Վրաստանի Բաթումի քաղաքում ավարտին մոտեցող ծանրամարտի Եվրոպայի առաջնությունում Հայաստանի կանանց հավաքականի անդամ, +86 կգ քաշային Տաթև Հակոբյանը պաշտոնապես ավարտեց մարզական կարիերան: Ելույթից հետո հայ ծանրորդուհին մարզակոշիկները թողել էր մրցահարթակին, իսկ ավելի ուշ պարզաբանել է մեծ սպորտից որպես մարզիկ հեռանալու որոշումը:

«Շուրջ 15 տարի է՝ սպորտում եմ, և կարծում եմ՝ ճիշտ ժամանակն է այս էջը թերթելու: Նախորդ տարի ամուսնացել եմ ու ցանկանում եմ ավելի շատ ժամանակ տրամադրել ընտանիքիս: Այս տարիներն ինձ կոփեցին, իմ բնավորությունը կերտվել է հենց ծանրամարտում: Ցավոք, չկարողացա ավարտել այնպես, ինչպես ցանկանում էի. հուզմունքը փոքր-ինչ խանգարեց, քանի որ մարզումների ժամանակ ավելի շատ կիլոգրամներ էի բարձրացրել»,- 30-ամյա մարզուհու խոսքերն է մեջբերում ԿԳՄՍՆ մամուլի ծառայությունը:

Հիշեցնենք, որ աշխարհամասի առաջնությունում Տաթև Հակոբյանը պոկում վարժությունն ավարտել էր 106 կգ արդյունքով, իսկ հրումում գլխավերևում պահել էր 125 կգանոց ծանրաձողը: Երկամարտի 231 կգ ընդհանուր արդյունքով նա գրավել էր 12-րդ հորիզոնականը: Հավելենք, որ պրոֆեսիոնալ ելույթներն ավարտելուց հետո Հակոբյանը մտադիր է մնալ սպորտի բնագավառում:

Վրաստանի Բաթումի քաղաքում ավարտին մոտեցող ծանրամարտի Եվրոպայի առաջնության վերջին մրցումային օրը Հայաստանի հավաքականից առաջինը մրցահարթակ դուրս եկավ կանանց +86 կգ քաշային Տաթև Հակոբյանը։

Հայ ծանրորդուհին պոկում վարժությունն ավարտեց 106 կգ արդյունքով, իսկ հրումում հաջողությամբ գլխավերևում պահեց 125 կգանոց ծանրաձողը: Երկամարտում հավաքելով 231 կգ՝ նա մայրցամաքային ստուգատեսում գրավեց 12-րդ հորիզոնականը:

Հրում վարժության վերջին մոտեցումից հետո Հակոբյանը հանեց մարզակոշիկներն ու թողեց մրցահարթակին՝ պաշտոնապես ազդարարելով պրոֆեսիոնալ կարիերայի ավարտի մասին:

Հիշեցնենք, որ այսօր ավելի ուշ՝ Երևանի ժամանակով 16:00-ին, Հայաստանի ընտրանու կազմում մեդալների համար կպայքարի նաև գերծանր քաշային Վարազդատ Լալայանը (+110 կգ):

Վրաստանի Բաթումի քաղաքում ընթացող ծանրամարտի Եվրոպայի առաջնության մրցումային վերջին՝ ութերորդ օրը, Հայաստանի հավաքականը կունենա երկու մասնակից։

Աշխարհամասի առաջնության մեդալների համար այսօր պայքարի մեջ կմտնեն Տաթև Հակոբյանն ու Վարազդատ Լալայանը:

​Այսօր՝ ապրիլի 26-ին, մեր ընտրանու կազմից առաջինը մրցահարթակ դուրս կգա կանանց +86 կգ քաշային Տաթև Հակոբյանը: Այս քաշային կարգի մրցելույթների մեկնարկը նախատեսված է Երևանի ժամանակով ժամը 13:00-ին:

​Ավելի ուշ՝ ժամը 16:00-ին, գերծանր քաշայինների (+110 կգ) պայքարում հանդես կգա Վարազդատ Լալայանը: Հիշեցնենք, որ մեր ծանրորդների ելույթներին կարող եք հետևել Առաջին ալիքի ուղիղ եթերում։

Հայաստանի ծանրամարտի ֆեդերացիան հրապարակել է Եվրոպայի առաջնությունում Հայաստանի հավաքականների մրցելույթների ժամանակացույցը։

​Կանայք.

• ​Ապրիլի 19-ին ժամը՝ 19:00-ին, 53 կգ՝ Իզաբելլա Յայլյան ու Տանզելա Գրիգորյան
• ​Ապրիլի 20-ին ժամը՝ 18:00-ին, 58 կգ՝ Ալեքսանդրա Գրիգորյան
• ​Ապրիլի 23-ին ժամը՝ 19:00-ին, 77 կգ՝ Աննա Ամրոյան ու Ալինա Սուքիասյան
• ​Ապրիլի 24-ին ժամը՝ 19:00-ին, 86 կգ՝ Էմմա Պողոսյան ու Լիանա Գյուրջյան
• ​Ապրիլի 26-ին ժամը՝ 13:00-ին, +86 կգ՝ Տաթև Հակոբյան

​Տղամարդիկ.

