Քանյե Ուեսթ — Armsport.am https://armsport.am Սպորտային լուրեր Mon, 06 Apr 2026 15:46:02 +0000 hy-AM hourly 1 https://wordpress.org/?v=6.8.5 https://armsport.am/wp-content/uploads/2020/08/117234954_601576137219348_199328778928507485_n.png Քանյե Ուեսթ — Armsport.am https://armsport.am 32 32 Տոտենհեմն արգելել է Քանյե Ուեսթին համերգ տալ իր մարզադաշտում․ Daily Mail https://armsport.am/594293/ Mon, 06 Apr 2026 19:45:11 +0000 https://armsport.am/?p=594293 Լոնդոնի «Տոտենհեմը» մերժել է ամերիկացի հայտնի ռեփեր և պրոդյուսեր Քանյե Ուեսթին՝ թույլ չտալով նրան ելույթ ունենալ ակումբի տնային մարզադաշտում։ Այս մասին հայտնում է անգլիական Daily Mail պարբերականը։ Աղբյուրի համաձայն՝ ակումբի նման որոշման պատճառն արտիստի հակասեմական հայտարարություններն են, ինչպես նաև «Տոտենհեմի» պատմական կապերը հրեական համայնքի հետ։ Մերժումից հետո ռեփերը հրավեր է ստացել ելույթ ունենալու Wireless Festival-ում, […]]]>

Լոնդոնի «Տոտենհեմը» մերժել է ամերիկացի հայտնի ռեփեր և պրոդյուսեր Քանյե Ուեսթին՝ թույլ չտալով նրան ելույթ ունենալ ակումբի տնային մարզադաշտում։ Այս մասին հայտնում է անգլիական Daily Mail պարբերականը։

Աղբյուրի համաձայն՝ ակումբի նման որոշման պատճառն արտիստի հակասեմական հայտարարություններն են, ինչպես նաև «Տոտենհեմի» պատմական կապերը հրեական համայնքի հետ։

Մերժումից հետո ռեփերը հրավեր է ստացել ելույթ ունենալու Wireless Festival-ում, ինչը մեծ աղմուկ է բարձրացրել և արժանացել կոշտ քննադատության։ Սկանդալի արդյունքում փառատոնի երկու խոշոր հովանավորներ հրաժարվել են համագործակցությունից:

Նախ Pepsi ընկերությունն է հայտարարել հովանավորությունը դադարեցնելու մասին՝ ի նշան բողոքի, որ Ուեսթն ընտրվել է որպես փառատոնի գլխավոր արտիստ: Ժամեր անց նույն քայլին է դիմել նաև Diageo ընկերությունը (որին պատկանում են Guinness, Johnnie Walker և Captain Morgan ապրանքանիշերը):

Ստեղծված իրավիճակին արձագանքել է նաև Մեծ Բրիտանիայի վարչապետ Քիր Սթարմերը։ Նա փառատոնի կազմակերպիչների որոշումն անվանել է «խորապես մտահոգիչ»՝ հավելելով, որ հաշվի առնելով ռեփերի նախկին հակասեմական հայտարարությունները՝ չի բացառվում, որ արգելվի նրա մուտքը Միացյալ Թագավորություն։

]]>