վլադիմիր-պուտին — Armsport.am

Ես չեմ պատրաստվում լինել Պուտինի նման․ Լապորտա

Suren Sahakyan — Fri, 05 Dec 2025 06:15:08 +0000

«Բարսելոնայի» նախագահ Ժոան Լապորտան իր ելույթում հիշատակեց Ռուսաստանի նախագահ Վլադիմիր Պուտինին։ Լապորտայի խոսքով, եթե նա հաղթի կատալոնական ակումբի առաջիկա նախագահական ընտրություններում, ապա այլևս չի առաջադրվի, և դա կլինի իր վերջին պաշտոնավարումը։

«Ես չեմ պատրաստվում լինել Պուտինի, կամ Մադուրոյի նման։ Առաջնորդները պետք է պաշտոնավարեն միայն երկու ժամկետով։ Դրանից ավելին անառողջ է»,- Լապորտայի խոսքերն է մեջբերում «Mundo Deportivo»-ն։

Լապորտան «Բարսելոնայի» նախագահի պաշտոնը ստանձնեց 2021 թվականին։ Նա նախկինում հայտարարել էր վերընտրվելու մտադրության մասին, որը կարող է լինել նրա երկրորդ անընդմեջ ժամկետը։ «Կապտանռնագույնների» հաջորդ նախագահական ընտրությունները կկայանան 2026 թվականին։ «Բարսելոնայի» կանոնադրության համաձայն՝ նախագահի պաշտոնը երկու անընդմեջ ժամկետից ավելի զբաղեցնելն արգելվում է։

Նիկոլ Փաշինյանը ցավակցել է Վլադիմիր Պուտինին Նիկիտա Սիմոնյանի մահվան կապակցությամբ

Suren Sahakyan — Mon, 24 Nov 2025 18:15:27 +0000

Հայաստանի Հանրապետության վարչապետ Նիկոլ Փաշինյանը ցավակցական հեռագիր է հղել Ռուսաստանի նախագահ Վլադիմիր Պուտինին՝ լեգենդար ֆուտբոլիստ, ԽՍՀՄ հավաքականի կազմում օլիմպիական չեմպիոն Նիկիտա Սիմոնյանի մահվան կապակցությամբ։

Իր ուղերձում վարչապետը մասնավորապես նշել է.

«Խոր վշտով տեղեկացա լեգենդար ֆուտբոլիստ, վաստակավոր մարզիչ, սպորտի վաստակավոր վարպետ, ԽՍՀՄ քառակի չեմպիոն Նիկիտա Պավելի Սիմոնյանի մահվան մասին։

Լինելով ականավոր ֆուտբոլիստ և մարզիչ՝ նա իր անունը ոսկե տառերով է գրել հայկական և խորհրդային ֆուտբոլի պատմության մեջ։ Հենց նրա գլխավորությամբ Երևանի «Արարատը» դարձավ ԽՍՀՄ չեմպիոն և 1973 ու 1975 թվականների գավաթակիր՝ բոլոր հայերին պարգևելով հպարտության անմոռանալի զգացում»։

Նիկոլ Փաշինյանն ընդգծել է, որ Սիմոնյանի ձեռքբերումները, պրոֆեսիոնալիզմն ու նվիրվածությունը ֆուտբոլին ոգեշնչման աղբյուր կդառնան բազմաթիվ սերունդների համար։ Վարչապետը խնդրել է հայ ժողովրդի և անձամբ իր անունից ցավակցության ու զորակցության խոսքեր փոխանցել Նիկիտա Սիմոնյանի ընտանիքին և մերձավորներին։

Նիկիտա Սիմոնյանը կյանքից հեռացել է նոյեմբերի 23-ին՝ 99 տարեկան հասակում։ Նա Մոսկվայի «Սպարտակի» պատմության լավագույն ռմբարկուն է՝ խփած 160 գոլով։ «Սպարտակի» կազմում Սիմոնյանը դարձել է ԽՍՀՄ քառակի չեմպիոն (1952, 1953, 1956, 1958) և կրկնակի գավաթակիր (1950, 1958)։

Որպես գլխավոր մարզիչ՝ Սիմոնյանը թիմին երկու անգամ հասցրել է ԽՍՀՄ չեմպիոնության (1962, 1969) և երեք անգամ նվաճել ԽՍՀՄ գավաթը (1963, 1965, 1971)։

Պուտինը Նիկիտա Սիմոնյանին Աշխատանքի հերոսի կոչում է շնորհել

Gevorg Martirosyan — Sat, 11 Oct 2025 16:45:00 +0000

Ռուսաստանի նախագահ Վլադիմիր Պուտինը հայրենական ֆուտբոլի մասսայականացման գործում ունեցած մեծ ավանդի համար ՌՖՄ-ի առաջին փոխնախագահին, մոսկվայի «Սպարտակի» նախկին խաղացող Նիկիտա Սիմոնյանին շնորհել է Ռուսաստանի Աշխատանքի հերոսի կոչում:

Համապատասխան հրամանագիրը տեղադրված է իրավական ակտերի պաշտոնական հրապարակման պորտալում։

«Պետության առջև ունեցած առանձնահատուկ ծառայությունների, հայրենական ֆուտբոլի զարգացման և մասսայականացման գործում ունեցած մեծ ավանդի համար Ռուսաստանի Դաշնության Աշխատանքի հերոսի կոչում շնորհել «Ռուսական ֆուտբոլային միություն» համառուսաստանյան հասարակական կազմակերպության (մարզական ֆեդերացիայի) առաջին փոխնախագահ Նիկիտա Պավլովիչ Սիմոնյանին», — ասվում է փաստաթղթում։

Ի՞նչ հարաբերություններ ունի Ծառուկյանը ՌԴ նախագահ Պուտինի հետ․ Արմանը պատասխանել է հարցին

Suren Sahakyan — Sat, 25 Jan 2025 18:29:22 +0000

UFC-ի թեթև քաշային կարգի դասակարգման առաջին համար Արման Ծառուկյանը ամերիկյան JAXXON Podcast-ին տված հարցազրույցում խոսել է ՌԴ նախագահ Վլադիմիր Պուտինի հետ ունեցած իր հարաբերությունների մասին։

— Դուք ճանաչու՞մ եք Պուտինին: Դուք ընկերներ եք։

«Ոչ, մենք ընկերներ չենք։ Բայց ես երկու անգամ հանդիպել եմ նրա հետ։ Նա հիանալի մարդ է: Նա շատ է սիրում մարտարվեստ։ Երբ ես կռվում էի Ռուսաստանում, նա ինձ երկու անգամ հանձնել է չեմպիոնական գոտին»,- ասել է Ծառուկյանը։

Հիշեցնենք, որ նախորդ շաբաթ Ծառուկյանն ու Մախաչևը պետք է մենամարտեին UFC-ի չեմպիոնական գոտու համար, սակայն Արմանը մեջքի վնասվածքի պատճառով դուրս եկավ պայքարից։

Վլադիմիր Պուտինը շնորհավորել է Ռուսաստանի հավաքականին

Erik — Wed, 16 Jun 2021 17:18:49 +0000

Ռուսաստանի դաշնության նախագահ Վլադիմիր Պուտինը շնորհավորել է Ռուսաստանի հավաքականին՝ ԵՎՐՈ-2020-ի շրջանակում Ֆինլանդիայի հավաքականի նկատմամբ տոնած հաղթանակի կապակցությամբ:

Սանկտ-Պետերբուրգում ռուսները 1-0 հաշվով հաղթեց Ֆինլանդիային:

Պուտինին հաղթանակի մասին հայտնել են ԱՄՆ նախագահ Ջո Բայդենի հետ հանդիպման մամուլի ասուլիսից հետո, ինչին նախագահը պատասխանել է.

