Գերմանական «Քյոլնը» պաշտոնապես հրաժեշտ է տվել հայ հարձակվող Սարգիս Ադամյանին։

Շաբաթ օրը՝ Ռեգիոնալ լիգայի շրջանակում կայացած «Շալկե 04»-ի դեմ խաղից առաջ, Մ-21 թիմի մարզիչ Էվանգելոս Սբոնիասը և տեխնիկական տնօրեն Լուկաս Բերգը պաշտոնապես հրաժեշտ են տվել Ադամյանին և ևս հինգ ֆուտբոլիստների։ Որպես հուշանվեր՝ խաղացողներին հանձնվել են դիմանկարներ, թիմային լուսանկարներ և ակումբային խորհրդանիշներ:

Հիշեցնենք, որ Ադամյանը «Քյոլն» էր տեղափոխվել 2022 թվականին՝ «Հոֆենհայմից»։ Այն ժամանակ կողմերը պայմանագիր էին կնքել մինչև 2026 թվականը, սակայն հիմնական կազմում ամրապնդվել չկարողանալու պատճառով հարձակվողն իր պայմանագրի վերջին տարին անցկացրեց երկրորդ թիմում:

Չնայած այս հանգամանքին՝ գերմանական մամուլն ընդգծում է, որ հայ ֆուտբոլիստն աչքի է ընկել օրինակելի պահվածքով։ Ռեգիոնալ լիգայի 21 խաղում նա դարձել է 17 արդյունավետ գործողության հեղինակ (գոլ+գոլային փոխանցում)՝ դրանով իսկ պահպանելով այլ ակումբների հետաքրքրությունն իր նկատմամբ:

Թե որտեղ կշարունակի կարիերան Ադամյանը, դեռևս հայտնի չէ։ Վերջերս նրա կինը՝ Աննա Ադամյանը, սոցիալական ցանցերում նշել էր, որ ընտանիքը ցանկանում է հնարավորության դեպքում մնալ Քյոլնի մերձակայքում, քանի որ այնտեղ արդեն հարմարվել են բնակությանը:

Գերմանիայի առաջնության 32-րդ տուրում չեմպիոնի կոչումը վաղաժամ նվաճած Մյունխենի «Բավարիան» սեփական հարկի տակ դրամատիկ պայքարում ոչ-ոքի (3-3) խաղաց հետնապահ «Հայդենհայմի» հետ:

Առաջին խաղակեսում հյուրերը շոկի ենթարկեցին մյունխենցիներին. 22-րդ րոպեին Բուդու Զիվզիվաձեն բացեց հաշիվը, իսկ 31-րդ րոպեին Էրեն Դինկչին կրկնապատկեց «Հայդենհայմի» առավելությունը։ Դեռ մինչև ընդմիջում՝ 44-րդ րոպեին, Լեոն Գորեցկան կրճատեց հաշվի տարբերությունը, իսկ երկրորդ կեսի սկզբում՝ 57-րդ րոպեին, նույն Գորեցկան դարձավ դուբլի հեղինակ՝ վերականգնելով հաշվի հավասարությունը (2-2):

​76-րդ րոպեին Զիվզիվաձեն իր հերթին դուբլ ձևակերպեց՝ կրկին առաջ մղելով հյուրերին: Եվ երբ թվում էր, թե «Բավարիան» սենսացիոն պարտություն կկրի, մրցավարի կողմից ավելացված ժամանակի 10-րդ րոպեին (90+10′) հյուրերի դարպասապահ Դիանտ Ռամայը գնդակն ուղարկեց սեփական դարպասը (ինքնագոլ)՝ փրկելով մյունխենցիներին պարտությունից:

Հանդիպման գոլերը՝ ԱՅՍՏԵՂ

Զուգահեռաբար ընթացող խաղերում գրանցվեցին հետևյալ արդյունքները․

• «Այնտրախտ Ֆրանկֆուրտ» — «Համբուրգ»՝ 1-2, հանդիպման գոլերը՝ ԱՅՍՏԵՂ
• «Հոֆենհայմ» — «Շտուտգարտ»՝ 3-3, հանդիպման գոլը՝ ԱՅՍՏԵՂ
• «Ունիոն Բեռլին» — «Քյոլն»՝ 2-2, հանդիպման գոլերը՝ ԱՅՍՏԵՂ
• «Վերդեր Բրեմեն» — «Աուգսբուրգ»՝ 1-3, հանդիպման գոլը՝ ԱՅՍՏԵՂ

Բունդեսլիգայի մրցաշարային աղյուսակը՝ ստորև․

Բունդեսլիգայի ընթացիկ մրցաշրջանի 25-րդ տուրում Դորտմունդի «Բորուսիան» հյուրընկալվելիս 2-1 հաշվով առավելության հասավ «Քյոլնի» նկատմամբ։

Հյուրերի կազմում հանդիպման հաշիվը 17-րդ րոպեին բացեց Սերու Գիրասին։ Առաջին խաղակեսի ավելացված ժամանակում՝ 45+2-րդ րոպեին, տանտերերը մնացին 10 հոգով. ուղիղ կարմիր քարտով խաղադաշտից հեռացվեց Ջեմայ Սիմփսոն-Փյուզին։

Երկրորդ խաղակեսում դորտմունդցիները զարգացրեցին հաջողությունը. 60-րդ րոպեին Մաքսիմիլիան Բայերը կրկնապատկեց իր թիմի առավելությունը։ Խաղավերջում՝ 88-րդ րոպեին, Յակուբ Կամինսկուն հաջողվեց կրճատել հաշվի տարբերությունը, սակայն փրկել խաղը «Քյոլնին» չհաջողվեց։

Հանդիպման գոլերը՝ ԱՅՍՏԵՂ

Բունդեսլիգայի մրցաշարային աղյուսակը՝ ստորև․

Գերմանական Բունդեսլիգայի 17-րդ տուրի շրջանակում մյունխենյան «Բավարիան» հյուրընկալվելիս մրցեց «Քյոլնի» հետ։ Հանդիպումն ավարտվեց հյուրերի հաղթանակով՝ 3։1 հաշվով։

Խաղի մեկնարկից կարճ ժամանակ անց հանդիպումը ստիպված էին ընդհատել մոտ 9 րոպեով՝ երկրպագուների կողմից պիրոտեխնիկայի կիրառման և առաջացած ուժեղ ծխի պատճառով։

Խաղը վերսկսելուց հետո՝ 41-րդ րոպեին, տանտերերը բացեցին հաշիվը Լինտոն Մայնայի ջանքերով, սակայն մյունխենցիներին հաջողվեց հավասարեցնել հաշիվը դեռևս առաջին խաղակեսի ավելացված ժամանակում. աչքի ընկավ Սերժ Գնաբրին։

Երկրորդ կեսում Վենսան Կոմպանիի թիմը զարգացրեց հաջողությունը։ 71-րդ րոպեին կորեացի պաշտպան Կիմ Մին Ջեն առաջ մղեց «Բավարիային», իսկ հանդիպման վերջակետը 84-րդ րոպեին դրեց երիտասարդ կիսապաշտպան Լենարտ Կարլը։

Այս հաղթանակից հետո «Բավարիան» վաստակեց 47 միավոր և շարունակում է վստահորեն գլխավորել մրցաշարային աղյուսակը։ «Քյոլնը» 17 միավորով 12-րդ հորիզոնականում է։

Հանդիպման գոլերը՝ ԱՅՍՏԵՂ

Բունդեսլիգայի մրցաշարային աղյուսակն այս պահին

Մյունխենի «Բավարիան» Գերմանիայի Գավաթի 1/16 եզրափակչում Քյոլնի «ՌայնԷներգիՇտադիոն» մարզադաշտում 4:1 հաշվով վստահ հաղթանակ տարավ «Քյոլնի» նկատմամբ։

Խաղի մեկնարկը անակնկալ մատուցեց, երբ 31-րդ րոպեին տանտերերի հարձակվող Ռագնար Ախեն բացեց հաշիվը։

Սակայն «Բավարիան» արագ արձագանքեց․ 36-րդ րոպեին աչքի ընկավ Լուիս Դիասը, իսկ 38-րդ րոպեին Հարի Քեյնն առաջ մղեց մյունխենցիներին։ Երկրորդ խաղակեսում «Բավարիան» ամրապնդեց առավելությունը. Քեյնը 64-րդ րոպեին ձևակերպեց դուբլ, իսկ 72-րդ րոպեին Մայքլ Օլիսեն խփեց վերջնական գոլը։

Հանդիպման գոլերը՝ ԱՅՍՏԵՂ

Օրվա մյուս խաղերում գրանցվեցին հետևյալ արդյունքները․

• «Մայնց» — «Շտուտգարտ»՝ 0:2
• «Պադերբորն 07» — «Բայեր»՝ 2:4 (լրացուցիչ ժամանակում)

Դորտմունդի «Բորուսիան» Գերմանիայի Բունդեսլիգայի 3-րդ տուրի խաղում հաղթեց «Հայդենհայմին»՝ 2:0 հաշվով։ Հաղթողների կազմում գոլեր խփեցին Սերու Գիրասին և Մաքսիմիլիան Բայերը։

Գիրասին Բունդեսլիգայում անընդմեջ 8-րդ խաղում աչքի ընկավ առնվազն մեկ գոլով։ Այս հաղթանակից հետո «Բորուսիան» գլխավորեց մրցաշարային աղյուսակը՝ հավաքելով 7 միավոր։

Heidenheim 0-[1] Borussia Dortmund — Serhou Guirassy 33′
byu/suedney insoccer

Heidenheim 0-[2] Borussia Dortmund — Maximilian Beier 45+6′
byu/suedney insoccer

Բունդեսլիգայի մրցաշարային աղյուսակը՝ ստորև

«Քյոլնի» հայ հարձակվող Սարգիս Ադամյանը խափանել է «Օսնաբրյուկ» տեղափոխվելու գործարքը, հայտնում է Geißblog Köln-ը: Ըստ աղբյուրի՝ ակումբի մարզական տնօրեն Թոմաս Կեսլերը պայմանավորվել էր 32-ամյա ֆուտբոլիստին վաճառել 400,000 եվրոյով, ընդ որում՝ երրորդ լիգայի ակումբը պատրաստ էր բավարարել Ադամյանի աշխատավարձային պահանջները: Սակայն տրանսֆերը չի կայացել, և վերջերս Բունդեսլիգա վերադարձած «Քյոլնը» ստիպված է այժմ նոր տարբերակներ փնտրել:

Ադամյանը «Քյոլնի» երեք հարձակվողներից մեկն էր, որոնք տեղափոխվել էին պահեստային թիմ՝ աշխատավարձերի ծախսերը կրճատելու նպատակով: Ակումբը վերջերս հաջողությամբ վաճառել է Շտեֆեն Տիգեսին «Պադերբորնին», և սպասվում էր, որ Ադամյանի տրանսֆերն էլ կհաստատվի: Այդ դեպքում Ֆլորիան Դիցը կդառնար U21 թիմի հետ մարզվող միակ հարձակվողը:

Աղբյուրը նշում է, որ Ադամյանի վաճառքը միշտ էլ բարդ խնդիր է եղել: Հայաստանի հավաքականի նախկին խաղացողը, տեղեկությունների համաձայն, ամսական վաստակում է 100,000 եվրո: Նախորդ մրցաշրջանում «Քյոլնը» ժամանակավորապես ազատվել էր նրա աշխատավարձի բեռից՝ վարձավճարով ուղարկելով «Յան Ռեգենսբուրգ» (Բունդեսլիգա 2), որտեղ Ադամյանը խփել է իր 21-րդ և 22-րդ գոլերը երկրորդ դիվիզիոնում: Ընդհանուր առմամբ, նա Գերմանիայի Բունդեսլիգայում «Քյոլնի» և «Հոֆենհայմի» կազմում խփել է 10 գոլ:

«Քյոլնը» դեռ հնարավորություն ունի գտնելու ակումբներ Ադամյանի և Դիցի համար: 27-ամյա Ֆլորիան Դիցը նախորդ մրցաշրջանի երկրորդ կեսին վարձավճարով խփել է երկու գոլ: 2025 թվականի առաջին կեսը նա անցկացրել է Ավստրիայի Բունդեսլիգայի «Ալթախ» ակումբում: Դիցը նաև փոքր փորձ ունի Գերմանիայի Բունդեսլիգայում՝ խփելով մեկ գոլ «Քյոլնի» կազմում անցկացրած 16 խաղում:

«Քյոլնի» ղեկավարությունն այժմ կենտրոնացած է ֆինանսական օպտիմալացման և թիմի կազմի ամրապնդման վրա՝ միաժամանակ փորձելով լուծել Ադամյանի ապագայի հարցը:

Երեկ՝ օգոստոսի 9-ին կայացան մի շարք ընկերական հանդիպումներ։

Ներկայացնում ենք արդյունքներն ու տեսանյութերը․

«Մանչեսթեր Յունայթեդ» — «Ֆիորենտինա»՝ 1:1

«Քյոլն» — «Ատալանտա»՝ 4:0

«Վերդեր» — «Ուդինեզե»` 1:2

«Լիդս» — «Միլան»` 1:1

«Էվերթոն» — «Ռոմա»՝ 0:1

«Բերնլի» — «Լացիո»՝ 0:1

«Վեսթ Հեմ» — «Լիլ»` 1:1

«Շտուտգարտ» — «Բոլոնիա»՝ 0:1

«Լանս» — «Լեյպցիգ»՝ 2:1

«Արսենալ» — «Ատլետիկ»՝ 3:0

«Մարսել» — «Ասթոն Վիլա»՝ 3:1

«Վալենսիա» — «Տորինո»՝ 3։0

«Նյուքասլ» — «Ատլետիկո»՝ 0:2

«Ֆուլհեմ» — «Այնթրախտ» Ֆ․՝ 1:0

«Լիոն» — «Խետաֆե»՝ 2:1

«Նապոլի» — «Ժիրոնա»՝ 3:2

«Պալերմո» — «Մանչեսթեր Սիթի»՝ 0:3

Հայաստանի ազգային հավաքականի նախկին հարձակվող Սարգիս Ադամյանը, որն արդեն պետք է տեղափոխվեր Գերմանիայի երրորդ լիգան ներկայացնող «Օսնաբրյուկ» ակումբ, դեռևս չի կարողացել համաձայնության գալ «Քյոլնի» հետ պայմանագրի վաղաժամկետ խզման վերաբերյալ։ Այս մասին հայտնում է գերմանական Express պարբերականը։

Հարձակվողի գործող պայմանագրի ժամկետը «Քյոլնի» հետ նախատեսված է ևս մեկ տարի, և նա համարվում է ակումբի ամենաբարձր վարձատրվող խաղացողներից մեկը։ Սակայն այս մրցաշրջանում Ադամյանը չի մտնում մարզչական շտաբի ծրագրերի մեջ և խաղաժամանակ չի ստանալու։

Կողմերի միջև բանակցությունները շարունակվում են, սակայն համաձայնության հասնելու շանսերը քիչ են։ «Քյոլնը» չի ցանկանում փոխհատուցում վճարել պայմանագրի խզման համար, իսկ Ադամյանը պատրաստ չէ խզել պայմանագիրը առանց այդ պայմանագրային կետերի կատարման։

Ադամյանը նախորդ մրցաշրջանի ավարտը անցկացրեց վարձակալությամբ «Յան Ռեգենսբուրգում», որը դուրս մնաց 2-րդ Բունդեսլիգայից։ Այնտեղ նա անցկացրեց 16 խաղ և խփեց 2 գոլ։

«Քյոլնի» հարձակվող Սարգիս Ադամյանը, ով 32 տարեկան է, մոտ է Գերմանիայի երրորդ դիվիզիոնի «Օսնաբրյուկ» ակումբ տեղափոխությանը, գրում է Bild-ը։

Կողմերը գտնվում են ակտիվ բանակցությունների փուլում, և գործարքը կարող է պաշտոնապես հաստատվել առաջիկա օրերին։

Ադամյանը «Քյոլնում» այլևս ապագա չունի։ Թիմի նոր գլխավոր մարզիչ Լուկաս Կվասնյոկը նրան չի ընդգրկել նախապատրաստական խաղերում՝ բացատրելով, որ խաղաժամանակի հավանականությունը փոքր է։ Անցած մրցաշրջանի առաջին կեսին Ադամյանը մասնակցել է ընդամենը 6 հանդիպման՝ խաղադաշտում անցկացնելով 125 րոպե։ Հետագայում նա վարձավճարով տեղափոխվել է «Յան Ռեգենսբուրգ», սակայն այդ թիմը նույնպես նահանջել է լիգայից, և մշտական տրանսֆերը չի կայացել։

«Օսնաբրյուկում» Ադամյանը կաշխատի իր նախկին մարզիչ Տիմո Շուլցի հետ, ով 2023 թվականի ձմռանը ժամանակավորապես գլխավորել էր «Քյոլնը»։ Այդ ժամանակ Ադամյանի մոտ նոր մոտիվացիա էր առաջացել, սակայն մեկ տարի անց պարզ է, որ նա լքում է «Քյոլնը»՝ 60 խաղում խփելով ընդամենը 4 գոլ։

«Քյոլնը» ձգտում է ազատվել Ադամյանի մոտ մեկ միլիոն եվրո կազմող աշխատավարձից։ Ներկայումս նա մարզվում է ակումբի Մ21 թիմի հետ։