։ Հատկանշական է, որ կիսապաշտպանը նախկինում արդեն համաձայնության էր եկել թուրքական ակումբի հետ, սակայն այն ժամանակ գործարքը ձախողվել էր փաստաթղթային խնդիրների պատճառով։

Տեղի է ունենալու յուրօրինակ փոխատեղում․ հակառակ ուղղությամբ կմեկնի հարձակվող Յուսեֆ էն-Նեսիրին։ Վերջինս ևս դադարեցրել է համագործակցությունը «Ֆեներբախչեի» հետ՝ «Ալ-Իթիհադ» տեղափոխվելու նպատակով։

Հիշեցնենք, որ Կանտեն Սաուդյան Արաբիայում հանդես էր գալիս 2023 թվականի ամռանից։ Մինչ Եվրոպայից հեռանալը նա պաշտպանում էր Լոնդոնի «Չելսիի» գույները։

Սաուդյան Արաբիայի ֆուտբոլային առաջնությունում հերթական աղմկահարույց իրավիճակն է ձևավորվում։ Ֆրանսիացի կիսապաշտպան Նգոլո Կանտեն հրաժարվել է մասնակցել «Ալ-Իթիհադի» մարզումներին՝ բողոքելով իր տրանսֆերի ձախողումից։

Ինչպես հայտնում է ինսայդեր Բեն Ջեյքոբսը, 34-ամյա ֆուտբոլիստը մոտ էր տեղափոխվել թուրքական «Ֆեներբահչե», սակայն գործարքը տապալվել է «Ալ-Իթիհադի» ղեկավարության թույլ տված կոպիտ սխալների պատճառով։ Փաստաթղթային անփութությունը հանգեցրել է նրան, որ Սաուդյան Արաբիայում տրանսֆերային պատուհանը փակվել է՝ անհնարին դարձնելով Կանտեի փոխանակումը «Ֆեներբահչեի» հարձակվող Յուսեֆ էն-Նեսիրիի հետ։

Չնայած Թուրքիայում տրանսֆերային հայտերի ընդունումը դեռ շարունակվում է մինչև փետրվարի 6-ը, սաուդյան ակումբն արդեն չի կարող նոր խաղացող գրանցել, ինչն էլ դարձել է տրանսֆերը կասեցնելու հիմնական պատճառը։ Կանտեն, որն այս մրցաշրջանում մասնակցել է 26 հանդիպման, խորը հիասթափություն է ապրում և մտադիր չէ հրաժարվել բոյկոտի իր որոշումից։

Այս իրավիճակը ևս մեկ անգամ փաստում է սաուդական ֆուտբոլում, առավելապես «Ալ-Իթիհադի» ներսում, տիրող կազմակերպչական քաոսը, որն ավելի վաղ հանգեցրել էր Կարիմ Բենզեմայի դժգոհությանը և նրա տեղափոխությանը «Ալ-Հիլալ»։

Հիշեցնենք, որ «Ալ-Նասրի» և Պորտուգալիայի հավաքականի հարձակվող Կրիշտիանու Ռոնալդուն ևս հրաժարվում է մասնակցել մարզումներին և խաղերին՝ քննադատելով երկրի պետական ներդրումային հիմնադրամի (PIF) կողմից ակումբների զարգացման համար ներդրվող անհամաչափ ջանքերը։