Բուդապեշտում անցկացվել է կարճ ջրի / 25 մետրանոց լողավազան / լողի աշխարհի հերթական առաջնությունը:

Հայաստանից հանդես է եկել երկու մարզիկ՝ Վարսենիկ Մանուչարյանը և Աշոտ Չախոյանը: Նրանց մրցավայր էր ուղեկցել հավաքականի ավագ մարզիչ Արման Վահանյանը:

Վարսենիկը մրցել է 100մ. բատերֆլայ և 50մ ազատ ոճում, իսկ Աշոտը Չախոյանը ՝ 50մ և 100մ բրաս լողաոճում։

Մեր մարզուհին ցույց է տվել համապատասխանաբար 1, 00.51 և 26, 26, ժամանակ և երկու դեպքում էլ գրանցել համապետական նոր ռեկորդ: Աշոտը 100 մետրն անցել է 1, 02. 57 ժամանակում: Նույն ոճի 50 մետրում նա դարձյալ վատ չի լողել/ 28, 29 վրկ/, բայց չնչին սխալի պատճառով որակազրկվել է:

Լավագույն ցուցանիշը Վարսենիկի զբաղեցրած 30-րդ տեղն է 100 մետրում ՝ 60 մրցակցուհիների պայքարում:

Մարզիչ Արմինե Ավետիսյանը, ArmSport-ի հետ զրույցում ամփոփել է 18-ամյա լողորդ Վարսենիկ Մանուչարյանի Տոկիոյի ամառային Օլիմպիական խաղերում։ ելույթը 32-րդ Խաղերին․

Վարսենիկ Մանուչարյանը 100 մ ազատ ոճում գրանցեց 59.18 արդյունքը ու չկարողացավ հաղթահարել որակավորման փուլը:

«Վարսենիկի ելույթը կգնահատեմ միջինից մի փոքր բարձր։ Իր անհանգստությունը, այս մեծ մրցումները տեսնելը նրան խանգարեց։ Ընդհանուր առմամբ նա շատ լավ էր պատրաստվել, պետք է որ լավ լողար։ 50 մետրը շատ լավ սկսեց, թե հետո ինչ պատահեց ․․․ ինձ հետո պատմեց, որ start-ի մոտ կանգնած՝ ոտքերը դողացել է։ Բայց չէ՞ որ ամեն ինչ շատ լավ էր ․․․ դեռ երիտասարդ է, նրա մոտ ամեն ինչ դեռ առջևում է։

Լավ է ,որ այս տարիքից մասնակցեց նման մեծ մրցման, տեսավ, թե ինչ է կատարվում։ Այս փորձը միանշանակ օգտակար կլինի»,- ասել է Ավետիսյանը։

Արմինե Ավետիսյանը, որը Հայաստանի մեկ այլ ներկայացուցչի՝ լողորդ Արթուր Բարսեղյանի մարզիչն է, խոսել է նաև նրա ելույթի մասին․

«Արթուրը շատ ոգևորված է իր ելույթից հետո, քանի որ թարմացրեց թե՛ իր անձնական ռեկորդը, թե՛ Հայաստանի ռեկորդը։ Երկու տարի մրցումներ չէր եղել, ու հիմա վերջապես սայլը տեղից շարժվեց»,- ասել է Արմինե Ավետիսյանը։

Հիշեցնենք՝ մեր մարզիկը ՕԽ լողի 100 մետր ազատ ոճի որակավորման փուլում գրանցեց 49.78 արդյունք։ Չորրորդ լողահերթում Արթուրը զբաղեցրեց երկրորդ տեղը, իսկ ընդհանուր հաշվարկում զբաղեցրեց 38-րդ տեղը, բայց դուրս չեկավ կիսաեզրափակիչ, քանի որ կիսաեզրափակիչ են դուրս գալիս 16 լավագույն արդյունք գրանցած մարզիկները։

Հուլիսի 30-ին Արթուր Բարսեղյանը հանդես կգա 50 մետր ազատ ոճում։

Գևորգ Ղազարյան՝

Տոկիոյից հատուկ ArmSport-ի համար

Լողորդ Վարսենիկ Մանուչարյանը Տոկիոյի Օլիմպիական խաղերում մեկնարկեց 100 մ ազատ ոճում։ Նա գրանցեց 59.18 արդյունքը ու չկարողացավ հաղթահարել որակավորման փուլը:

ArmSport-ի հետ զրույցում 18-ամյա մարզուհին, որը ՕԽ-ին մասնակցում էր սպիտակ քարտով, մեկնաբանել է իր ելույթը․

«Չկարողացա բարելավել սեփական արդյունքս․ ինքս էլ չգիտեմ՝ ինչու չստացվեց, բայց ունենք այն, ինչ ունենք։ Սա սկիզբն էր, հուսամ հաջորդ անգամ՝ հաջորդ Օլիմպիական խաղերում, ավելի լավ հանդես կգամ։

Եթե անկեղծ լինեմ, երբ նոր էի մոտենում մեկնարկին, մի քիչ դող էի զգում։ Լարվածություն կար։ Լարվում էի, քանի որ գիտեի, որ այս անգամ ինձ շատ մարդիկ էին դիտելու»,- ասել է Վարսենիկ Մանուչարյանը։

Վարսենիկ Մանուչարյանն ավարտեց ելույթները Տոկիոյի ամառային Օլիմպիական խաղերում։

Գևորգ Ղազարյան՝

Տոկիոյից հատուկ ArmSport-ի համար

Հայաստանի երկրորդ ներկայացուցիչը լողի մրցաշարում՝ Վարսենիկ Մանուչարյանը այսօր պայքարի դուրս եկավ 100 մետր ազատ լողաոճում։ Հիշեցնենք, որ Վարսենիկը Հայաստանի դրոշակակիրներից մեկն էր ՕԽ բացման հանդիսավոր արարողության ժամանակ։

100 մետր ազատ ոճում Մանուչարյանը իր լողահերթում 6-րդն էր՝ գրանցելով 59.18 վայրկյան արդյունք։ Այդպիսով՝ նա չկարողացավ հաղթահարել որակավորման փուլը:

Նշենք, որ հաջորդ փուլի ուղեգիր են նվաճել ընդհանուր հաշվարկում մինչև 16-րդ տեղ գրաված լողորդները:

Հիշեցնենք՝ լողորդ Արթուր Բարսեղյանը երեկ՝ հուլիսի 27-ին, 100մ ազատ ոճ մրցաձևում իր մրցահերթում 8 մարզիկների պայքարում զբաղեցրել է 2-րդ տեղը՝ 49.78 վայրկյան արդյունքով: Բարսեղյանը ՀՀ ռեկորդ է սահմանել, սակայն չի կարողացել հաղթահարել ՕԽ-ի որակավորման փուլը: Ավելացնենք, որ Բարսեղյանը ևս մեկ մեկնարկ կունենա հուլիսի 30-ին` 50 մետր ազատ ոճում:

Տոկիոյի ամառային 32-րդ օլիմպիական խաղերում այսօր՝ հուլիսի 28-ին, Հայաստանը կունենա մեկ ներկայացուցիչ:

Պայքարի դուրս կգա լողորդ Վարսենիկ Մանուչարյանը՝ հանդես գալով 100 մետր ազատ լողաոճում: Նրա մեկնարկը 14:00-ին է:

Հիշեցնենք՝ լողորդ Արթուր Բարսեղյանը երեկ՝ հուլիսի 27-ին, 100մ ազատ ոճ մրցաձևում իր մրցահերթում 8 մարզիկների պայքարում զբաղեցրել 2-րդ տեղը 49.78 վայրկյան արդյունքով: Բարսեղյանը ՀՀ ռեկորդ է սահմանել,սակայն չի կարողացել հաղթահարել ՕԽ-ի որակավորման փուլը:

Հիշեցնենք, որ 32-րդ ամառային Օլիմպիական խաղերում Հայաստանն ունի 17 ներկայացուցիչ: Ավելի վաղ մարմնամարզիկ Արթուր Դավթյանը դուրս է եկել հենացատկի եզրափակիչ, բռնցքամարտիկ Հովհաննես Բաչկովը մեկ հաղթական մենամարտ է անցկացրել և պայքարը շարունակելու է 1/8 եզրափակչում: Հրաձիգ Էլմիրա Կարապետյանը 10 մ ատրճանակ մրցաձևում չի հաղթահարել որակավորման փուլը, իսկ ձյուդոիստ Ֆերդինանդ Կարապետյանը (73 կգ) և բռնցքամարտիկ Կորյուն Սողոմոնյանը (52 կգ) պարտություն են կրել մեկնարկում:

Հայաստանի բազմակի չեմպիոն, լողորդ Վարսենիկ Մանուչարյանը վաղը՝ հուլիսի 28-ին, կմեկնարկի Օլիմպիական խաղերում։

ArmSport-ը խնդրել էր Վարսենիկին նկարահանել իր օրը Օլիմպիական ավանում։ Ներկայացնում ենք մեր լողորդի տեսանյութը։

Հուլիսի 23-ին Տոկիոյի օլիմպիական մարզադաշտում տեղի կունենա  ամառային 32-րդ օլիմպիական խաղերի բացման հանդիսավոր արարողությունը: ՄՕԿ-ի և կազմկոմիտեի համատեղ որոշմամբ պատվիրակությունները կունենան մեկական դրոշակակիր՝ մարզիկ և մարզուհի:

Հայաստանի դրոշակակիրներն են լինելու Հայաստանի հանրապետության բազմակի չեմպիոն և ռեկորդակիր, լողորդուհի Վարսենիկ Մանուչարյանը և անվանի բռնցքամարտիկ Հովհաննես Բաչկովը, հայտնում է ՀԱՕԿ-ը:

Ամառային օլիմպիական 32-րդ խաղերում Հայաստանի ներկայացուցիչների մի մասն աս գիշեր Երևան- Վիեննա-Տոկիո չվերթով մեկնել է Ճապոնիա։

Տոկիո մեկնող մարզիկների թվում են եղել ծանրորդներ Սիմոն Մարտիրոսյանը, Իզաբելլա Յայլյանը, մարմնամարզիկ Արթուր Դավթյանը, ձյուդոիստ Ֆերդինանդ Կարապետյանը, լողորդներ Արթուր Բարսեղյանն ու Վարսենիկ Մանուչարյանը։

Ինչպես ավելի վաղ հայտնել էինք, նույն չվերթով Տոկիո են մեկնել նաև բռնցքամարտիկներ Հովհաննես Բաչկովը, Կորյուն Սողոմոնյանն ու Արման Դարչինյանը։

Տոկիոյի Օլիմպիական խաղերը կմեկնարկեն հուլիսի 23-ին։ Հայաստանի օլիմպիական հավաքականից առաջինը մրցավայր է մեկնել հրաձիգ Էլմիրա Կարապետյանը։

Ջրային մարզաձևերի միջազգային ֆեդերացիան Հայաստանի ազգային օլիմպիական կոմիտեին պաշտոնապես տեղեկացրել է Տոկիոյի օլիմպիական խաղերում մեր երկրի երկու լողորդների մասնակցության մասին: Այս մասին հայտնում է ՀԱՕԿ-ի պաշտոնական կայքը։

Արթուր Բարսեղյանը հանդես կգա 50 և 100 մետր ազատ, իսկ Վարսենիկ Մանուչարյանը ՝ 100 մետր ազատ լողաճերում:

Աթլետիկայի միջազգային ֆեդերացիան էլ հաստատել է կապանցի եռացատկորդ Լևոն Աղասյանի մասնակցությունը Տոկիոյի ամառային օլիմպիական խաղերին։

Աղասյանը Թբիլիսիում անցկացված Վրաստանի բաց առաջնությունում ցույց է տվել 17 մ 16 սմ արդյունք և նվաճել օլիմպիական արտոնագիր: Նշենք ,որ այդ արդյունքը երկու սմ –ով գերազանցում է պահանջվող ցուցանիշը:

Այսպիսով Ճապոնիայում անցկացվելիք ամառային 32-րդ օլիմպիական խաղերին մասնակցող Հայաստանի մարզիկների թիվը հասավ 17-ի:

Տոկիոյի Օլիմպիական խաղերում Հայաստանը կներկայացնեն նաև ծանրորդներ Սիմոն Մարտիրոսյանը և Իզաբելլա Յայլյանը, բռնցքամարտիկներ Կորյուն Սողոմոնյանը,Արման Դարչինյանը և Հովհաննես Բաչկովը, մարմնամարզիկ Արթուր Դավթյանը, հունահռոմեական ոճի ըմբիշներ Արթուր Ալեքսանյանը, Կարապետ Չալյանը, Արմեն Մելիքյանը և Կարեն Ասլանյանը, ազատոճային ըմբիշներ Արսեն Հարությունյանը և Վազգեն Թևանյանը,ձյուդոիստ Ֆերդինանդ Կարապետյանը, հրաձիգ Էլմիրա Կարապետյանը:

Օլիմպիական խաղերը կայանալու են հուլիսի 23-ից օգոստոսի 8-ը:

Մեկամյա ընդմիջումից հետո տեղի ունեցավ Հայաստանի լողի առաջնությունը: Երևանում՝ Դավիթ Համաբարձումյանի անվան լողավազանում մրցեցին 108 մարզիկ — մարզուհիներ:Այս մասին հայտնում է ՀԱՕԿ-ի պաշտոնական կայքը։

ՀՀ վաստակավոր մարզիչ Միսակ Գաբրիելյանը ՀԱՕԿ-ի հետ զրույցում ասել է, որ շատ արդյունքներ գրանցվեցին որպես սպորտի վարպետի և միջազգային կարգի վարպետի ցուցանիշ: Եղան նաև հանրապետական ռեկորդներ: 100մ. ազատ լողաոճում 49, 73 վայրկյանով ՀՀ ռեկորդ սահմանեց և միջազգային վարպետի արդյունք ցույց տվեց Արթուր Բարսեղյանը: Նույն ոճում, կանանց պայքարում, վարպետի արդյունքով աչքի ընկավ Վարսենիկ Մանուչարյանը. 50մ. ՝ 26, 92 վայրկյան և 100մ. ՝ 58, 24 վայրկյան:

Արտակարգ լարված մրցակցություն ծավալվեց նաև 50մ., 100մ. և 200մ. բրասում: Նշենք թեկուզ 200մ. մրցատարածությունը: Առաջին եռյակում դասավորված Էդվարդ Ասատրյանի / Երևան / , Ռուբեն Հարությունյանի / Գյումրի / ,Դավիթ Մարգարյանի / Երևան / արդյունքների տարբերությունները ընդամենը տասնորդական վայրկյաններով են. 2.29,42, 2.30,00 և 2.30, 52: Էդվարդ Ասատրյանը 100մ. բրասում առաջին անգամ լրացրեց վարպետի նորման / 1.06,94 /: Այսքանով հանդերձ, մասնագետները հիշում են հեռավոր 1984թ. Արմեն Կոբելինի 100մ. սահմանած հանրապետական ռեկորդը բրասում՝ 1.04,80: Այդ արդյունքը առայժմ անգերազանցելի է:

Բոլոր մասնակիցներից միայն մեկը՝ Արթուր Բարսեղյանն ունի օլիմպիական վարկանիշային Բ՝ երկրորդ կարգի արտոնագիր,որին նա արժանացել է դեռևս 2019թ.: Բայց Տոկիո մեկնելու համար հարկ է լրացնել առաջին կարգը: Նա արագ վայրկյաններ պիտի ցույց տա պաշտոնական և վարկանիշային համապատասխան մրցաշարերում:

Դրա համար անհրաժեշտ է համավարակի << թույլտվությունը >> : Կարևոր են Եվրոպայի, աշխարհի առաջնությունները, Բելառուսում, Լատվիայում, Ուկրաինայում, ՌԴ –ում և այլ երկրներում նախատեսված վարկանիշային մրցաշարերը: Ուստի հասկանալի է, թե ինչու նախորդ մրցաշրջանում չանցկացվեց լողի համապետական առաջնությունը: Եթե ոչ լողավազանում , ուրիշ որտեղ պետք է լողորդները օլիմպիական ուղեգիր նվաճեն: