տամբով — Armsport.am

Տամբովը կզրկվի պրոֆեսիոնալ ակումբի կարգավիճակից

Վարուժան Բաբայան — Mon, 03 May 2021 13:41:58 +0000

«Տամբովի» մարզական տնօրեն Պավել Խուդյակովը կարևոր հայտարարություն է արել ակումբի ապագայի վերաբերյալ:

«Մենք արտոնագրման հայտ չենք ներկայացրել. թիմը չի խաղա ոչ ՖԱԼ-ում, ոչ էլ ՊՖԼ- ում, դա հաստատ է: Հիմա մենք պետք է երկու հանդիպում ավարտենք, ցուցադրենք հնարավորինս լավագույն ֆուտբոլ: Բոլորն էլ հասկանում են: Ափսոս, այդքան լավ թիմ էր, և «Տամբովի» պատմությունն այնքան ողբալի է», — Մեջբերում է Խուդյակովին Sport24-ը:

28-րդ տուրում «Ռոստովից» (0: 2) պարտվելուց հետո «Տամբովը» մրցաշրջանի արդյունքներով լքել ՌՊԼ-ը։

Տամբովը սկսել է վճարել ֆուտբոլիստների ու ակումբի աշխատակիցների աշխատավարձերը

Նարե Հովհաննիսյան — Tue, 16 Mar 2021 15:41:22 +0000

«Տամբովի» մարզական տնօրեն Պավել Խուդյակովը հայտնել է, որ ակումբը սկսել է մարել իր պարտքերը ֆուտբոլիստների ու ակումբի աշխատակիցների նկատմամբ։

«Սկսել ենք վճարել պարտքերը։ Մոտ 20-30 մլն ենք ստացել։ Վճարումները հետևյալ հերթականությամբ ենք կատարելու․ սկզբում կմարենք ակումբի աշխատակիցների պարտքերը, իսկ հետո կվճարենք նրանց, ովքեր լքել են ակումբը»,- Խուդյակովի խոսքերն է փոխանցում «Чемпионат»-ը։

Նշենք՝ «Տամբովը» փետրվարին սնանկության վերաբերյալ հայց է ներկայացրել, սակայն դատարանը դեռւս գործին ընթացք չի տվել։

Հայաստանի ազգային հավաքականի հարձակվող Ալեքսանդր Կարապետյանն ավելի վաղ հայտարարել էր, որ «Տամբովում» անցկացրած 6 ամիսն իր կարիերայի վատագույն ժամանակաշրջանն էր։ Ռուսական ակումբի գույները պաշտպանում էր նաև Հայաստանի ազգային հավաքականի պաշտպան Վարազդատ Հարոյանը։

Կարիերայիս վատագույն 6 ամիսն էր. Ալեքսանդր Կարապետյանը՝ Տամբովի մասին

Նարե Հովհաննիսյան — Fri, 12 Mar 2021 14:07:47 +0000

«Տամբովի» նախկին հարձակվող Ալեքսանդր Կարապետյանը պատմել է, թե ինչ էր տեղի ունենում ակումբում և ինչ ֆինանսական խնդիրների առաջ էին կանգնել ֆուտբոլիստները.

«Ակումբն ամեն ինչի համար տնտեսում էր, սրանք իմ ֆուտբոլային կարիերայի վատագույն 6 ամիսներն էին: Ինձ համար ամեն ինչ ակնհայտ դարձավ, երբ նախագահի պաշտոնում նշանակումից մի քանի օր անց Վալերի Հովհաննիսյանը պարզապես փախավ ակումբից:

Գիտե՞ի, որ կարող են խնդիրներ լինել, երբ եկա «Տամբով». այո, բայց չէի սպասում, որ ամեն ինչ այդքան լուրջ կլինի: Հիմա պետք է խոստովանել, որ ակումբը պարզապես խաբում էր ֆուտբոլիստներին:

Եթե անկեղծ, «Տամբովի» հետ կապված իրավիճակը խայտառակություն է Ռուսաստանի համար: Որքանով՝ ես եմ տեղյակ, ռուսական ֆուտբոլում նման բան առաջին անգամ չէ, որ տեղի է ունենում: Ինձ պատմում էին դեպքեր, թե ինչպես են ակումբները փակվել, իսկ ֆուտբոլիստները չեն ստացել իրենց գումարները: Ես Ռուսաստանում խաղալու քիչ փորձ ունեմ, բայց վստահ եմ, որ «Տամբովը» նման վերջին թիմը չէ»,- Կարապետյանի խոսքերն է փոխանցում Metaratings-ը:

Տամբովը ՌՊԼ ռեկորդ է սահմանել

Վարուժան Բաբայան — Mon, 08 Mar 2021 09:37:23 +0000

«Տամբովը» Պրեմիեր լիգայի ռեկորդ է սահմանել մեկ մրցաշրջանի խաղերում ներգրավված խաղացողների քանակով:

Պաշտպան Դենիս Կայկովը և կիսապաշտպաններ Ալեքսանդր Էրկինը, Դմիտրի Գերմանը և Կետալին Կարպը առաջին անգամ խաղացին «Տամբովի» կազմում Ռուսաստանի առաջնության 21-րդ տուրի «Դինամոյի» դեմ խաղում (0: 2):

Այսպիսով, մարզիչ Սերգեյ Պերվուշինը 2020/21 մրցաշրջանում օգտվել է 45 ֆուտբոլիստների ծառայություններից:

Նախորդ ռեկորդը սահմանվել էր 2003 թվականի առաջնությունում, երբ «Սպարտակ-Ալանիայում» խաղացել է 44 ֆուտբոլիստ:

Տամբովը գումար է ստացել ՌՊԼ-ից

Վարուժան Բաբայան — Fri, 05 Mar 2021 09:37:23 +0000

«Տամբովի» գործադիր տնօրեն Օլգա Կոնովալովան ասել է, որ ակումբը ստացել է Ռուսաստանի Պրեմիեր լիգայից (ՌՊԼ) ֆուտբոլիստներին պարտքերը մարելու համար հատկացված գումարի մի ամսը:

Փետրվարի սկզբին ՌՊԼ-ի նախագահ Սերգեյ Պրյադկինը հայտարարել է, որ լիգան թույլ չի տա Տամբովի սնանկությունը և ժամանակից շուտ փոխանցումներ կանի հովանավորներից 51 միլիոն ռուբլու չափով:

«Պարզապես ասենք, որ մենք կեսից ավելին ստացանք: Մոտավորապես 51 միլիոն ռուբլի», — մեջբերում է Կոնովալովային ՌԻԱ Նովոստին:

Տամբովը կշարունակի հանդես գալ ՌՊԼ-ում

Վարուժան Բաբայան — Fri, 19 Feb 2021 13:30:10 +0000

«Տամբովը» կշարունակի հանդես գալ Ռուսաստանի առաջնությունում 2020/21 մրցաշրջանում, չնայած ֆինանսական խնդիրներին:

Ակումբը միջոցներ է ստացել ՌՊԼ-ում հանդես գալը շարունակելու և պարտքերը վերաձևակերպան համար:

«Ավարտվել է լիցենզավորող հանձնաժողովի նիստը: «Տամբովը» ՌՊԼ-ից ստացել է հաշիվների հակասառեցման համար բավարար գումար, մինչդեռ ակումբը կարողացել է նաև պայմաններ ստեղծել նոր ֆուտբոլիստնեի հայտավորման արգելքը ժամանակավորապես վերացնելու համար` իր պարտքը վերաձևակերպելով:

«Տամբով» ՖԱ-ն կշարունակի խաղալ Ռուսաստանի ֆուտբոլային մրցաշարերում: ՌՖՄ-ն և ՌՊԼ-ն պարբերաբար վերահսկելու են իրավիճակը և հետևելու են «Տամբով» ֆուտբոլային ակումբի կողմից մրցաշարերին մասնակցելու պահանջների կատարմանը», — հայտնում է ՌՖՄ մամուլի ծառայությունը:

Հաջորդ մրցաշրջանում Տամբովը կհայտավորվի ՊՖԼ-ում

Վարուժան Բաբայան — Thu, 18 Feb 2021 12:28:44 +0000

Տամբովի մարզի ֆիզիկական կուլտուրայի և սպորտի վարչության պետ Միխայիլ Բելոուսովն ասել է, որ հաջորդ մրցաշրջանում «Տամբովը» կհայտավորվի ՊՖԼ-ում:

«Ակումբի հետ կապված իրավիճակն, իհարկե, աննորմալ է: Մինչ օրս Տամբովը և տարածաշրջանը համատեղ ռազմավարություն չունեն: Տամբովում կլինի պրոֆեսիոնալ թիմ, բայց նոր ակումբը ոչ մի կապ չի ունենա ներկայումս գործող «Տամբովի» հետ:

Մենք ակնկալում ենք, որ դա կլինի թիմ ՊՖԼ- ում: Մենք ունենք ֆուտբոլի հզոր ակադեմիա, և ցանկանում ենք թիմ կազմել, որը հիմնված կլինի մեր սեփական խաղացողների վրա»,- մեջբերում է Բելոուսովին Sport-Express-ը:

РИА Новости. Տամբովը չի մասնակցի Ռուսաստանի գավաթի խաղարկությանը

Վարուժան Բաբայան — Thu, 18 Feb 2021 10:41:55 +0000

«Տամբով» ֆուտբոլային ակումբը որոշել է դուրս գալ Ռուսաստանի գավաթի խաղարկությունից, РИА Новости- ին հայտնել են իրավիճակին ծանոթ մի քանի աղբյուրներ:

Համապատասխան փաստաթղթերը հինգշաբթի կուղարկվեն Ռուսաստանի ֆուտբոլային միություն (ՌՖՄ): Ռուսաստանի գավաթի խաղարկության 1/8 եզրափակչում «Տամբովի» մրցակիցը Մոսկվայի «Լոկոմոտիվն» է, խաղը նախատեսված է կիրակի օրը:

Մայրաքաղաքային ակումբը քառորդ եզրափակիչ վաղաժամ դուրս գալու դեպքում կխաղա Կրասնոդար — Սոչի խաղի հաղթողի հետ:

Երեքշաբթի օրը հայտնի էր դարձել, որ «Տամբովը» իր թիմին դուրս է բերել Ռուսաստանի ֆուտբոլի երիտասարդական առաջնությունից:

Տամբովի գլխավոր մարզիչը նշել է՝ որքան կկազմի թիմի նորեկների աշխատավարձը

Վարուժան Բաբայան — Sat, 13 Feb 2021 10:41:17 +0000

«Տամբովի» գլխավոր մարզիչ Սերգեյ Պերվուշինը կիսվել է թիմի մարզավիճակի մասին լուրերով: Հիշեցնենք, որ ակումբը լուրջ ֆինանսական դժվարություններ է ունի:

«Մենք ուսումնամարզական հավաք ենք անցկացնում, թիմ ենք կազմավորում, պատրաստվում ենք առաջին խաղին: Եթե ամեն ինչ լավ ընթանա, մենք կխաղանք «Լոկոմոտիվի» հետ: Այժմ մենք մեր թիմում շատ խաղացողներ ունենք: Գործակալներն առաջարկում են իրենց խաղացողներին:

Հիմա մենք դեռ գտնվում ենք այս անորոշության մեջ: Մենք հավաքի եկանք մեր մարզական տնօրեն Պավել Խուդյակովի հաշվին: Հիմա միջոցներ չունենք: Ինձ ասացին, որ ամեն ինչ կլուծվի երկուշաբթի-երեքշաբթի օրերին», — Պերվուշինին է մեջբերում Match TV- ն:

Պերվուշինը նաև հաստատել է, որ հավանական նորեկները կկարողանան հույս դնել մոտ 50-100 հազար ռուբլի աշխատավարձի վրա:

Ավելի վաղ հայտնի էր դարձել, որ Հայաստանի հավաքականի թեկնածու, «Արարատ-Արմենիայի» և Երևանի «Փյունիկի» նախկին կիսապաշտպան Պետրոս Ավետիսյանը մարզվում է «Տամբովի» կազմում։

ՌՖՄ-ն և ՌՊԼ-ն կֆինանսավորեն Տամբովը․ ակումբը կստանա մոտ 300 միլիոն ռուբլի

Վարուժան Բաբայան — Fri, 12 Feb 2021 11:27:17 +0000

ՌՖՄ-ն և ՌՊԼ-ն համաձայնության են եկել «Տամբովի» ֆինանսավորման վերաբերյալ: Այս մասին հայտնում է Мутко против տելեգրամյան ալիքը:

Ֆինանսավորման չափը կկազմի մոտ 300 միլիոն ռուբլի, ինչը պետք է բավարար լինի, որպեսզի Տամբովն ավարտի մրցաշրջանը:

Այս պահին ակումբի պարտքերը կազմում են մոտ 550 միլիոն ռուբլի: «Տամբովի» ղեկավարությունը պետք է վերակարգավորի պարտքերը և դրանք իջեցնի առնվազն 250 միլիոնի: Այս պահի դրությամբ արդեն հնարավոր է պայմանավորվել վարկատուների և մի շարք մատակարարների հետ պարտքի լուրջ կրճատման վերաբերյալ: