Թենիսիստները ևս աստիճանաբար վերսկսում են մարզումները։ Չնայած թենիսի մրցաշրջանի վերադարձը չի նշմարվում, այնուամենայնիվ խաղացողները փորձում են վերականգնել իրենց մարզավիճակը։

Պատրիկ Մուրատողլուի ակադեմիայում մարզումները վերսկսել են աշխարհի 6-րդ ռակետ Ստեֆանոս Ցիցիպասն ու 20-րդ ռակետ Ֆելիքս Օժե-Ալյասիմը։

Թենիսիստները մարզումն անցկացրել են միասին։

Աշխարհի վեցերորդ ռակետ Ստեֆանոս Ցիցիպասը ATP-ի և WTA-ի համատեղ շոուի ընթացքում պատասխանել է Twitter-ի օգտատերերի հարցերին։

Տուրի ընկերների մասին

«Իմ լավագույն ընկերներից մեկը տուրում Դոմինիկ Տիմն է։ Նա շատ լավ տղա է, բաց է ու շատ դրական մարդ է»։

Նոր սանրվածքի մասին

«Հիմա ես երկարացնում եմ մազերս ու չեմ մտածում նոր սանրվածքի մասին։ Հիմա շատ գեղեցիկ սանրվածք ունեմ»։

Հույն թենիսիստ Ստեֆանոս Ցիցիպասը արդեն մեկ ամբողջական տարի է, ինչ ATP-ի վարկանիշային աղյուսակի լավագույն տասնյակում է։

Հույն թենիսիստը այս արդյունքը գրանցեց 21 տարեկան 6 ամսեկան հասակում։ Ցիցիպասը այս ցուցանիշը գրանցեց Էնդի Մարեյից (22 տարեկան 52 օրեկան) և Ռոջեր Ֆեդերերից (22 տարեկան 66 օրական) ավելի վաղ տարիքում։

Լավագույն արդյունքը ունի Ռաֆայել Նադալը։ Նա առաջին անգամ ամբողջական մեկ տարի ATP-ի թոփ տասնյակում անցկացրել է 19 տարեկան 325 օրական հասակում։ Երկրորդ ցուցանիշը Նովակ Ջոկովիչինն է (20 տարեկան 307 օրական)։

Աշխարհի վեցերորդ ռակետ Ստեֆանոս Ցիցիպասը խոսել է Նովակ Ջոկովիչի՝ մրցաշրջանի գերազանց մեկնարկի մասին:

«Զարմացած չեմ, որ նրան հաջողվել է դա (21 խաղ անընդմեջ հաղթել մրցաշրջանի մեկնարկում/խմբ.): Սակայն ես նույնպես ուզում եմ նման հաջողություն գրանցել:

Նովակի նման հաջողության գրավականը ճիշտ վերականգնումն է ու խաղերի միջև առկա ժամանակը ճիշտ օգտագործելը»,-Ցիցիպասի խոսքերն է մեջբերում timesofindia.indiatimes.com-ը:

Հիշեցնենք, որ Դուբայի մրցաշարի եզրափակչում Նովակ Ջոկովիչը հաղթեց հենց Ստեֆանոս Ցիցիպասին:

Դուբայում ավարտվեց Dubai Duty Free tennis championships 2020 մրցաշարը: Եզրափակչում մրցել են համաշխարհային դասակարգման առաջին և վեցերորդ համարները:

Սերբ Նոբակ Ջոկովիչը 2 սեթում՝ 6:3,6:4 հաշվով առավելության է հասել հույն Ստեֆանոս Ցիցիպասի նկատմամբ: 1 ժամ 19 րոպե տևած պայքարում սերբը խլել է մրցակցի 3 գեյմ՝ զիջելով սեփական մեկը: Ջոկոյի անվան դիմաց գրանցվել է 2 էյս՝ մրցակցի 8-ի դիմաց:

Հիշեցնենք, որ 2019 թ-ին մրցաշարում հաղթել էր Ռոջեր Ֆեդերերը, որն այս տարի չխաղաց վնասվածքի պատճառով:

Դուբայում ավարտին է մոտենում Dubai Duty Free tennis championships 2020 մրցաշարը: Այսօր կայացել են 1/4 եզրափակիչի հանդիպումները:

Այսօր կայանում են կիսաեզրափակիչ փուլի հանդիպումները: Առաջին խաղում միմյանց հետ մրցեցին բրիտանացի Էբանսն ու հույն Ցիցիպասը: Ցիցիպասը սեթում՝ 6:2, 6:3 հաշվով հաղթեց ու նվաճեց եզրափակչի առաջին ուղեգիրը: 1 ժամ 29 րոպե տևած պայքարում հույն թենիսիստը խլեց մրցակցի 4 մատուցում՝ չզիջելով սեփական մատուցման և ոչ մի գեյմ: Ցիցիպասի անվան դիմաց գրանցվեց 3 էյս՝ մրցակցի 1-ի դիմաց:

Մյուս կիսաեզրափակչում, այսօր, կմրցեն Մոնֆիսն ու Ջոկովիչը:

Դուբայում մեկնարկել է Dubai Duty Free tennis championships 2020 մրցաշարը: Այսօր կայացել են խաղային երկրորդ օրվա հանդիպումները և ավարտվել է 1/16 եզրափակիչ փուլը:

Ֆրանսիացի Բենուա Պերը 3 սեթում՝ 2:6, 7:5, 7:6 հաշվով առավելության հասավ խորվաթ Մարին Չիլիչի նկատմամբ: 2 ժամ 36 րոպե տևած պայքարում Չիլիչը խլեց մրցակցի 5 գեյմ՝ զիջելով սեփական 4-ը:

Դենիս Նովակը 2 սեթում՝ 6:4, 6:3 հաշվով հաղթեց հնդիկ Պրաջնեշ Գունեսվարանին: Նովակը խլեց մրցակցի մատուցման 4 գեյմ՝ զիջելով սեփական 2-ը:

Ճապոնացի Յասուտակա Ուչիյաման 3 սեթում՝ 3:6, 6:1, 6:2 հաշվով հաղթեց Թայվանի ներկայացուցիչ Յեն-Սուն Լուին:

Սերբ Ֆիլիպ Կրայինովիչը 3 սեթում՝ 4:6, 6:3, 6:3 հաշվով հաղթեց պորտուգալացի Ժոաու Սոուսային:

Ալեքսանդր Բուբլիկը 2 սեթում՝ 6:2, 7:5 հաշվով առավելության հասավ Էբեր Հուրկաչի նկատմամբ:

Բրիտանացի Դանիել Էվանսը հաղթեց 3 սեթում՝ 3:6, 6:4, 7:5 իտալացի Ֆաբիո Ֆոնինիին:

Պիեր Հեբերը 2 սեթում՝ 7:5, 6:2 հաշվով հաղթեց Յոշիհիտո Նիշիոկային:

Բասիլաշվիլին 3 սեթում՝ 5:7, 7:6, 6:3 հաշվով պարտության մատնես Բերանկիսին:

Հույն Ստեֆանոս Ցիցիպասը 2 սեթում՝ 7:6, 6:1 հաշվով պարտության մատնեց Կարենո Բուստային:

Գերմանացի Շտրուֆը 2 սեթում՝ 7:6, 7:5 հաշվով հաղթեց իսպանացի Բաուտիստա Ագուտին:

Ֆրանսիայի Մարսել քաղաքում շարունակվում է թենիսի ATP 250 շարքի մրցաշարը։

Մրցաշարի առաջին համար Դանիլ Մեդվեդևը անակնկալ պարտություն է կրել քառորդ եզրափակչում։ Ռուս թենիսիստը երկու սեթում 4-6, 0-6 հաշվով զիջել է Ֆրանսիայի ներկայացուցիչ Ժիլ Սիմոնին։

Ստեֆանոս Ցիցիպասը նվաճել է կիսաեզրափակչի ուղեգիր։ Հույն թենիսիստը երկու սեթում 7-5, 6-3 հաշվով հաղթել է Վասեկ Պոսպիշիլին։

Քառորդ եզրափակիչ վերջին զույգում միմյանց դեմ մրցում են Եգոր Գերասիմովն ու Ֆելիքս Օժե-Ալյասիմը։

Նիդերլանդների Ռոտերդամ քաղաքում շարունակվում է Թենիսի ATP 500 շարքի մրցաշարը։

1/8 եզրափակչում պայքարից դուրս է մնացել մրցաշարի երկրորդ համար Ստեֆանոս Ցիցիպասը։ Հույն թենիսիստի մրցակիցը Սլովակիայի ներկայացուցիչ Ալիյաժ Բեդենեն էր։ Վերջինս հաղթեց Ցիցիպասին երկու սեթում 7-5, 6-4 հաշվով ու դուրս եկավ քառորդ եզրափակիչ, որտեղ մրցելու է Ֆելիքս Օժե-Ալյասիմի հետ։

Ավելի վաղ մրցաշարից դուրս էին մնացել նաև Կարեն Խաչանովը, Դանիլ Մեդվեդևը, Դավիդ Գոֆենը։

Մրցաշարի գործող չեմպիոն Գաել Մոնֆիսը երեկոյան ուժերն է չափելու Ժիլ Սիմոնի հետ։

Մադրիդի «Ռեալի» գերմանացի կիսապաշտպան Տոնի Կրոսը Twitter-ում պատասխանել է օգտատերերի հարցերին։

Հետևորդներից մեկը հարցրել է Կրոսին, թե վերջինիս կարծիքով՝ ո՞վ կարող է լինել շվեյցարացի թենիսիստ Ռոջեր Ֆեդերերի հետնորդը։

«Ցիցիպասը»,-պատասխանել է Կրոսը։

Tsitsipas https://t.co/offneZEFxs

— Toni Kroos (@ToniKroos) February 9, 2020

2018 թվականին Տոնի Կրոսը պատմել էր, որ Ռոջեր Ֆեդերերը իր սիրելի թենիսիստն է։