«Ապրե՛ն, շնորհավորում եմ»:

Պուտինը մեկնաբանել է Ձյուբայի հայտնի տեսանյութը

Erik — Thu, 17 Dec 2020 12:10:08 +0000

Ռուսաստանի Դաշնության նախագահ Վլադիմիր Պուտինը մեկնաբանել է «Զենիթի» և Ռուսաստանի հավաքականի հարձակվող Արտյոմ Ձյուբայի ինտիմ տեսանյութը, որը տարածվել էր համացանցում:

– Այդպիսի բանը պե՞տք է ազդի կարիերայի վրա:

— Չի կարելի մտնել մարդու անձնական կյանք: Բայց դա լավ դաս է: Կա ընդհանուր օրենք, պետք է պահել դրանք: Սակայն պրոֆեսիոնալ գործունեությանը դա չպետք է ազդի»,-ասել է Պուտինը:

«Медуза»-ն հայտնում է, որ այնուհետև «Матч ТВ»-ի լրագրող Օլգա Բոգոսլովսկայային Պուտինը հարցրել է, թե արդյո՞ք նա դիտել է տեսանյութը: Բոգոլովսկայան ասել է, որ դիտել է, բայց ոչ մինչև վերջ, ամեն ինչ հասկանալի էր առաջին կադրերից:

«Իսկ ես չեմ տեսել»,-ավելացրեց Պուտինը:

Հեմիլթոնը աջակցել է քննադատությունը ուղղված Թրամփին, Պուտինին և այլ երկրների ղեկավարներին, որոնք շատ են տուժել կորոնավիրուսից

Erik — Tue, 14 Jul 2020 13:20:00 +0000

«Մերսեդեսի» արշավորդ Լյուիս Հեմիլթոնը repost է արել հրապարակումը, որը քննադատում է այն երկրների ղեկավարներին, որոնք շատ են տուժել կորոնավիրուսային համավարից։

Այդ ղեկավարների թվում են եղել Ռուսաստանի Դաշնության նախագահ Վլադիմիր Պուտինը, ԱՄՆ-ի նախագահ Դոնալդ Թրամփը, Մեծ Բրիտանիայի վարչապետ Բորիս Ջոնսոնը, ինչպես նաև Բրազիլիայի նախագահը, Իսպանիայի և Իտալիայի վարչապետները։

«Սթորի» բաժնում Հեմիլթոնի քննադատական հրապարակմանը հետևում են նաև կորոնավիրուսի դեմ պայքարը հաջողած երկրների լիդերների լուսանկարները։ Մասնավորապես, բրիտանացի արշավորդը տեղադրել է Գերմանիայի կանցլեռ Անգելա Մերկելի լուսանկարը, ինչպես նաև Նոր Զելանդիայի, Թայվանի և այլ երկրների ղեկավարների լուսանկարները։

Հավելենք, որ հրապարակման շեշտադրումն այն է, որ այն երկրներում, որտեղ ղեկավարում են կանայք, համավարակի դեմ պայքարը առավել հաջող է ընթացել։

View this post on Instagram

Vote for women. In local elections. State elections. National elections. Vote. For. Women. If you’re also in Texas make sure you get out and vote for @mjfortexas in our upcoming primary. I am so proud to be a feminist and can not wait until we finally have a woman in the White House.

A post shared by Carson Eisenhart (@carsoneisenhart) on Jul 10, 2020 at 12:20pm PDT

Ռուս հոկեյիստը սառցադաշտ է դուրս եկել Պուտինի դիմակով

Zara Ohanyan — Thu, 31 Oct 2019 16:27:15 +0000

Ռուս հոկեյիստ Նիկոլայ Լեմտյուգովը, որը հանդես է գալիս անգլիական «Շեֆիլդ Ստիլերս» թիմում, սառցադաշտ է դուրս եկել ՌԴ նախագահ Վլադիմիր Պուտինի դեմքի դիմակով:

Հոկտեմբերի 30-ին «Շեֆիլդը» Գավաթի խաղում 8:2 հաշվով պարտության մատնեց «Մանչեսթերին»: Լեմտյուգովի թիմը խաղին դուրս է եկել հատուկ համազգեստով, որը նվիրված է Հելոուինի տոնակատարությանը:

Посмотреть эту публикацию в Instagram

Positive vibes only ✌🏻thanks for warm welcome and all your help with the settling in! NO WAR! FROM RUSSIA WITH LOVE! #Halloween

Публикация от Nikolay Lemtyugov (@nikolaylemtyugov) 30 Окт 2019 в 6:11 PDT

«Միայն դրական էմոցիաներ։ Շնորհակալություն ջերմ ընդունելության և օգնելու համար արագ հարմարվելուն: Ո՛չ պատերազմին: Սիրով՝ Ռուսաստանից», — գրել է հոկեյիստն իր Instagram-ում։