Օլիմպիական խաղերի բռնցքամարտի եվրոպական որակավորման մրցաշարը, որն ընդհատվել էր 2020 թվականի ապրիլին, վերսկսվելու է 2021 թվականի նույն ամսին: Այս ամսին տեղեկացնում է Inside the Games-ը:

Տղամարդկանց 8 և կանանց 5 քաշային կարգերի մենամարտերը շարունակվելու են 2021-ի ապրիլի 22-ից 26-ը:

Մրցաշարին մասնակցելու են 176 մարզիկներ, որոնք խաղարկելու են 50 օլիմպիական ուղեգրեր:

Հիշեցնենք, որ Լոնդոնում կայանալիք վարկանշային մրցաշարին մասնակցելու իրավունք է նվաճել Հայաստանը ներկայացնող Կորյուն Սողոմոնյանը (52 կգ):

Մեկ տարի անց՝ 2021 թվականի հուլիսի 23-ին, պետք է տրվի  Տոկիո- 2020-ի մեկնարկը։ Այդ կապակցությամբ Տոկիոյի Օլիմպիական մարզադաշտում  տեղի է ունեցել առցանց արարողություն՝ «Մենք  ուժեղ ենք միասին» կարգախոսով։ Այս մասին հայտնում է ՀԱՕԿ-ի պաշտոնական կայքը:

Դա հաստատում է համավարակի պայմաններում համերաշխության, միասնության կարևորությունը և ընդգծում է օլիմպիական խաղերի համախմբող  ուժը :

Կարճ ջրերի աշխարհի կրկնակի բրոնզե մեդալակիր, ճապոնուհի  Ռիկակո Իկեեն երկրպագուներին կոչ է արել աջակցել մարզիկներին՝ օլիմպիական խաղերի դժվարին ճանապարհին: Լողորդուհին  վերջերս է  հաղթահարել  լեյկոզը և դեռ հույս ունի մրցել նաև  տանը՝  Տոկիոյի մարզահանդեսում: 

ՄՕԿ-ի նախագահ Թոմաս Բախը, մեկնաբանելով միջոցառումը, շնորհակալություն է հայտնել  ճապոնացի գործընկերներին, երկրի վարչապետին, կազմկոմիտեին, նահանգապետին, մարզիկներին, ամառային մարզաձևերի ֆեդերացիաներին, ազգային օլիմպիական կոմիտեներին, հովանավորներին:

Նա նշել է,  որ առանց այդ աջակցության հնարավոր չէր կայացնել խաղերը  հետաձգելու  պատմական  որոշումը: 

Ողիղ մեկ տարի անց կմեկնարկեն Տոկիոյի ամառային Օլիմպիական խաղերը:

14:59-ից Առաջին ալիքի ուղիղ եթերում կարող եք հետևել խաղերի մեկնարկի մեկ տարվա հետհաշվարկի արարողությանը:

Ուղիղ հեռարձակմանը կարող եք հետևել այստեղ:

Տոկիոյի կառավարությունը  օլիմպիական խաղերի մասնակիցների համար մեղմ սահմանափակումներ կանի, գրում է ՀԱՕԿ-ի պաշտոնական կայքը:

Ճապոնիան օտարերկրացիների համար փետրվարին է փակել իր սահմանները։ Ամռանը սահմանափակումների մի մասը հանվել է, բայց այժմ 129 երկրի քաղաքացիների մուտքը  արգելվում է։

Ենթադրվում է, որ համաշխարհային  գլխավոր մարզահանդեսին կմասնակցեն ավելի քան 200 երկրների 11 հազար մարզիկներ։ Ակնհայտ է, որ առկա սահմանափակումներով միջոցառումը  հնարավոր չէ անցկացնել: 

Սահմանների բացման հարցը մանրամասն կքննարկվի սեպտեմբերին։ Համատեղ որոշումով կհաստատվի մասնակիցների և հյուրերի  մուտքը երկիր՝ մեղմ  սահմանափակումներով, պայմանով , որ  ներկայացվի կորոնավիրուսի թեսթի բացասական պատասխանը։

Տոկիոյի բնակիչների կեսից ավելին դեմ է արտահայտվել 2021 թվականին քաղաքում անցկացվող ամառային Օլիմպիական խաղերին, հայտնում է Kyodo-ն: Հունիսի 26-ից 28-ը անցկացված հարցման արդյունքների համաձայն, հարցվածների 51.7% -ը կողմ է նոր ՕԽ-ի ևս մեկ անգամ հետաձգման տարբերակին կամ մրցաշարը չեղարկելու գաղափարին:

Քաղաքի բնակիչների 46.3%-ը հանդես է եկել Տոկիոյում Օլիմպիական խաղերը ժամանակին անցկացնելու օգտին: Մնացածը չեն կարողացել պատասխանել մրցաշարի անցկացման վերաբերյալ հարցին:

Հարցումը անցկացվել է Tokyo MX-ի կողմից: Հարցմանը մասնակցել են 18-ից 72 տարեկան ավելի քան 1 հազար մարդ:

Տոկիոյի ամառային Օլիմպիական խաղերը նախատեսված էր անցկացնել այս ամառ: Սակայն, կորոնավիրուսի պանդեմիայի պատճառով, Խաղերի կազմակերպիչները և Միջազգային օլիմպիական կոմիտեն հետաձգեցին մրցաշարը մեկ տարով: Այժմ ՕԽ-ի անցկացումը նախատեսված է 2021 թվականի հուլիսի 23-ից օգոստոսի 8-ը:

Երբեմն մարզիկները մասնակցում են մրցաշարերի՝ «կարևորը մասնակցությունն է» սկզբունքով, բայց լինում են և դեպքեր, երբ առաջին հայացքից աուտսայդեր համարվող մարզիկը գերազանցում է բոլոր սպասելիքները՝ իրենից ետ թողնելով առաջնության ֆավորիտներին։

Այսօրվա մեր հերոսուհին անգլիական տարրական դպրոցի ուսուցչուհին է, ով իր անհավատալի սխրանքով առաջին հերթին փորձել է ոգևորել իր սաներին և ապացուցել՝ քրտնաջան աշխատանքը տալիս է իր արդյունքները․․․

Ջեյսիկա Նայթը դասավանդում է Սուրեյի տարրական դպրոցում: 2017-ին նա թողել էր թեթև աթլետիկան՝ դասավանդման վրա կենտրոնանալու համար: Բոլորը միասին համատեղելը անիրատեսական էր թվում:

«Այս որոշումը կայացնելիս ես հանգստություն զգացի: Ես որոշեցի, որ դասավանդելն է իմ ապագան: Ես այդպես էի պատրաստվում գումար վաստակել ապրելու համար», — հիշում է Նայթը: Նա ընկղմվել էր նոր աշխատանքի մեջ, զբաղվում էր արտադպրոցական գործունեությամբ և ընդհանրապես չէր հիշում վազելու մասին:

Այնուհետև եկավ ամառը, և նրա ընկերները սկսեցին մարզումների հոլովակներ տեղադրել սոցիալական ցանցերում: Մարզական կյանքին վերադառնալու մասին մտքերը անխուսափելի էին: «Հանկարծ հասկացա, որ կարոտել եմ այն, ինչն ամենից լավ էր ստացվում ինձ մոտ, այն, ինչ ես իսկապես սիրում եմ»,— պատմում է Ջեյսիկան:

Ջեյսիկան կրկին սկսեց շփվել իր մարզիչ Մարինա Արմսթրոնգի հետ՝ ծրագրելով իր մարզումները առաջիկայում վերսկսելը: 2019-ին նրան պակասում էր որակավորում՝ Դոհայում կայանալիք Աշխարհի առաջնությունում Մեծ Բրիտանիայի հավաքականում տեղ ապահովելու համար: Բայց Նայթը շատ արագ մոռացավ այդ փուլի մասին և սկսեց նախապատրաստվել Օլիմպիական խաղերին, որպեսզի հասնի իր նպատակին`400 մ արգելապատնեշներով վազք:

25-ամյա ուսուցչուհին որոշեց մասնակցել Գլազգոյի Գրան պրիին: Այդ մրցաշարին մասնակցում էին աշխարհի և Եվրոպայի առաջնությունների հաղթողներ, ինչպես նաև Ջեյսիկայի կուռքը`Ժուստինա Սվենտի-Էրսետիցը: Նայթը շրջապատված էր նրանցով, ումով մինչ այդ նա հիանում էր:

«Ժուստինան իմ սիրած վազորդուհին է: Ես շատ եմ սիրում դիտել նրա վազքը և հետևել Լեհաստանի հավաքականի ելույթներին: Ես իսկապես հույս ունեի, որ նա կմասնակցեր մրցույթին: Մրցակիցներից ոչ մեկը չէր սպասում, որ ինձ այնտեղ կտեսնեն: Ես միակն էի, որ կրում էի ակումբային բաճկոն: Նրանք նույնիսկ չգիտեին իմ անունը»,- մեջբերում է Նայթին BBC Sport-ը:

Բայց այդ ամենը քիչ անց արդեն նշանակություն չուներ, երբ Նայթը հաղթեց՝ ավելի ուժեղ գտնվելով իր կուռքից: 51,57 վայրկյան․ դա աշխարհում չորրորդ ցուցանիշն էր:

«Դա անհավատալի էր: Ժուստինան ձեռքը դրեց ուսիս և շնորհավորեց ինձ: Մեկնարկից առաջ ես այնքան նյարդայնացած էի: Ոտքերս ցնցվում էին»,- հաղթանակից հետո իր տպավորություններով է կիսվում Ժուստինան։

Ութ օր անց մեր հերոսը վերադառնում է դպրոց: Եվ արդեն ոչ միայն Գրան պրիի հաղթողի, այլև Մեծ Բրիտանիայի չեմպիոնի կարգավիճակով:

«Երբ ես մտա դասարան, երեխաները բարձր ծափահարեցին ինձ: Նրանք շատ ոգևորված էին: Ես զգում եմ, որ նրանք ճանապարհորդում են ինձ հետ: Նրանք ինձ ուղարկել էին շատ գեղեցիկ բացիկներ և հաղորդագրություններ: Նրանց ծնողներն ու ամբողջ դպրոցն ինձ աջակցում էին այդ օրերին», — հիշում է Նայթը:

Երբ կորոնավիրուսի համաճարակը սկսեց ազդել բոլոր մարզական իրադարձությունների վրա, Նայթը հասկացավ, որ իր բոլոր ծրագրերը (ոչ միայն սպորտը) քանդվում են: Բայց հուսահատության փոխարեն վազորդուհին որոշեց գտնել այս ամենի դրական կողմերը: Իր նվաճումներով նա որոշեց իր սաներին ոգևորել սպորտով զբաղվել: Եվ դրան ոչ մի կարանտին չի խանգարի:

«10 տարեկան հասակում ոմանք միշտ չէ, որ մտածում են, որ կարող են սպորտով զբաղվել, և այս տարիքում ոչ բոլոր աղջիկներն են սիրում դպրոցում ֆիզիկուլտուրայով զբաղվել: Բայց, կարծում եմ, հիմա նրանցից շատերը գիտակցում են, որ դա հնարավոր է: Նրանք հասկանում են, որ ոչինչ չի տրվում հենց այնպես, երբ մտածում են «Օհ, Միսս Նայթը շատ արագ է վազում»։ Եվ իսկապես, Միսս Նայթը արագ է վազում և դա տալիս է իր արդյունքները: Կարծում եմ, որ դա աշակերտների համար լավ օրինակ է»,- ասում է Ջեյսիկան:

Եվ իսկապես, միշտ չէ, որ մարզիկների երազանքները պետք է սահմանափակվեն միայն օլիմպիական մեդալներով: Օրինակ՝ մեր այսօրվա հերոսուհուն պետք է միայն դուրս գալ վազքուղի`ոգեշնչելու համար իր աշակերտներին, ովքեր նրան աջակցում էին հեռուստացույցի էկրաններից այս կողմ: Եվ նույնիսկ կորոնավիրուսը իրենց դրանից չի զրկի: Ի վերջո, համաճարակի նահանջից հետո Ջեյսիկան այնքան մրցաշարերի է դեռ մասնակցելու․․․

Զբաղվեք սպորտով, առողջ եղեք․․․

Կանադայի սպորտային էթիկայի կենտրոնն ու Գերմանիայի Օլիմպիական կոմիտեի մարզիկների հանձնաժողովը կոչ են արել ՄՕԿ-ին փոխել Օլիմպիական խարտիայի 50-րդ հոդվածը: Այն արգելում է Օլիմպիական խաղերի ժամանակ քաղաքական ակցիաներ իրականացնել:

Վերջին շրջանում տեղի ունեցող ցույցերի ու ռասսայական խտրականության դրսևորումների պատճառով որոշ սպորտային գործիչներ կարծում են, որ չի կարելի մարզիկներին արգելել արտահայտել իրենց հայացքները: Օրենսդիրները կարծում են, որ սահմանափակումները պետք է շարունակեն գործել միայն ցեղասպանության ու ատելության քարոզման դեպքում, քանի որ դրանք հակասում են Մարդու Իրավունքների համընդհանուր հռչակագրին:

ՄՕԿ-ի նախագահ Թոմաս Բախը խոստացել է մտածել այդ մասին ու հարցը քննարկել մարզիկների հանձնաժողովի հետ:

Տոկիոյի Օլիմպիական խաղերի ժամկետները կրկին կարող են փսխվել՝ կորոնավիրուսի երկրորդ և երրորդ ալիքների դեպքում: Այս մասին հայտարարել է Խաղերի կազմկոմիտեի անդամ Հարույուկի Տակահաշին, ում խոսքերն է մեջբերում Nikkan Sports News-ը:

Ըստ Տակահաշիի, կազմկոմիտեն ձգտում է անցկացնել Օլիմպիական խաղերը 2021 թ.-ին։ Բայց եթե կորոնավիրուսի տարածման հետ կապված իրավիճակը կրկին թույլ չտա խաղարկել օլիմպիական մեդալները, մրցույթը կարող է կրկին հետաձգվել: Ֆունկցիոնալ գործիչն ասել է, որ եթե Խաղերը չեղյալ հայտարարվեն, ապա․ «ճապոնական և համաշխարհային տնտեսությունները լուրջ տուժելու են»:

Միջազգային Օլիմպիական կոմիտեն (ՄՕԿ) որոշում է կայացրել հետաձգել Օլիմպիական խաղերը կորոնավիրուսի համաճարակի պատճառով: Խաղերը Տոկիոյում պետք է անցկացվեին այս տարվա հուլիսի 24-ից օգոստոսի 9-ը: Մրցույթի նոր ամսաթվերն են`2021 թվականի հուլիսի 23-ից օգոստոսի 8-ը:

Մայիսի վերջին ՄՕԿ-ի նախագահ Թոմաս Բախը հայտարարեց, որ Տոկիոյում խաղերը կարող են չեղարկվել, եթե դրանք չկայանան 2021 թվականին: Բախը նշել է Օլիմպիական խաղերի անընդհատ ​​տեղափոխության անհնարինությունը: «Դուք չեք կարող ամեն տարի վերակազմել միջազգային ֆեդերացիաների մրցութային օրացույցը: Մարզիկներին ստաբիլություն է պետք», — ասել էր նա:

Տոկիոյի նահանգապետ Յուրիկո Կոյկեն ասել է, որ Օլիմպիական խաղերին նախապատրաստվելիս, որը նախատեսված է 2021 թվականի ամռանը, կորոնավիրուսի պանդեմիայի հետևանքների պատճառով կազմակերպիչները կարող են պարզեցնել ՕԽ-ի ձևաչափը: Այդ մասին հայտնում է Reuters-ը:

«Օլիմպիական և Պարալիմպիկ խաղերի անցկացումը պահանջում է հատուկ մոտեցում Տոկիոյի և Ճապոնիայի բոլոր քաղաքացիների կողմից: Հնարավոր է, որ դրա համար անհրաժեշտ կլինի պարզեցնել մրցաշարի ձևաչափը», — ասել է Կոյկեն:

Նահանգապետը չի նշել, թե ինչ պարզեցումներ կարելի է քննարկել, բայց նշել է, որ նման քննարկումները անհրաժեշտ են:

Ավելի վաղ ճապոնական Yomiuri թերթը, մեջբերելով կառավարության և Օլիմպիական խաղերի կազմկոմիտեի աղբյուրներին, հայտնել էր, որ հանդիսատեսներից կարող է պահանջվել կորոնավիրուսի վարակի ախտորոշում անցկացնել: Իսկ մարզիկների տեղաշարժը օլիմպիական ավանում կարող է սահմանափակ լինել:

Միջազգային Օլիմպիական կոմիտեի (ՄՕԿ) տեսչական հանձնաժողովի ղեկավար Ջոն Քոաթսը հայտարարել է, որ Խաղերին սպառնում են նոր կորոնավիրուսի համար պատվաստանյութերի պակասը: Դրա պատճառով կազմակերպիչները պետք է հաշվի առնեն «բոլորովին այլ» Օլիմպիադա անցկացնելու հնարավորությունը:

Մայիսի վերջին ՄՕԿ-ի նախագահ Թոմաս Բախը հայտարարեց, որ Տոկիոյի Օլիմպիական խաղերը չեն կարող տեղի ունենալ, եթե այն չկայանա 2021 թ.-ին։ Ըստ նրա, Ճապոնիայի վարչապետ Սինձո Աբեն հաջորդ ամառ համարում է ՕԽ-ի անցկացման վերջին տարբերակը:

Մարտին Աբեն և Բախը բանակցություններ էին վարում, որից հետո հայտարարվեց, որ անհնար է կազմակերպել Տոկիոյի ամառային խաղերը 2020 թ.-ին և խաղերը հետաձգվել էին հաջորդ տարի: Տոկիոյի ՕԽ-ն պետք է անցկացի 2021 թվականի հուլիսի 23-ից օգոստոսի 8-ը:

Հաստատվել են  Տոկիոյի  օլիմպիական  և պարալիմպիկ խաղերի  բադմինթոնի վարկանիշային   մրցաշարերի  նոր ժամկետները: 

ՀԱՕԿ-ի փոխանցմամբ, դրանք կմեկնարկեն 2021 թ․հունվարի 1-ին և կավարտվեն մայիսի 2-ին:

Մարզաձևի միջազգային  ֆեդերացիան հայտնում է, որ 2020 թ․ նախատեսված վարկանիշային  բոլոր մրցաշարերը չեն կայանա: