Տոմ — Armsport.am

Արտյոմ Սիմոնյանը հեռացել է Տոմից

Նարե Հովհաննիսյան — Sun, 13 Jun 2021 11:09:01 +0000

26-ամյա հայ կիսապաշտպան Արտյոմ Սիմոնյանի և ռուսական «Տոմ» ակումբի միջև գործող պայմանագրի ժամկետն ավարտվել է ու կողմերը որոշել են այն չերկարաձգել։ Այս մասին հայտնում է ռուսական ակումբի պաշտոնական կայքը։

Հիշեցնենք՝ Սիմոնյանը հունվարին «Նոայից» էր տեղափոխվել «Տոմ»՝ թիմի արդեն նախկին գլխավոր մարզիչ Ալեքսանդր Կերժակովի հրավերով։

Տոմսը ներկայացնող ակումբի կազմում Սիմոնյանը հասցրեց ՖԱԼ-ի 16 հանդիպման մասնակցել՝ դառնալով 4 գոլի հեղինակ։

ՖԱԼ․ Տոմը խոշոր հաշվով հաղթանակ է տարել, Սիմոնյանը մասնակցել է հանդիպմանը

Վարուժան Բաբայան — Wed, 28 Apr 2021 13:41:36 +0000

«Տոմը» ՖԱԼ-ի առաջնության 39-րդ տուրում խոշոր հաղթանակ տարավ «Չայկայի» նկատմամբ: Այսօր Տոմսկում կայացած հանդիպումն ավարտվեց 3:0 հաշվով ՝ հօգուտ Արտյոմ Սիմոնյանի թիմի:

Հայ ֆուտբոլիստը մեկնարկային րոպեներից մասնակցեց խաղին և փոխարինվեց հանդիպման 76-րդ րոպեին։

«Տոմը» վաստակեց 37 միավոր և բարձրացավ աղյուսակի 18-րդ հորիզոնական ՝ բարելավելով իր դիրքերը ՖԱԼ-ում տեղը պահպանելու պայքարում: «Չայկան» 47 միավորով զբաղեցնում է 13-րդ տեղը:

ՖԱԼ․ Կրասնոդար-2-ը և Տոմը հաղթանակներ են տարել․ Սպերցյանն ու Սիմոնանը մասնակցել են հանդիպումներին

Վարուժան Բաբայան — Mon, 12 Apr 2021 05:41:44 +0000

ՖԱԼ-ի 36-րդ տուրի շրջանակում «Կրասնոդար-2»-ը սեփական հարկի տակ 2-0 հաշվով հաղթել է «Իրտիշին», իսկ «Տոմը» արտագնա խաղում նվազագույն հաշվով հաղթել է «Բալթիկային»։

Երկու խաղերում էլ իրենց թիմերի կազմում ամբողջական հանդիպում են անցկացրել Էդուարդ Սպերցյանն ու Արտյոմ Սիմոնյանը։

Սպերցյանի թիմն այս խաղից հետո 41 միավորով զբաղեցնում է մրցաշարային աղյուսակի 15-րդ հորիզոնականը, իսկ Սիմոնյանի «Տոմը» 32 միավորով 19-րդն է։

Սպերցյանը այս մրցաշրջանում ՖԱԼ-ում անցկացրել է 26 հանդիպում և դարձել է 14 գոլի հեղինակ (3-րդ լավագույն ցուցանիշը լիգայում), սիկ Սիմոնյանն իր ակտիվում ունի 10 հանդիպում և 3 գոլ։

ՖԱԼ․ Սիմոնյանի գոլը փրկել է իր թիմին պարտությունից

Վարուժան Բաբայան — Thu, 08 Apr 2021 08:54:51 +0000

ՖԱԼ-ի 35-րդ տուրի շրջանակում «Տոմը» սեփական հարկի տակ ընդունել էր «Կրասնոդար-2»-ին։ Հանդիպումն ավարտվել է ոչ-ոքի՝ 1-1 հաշվով։

Տանտերերի կազմում հանդիպման վերջին րոպեներին աչքի է ընկել Արտյոմ Սիմոնյանը, ում գոլը փրկել է Տոմսկը ներկայացնող թիմին խուսափել պարտությունից։ Սիմոնյանն այդ խաղում ամբողջական հանդիպում է անցկացրել։

Հյուրերի կազմում հանդիպմանը չի մասնակցել Հայաստանի հավաքականի կիսապաշտպան Էդուարդ Սպերցյանը։

Այս խաղից հետո «Տոմը» 29 միավորով 19-րդ հորիզոնականում է, իսկ «Կրասնոդար-2»-ը 38 միավորով՝ 16-րդ։

ՖԱԼ․ Տոմը գոլազուրկ ոչ-ոքի է խաղացել, Սիմոնյանը մասնակցեց ամբողջ հանդիպմանը

Վարուժան Բաբայան — Sat, 03 Apr 2021 13:45:11 +0000

ՖԱԼ-ի 34-րդ տուրի շրջանակում «Տոմը» արտագնա խաղում հանդիպեց «Ակրոնի» հետ։ Հանդիպումն ավարտվեց ոչ-ոքի՝ 0-0 հաշվով։

«Տոմի» կազմում մեկնարկային րոպեներից խաղին մասնակցեց Արտյոմ Սիմոնյանը, ով ամբողջական հանդիպում անցկացրեց։

Այս խաղից հետո «Տոմը» վաստակել է 28 միավոր և զբաղեցնում է մրցաշարային աղյուսակի 19-րդ հորիզոնականը։

Սիմոնյանն այս մրցաշրջանում ռուսական ակումբի կազմում ՖԱԼ-ում անցկացրել է 8 հանդիպում՝ դառնալով 2 գոլի հեղինակ։

Սիմոնյանի դուբլը հաղթանակ է բերում Տոմին՝ Ախմատի դեմ խաղում

Վարուժան Բաբայան — Thu, 11 Feb 2021 14:07:41 +0000

«Տոմը» ընկերական խաղում հաղթանակ է տարել «Ախմատի» նկատմամբ 3: 2 հաշվով:

Թիմի նորեկ Արտյոմ Սիմոնյանը դուբլի հեղինակ է դարձել, իսկ Իլյա Զուեւը խփել է ևս մեկ գնդակ: Հիշեցնենք, որ «Տոմը» հանդես է գալիս ՖԱԼ-ում, իսկ թիմը գլխավորում է Ռուսասատանի հավաքականի նախկին ֆուտբոլիստ Ալեքսանդր Կերժակովը։

Նշենք, որ սա Սիմոնյանի երկրորդ անընդմեջ դուբլն է․ ավելի վաղ նա երկու գոլով աչքի էր ընկել նաև «Ռուբինի» հետ խաղում։

Արտյոմ Սիմոնյանը տեղափոխվեց ՖԱԼ-ը ներկայացնող ակումբ

Erik — Sun, 17 Jan 2021 08:20:52 +0000

«Նոայի» նախկին կիսապաշտպան Արտյոմ Սիմոնյանը կարիերան կշարունակի ՖԱԼ-ում հանդես եկող «Տոմ» ակումբում: Այս մասին տեղեկանում ենք Տոմսկը ներկայացնող ակումբի մամուլի ծառայությունից:

«Սիմոնյանի վերջին ակումբը «Նոան» էր, որտեղ նա հանդես էր եկել այս մրցաշրջանի առաջին հատվածում (10 խաղ, 3 գոլ, 2 գոլային փոխանցում):

🆕 Сегодня состав «Томи» пополнил 25-летний полузащитник Артем Симонян. Последним клубом Артема был армянский «Ноа», за который он выступал в первой половине этого сезона (10 матчей, 3 гола, 2 голевые передачи). Контракт с новичком рассчитан до конца сезона. pic.twitter.com/WnZggVp4MS

— ФК «Томь» Томск (@fctomtomsk) January 17, 2021

Նորեկի հետ պայմանագիր է ստորագրվել մինչև այս մրցաշրջանի ավարտը»,-ասված է ակումբի պաշտոնական հաղորդագրության մեջ:

Հիշեցնենք, որ Հայաստանի թեկնածու Արտյոմ Սիմոնյանը, ռուսական «Զենիթի» սան է: Տոմսկը ներկայացնող ակումբն այժմ մարզում է «Զենիթի» նախկին հարձակվող Ալեքսանդր Կերժակովը:

Հավելենք, որ ՖԱԼ-ի ընթացիկ մրցաշրջանում ակումբը վաստակել է 17 միավոր և գտնվում է 21-րդ հորիզոնականում:

Ինչպե՞ս Սիբիրի բնակիչը կարող է վախենալ կորոնավիրուսից․ Բասկակով

Վարուժան Բաբայան — Mon, 16 Mar 2020 07:52:00 +0000

«Տոմի» գլխավոր մարզիչ Վասիլի Բասկակովը մեկնաբանել է լուրերն այն մասին, որ ՖՆԼ-ն կարող է դադարեցվել կորոնավիրուսի պատճառով:

«Ինչպե՞ս Սիբիրի բնակիչը կարող է վախենալ կորոնավիրուսից։ Ի՞նչ համաճարակներ ունենք Սիբիրում, ինչպե՞ս եք վախեցնում մեզ: Մենք Կիպրոսում և Թուրքիայում էինք, նման հիստերիա չկա: Մենք հասկանում ենք, որ այս ամենը լուրջ է, և եթե առաջնությունը դադարեցվի Իտալիայում, և ՌՊԼ-ն ևս դադարեցվի, հավանաբար մենք նույնպես կդադարեցնենք: Մարտի 17-ը, ըստ ամենայնի, կլինի X (իքս) ժամը, բայց մենք չենք կարող ազդել դրա վրա»,- մեջբերում է մասնագետին ակումբի մամուլի ծառայությունը։