Արմեն Սանամյանը նշանակվել է «Վանի» գլխավոր մարզչի պաշտոնում։ Այս մասին հայտնում է չարենցավանյան ակումբի մամուլի ծառայությունը։

Հայ մասնագետը ունի UEFA Pro մարզչական արտոնագիր։ 2025/26 մրցաշրջանում Արմեն Սանամյանը աշխատել է «Վանի» մարզչական շտաբում՝ որպես գլխավոր մարզչի օգնական։

Իր մարզչական կարիերայի ընթացքում Սանամյանը գլխավորել է Հայաստանի տարբեր ակումբներ, այդ թվում՝ «Ալաշկերտը», «Արցախ Երևանը», «Սևանը», «Լոռին» և «Հայքը», ինչպես նաև աշխատել է մի շարք այլ ակումբներում, Հայաստանի Մ-19 հավաքականում։

Ֆուտբոլի Հայաստանի Պրեմիեր լիգայի 2026/27 մրցաշրջանի 6-րդ տուրի շրջանակում «Ալաշկերտը» պարտության մատնեց «Վանին» (4-0):

Տանտերերը երկու գնդակի առավելություն ստացան դեռևս առաջին խաղակեսում։ Հանդիպման 8-րդ և 39-րդ րոպեին դուբլ գրանցեց Մասումոն։

Երկրորդ խաղակեսում «Ալաշկերտի» առավելությունն էլ ավելի մեծացրեց Մասումոն՝ գրանցելով իր ակտիվում հեթ-տրիկ։ Խաղավերջում աչքի ընկավ նաև Էջիկեն։

Այս հաղթանակից հետո «Ալաշկերտը» 6 խաղից հետո վաստակած 13 միավորով բարձրացավ մրցաշարային աղյուսակի 2-րդ հորիզոնական։ «Վանը», որը 6 խաղից հետո 1 միավոր, եզրափակում է մրցաշարային աղյուսակը։

Տեսանյութը՝ ստորև․

Մրցաշարային աղյուսակն այս պահին

Հայաստանի Պրեմիեր լիգայի 4-րդ տուրի մեկնարկային խաղում «Վանը» Չարենցավանում ուժերը չափեց «Սյունիքի» հետ։

Հանդիպման 37-րդ րոպեին Տիգրան Գևորգյանը բացեց խաղի հաշիվը, իսկ 41-րդ րոպեին Սամվել Սարգսյանը վերականգնեց հավասարությունը՝ ձևակերպելով վերջնարդյունքը։

Այս խաղից հետո «Վանը» 4 միավորով 8-րդ հորիզոնականում է։ «Սյունիքը» մեկ միավորով եզրափակում է մրցաշարային աղյուսակը։

Հավելենք, որ հաջորդ տուրում «Վանը» օգոստոսի 29-ին տանը կմրցի Գյումրիի «Շիրակի» հետ։ «Սյունիքը» օգոստոսի 31-ին Հակոբ Տոնոյանի անվան Քաղաքային մարզադաշտում կհյուրընկալվի «Սարդարապատին»։

Տեսանյութը՝ ստորև․

Մրցաշարային աղյուսակն ունի այս տեսքը

Ֆուտբոլի Հայաստանի Պրեմիեր լիգայի երրորդ տուրում Հայաստանի գործող չեմպիոն «Արարատ-Արմենիան» Աբովյանի Վահագն Թումասյանի անվան մարզահամալիրում 2-0 հաշվով առավելության հասավ «Վանի» նկատմամբ:

Խաղի հաշիվը երկրորդ խաղակեսի մեկնարկում՝ 47-րդ րոպեին, բացեց Ալիուն Նդուրը։ Իսկ տանտերերի երկրորդ գոլը 89-րդ րոպեին հեղինակեց Արայիկ Էլոյանը՝ ձևակերպելով հանդիպման վերջնահաշիվը։

Այս խաղից հետո «Արարատ-Արմենիան» վաստակած միավորների քանակը հասցրեց 9-ի և շարունակում է գլխավորել մրցաշարային աղյուսակը։ «Վանը», անցկացրած երեք խաղերում կրելով նույնքան պարտություն, 0 միավորով 11-րդն է։

Հանդիպման տեսագրությունը․

ՀՊԼ-ի մրցաշարային աղյուսակը՝ ստորև․

Հայաստանի Պրեմիեր լիգայի նոր մեկնարկած առաջնության 2-րդ տուրում «Փյունիկը» Երևանի ֆուտբոլի ակադեմիայում ուժերը չափեց «Վանի» հետ:

Հանդիպումն ավարտվեց Արտակ Օսեյանի գլխավորած թիմի հաղթանակով՝ 3:0: Գոլով աչքի ընկան Իասոնաս Պիկիսը, Կառլեն Հովհաննիսյանը և Գևորգ Տարախչյանը:

Այս խաղից հետո «Փյունիկը» 4 միավորով զբաղեցնում է 3-րդ հորիզոնականը: «Վանը» միավոր չի վաստակել և եզրափակում է մրցաշարային աղյուսակը:

Օգոստոսի 15-ին «Վանը» կմրցի «Արարատ-Արմենիայի», իսկ օգոստոսի 16-ին «Փյունիկը»՝ «Սարդարապատի» հետ:

Տեսանյութը՝ ստորև․

Մրցաշարային աղյուսակն այս պահին

Հայաստանի Պրեմիեր լիգայի 2026/27 թթ. մրցաշրջանը մեկնարկեց գոլառատ և անակնկալ հանդիպումով:

Մրցաշարի նորեկ «Սարդարապատը» առաջին տուրում հյուրընկալվելիս տպավորիչ ու վստահ հաղթանակ տարավ Չարենցավանի «Վանի» նկատմամբ՝ 4:1։

Խաղի հաշիվը 31-րդ րոպեին բացեց Լևոն Պետրոսյանը՝ գրելով պատմություն: Նա ոչ միայն հեղինակեց ընթացիկ առաջնության առաջին գնդակը, այլև խփեց «Սարդարապատի» պատմության անդրանիկ գոլը Բարձրագույն խմբում:

Դրանից ընդամենը 11 րոպե անց հյուրերը կրկնապատկեցին իրենց առավելությունը. նշանակված 11-մետրանոցն անվրեպ իրացրեց Համլետ Մինասյանը՝ թիմերին ընդմիջման ուղարկելով 0:2 հաշվի պայմաններում:

Երկրորդ խաղակեսում նորեկ թիմի առավելությունն ավելի ակնհայտ դարձավ: 69-րդ րոպեին Ջանիկ Դավթյանը հաշիվը դարձրեց խոշոր: Հանդիպման 86-րդ րոպեին Չարենցավանը ներկայացնող թիմին հաջողվեց հեղինակության գնդակ խփել. այս անգամ 11-մետրանոց նշանակվեց արդեն «Սարդարապատի» դարպասին, որը հստակ իրացրեց Պետրոս Ավետիսյանը: Սակայն դա «Վանի» միակ հաջողությունն էր այս դիմակայությունում:

Խաղակետը դրվեց հիմնական ժամանակին ավելացված 3-րդ րոպեին, երբ հյուրերի փորձառու պաշտպան Արթուր Դանիելյանը գրավեց մրցակցի դարպասն ու ձևակերպեց հանդիպման վերջնահաշիվը՝ 1:4:

Մրցաշարային աղյուսակը՝ ԱՅՍՏԵՂ

Հիշեցնենք, որ Հայաստանի նոր առաջնությունն այս մրցաշրջանում անցկացվում է 12 թիմերի մասնակցությամբ:

Առաջին տուրի շրջանակում օգոստոսի 1-ին կկայանա ևս երկու հանդիպում.

18:00 | ԲԿՄԱ – «Շիրակ» 
20:00 | «Գանձասար» – «Արարատ-Արմենիա»

Fastex Պրեմիեր լիգայի վերջին` 27-րդ տուրում կայացան առաջնության եզրափակիչ հանդիպումները։

Այս տուրին արդեն չեմպիոնի կարգավիճակով մոտեցած «Արարատ-Արմենիան» նվազագույն՝ 1-0 հաշվով հաղթեց «Գանձասարին». հանդիպման միակ գոլը 42-րդ րոպեին հեղինակեց Ժիրայր Շաղոյանը։

«Փյունիկը» կամային հաղթանակ տարավ «Վանի» նկատմամբ՝ 2-1 հաշվով։ Արդեն 3-րդ րոպեին հյուրերի կազմում աչքի ընկավ Պետրոս Ավետիսյանը, սակայն երևանյան թիմը կարողացավ բեկել խաղի ընթացքը Խավի Մորենոյի (22) և Ֆիլիպե Ալմեյդայի (84) խփած գնդակների շնորհիվ։

Զուգահեռաբար ընթացող խաղում «Նոան» հյուրընկալվելիս 5-0 հաշվով ջախջախեց «Ուրարտուին»։ Աչքի ընկան Գոռ Մանվելյանը (2), Նիկոլաս Սենտինին (5), Արամ Խամոյանը (59), Մարին Յակոլիշը (76) և Գուստավո Սանգարեն (78′)։

Այսպիսով, Հայաստանի չեմպիոն «Արարատ-Արմենիան» (60 միավոր) մեր երկիրը կներկայացնի Չեմպիոնների լիգայի որակավորման փուլում։

Մրցաշարային աղյուսակում համապատասխանաբար 2-ից 4-րդ տեղերը զբաղեցրած «Նոան» (56 միավոր), «Փյունիկը» (55 միավոր) և «Ալաշկերտը» (53 միավոր) իրենց եվրագավաթային պայքարը կսկսեն Կոնֆերենցիաների լիգայի խաղարկության որակավորման փուլից։

Բարձրագույն խմբում իր ելույթներն ավարտում է և առաջնությունից դուրս է մնում վերջին հորիզոնականը զբաղեցրած «Շիրակը» (13 միավոր)։

Հանդիպումների տեսագրությունները՝ ստորև․

ՀՊԼ-ի մրցաշարային աղյուսակը՝ ստորև․

Fastex Պրեմիեր լիգայի 2025/26 թթ. մրցաշրջանի նախավերջին` 26-րդ տուրի մեկնարկային խաղում «Վանը» Չարենցավանի «Քաղաքային» մարզադաշտում նվազագույն՝ 0-1 հաշվով զիջեց «Ալաշկերտին»:

Հյուրերի կազմում հանդիպման հաշիվը 58-րդ րոպեին 11 մետրանոց հարվածով բացեց Կարեն Նալբանդյանը: Մրցավարի կողմից ավելացված ժամանակում՝ 91-րդ րոպեին, «Ալաշկերտի» դարպասապահ Արսեն Բեգլարյանը սեփական տուգանային հրապարակում խախտեց խաղի կանոնները, սակայն անմիջապես կարողացավ շտկել իր սխալը՝ հետ մղելով նշանակված 11 մետրանոցից Ջոնել Դեսիրեի կատարած հարվածը և փրկելով իր թիմին:

Այս արդյունքից հետո «Ալաշկերտը» վաստակեց 50 միավոր և ամրապնդվեց մրցաշարային աղյուսակի 2-րդ հորիզոնականում, իսկ «Վանը» 31 միավորով մնաց 6-րդ տեղում:

Հանդիպման տեսագրությունը․

ՀՊԼ-ի մրցաշարային աղյուսակը՝ ստորև․

Fastex Պրեմիեր լիգայի 2025/26 թթ. մրցաշրջանի 25-րդ տուրի մեկնարկային խաղում «Վանը» Չարենցավանի «Քաղաքային» մարզադաշտում նվազագույն հաշվով առավելության հասավ հետնապահ Գյումրու «Շիրակի» նկատմամբ (1-0):

​Հանդիպման միակ և հաղթական գոլը երկրորդ խաղակեսում՝ 72-րդ րոպեին, հեղինակեց Էմեկա Մադուկան։

​Այս հաղթանակից հետո չարենցավանյան ակումբը վաստակած միավորների քանակը հասցրեց 31-ի`շարունակելով զբաղեցնել մրցաշարային աղյուսակի 6-րդ հորիզոնականը։ Գյումրու «Շիրակը» 12 միավորով եզրափակում է մրցաշարային աղյուսակը։

Հանդիպման տեսագրությունը․

ՀՊԼ-ի մրցաշարային աղյուսակը՝ ստորև․

Fastex Պրեմիեր լիգայի հերթական՝ 24-րդ տուրի շրջանակում կայացավ «Գանձասար» — «Վան» հանդիպումը, որն ավարտվեց չարենցավանցիների արտագնա հաղթանակով:

Խաղի միակ և վճռորոշ գնդակը խփվեց 37-րդ րոպեին. աչքի ընկավ Բենիկ Հովհաննիսյանը:

Տոնած հաղթանակից հետո «Վանն» ունի 28 միավոր և զբաղեցնում է 6-րդ տեղը, մինչդեռ «Գանձասարը» մնաց 21 միավորով՝ հանգրվանելով 8-րդ դիրքում:

Մրցաշարային աղյուսակն այս պահին