Ռաֆայել Նադալը դուրս է եկել Մելբուրնում ընթացող թենիսի տարվա առաջին մեծ սաղավարտի մրցաշարի՝ Australian Open-ի քառորդ եզրափակիչ։

1/8-րդ եզրափակիչում իսպանացու մրցակիցը Ֆաբիո Ֆոնինին էր։ 2 ժամ 18 րոպե տևած պայքարում Նադալը առավելության հասավ իտալացու նկատմամբ երեք սեթում՝ 6-3, 6-4, 6-2 հաշվով։

Կիսաեզրափակիչի ուղեգրի համար Նադալը կպայքարի Մատեո Բերետինի-Ստեֆանոս Ցիցիպաս զույգի հաղթողի հետ։ Խաղը կայանալու է այսօր։

Այսպիսով տղամարդկանց մենախաղում հայտնի են քառորդ եզրափակիչի 8 մասնակիցներից 7-ը։

Աշխարհի 11-րդ ռակետ, իտալացի Ֆաբիո Ֆոնինին պատմել է, որ կոճի վիրահատության է ենթարկվել։

«Ողջու՜յն բոլորին։ Արդեն երեք տարի է, ինչ ես ձախ կոճի հետ կապված խնդիրներ ունեի, բայց ես սովորել էի ապրել նրանց հետ։ Վերջին երկու տարիներին սկսեց անհանգստացնել ինձ նաև աջ կոճս։ Ես հույս ունեի, որ խնդիրները կանցնեն կարանտինի երկու ամիսների ընթացքում, բայց երբ վերսկսեցի մարզումները, հասկացա, որ ոչինչ չի փոխվել։

Հետազոտությունից և թիմի հետ երկար քննարկումներից հետո ես որոշեցի երկու կոճերի արթրոսկոպիկ վիրահատության ենթարկվել։ Ես կարծում եմ՝ ճիշտ էր սա անելը այն ժամանակ, երբ տուրում ժամանակավոր դադար է։ Այսօր ես վիրահատվել եմ Իտալիայում։ Սպասում եմ անհամբերությամբ, թե երբ եմ նորից վերադառնալու խաղալու։ Ես գիտեմ, որ դուք ինձ աջակցելու եք։ Բոլորիդ ամուր գրկում եմ, Ֆաբիո», – գրել է իտալացի թենիսիստը Instagram-ի իր էջում։

Հիշեցնենք, որ թենիսի բոլոր մրցաշարերը դադարեցված են մինչև հուլիսի 31-ը։

Աշխարհի 11-րդ ռակետ Ֆաբիո Ֆոնինին երկամսյա դադարից հետո կորտ է վերադարձել և այդ մասին գրառում կատարել Instagram-ում։

«Նման անհանգստացնող պահերին ես հասկանում, թե ինչքան կարևոր է ինչ-որ բանը քեզ համար, երբ այն ասես խլել են քեզնից։ Ինձ մոտ դա թենիսն է։

Այսօր հատուկ օր է ինձ համար։ Երկու ամսվա դադարից հետո կորտ վերադառնալը ուղղակի հրաշալի էր։ Եվ ես ուրախ եմ կիսել այս պահը իմ սիրելիի հետ։ Սա իմ երկիրն է, իմ քաղաքն է, իմ կորտն է ու իմ ծովն է։ Ասես շատ հասարակ, բայց միևնույն ժամանակ շատ հատուկ մի բան։

Դեպի բնականոն կյանք ճանապարհը դեռ շատ երկար է, բայց ես միշտ հիշելու եմ այսօրվա ապրումներս։ Ուղարկում եմ իմ էմոցիաներն ու սերը բոլորիդ։ Շարունակենք պայքարե՛լ միասին»,-գրել է իտալացի թենիսիստը լուսանկարի նկարագրության մեջ։

View this post on Instagram

In these troubling times you realise just how much something means to you when it's taken away….for me, that is Tennis. Today is a special day. Being back on the court after two months has been something amazing. And I’m blessed to share this moment with the person I love. This is my country, my city, my court, my sea. Something very normal but special. The road to normality is still very long but I will always remember the feeling of this day. Sending all my emotions and love to all of you. Let’s keep fighting together! #love ❤️

A post shared by Fabio Fognini (@fabiofogna) on May 5, 2020 at 12:12pm PDT

Իտալացի թենիսիստ Ֆաբիո Ֆոնինին խոստովանել է, որ վախենում է, որ իրեն թույլ չեն տա մուտք գործել ԱՄՆ։ Ֆոնինին անցած շաբաթվա ընթացքում Իտալիայում մասնակցել է Դևիսի գավաթին։

Իտալացի թենիսիստը վախենում է, որ նրան թույլ չեն տա մուտք գործել ԱՄՆ ու մասնակցել Ինդիան Ուելսի ու Մայամիի մրցաշարերին, քանի որ Իտալիան կորոնավիրուսիծ ամենաշատը տուժած երկրների թվում է։

«Սա շատ տհաճ իրավիճակ է։ Ես քննարկել եմ այն ATP-ի նախագահի և մրցաշարի տնօրենի հետ։ Ես չեմ ուզում զուր մեկ ամիս կորցնել, քանի որ Ամերիկայից հետո ես պետք է գրունտի մրցաշարերի մասնակցեմ Եվրոպայում։

Ես հույս ունեմ, որ մրցաշարերը չեն չեղարկվի, և ես կկարողանամ մասնակցել Ինդիան Ուելսին և Մայամիին»,-Ֆոնինիի խոսքերն է մեջբերում sport.sky.it-ը։

Թենիսի Մեծ Սաղավարտի՝ Ավստրալիայի բաց առաջնության 1/8 եզրափակչի երրորդ խաղում մրցեցին համաշխարհային դասակարգման 100-րդ համար Թենիս Սանդգրենն ու իտալացի Ֆաբիո Ֆոնինին:

Միացյալ նահանգների ներկայացուցիչը 4 սեթում՝ 7:6, 7:5, 6:7, 6:4 հաշվով պարտություն մատնեց աշխարհի 12-րդ ռակետին: Սանդգրենը խլեց մրցակցի 5 մատուցում՝ զիջելով սեփական մեկը: Իտալացու ակտիվում գրանցվեց 9 էյս՝ մրցակցի 22-ի դիմաց:

Քառորդ եզրափակչում Սանդգրենի մրցակիցը կլինի Ֆուչովիչ-Ֆեդերեր զույգի հաղթողը:

Աշխարհի հինգերորդ ռակետ Դանիլ Մեդվեդևը Սաուդյան Արաբիայի ցուցադրական մրցաշարի եզրափակչում հաղթել է Ֆաբիո Ֆոնինիին (6-2, 6-2):

Երկու սեթերն էլ Դանիլը սկսել է բրեյքով ու չի պարտվել իր մատուցման գեյմերից և ոչ մեկը։ Diriyah Tennis Cup-ում 23-ամյա Մեդվեդևը ոչ մի սեթ չի պարտվել։

Daniil Medvedev 🇷🇺🏆/@DaniilMedwed / (🎥@Eurosport_RU ) pic.twitter.com/Cb3hXR3kXc

— doublefault28 (@doublefault28) December 14, 2019

Դեկտեմբերի 19-ին Դանիլ Մեդվեդևը կմասնակցի նաև Աբու Դաբիի ցուցադրական մրցաշարին, որտեղ նրա առաջին մրցակիցը Հեն Չոնն է։

Աշխարհի 12-րդ ռակետ, իտալացի Ֆաբիո Ֆոնինին մեկնաբանել է չորրորդ ռակետ Դոմինիկ Տիմի Instagram-ի վերջին լուսանկարը։ Այս օրերին Տիմը գտնվում է Մայամիում։

View this post on Instagram

Preseason is underway 💫🎾💪 #miami #heretocreate #4ocean

A post shared by Dominic Thiem (@domithiem) on Dec 6, 2019 at 9:41am PST

«Հիանալի սանրված է, ի՛մ ընկեր, ասես արքայախնձոր լինես 😂»,-գրել է Ֆոնինին լուսանկարի մեկնաբանություններում։

Փարիզում շարունակվում է տարվա վերջին Մասթերսը։ 1/16 եզրափակչի իրենց հանդիպումներն են անցկացրել Դոմինիկ Տիմն ու Ֆաբիո Ֆոնինին։

Իտալացի թենիսիստը երեք սեթում պարտվել է Դենիս Շապովալովին։ Կանադացին առավելության է հասել 3-6, 6-3, 6-3 հաշվով և դուրս է եկել 1/8 եզրափակիչ, որտեղ մրցելու է Ալեքսանդր Զվերևի հետ, ով երեկ ուշ երեկոյան հաղթել էր Ֆերնանդո Վերդասկոյին։

Դոմինիկ Տիմը ևս նվաճել է 1/8 եզրափակչի ուղեգիր։ Ավստրիացի թենիսիստը 7-6(5), 5-7, 6-4 հաշվով հաղթել է Միլոշ Ռաոնիչին։ Տիմի հաջորդ մրցակիցը լինելու է Դավիդ Գոֆեն — Գրիգոր Դիմիտրով զույգի հաղթողը։

Այսօր պայքարի մեջ են մտնելու նաև Նովակ Ջոկովիչը և Ռաֆայել Նադալը։