Տրանսֆերային ՇՇուկներ — Armsport.am

Տրանսֆերային ՇՇուկներ. Էդեգորը կվերադառանա Մադրիդ, Մալդինիի հրաժեշտի ժեստը ակումբը լքելուց առաջ

Վարուժան Բաբայան — Wed, 27 May 2020 07:57:00 +0000

ArmSport-ը շարունակում է ծանոթացնել համաշխարհային ֆուտբոլի վերջին շաբաթվա տրանսֆերային նորություններին՝ սեղմ տարբերակով։

«Ռեալը» կարող է ընդգրկել աջ պաշտպան Աշրաֆ Հակիմիին Դորտմունդի «Բորուսիայի» հարձակվող Էրլինգ Հոլանդի տրանսֆերային գործարքում: Այդ մասին հայտնում է AS-ը: Ներկայումս Հակիմին հանդես է գալիս «Բորուսիայում» վարձավճարով:

«Մանչեսթեր Սիթին» նախկինի պես հետաքրքրված է «Բայերի» կիսապաշտպան Լեոն Բեյլիի ծառայություններով։ Այս մասին տեղեկացնում է Daily Mail-ը։

Լոնդոնի «Տոտենհեմն» ու ՊՍԺ-ն լրջորեն հետաքրքրված են «Ատալանտայի» աջ եզրային պաշտպան Տիմոտի Կաստանի ծառայություններո վ։

«Չելսիի» կիսապաշտպան Վիլիանը կարող է տեղափոխվել Իտալիա: Այս մասին հայտնում է Sport Mediaset-ը: 31-ամյա կիսապաշտպանի պայմանագիրն ակումբի հետ ավարտվում է ամռանը:

«Ալ-Հիլալի» կիսապաշտպան Սեբաստիան Ջովինկոն կարող է վերադառնալ «Պարմա», հաղորդում է Sky Italia-ն: Իտալական ակումբը մտադիր է 2 տարվա պայմանագիր առաջարկել 33-ամյա կիսապաշտպանին:

«Յուվենտուսը» հրաժարվել է «Մանչեսթեր Յունայթեդի» կիսապաշտպան Պոլ Պոգբային ձեռք բերելու մտքից:

«Նապոլիի» հարձակվող Արկադիուշ Միլիկը, ամենայն հավանականությամբ, առաջիկա տրանսֆերային պատուհանի ընթացքում կհեռանա ակումբից։

Իտալացի հայտնի լրագրող Ջանլուկա Դի Մարցիոն հայտնել է, որ «Բարսելոնան» ցանկանում է իր կազմում տեսնել «Հերտայի» երիտասարդ տաղանդ Լազար Սամարջիչին:

«Միլանի» տեխնիկական տնօրեն Պաոլո Մալդինին կարող է օգնել ակումբին երկարաձգել պայմանագիրը դարպասապահ Ջանլուիջի Դոննարումայի հետ՝ որպես հրաժեշտի ժեստ ակումբը լքելուց առաջ, հայտնում է Calciomercato-ն: Դոնարումայի պայմանագիրը լրանում է 2021 թվականի հունիսին:

«Ռեալի» ճապոնացի կիսապաշտպան Տակեֆուսա Կուբոն, որը վարձակալական հիմունքներով խաղում է «Մալյորկայում», հայտնվել է Լա լիգայի երկու ակումբների ուշադրության կենտրոնում:

«Բրեշիայի» հարձակվող Մարիո Բալոտելին կարող է շարունակել կարիերան Բրազիլիայում, հայտնում է Football Italia-ն: Ֆուտբոլիստի գործակալ Մինո Ռայոլան աշխատում է այդ ուղղությամբ:

Իտալական «Ֆիորենտինայի» պաշտպան Հերման Պեցելյան հայտնվել է «Ռոմայի» ուշադրության կենտրոնում: Նրա պայմանագիրն իտալական ակումբի հետ գործում է մինչև 2022 թվականը:

Ռուսական «Ուրալի» կիսապաշտպան Պետրուս Բումալը կարող է հայտնվել «Ֆուլհեմում», տեղեկացնում է Footleauge.uk-ը:

Իտալական «Ֆիորենտինայի» կիսապաշտպան Միլան Բադելը կարող է տեղափոխվել «Լոկոմոտիվ», գրում է Championat-ը:

Ֆրանսիական «Մարսելի» կիսապաշտպան Ֆլորիան Տովենը կարիերան կարող է շարունակել «Ինտերում», հաղորդում է Sky Italia-ն:

ՄՅՈւ-ն չի կարողանում համաձայնության գալ «Շանհայ Շենհուայի» հետ Օդիոն Իգալոյի վարձակալության ժամկետը երկարաձգելու վերաբերյալ։

«Բետիսի» կիսապաշտպան Նաբիլ Ֆեկիրը կարող է փոխել ակումբային գրանցումը այս ամառ, գրում է Mundo Deportivo-ն: Ֆրանսիացու ծառայություններով հետաքրքրված է «Բարսելոնան»:

«Բարսելոնայի» կիսապաշտպան Արտուր Մելոն հայտարարել է, որ մտադրություն չունի լքել կատալոնական ակումբը` չնայած այլ ակումբների կողմից հետաքրքրությանը:

Ֆրանսիական ՊՍԺ-ի ղեկավարությունը պատրաստվում է գնել Մաուրո Իկարդիի տրանսֆերը «Ինտերից», ով խաղում է փարիզյան ակումբում վարձավճարով: La Gazzetta dello Sport-ի լրագրող Նիկոլա Սկիրայի տեղեկություններով, ՊՍԺ-ն իտալացիներին կառաջարկի 55 միլիոն եվրոյից մինչև 60 միլիոն եվրո:

Իտալական «Նապոլիի» բրազիլացի ֆուտբոլիստ Ալանը կարող է հայտնվել «Էվերտոնում», տեղեկացնում է Il Mattino-ն: Կառլո Անչելոտին անձամբ է հետաքրքրված այս տրանսֆերով:

The Sun-ը հայտնում է, որ «Վուլվերհեմփթոնի» հարձակվող Ադամա Տրաորեն հետաքրքրել է «Լիվերպուլին» և անձամբ ակումբի գլխավոր մարզիչ Յուրգեն Կլոպին:

Գերմանական «Շալկեի» հարձակվող Ռոբբի Մատոնդոն շարունակում է մնալ եվրոպական թոփ ակումբների ուշադրության կենտրոնում։

«Բայերը» առաջիկա տրանսֆերային պատուհանի ընթացքում կարող է 70 միլիոն ֆունտով վաճառել կիսապաշտպան Կայ Հավերցին անգլիական ակումբներից մեկին:

«Չելսին», «Արսենալը» և «Հերտան» հետաքրքրված են «Բավարիայի» պաշտպան Ժերոմ Բոատենգի ծառայություններով:

«Ռեալը» հետաքրքրված է «Սելթիկի» հարձակվող Օդսոն Էդուարդի ծառայություններով: Ֆուտբոլիստի համար պայքարում Մադրիդյան ակումբը կմրցակցի անգլիական ակումբների հետ։

Թուրինի «Յուվենթուսը» մտադիր է առաջիկա տրանսֆերային պատուհանի ընթացքում վաճառել թիմի իտալացի հարձակվող Ֆեդերիկո Բերնարդեսկիին:

Իսպանացի մարզիչ Ռաֆայել Բենիտեսը շուտով կարող է գլխավորել Անգլիայի Պրեմիեր լիգայի «Նյուքասլ» ակումբը: Եթե դա տեղի ունենա, մասնագետը կխնդրի թիմի ղեկավարությանը ձեռք բերել ԱՊԼ-ում հանդես եկող երկու ֆուտբոլիստների, հայտնում է The Telegraph-ը:

Մադրիդի «Ռեալի» կիսապաշտպան Տոնի Կրոսը չի պատրաստվում հեռանալ «արքայական» ակումբից։ AS-ի փոխանցմամբ՝ գերմանացի ֆուտբոլիստը առաջարկներ ունի Չինաստանից և MLS-ից:

Դոնեցկի «Շախտյորի» բրազիլացի պաշտպան Դոդոն կարիերան կարող է շարունակել Ֆրանսիայում կամ Գերմանիայում, հայտնում է Le10sport-ը:

«Բիրմինգհեմի» 16-ամյա ֆուտբոլիստ Ջուդ Բելինգհեմը կարող է հայտնվել Դորտմունդի «Բորուսիայում», տեղեկացնում է Bild-ը:

«Ռեալը» պատրաստվում է տրանսֆերային առաջարկ անել Մյունխենի «Բավարիայի» պաշտպան Ալֆոնսո Դևիսի տեղափոխության հետ կապված:

«Յուվենթուսը» առաջիկա տրանսֆերային պատուհանի ընթացքում փորձելու է վաճառել հարձակվող Գոնսալո Իգուայինին։

«Միլանի» հարձակվող Զլատան Իբրահիմովիչը կարող է մնալ Ա Սերիայում: «Ֆիորենտինան» հետաքրքրված է 38-ամյա շվեդով։

Իտալական «Նապոլին» մտադիր է ձեռք բերել «Ֆիորենտինայի» պաշտպան Նիկոլա Միլինկովիչին, տեղեկացնում է Sky Sport-ը: Միլինկովիչն արդեն տվել է իր համաձայնությունը։

«Ռեալի» կիսապաշտպան Մարտին Էդեգորը, որն այս պահին վարձակալության հիմունքներով հանդես է գալիս «Ռեալ Սոսյեդադում», ամենայն հավանականությամբ ամռանը կվերադառնա մադրիդյան ակումբ: Ինչպես հայտնում է AS-ը, սերուցքայինների գլխավոր մարզիչ Զինեդին Զիդանը 21-ամյա ֆուտբոլիստին արդեն դիտարկում է հաջորդ մրցաշրջանի ծրագրերում:

Շարքի նախորդ մասերը

Արդեն կայացած տրանսֆերներ, եռակողմ տրանսֆերային ծրագիր

Տրանսֆերային ՇՇուկներ․ Մխիթարյանը ցանկանում է մնալ Ռոմայում, Ռեալի ֆուտբոլիստները՝ Նյուքասլի դիտակետում և այլ հավանական տրանսֆերներ

Տրանսֆերային ՇՇուկներ. Արդեն կայացած տրանսֆերներ, եռակողմ տրանսֆերային ծրագիր

Վարուժան Բաբայան — Thu, 21 May 2020 09:47:00 +0000

Մոսկվայի «Սպարտակ» ֆուտբոլային ակումբն իր պաշտոնական կայքում հայտարարեց հարձակվող Ալեքսանդր Սոբոլևի հետ երկարաժամկետ պայմանագիր կնքելու մասին, ով թիմի կազմում խաղում է վարձավճարով: Ըստ transfermarkt-ի, մոսկովյան ակումբը ֆուտբոլիստի տեղափոխության համար «Կռիլյա Սովետովին» կվճարի 4,5 մլն եվրո։

Պաշտոնական․ «Բավարիան» պայմանագիր կնքեց «Հոֆենհայմի» և Գերմանիայի երիտասարդական հավաքականի 17-ամյա հարձակվող Արմինդո Սիբի հետ:

Ըստ football.london-ի ՝ «Տոտենհեմը» կարող է ձեռք բերել «Լացիոյի» հարձակվող Չիրո Իմոբիլեին, ով ներկա դրությամբ համարվում է Եվրոպայի թոփ առաջնությունների գլխավոր ռմբարկուն։

Ֆրանսիական ՊՍԺ-ն ցանկանում է ձեռք բերել «Ատալանտայի» պաշտպան Տիմոտի Կաստանին, հաղորդում է Le10Sport-ը:

«Միլանի» տրանսֆերային հետաքրքրությունների շրջանակում է հայտնվել նիդերլանդական ՊՍՎ-ի պաշտպան Դենզել Դումֆրիսը:

Գերմանական «Լայպցիգի» հարձակվող Տիմո Վերները կարիերան կարող է շարունակել կատալոնական «Բարսելոնայում»: Վերների ծառայություններով հետաքրքրված է նաև «Լիվերպուլը»:

«Բայերի» կիսապաշտպանը «Բարսելոնայի» տրանսֆերային հիմնական նպատակներից մեկն է: Կատալոնական ակումբը պատրաստ է երեք խաղացող առաջարկել գերմանացի կիսապաշտպանի դիմաց:

«Աստոն Վիլան» սահմանել է թիմի ավագ Ջեք Գրիլիշի վերջնական տրանսֆերային արժեքը: 24-ամյա կիսապաշտպանը «Մանչեսթեր Յունայթեդի» գլխավոր տրանսֆերային նպատակներից մեկն է :

Ֆրանսիական «Սոշոն» գնել է Ֆլորենտեն Պոգբային, ով ՄՅՈւ-ի կիսապաշտպան Պոլ Պոգբայի մեծ եղբայրն է, տեղեկացնում է ակումբի պաշտոնական կայքը:

Calciomercato-ն հայտնում է, որ «Չելսիի» երկու ֆուտբոլիստներ մոտ են «Յուվենտուսին» միանալուն: Վերջինս արդեն սկսել է բանակցությունները 25-ամյա պաշտպանի տեղափոխության ուղղությամբ:

Իսպանական «Բարսելոնան» շարունակում է փորձեր ձեռնարկել ձեռք բերելու Արգենտինայի հավաքականի և «Ինտերի» հարձակվող Լաուտարո Մարտինեսին: Ըստ Corriere dello Sport-ի, կատալոնացիները պատրաստ են եռակողմ տրանսֆերի, որին կմասնակցեն «Բարսելոնայի» պաշտպան Նելսոն Սեմեդուն և «Մանչեսթեր Սիթիի» պաշտպան Ժոաու Կանսելուն:

«Միլանը» հետաքրքրված է Սանկտ Պետերբուրգի «Զենիթի» հարձակվող Արտյոմ Ձյուբայով: Այս մասին հայտնում է pianetamilan.it-ը։

«Ռոման» առաջիկա տրանսֆերային պատուհանի ընթացքում ցանկանում է իր կազմը ուժեղացնել ճապոնացի պաշտպանով, ով հանդես է գալիս Ա Սերիայում:

Իտալիայի հավաքականի և «Ֆիորենտինայի» ֆուտբոլիստ Ֆեդերիկո Կիեզան մոտ է «Լիվերպուլ» տեղափոխվելուն: Ֆլորենցիան ներկայացնող ակումբը հաստատել է այդ լուրերը:

Իտալական «Նապոլին» չի ցանկանում թիմում պահել կիսապաշտպան Խոսե Կալյեխոյին, որի պայմանագրի ժամկետն ավարտվում է մրցաշրջանի ավարտին:

ՊՍԺ-ի ղեկավարությանը շարունակում է հետաքրքրություն ցուցաբերել «Լացիոյի» պաշտպան Ադամ Մարուշիչի նկատմամբ, ում պայմանագիրը ակումբի հետ ավարտվում է 2022 թվականի ամռանը:

Անգլիայի Պրեմիեր լիգայի նախկին աստղեր Յայա Տուրեն և Ջոն Օբի Միկելը կարող են կարիերան շարունակել Բրազիլիայում:

«Զալցբուրգի» կիսապաշտպան Դոմինիկ Սոբոսլոյին կարող է տեղափոխվել Անգլիա: Այս մասին հայտնում է TuttoSport-ը։

«Բոլոնյայի» գլխավոր մարզիչ Սինիշա Միխայլովիչը հայտնել է, որ «Միլանի» հարձակվող Զլատան Իբրահիմովիչը հաստատ լքելու է միլանյան ակումբը: «Մենք նրա հետ զրուցեցինք մի քանի օր առաջ հեռախոսով: Տեսնենք, թե նա ինչ որոշում կկայացնի ամռանը: Բայց նա, իհարկե, չի մնա «Միլանում»: Կամ կմիանա «Բոլոնյային», կամ վերադառնա Շվեդիա»,- մեջբերում է մասնագետին Football-italia-ն:

«Դիժոնը» մտադիր է ձեռք բերել «Յուվենտուսի» հարձակվող Ալվարո Մավիդիդիի ամբողջական տրանսֆերը, ով խաղում է ֆրանսիական ակումբում վարձավճարով:

«Բավարիայի» կիսապաշտպան Կորենտեն Տոլիսոն կարող է կարիերան շարունակել Անգլիայում: ՄՅՈւ-ն հետաքրքրված է կիսապաշտպանի ծառայություններով:

«Նապոլիի» բելգիացի հարձակվող Դրիս Մերտենսը, որն առաջիկա տրանսֆերային պատուհանի ժամանակ ազատ գործակալի կարգավիճակ ձեռք կբերի, ընտրել է այն ակումբը, որտեղ ուզում է շարունակել կարիերան։

«Ինտերում» որոշում են կայացրել Վիկտոր Մոզեսի ապագայի վերաբերյալ։ Football Italia-ն հայնում է, որ «ներաձուրիները» չեն պատրաստվում գնել ֆուտբոլիստի տրանսֆերը:

Ֆրանսիական «Բորդոյի» հարձակվող Ֆրանսուա Կամանոն հայտնվել է ռուսական «Կրասնոդարի» ուշադրության կենտրոնում, հաղորդում է Goal-ը:

Մադրիդի «Ռեալի» ղեկավարությունը ցանկանում է բաժանվել Գարեթ Բեյլից: Վերջերս «սերուցքայինները» փորձել են 30-ամյա ուելսցի ֆուտբոլիստին վաճառել MLS-ի ակումբներից մեկին:

Մադրիդի «Ռեալի» ղեկավարությունը հետաքրքրված է «Լիվերպուլի» հարձակվող Սադիո Մանեին ձեռք բերելու հնարավորությամբ:

«Մոնակոյի» հարձակվող Վիսամ Բեն-Յեդերը գրավել է իսպանական և անգլիական թոփ ակումբների ուշադրությունը: AS-ը հայտնում է, որ մի շարք թիմեր հետաքրքրված են խաղացողի ծառայություններով: «Ռեալը», «Աթլետիկոն», «Վալենսիան», «Լիվերպուլը», «Մանչեսթեր Սիթին», «Մանչեսթեր Յունայթեդը», «Տոտենհեմը», «Արսենալը» պատրաստ են մրցակցել ֆրանսիացու տրանսֆերի համար:

«Մանչեսթեր Յունայթեդը» կվերսկսի հարձակվող Էրլինգ Հոլանդին ձեռք բերելու փորձերը, ով խաղում է Դորտմունդի «Բորուսիայի» կազմում:

«Բարսելոնայի» պաշտպան Ժան-Կլեր Տոդիբոն, ով վարձավճարով հանդես է գալիս «Շալկեում», հայտնվել է «Յուվենտուսի» հետաքրքրությունների շրջանակում:

«Նյուքասլը» հետաքրքրված է «Քրիստալ Փելասի» կիսապաշտպան Վիլֆրիդ Զահայով: «Կաչաղակներն» արդեն իսկ նախապատրաստում են տրանսֆերային առաջարկ լոնդոնյան ակումբին՝ իվուարցի կիսապաշտպանի համար:

Մադրիդի «Ռեալի» ղեկավարությունը դիտարկում է «Լիլի» բրազիլացի պաշտպան Գաբրիելին ձեռք բերելու հնարավորությունը։ Այս մասին հաղորդում է AS-ը։

Sport.es-ը հատնում է, որ ՊՍԺ-ի պաշտպան Լեյվին Կուրզավան կարող է կարիերան շարունակել Իսպանիայի առաջնությունում։ Ընթացիկ մրցաշրջանում պաշտպանը մասնակցել է Լիգա 1-ի 14 խաղի:

«Պորտուի» պաշտպան Ալեքս Տելեսը կարող է կարիերան շարունակել Ֆրանսիայում: Այս մասին հայտնում է A Bola-ն:

Իտալիայի երիտասարդական հավաքականի և «Բրեշիայի» կիսապաշտպան Սանդրո Տոնալին մոտ է «Ինտեր» տեղափոխությանը:

«Նյուքասլը» պատրաստվում է պայմանագիր կնքել «Նապոլիի» կիսապաշտպան Իրվինգ Լոսանոյի հետ: Այս մասին հայտնում է TodoFichajes-ը:

Ըստ Calciomercato-ի ՝ «Յուվենտուսի» հարձակվող Գոնսալո Իգուաինը կարող է տեղափոխվել MLS ակումբներից մեկը:

«Պարի Սեն Ժերմենի» հարձակվող Կիլիան Մբապեն չի պատրաստվում հեռանալ փարիզյան ակումբից, հաղորդում է L’Equipe-ը։ Աշխարհի 2018 թվականի չեմպիոնի անունը կապվում է Մադրիդի «Ռեալի» հետ, սակայն ֆինանսական առկա իրավիճակում Մբապեն չի պատրաստվում հեռանալ ՊՍԺ-ից։

Շարքի նախորդ մասերը