Թուրքիայում շարունակվում է լայնածավալ հետաքննությունը, որը վերաբերում է մարզական միջոցառումների վրա ֆուտբոլիստների և մրցավարների կողմից խաղադրույքներ կատարելու սկանդալին։ Տարբեր դիվիզիոնների ավելի քան 1000 ֆուտբոլիստ հեռացվել է ֆուտբոլից խաղադրույքներ կատարելու պատճառով, որոնցից 27-ը հանդես են գալիս Սուպերլիգայի ակումբներում, հաղորդում է Marca-ն։

Կասեցված խաղացողների թվում կան «Գալաթասարայի», «Բեշիկթաշի», «Տրաբզոնսպորի» և «Անթալյասպորի» ներկայացուցիչներ։

Թուրքիայի ֆուտբոլի ֆեդերացիան արդեն բանակցություններ է սկսել ՖԻՖԱ-ի հետ՝ լրացուցիչ տրանսֆերային պատուհան բացելու վերաբերյալ, քանի որ երկրորդ և երրորդ դիվիզիոնների բազմաթիվ ակումբներ ներկայումս չունեն բավարար կազմ՝ խաղերն անցկացնելու համար։ Այդ պատճառով այս երկու առաջնություններն այժմ ժամանակավորապես կասեցված են։

Նախկինում նույն հետաքննության շրջանակում պատժվել էին 149 մրցավար, իսկ ավելի քան 40 խաղի պատվիրակներ հրաժարական էին տվել։ Թուրքիայի ֆուտբոլի ֆեդերացիայի անցկացրած ուսումնասիրություններից հետո դատախազությունը նախնական կալանք է պահանջել 17 մրցավարի և մեկ մարզական լրագրողի համար, մինչդեռ գործով ներգրավված մյուս 11 մեղադրյալ ազատ են արձակվել գրավի դիմաց։

«Տրաբզոնսպորը» համաձայնության էր եկել թե՛ «Կրասնոդարի», թե՛ Էդուարդ Սպերցյանի հետ, սակայն Հայաստանի ազգային հավաքականի գլխավոր մարզչի պաշտոնակատար Սուրեն Չախալյանի միջամտությունից հետո տրանսֆերը չկայացավ: Այս մասին հայտնում է թուրքական fotospor.com-ը։

Թուրքական լրատվամիջոցների տեղեկություններով՝ «Տրաբզոնսպորը» հունվարին տրանսֆերային առաջարկ է արել ռուսական ակումբին, սակայն գործարքը ձախողվել է քաղաքական պատճառներով:

Նշվում է, որ ռուսական ակումբը պատրաստ էր բաց թողնել 24-ամյա ֆուտբոլիստին, իսկ «Տրաբզոնսպորը» 10 միլիոն եվրոյից բարձր առաջարկ էր արել՝ ներառյալ բոնուսներն ու հետագա վաճառքի տոկոսը:

Աղբյուրի հաղորդմամբ՝ Սպերցյանը չէր մերժել առաջարկը։ Ֆուտբոլիստի գործակալ Ռաֆայելա Պիմենտայի հետ բանակցությունները առաջ էին ընթանում, և Սպերցյանը ևս համակրում էր այդ գաղափարը, քանի որ Թուրքիայում կրկնակի բարձր աշխատավարձ էր ստանալու: Նշվում է նաև, որ «Կրասնոդարը» թույլատրել է Սպերցյանին հանդիպել «Տրաբզոնսպորի» ներկայացուցիչների հետ։

Սակայն Հայաստանի հավաքականի գլխավոր մարզչի պաշտոնակատար Սուրեն Չախալյանը և հայկական ֆուտբոլային շրջանակները քննարկել են հարցը և համոզել Սպերցյանին հրաժարվել «Տրաբզոնսպորից», պնդելով, որ դա կարող է բացասաբար անդրադառնալ նրա ազգային հավաքականի կարիերայի վրա:

Աղբյուրը նշում է, որ ավելի վաղ Զախարյանն էլ նույն պատճառով չգնաց Թուրքիա։ «Ռեալ Սոսյեդադի» ներկայիս խաղացողին ցանկանում էր ձեռք բերել «Գալաթասարայը», սակայն նա նույնպես քաղաքական պատճառներով հրաժարվեց՝ նախընտրելով բասկյան ակումբը։

Անգլիակն «Չելսիի» մարզչական շտաբում աշխատած Էդի Նյուտոնը գլխավորել է թուրքական «Տրաբզոնսպորը», տեղեկացնում է ակումբի պաշտոնական կայքը:

Notre entraîneur pour la saison 2020/2021 sera Eddie Newton !
Nous lui souhaitons que de la réussite et espérons qu’il sera à la hauteur de l’attente des supporters ! pic.twitter.com/fFDPuBjmdy

— Trabzonspor France (@Trabzonspor_FR) August 2, 2020

Հավելենք, որ Նյուտոնը ժամանակին նաև հանդես է եկել լոնդոնյան ակումբի կազմում և հանդիսանում է «Չելսիի» պատմության լավագույն ֆուտբոլիստներից մեկը:

ԱՊԼ-ի մի քանի ակումբներ կպայքարեն «Տրաբզոնսպորի» դարպասապահ Ուգուրչան Չակիրին ձեռք բերելու համար, տեղեկացնում է Sunday Times-ը:

«Տրաբզոնսպորը» մեկ տարով զրկվել է Չեմպիոնների լիգայի, կամ Եվրոպա լիգայի խաղարկություններին մասնակցելու հնարավորությունից։

ՈՒԵՖԱ-ի ակումբների ֆինանսական վերահսկողության պալատը պատժել է թուրքական ակումբին ֆինանսական ֆեյր-փլեյի կանոնները չպահպանելու համար։

2016 թվականի մայիսին ՈՒԵՖԱ-ն և «Տրաբզոնսպորը» խաղաղ համաձայնություն էին կնքել, որով ակումբը պարտավորվում էր մի շարք պայմաններ կատարել։ Հակառակ դեպքում թիմին սպառնում էր հեռացում եվրագավաթներից մեկ տարով։

ՈՒԵՖԱ-ի և թուրքական ակումբի միջև ձեռքբերված պայմանները չեն պահպանվել։ Այսպիսով, առաջիկա երկու մրցաշրջաններից մեկում (2020/21 և 2021/22) «Տրաբզոնսպորը» զրկվելու է եվրագավաթներին մասնակցելու հնարավորությունից։

До приостановки нынешнего сезона из-за пандемии коронавируса «Трабзонспор», набрав 53 очка в 26 турах, лидировал в чемпионате Турции.

Թուրքական «Տրաբզոնսպոր» ակումբի նախագահ Ահմետ Ահանօղլուն կարծում է , որ Թուրքիայի առաջնությունը չի կարելի դադարեցնել, տեղեկացնում է The Sun-ը:

«Ֆուտբոլը միակ բանն է, ինչը հանգստացնում է թուրքական հասարակությանը: Դրա միջոցով մենք ազատվում ենք սթրեսից:

Առաջնության դադարեցումը կբերի ապահարզանների կտրուկ աճի: Երկրում այդքան դատավոր հնարավոր չէ գտնել, ովքեր կզբաղվեն այդ ապահարզաններով:

«Տրաբզոնսպորը» գլխավորում է մրցաշարային աղյուսակը և պետք է չեմպիոն հռչակվի»,- ասել է Ահանօղլուն:

Հիշեցնենք, որ եվրոպական գրեթե բոլոր առաջնությունները դադարեցված են: Պատճառը կորոնավիրուսի համաճարակն է:

Դրանց թվին չեն պատկանում միայն՝ Թուրքիայի և Բելառուսի առաջնությունները:

Հավելենք, որ Թուրքիայում գրանցվել է վարակման 98 դեպք և կա 1 զոհ:

Թուրքական «Տրաբզոնսպորի» անգլիացի հարձակվող Դանիել Սթարիջը կարող է տեղափոխվել «Ասթոն Վիլա», հաղորդում է Talksport-ը:

Նշվում է, որ անգլիական ակումբը 4,2 միլիոն եվրո է առաջարկել 30-ամյա հարձակվողի համար:

Հիշեցնենք, որ Սթարիջը անցած ամռանը ազատ գործակալի կարգավիճակով էր տեղափոխվել թուրքական ակումբ:

Թուրքիայի այս առաջնությունում նա մասնակցել է 9 հանդիպման և դարձել՝ 4 գոլի հեղինակ: