«Վեսթ Հեմ Յունայթեդի» կիսապաշտպան Մատեուշ Ֆերնանդեշը մոտ է «Տոտենհեմ Հոտսպուր» տեղափոխվելուն, ըստ լրագրող Ֆաբրիցիո Ռոմանոյի։

Գործարքի արժեքը կազմում է 85 միլիոն ֆունտ ստեռլինգ (99 մլն եվրո), ինչը ռեկորդային է «Տոտենհեմի» համար։

Իր հեթին ինսյադեր Դեյվիդ Օրնշտեյնը հայտնում է, որ լոնդոնցիները ամենաշահավետ առաջարկն են արել ֆուտբոլիստի տրանսֆերի համար։

Տրանսֆերի հավանականությունը մոտ է 99%-ին։ «Մանչեսթեր Յունայթեդը», որը ակտիվորեն հետևում էր կիսապաշտպանին, այժմ կկենտրոնանա այլընտրանքային տարբերակների վրա։

Անգլիայի Պրեմիեր լիգայի 2025/2026 մրցաշրջանի 36-րդ տուրում «Արսենալը» հյուրընկալվելիս չափազանց կարևոր ու բարդ հաղթանակ կորզեց «Վեսթ Հեմ Յունայթեդից»։ «Լոնդոն» ստադիոնում կայացած դերբին ավարտվեց «զինագործների» հաղթանակով՝ 1։0 հաշվով։

Հանդիպման 28-րդ րոպեին հյուրերը ստիպված էին վաղաժամ փոփոխություն կատարել. վնասվածքի պատճառով դաշտը լքեց պաշտպան Բեն Ուայթը, ում փոխարինեց Մարտին Սուբիմենդին։ Խաղի հիմնական ժամանակի ավարտից քիչ առաջ՝ 83-րդ րոպեին, Լեանդրո Տրոսարդը կարողացավ կոտրել տանտերերի դիմադրությունն ու առաջ մղել «Արսենալին»։

Հանդիպման հանգուցալուծումը չափազանց դրամատիկ ստացվեց. 90+5-րդ րոպեին Կալում Ուիլսոնը գրավեց հյուրերի դարպասը՝ հավասարեցնելով հաշիվը, սակայն գլխավոր մրցավար Քրիս Կավանան, VAR համակարգի միջամտությունից և կրկնապատկերը դիտելուց հետո, չեղարկեց գոլը։

Այս դժվարին հաղթանակից հետո «Արսենալը» վաստակեց 79 միավոր և ամրապնդվեց ԱՊԼ-ի մրցաշարային աղյուսակի առաջին հորիզոնականում՝ 5 միավորով պոկվելով մոտակա հետապնդող «Մանչեսթեր Սիթիից»։ «Վեսթ Հեմը» 36 միավորով 18-րդն է։

Առաջնության հաջորդ տուրում «մրճահարները» մայիսի 17-ին արտագնա խաղում կմրցեն «Նյուքասլի» հետ, իսկ «զինագործները» մայիսի 18-ին սեփական հարկի տակ կընդունեն «Բարնլիին»։

Տեսանյութը՝ ԱՅՍՏԵՂ

Մրցաշարային աղյուսակն այս պահին

Անգլիական Պրեմիեր լիգայի 30-րդ տուրի շրջանակում «Մանչեսթեր Սիթին» հյուրընկալվել էր լոնդոնյան «Վեսթ Հեմ Յունայթեդին»: «Լոնդոն Ստադիումում» կայացած հանդիպումն ավարտվեց ոչ-ոքի՝ 1:1 հաշվով:

Խաղի հաշիվը 31-րդ րոպեին բացեցին հյուրերը. աչքի ընկավ պորտուգալացի կիսապաշտպան Բերնարդու Սիլվան: Սակայն «մրճահարներին» հաջողվեց շատ արագ վերականգնել հավասարակշռությունը: Ընդամենը 4 րոպե անց՝ 35-րդ րոպեին, տանտերերի պատասխան գոլը հեղինակեց հույն պաշտպան Կոնստանտինոս Մավրոպանոսը:

Այս ոչ-ոքիից հետո Պեպ Գվարդիոլայի գլխավորած թիմն իր ակտիվում ունի 61 միավոր և շարունակում է զբաղեցնել մրցաշարային աղյուսակի 2-րդ հորիզոնականը: «Վեսթ Հեմը» 29 միավորով հանգրվանել է 17-րդ տեղում:

«Մանչեսթեր Սիթիի» համար հաջորդ հանդիպումը վճռորոշ է լինելու. մարտի 22-ին «քաղաքայինները» Լիգայի գավաթի եզրափակչում ուժերը կչափեն «Արսենալի» հետ: Նույն օրը «Վեսթ Հեմը» ԱՊԼ-ի հերթական տուրում կհյուրընկալվի «Աստոն Վիլային»:

Գոլերը՝ ԱՅՍՏԵՂ

Մրցաշարային աղյուսակն այս պահին

Անգլիայի ֆուտբոլային ասոցիացիան (FA) պաշտոնական հայտարարություն է տարածել Պրեմիեր լիգայի 24-րդ տուրի «Չելսի» — «Վեսթ Հեմ» (3:2) հանդիպման վերջնամասում տեղի ունեցած միջադեպի վերաբերյալ:

​Ըստ ԱՖԱ-ի մամուլի ծառայության՝ անկախ կարգավորող հանձնաժողովը տուգանել է երկու ակումբներին 2026 թվականի հունվարի 31-ին կայացած խաղում գրանցված զանգվածային ծեծկռտուքի պատճառով։

​Նշվում է, որ հանդիպման 95-րդ րոպեին «Չելսին» չի կարողացել կանխել իր ֆուտբոլիստների ոչ պատշաճ և սադրիչ վարքագիծը: Նույն ժամանակահատվածում «Վեսթ Հեմն» էլ իր հերթին չի վերահսկել սեփական խաղացողների ոչ պատշաճ, սադրիչ և ագրեսիվ գործողությունները խաղադաշտում։

​Երկու ակումբներն էլ հետագայում ամբողջությամբ ընդունել են իրենց առաջադրված մեղադրանքները։ Լսումների արդյունքում կարգավորող հանձնաժողովը որոշում է կայացրել «Չելսիին» տուգանել 325 հազար, իսկ «Վեսթ Հեմ Յունայթեդին»՝ 300 հազար ֆունտ ստեռլինգով։

«Մանչեսթեր Յունայթեդի» երկրպագու Ֆրենկ Այլետին ընդամենը մեկ հաղթանակ չբավականացրեց՝ վերջին 494 օրվա ընթացքում առաջին անգամ մազերը կտրելու համար։

Բանն այն է, որ ֆուտբոլասերը խոստացել էր չայցելել վարսավիրանոց, քանի դեռ իր սիրելի թիմը չի տարել 5 անընդմեջ հաղթանակ։ Սակայն ԱՊԼ-ի 26-րդ տուրում «կարմիր սատանաները» 4 անընդմեջ հաղթանակից հետո ոչ-ոքի՝ 1:1 հաշվով ավարտեցին հանդիպումը «Վեսթ Հեմի» հետ։ Արդյունքում՝ 2024 թվականի հոկտեմբերի 5-ից մեկնարկած մարտահրավերը զրոյացվեց, և Ֆրենկը ստիպված կլինի դեռ սպասել։

Խաղից հետո «Մանչեսթեր Յունայթեդի» գլխավոր մարզիչ Մայքլ Քերիկը մեկնաբանել է գրանցված արդյունքը՝ նշելով, որ թիմը լավագույն խաղը չի ցուցադրել, սակայն կարևորել է վաստակած միավորը։

«Մենք նորմալ խաղացինք, բայց, իհարկե, մի փոքր հիասթափված ենք, քանի որ հաստատ չցուցադրեցինք մեր առավելագույնը։ Հենց այսպիսի իրավիճակներում է պետք ելք գտնել ու առաջ շարժվել։

Այս մարզադաշտում խաղալը բարդ է, իսկ մեր գործողություններում բավարար հստակություն չկար։ Բայց մենք կրկին ցույց տվեցինք թիմային հիանալի ոգի։ Հաշվի առնելով մեր դիրքը և կատարած աշխատանքը՝ մենք ընդունում ենք այս արդյունքը և շարժվում առաջ։ Դա հեշտ չէր, բայց մենք հնարավորություն գտանք միավոր վաստակելու»,- նշել է Քերիկը:

Մարզիչը նաև առանձնացրել է թիմի միակ գոլի հեղինակ Բենիամին Շեշկոյին.

«Շեշկոն հիանալի գոլ խփեց, նա կրկին արեց դա։ Կարևոր պահ էր և հիանալի հարված։ Շատ ուրախ եմ նրա համար»։

Անգլիայի Պրեմիեր լիգայի 26-րդ տուրի կենտրոնական հանդիպումներից մեկում «Մանչեսթեր Յունայթեդը» հյուրընկալվելիս մրցեց «Վեսթ Հեմի» հետ։ «Լոնդոն Ստեդիումում» կայացած դրամատիկ պայքարն ավարտվեց ոչ-ոքի՝ 1:1 հաշվով։

Առաջին խաղակեսում դարպասի գրավում չարձանագրվեց։ Հիմնական իրադարձությունները ծավալվեցին ընդմիջումից հետո.

Երկրորդ կեսի սկզբնամասում «մուրճերի» կիսապաշտպան Տոմաշ Սոուչեկը բացեց հաշիվը։

63-րդ րոպեին հյուրերի կիսապաշտպան Կազեմիրոն գրավեց մրցակցի դարպասը, սակայն VAR համակարգի միջամտությունից հետո գոլը չեղարկվեց խաղից դուրս վիճակի պատճառով։

Մանկունիացիներին հաջողվեց պարտությունից խուսափել միայն մրցավարի կողմից ավելացված ժամանակում. 90+6-րդ րոպեին փրկարար գոլի հեղինակ դարձավ Բենիամին Շեշկոն։

Այս ոչ-ոքիով «Վեսթ Հեմն» ընդհատեց «Մանչեսթեր Յունայթեդի» 4 խաղից բաղկացած հաղթական շարքը։

Այս խաղից հետո «ՄՅՈւ»-ն 45 միավորով զբաղեցնում է 4-րդ հորիզոնականը, իսկ «Վեսթ Հեմը» 24 միավորով 18-րդ տեղում է։

Տեսանյութը՝ ԱՅՍՏԵՂ

Մրցաշարային աղյուսակն այս պահին

«Վեսթ Հեմի» եզրային հարձակվող Ադամա Տրաորեն անակնկալ կերպով միացել է իսպանական հեռուստատեսության ուղիղ եթերին այն պահին, երբ «Չելսիի» պաշտպան Մարկ Կուկուրելյան մեկնաբանում էր նրանց միջև տեղի ունեցած միջադեպը։

Անգլիայի Պրեմիեր լիգայի 24-րդ տուրի շրջանակում կայացած լոնդոնյան դերբիում «ազնվականները» 3։2 հաշվով հաղթանակ էին տարել։ Հանդիպման ավելացված ժամանակում (90+5-րդ րոպե) Տրաորեն հրել էր մրցակցին, ինչից հետո երկու թիմերի ֆուտբոլիստների միջև քաշքշուկ էր սկսվել։

«Նման բաներ պատահում են, խնդիր չկա։ Թեպետ, եթե նրան փողոցում հանդիպեի, դրանից հետո չէի համարձակվի բարևել»,- կատակել է Կուկուրելյան 3 Cat Fanzone show-ի եթերում։

Անմիջապես հետո հաղորդավարը հայտարարել է, որ հանդիպմանը երկար սպասել պետք չէ, և եթեր է միացրել Տրաորեին։ Ֆուտբոլիստները ծիծաղել են, իսկ Կուկուրելյան սկսել է ծափահարել։

«Հիմա ես հանգիստ եմ, քանի որ մեզ էկրանն է բաժանում»,- հավելել է «Չելսիի» պաշտպանը։

Անգլիայի Պրեմիեր լիգայի 24-րդ տուրում «Չելսին» սեփական հարկի տակ 3:2 հաշվով կամային հաղթանակ տարավ «Վեսթ Հեմի» նկատմամբ։

Առաջին խաղակեսում հյուրերը երկու գնդակ ուղարկեցին մրցակցի դարպասը. աչքի ընկան Ջարոդ Բոուենն ու Կրիսենսիո Սամերվիլը։ Երկու դեպքում էլ գոլային փոխանցման հեղինակ դարձավ Ահարոն Վան-Բիսական։

Երկրորդ խաղակեսում տանտերերին հաջողվեց հավասարեցնել հաշիվը. գոլերով աչքի ընկան Ժոաո Պեդրոն և Մարկ Կուկուրելյան։ Հանդիպման վերջնամասում «կապույտներին» հաղթանակ պարգևեց Էնցո Ֆերնանդեսի խփած գնդակը։

Մրցավարի կողմից ավելացված ժամանակում «մուրճերի» պաշտպան Ժան-Կլեր Տոդիբոն կարմիր քարտ ստացավ։

Այս հաղթանակից հետո «Չելսին» վաստակեց 40 միավոր և բարձրացավ մրցաշարային աղյուսակի 4-րդ հորիզոնական։ «Վեստ Հեմը» 20 միավորով 18-րդ տեղում է։

Տեսանյութերը՝ ԱՅՍՏԵՂ

Անգլիայի Պրեմիեր լիգայի մրցաշարային աղյուսակն այս պահին

Լուկաս Պակետան կրկին հանդես կգա «Ֆլամենգոյի» կազմում։

Կիսապաշտպանը վերադարձել է այն թիմ, որտեղից հեռացել էր 2019 թվականին։ Այն ժամանակ «Միլանը» նրա համար վճարել էր մոտ 35 մլն եվրո, իսկ այժմ, ըստ ինսայդեր Ֆաբրիցիո Ռոմանոյի, «Վեսթ Հեմը» ֆուտբոլիստի տրանսֆերը վաճառել է 42 մլն եվրոյով։ Սա բացարձակ ռեկորդ է բրազիլական ֆուտբոլի պատմության մեջ։

Պակետան հանդես է գալու 20 համարի մարզաշապիկով։ Կողմերի միջև կնքված պայմանագիրը գործելու է մինչև 2030 թվականի ավարտը։

Նշենք, որ ընթացիկ մրցաշրջանում Լուկասը Պրեմիեր լիգայում (ԱՊԼ) մասնակցել է 18 հանդիպման և դարձել 4 գոլի հեղինակ։

Անգլիայի Պրեմիեր լիգայի 22-րդ տուրը նշանավորվեց մի շարք ուշագրավ արդյունքներով. «Լիվերպուլը» միավորներ կորցրեց հետնապահի դեմ խաղում, «Չելսին» վերջապես հաղթեց նոր մարզչի գլխավորությամբ, իսկ «Վեսթ Հեմը» ընդհատեց անհաջողությունների երկարատև շարքը։

​Մերսիսայդցիները սեփական հարկի տակ չկարողացան կոտրել «Բարնլիի» դիմադրությունը։ Խաղի հաշիվը 42-րդ րոպեին բացեց «Լիվերպուլի» 22-ամյա կիսապաշտպան Ֆլորիան Վիրցը՝ խփելով իր երրորդ գոլը ԱՊԼ-ում։ Սակայն հյուրերը կարողացան փրկել խաղը 65-րդ րոպեին Մարկուս Էդվարդսի դիպուկ հարվածի շնորհիվ։

​Այս ոչ-ոքիից հետո «Լիվերպուլը» (36 միավոր) բարձրացավ 4-րդ հորիզոնական՝ շրջանցելով «Մանչեսթեր Յունայթեդին», իսկ «Բարնլին» (14 միավոր) մնաց 19-րդ տեղում։

Տեսանյութերը` ԱՅՍՏԵՂ

​Լոնդոնյան ակումբը տոնեց իր առաջին հաղթանակը Անգլիայի առաջնությունում Լիամ Ռոսենյորի՝ գլխավոր մարզի պաշտոնում նշանակվելուց հետո։

Հանդիպման 26-րդ րոպեին աչքի ընկավ Ժոաո Պեդրոն, իսկ 76-րդ րոպեին Կոուլ Պալմերը հստակ իրացրած 11-մետրանոցով կրկնապատկեց հաշիվը։

​Հաղթանակի շնորհիվ «Չելսին» (34 միավոր) բարձրացավ 6-րդ հորիզոնական, իսկ «Բրենթֆորդը» (33 միավոր) նահանջեց 7-րդ տեղ։

Տեսանյութերը` ԱՅՍՏԵՂ

​Տուրի ամենադրամատիկ պայքարը ծավալվեց Լոնդոնում։ Հյուրերը՝ ի դեմս Կրիսենսիո Սամերվիլի, հաշվի մեջ առաջ անցան արդեն 15-րդ րոպեին։ «Խթանները» 63-րդ րոպեին կարողացան վերականգնել հավասարությունը Կրիստիան Ռոմերոյի ջանքերով, սակայն ավելացված ժամանակում (90+3) Կալում Ուիլսոնը հաղթանակ պարգևեց «Վեսթ Հեմին»։

​«Վեսթ Հեմը» (17 միավոր) ընդհատեց 10 խաղից բաղկացած առանց հաղթանակների սերիան և բարձրացավ 18-րդ հորիզոնական։ «Տոտենհեմը» (27 միավոր) չի հաղթում արդեն 4 խաղ անընդմեջ և զբաղեցնում է 14-րդ տեղը։
​Զուգահեռ ընթացող այլ հանդիպումներում գրանցվել են հետևյալ արդյունքները.

• ​«Սանդերլենդ» 2 — 1 «Քրիսթալ Փելաս»
• ​«Լիդս» 1 — 0 «Ֆուլհեմ»

Անգլիայի Պրեմիեր լիգայի մրցաշարային աղյուսակն այս պահին