• ​Ապրիլի 20-ին ժամը՝ 12:00-ին, 60 կգ՝ Գառնիկ Չոլաքյան
• ​Ապրիլի 21-ին ժամը՝ 19:00-ին, 71 կգ՝ Գոռ Սահակյան
• ​Ապրիլի 22-ին ժամը՝ 19:00-ին, 79 կգ՝ Մարտին Պողոսյան
• ​Ապրիլի 23-ին ժամը՝ 16:00-ին, 88 կգ՝ Ռաֆիկ Հարությունյան
• ​Ապրիլի 24-ին ժամը՝ 16:00-ին, 94 կգ՝ Արա Աղանյան
• ​Ապրիլի 25-ին ժամը՝ 19:00-ին, 110 կգ՝ Սիմոն Մարտիրոսյան ու Գարիկ Կարապետյան
• ​Ապրիլի 26-ին ժամը՝ 16:00-ին, +110 կգ՝ Վարազդատ Լալայան

​Նշենք, որ մրցաշարը կանցկացվի Վրաստանի Բաթումի քաղաքում ապրիլի 19-26-ը։​ Մեր ծանրորդների ելույթներին կարող եք հետևել Առաջին ալիքի ուղիղ եթերում։

Ապրիլի 19-ից 26-ը Վրաստանի Բաթումի քաղաքում կկայանա ծանրամարտի Եվրոպայի մեծահասակների առաջնությունը:

Ինչպես տեղեկացնում է Հայաստանի ծանրամարտի ֆեդերացիայի մամուլի ծառայությունը, արդեն հաստատվել են Հայաստանի կանանց և տղամարդկանց ազգային հավաքականների կազմերը, որոնք կմասնակցեն ստուգատեսին:

Ստորև ներկայացնում ենք մեր ընտրանիների հայտացուցակներն ըստ քաշային կարգերի.

Կանանց հավաքական

• 53 կգ՝ Տանզելա Գրիգորյան, Իզաբելլա Յայլյան
• 58 կգ՝ Ալեքսանդրա Գրիգորյան
• 77 կգ՝ Աննա Ամրոյան, Ալինա Սուքիասյան
• 86 կգ՝ Էմմա Պողոսյան, Լիանա Գյուրջյան
• +86 կգ՝ Տաթև Հակոբյան

Մարզչական շտաբ.

Հավաքականի գլխավոր մարզիչն է Արտաշես Ներսիսյանը, երկրորդ մարզիչը՝ Տարոն Թովմասյանը:

Տղամարդկանց հավաքական

• 60 կգ՝ Գառնիկ Չոլաքյան
• 71 կգ՝ Գոռ Սահակյան
• 79 կգ՝ Մարտին Պողոսյան
• 88 կգ՝ Ռաֆիկ Հարությունյան
• 94 կգ՝ Արա Աղանյան
• 110 կգ՝ Սիմոն Մարտիրոսյան, Գարիկ Կարապետյան
• +110 կգ՝ Վարազդատ Լալայան

Մարզչական շտաբ.

Հավաքականի գլխավոր մարզիչն է Հակոբ Փիլոսյանը, երկրորդ մարզիչը՝ Դավիթ Մուրադյանը:

Մոլդովայում շարունակվում է ծանրամարտի Եվրոպայի առաջնությունը։ Այսօր՝ ապրիլի 20-ին, մրցումային 7-րդ օրը, Հայաստանն ունի վեց մասնակից։ Այս մասին հայտնում է ՀԾՖ-ի մամուլի ծառայությունը։

Երևանի ժամանակով 15:00-ին մեդալային պայքարը կսկսեն 102 կգ քաշային ծանրորդները: Հայաստանից այստեղ կմրցեն Արա Աղանյանն ու Պետրոս Պետրոսյանը:

Ժամը 18:00-ին տղամարդկանցից պայքարի դուրս կգան 109 կգ քաշայինները` Գարիկ Կարապետյանը և Սիմոն Մարտիրոսյանը:

Եվ մրցումային 7-րդ օրը կեզրափակվի 87 կգ քաշային կանանց մրցաշարով: Հայաստանն այստեղ ունի երկու ներկայացուցիչ` Տաթև Հակոբյանը և Լիանա Գյուրջյանը:

Բահրեյնի մայրաքաղաք Մանամայում ընթացող ծանրամարտի աշխարհի առաջնությունում այսօր՝ դեկտեմբերի 14-ին Հայաստանը կունենա երեք ներկայացուցիչ:

Տղամարդկանց պայքարում մրցահարթակ դուրս կգան 109 կգ քաշայիններ Պետրոս Պետրոսյանը (մեկնարկը՝ 14։00-ին), և Գարիկ Կարապետյանը (մեկնարկը՝ 18։30-ին)։

Կանանց պայքարում ընթացիկ առաջնությունում մեր վերջին ներկայացուցիչը կլինի 87 կգ քաշային Տաթև Հակոբյանը (մեկնարկը՝ 21։00-ին)։

Հիշեցնենք, որ Հայաստանի առաջին մեդալն այս առաջնությունում նվաճել է 55 կգ քաշային Ալեքսանդրա Գրիգորյանը՝ դառնալով բրոնզե մեդալակիր, մեկ փոքր բրոնզ էլ նվաճել է 61 կգ քաշային Գառնիկ Չոլակյանը։