Հունգարիայում մեկնարկել է Ֆորմուլա 1-ի Աշխարհի 2020 թվականի առաջնության 3-րդ էտապը։

Քիչ առաջ ավարտվեց որակավորման փուլը։ «Մերսեդեսի» մրցարշավորդ Լյուիս Հեմիլթոնը հաղթեց pole position-ը և վաղը մեկնարկելու է առաջին տեղով։ Նրան հաջորդում է իր թիմակից Վալտերի Բոտտասը։ Երրորդ տեղում Լանս Ստրոլն է «Ռեյսինգ Փոյնթից»։

4-րդ տեղում «Ռեյսինգ Փոյնթի» մյուս արշավորդն է՝ Սերխիո Պերեսը։ Նրան հաջորդում են «Ֆերարիի» արշավորդներ Սեբաստիան Ֆետելն ու Շարլ Լեկլերը։

Լյուիս Հեմիլթոնի համար սա կարիերայի 90-րդ pole-ն էր և 7-րդը Հունգարիայում։

CLASSIFICATION: END OF Q3 ⏱️

A 90th career pole for @LewisHamilton as @RacingPointF1 lock out the second row 👀#HungarianGP 🇭🇺 #F1 pic.twitter.com/Ei12EbLElH

— Formula 1 (@F1) July 18, 2020

«Ֆերարիի» արշավորդներ Շարլ Լեկլերն ու Սեբաստիան Ֆետելը քնարկել են անցած հանգստյան օրերին Շտիրիայի Գրան-պրիում տեղի ունեցած վթարը։ Պատահարի արդյունքում 2 արշավորդներն էլ առաջին շրջանից հետո դուրս եկան պայքարից։

«Ես կարծում եմ, որ մենք կթողնենք տեղի ունեցածը անցյալում։ Արշավից հետո ես գնացի Սեբի մոտ, որպեսզի ներողություն խնդրեմ։ Կարծում եմ՝ նա ընդունել է իմ ներողությունը։ Հիմա ամեն ինչ անցյալում է։ Ես կենտրոնանում եմ գալիք հանգստյան օրերին և փորձելու եմ անել առավելագույնը»,-Լեկլերի խոսքն է մեջբերում Crash.net-ը։

«Ես ավելացնելու բան գրեթե չունեմ։ Նույն թիմի երկու մեքենաների բախումը վատագույն բանն է։ Ցավոք, արշավներում նման բան երբեմն լինում է։ Մենք ամեն ինչ քննարկել ենք, պատահարը անցյալում է։ Մի քանի օրից մենք շանս ունենք ավելի արժանի արդյունք ցույց տալ»

Հունգարիայի Գրան-պրին տեղի է ունենալու առաջիկա հանգստյան օրերին։

Ամենաարագ մարզաձևը վերադառնում է՝ իրական տոն պարգևելով իր երկրպագուներին։ Նրանք Ֆորմուլա-1-ի վերադարձին սպասել են շատ երկար։ 250 օր է անցել Աբու Դաբիի Գրան-պրիից։ Կորոնավիրուսի պանդեմիան խոչընդոտել էր նաև Ֆ1-ի արշավներին։

Եվ հիմա՝ 2020 թվականի հուլիսի 4-ին, Ավստրիայի Սփիլբերգ քաղաքում սկսվում է Ֆորմուլա-1-ի 2020 թվականի մրցաշրջանը։ Իհարկե, առանց երկրպագուների, իհարկե անվտանգության ու հակահամաճարակային բոլոր կանոնների պահպանմամբ, ինչպես ընդունված է այս օրերին աշխարհի գրեթե բոլոր երկրներում։

Ներկա պահին հստակ են մեկնարկային 8 արշավների ժամանակացույցը։ Իհարկե, կան որոշակի տարօրինակ դրսևորումներ, որոնք չէիր տեսնի նախորդ տարիներին։ Մասնավորապես, Ավստրիայում և Մեծ Բրիտանիայում կայանալու է 2-ական Գրան-Պրի։

View this post on Instagram

The opening 8 races of a revised 2020 calendar are now confirmed 🗓️ All 8️⃣ are currently set to be closed events, operating under the strongest safety procedures. Further races will be announced in the coming weeks #F1 #Formula1

A post shared by FORMULA 1® (@f1) on Jun 2, 2020 at 2:01am PDT

Քանի որ մրցաշրջանը նախորդներից էապես տարբերվելու է Գրան-պրիների քանակով, դժվար է կանխատեսելը, թե ինչ վերջնարդյունք կլինի մրցաշրջանի ավարտից հետո։ Ամեն դեպքում մենք փորձել ենք վերհանել, թե ինչ ինտրիգներ կան 2020-ի մրցաշրջանում ու ինչ սպասել նրանից։

Դե իհարկե սկսենք Սեբաստիան Ֆետելից։ Գերմանացի արշավորդի համար սա վերջին մրցաշրջանն է «Ֆերարիի» կազմում։ Ֆետելը 2020-ի ավարտից հետո լքելու է «Ֆերարին», իսկ թե որտեղ է նա շարունակելու կարիերան դեռևս անհայտ է։ Հայտնի է, սակայն, թե ով է փոխարինելու Ֆետելին «կարմիր թիմում»։ Իսպանացի արշավորդ Կառլոս Սայնսը «Մակլարենից» կգա «Ֆերարի», բայց դա արդեն 2021-ին։

Շատերին է հետաքրքրում, թե ինչ կկարողանա անել աշխարհի քառակի չեմպիոն Սեբաստիան Ֆետելը իր երազանքի թիմի հետ վերջին մրցաշրջանում։ Այո՛, Ֆետելը 4 անգամ նվաճել է աշխարհի չեմպիոնի կոչումը, սակայն ոչ մի անգամ դա չի արել «Ֆերարիի» հետ։ Բոլոր չեմպիոնությունները «Ռեդ Բուլի» հետ են։ Եթե հետևենք մոտոսպորտային մամուլի հրապարակումներին, ապա կարող ենք փաստել, որ այս մրցաշրջանում «Ֆերարիից» սպասումները շատ չեն։ Շատերի պնդմամբ (անգամ Ֆետելի թիմակից Շարլ Լեկլերի)՝ «Ֆերարիի» այս տարվա բոլիդը զգալիորեն զիջում է նախորդ տարիների բոլիդին։ Եվ առհասարակ, դժվար է պատկերացնելը, թե ինչպես է Ֆետելը մեծ հաջողություն գրանցելու այն պարագայում, երբ անցած տարի նա ներթիմային դիմակայությունում երբեմն բացահայտ կերպով զիջում էր Լեկլերին։

Շումախերի ռեկորդին այդքա՜ն մոտ

Մյուս ինտրիգը, իհարկե, Ֆ1-ի «այլմոլորակային» մասսային է վերաբերվում։ Լյուիս Հեմիլթոնը կարող է 7-րդ անգամ հռչակվել աշխարհի չեմպիոն։ Այդ դեպքում նա կհավասարվի լեգենդար Միխայել Շումախերին, որը ևս 7 անգամ է Ֆ1-ի աշխարհի չեմպիոն դարձել։

Իհարկե, Լյուիսը գլխավոր ֆավորիտն է։ Նա Ֆ1-ի չեմպիոն է վերջին երեք տարիներին։ Ընդհանուր առմամբ՝ նա հաղթել է 6 անգամ։ Հեմիլթոնը կարանտինի ընթացքում հայտարարեց, որ իր մտքում եղել է մեկ տարվա հանգստի գնալու միտքը։ Անգլիացի արշավորդը կորոնավիրուսային դադարի մեջ տեսավ նաև լավը։ Նա այս ժամանակահատվածը օգտագործել է լիաթոք հանգստի վրա։ Հեմիլթոնը վերադառնում է նորովի։

NewGen-ի ժամանակն ու հնաբնակների մոտիվացիան

Շատ են խոսակցությունները, որ այս մրցաշրջանում բավականին լավ շանսեր ունի աշխարհի չեմպիոնի կոչումը նվաճելու Մաքս Ֆերստապենը։ Նախ խոսվում է այն մասին, որ «Ռեդ Բուլլը» ուժեղ բոլիդ է պատրաստել, որը հնարավորություն կտա Մաքսին գնալ իր երազանքի հետևից։ Առհասարակ «Ռեդ Բուլլը» չի թաքցնում, որ բոլիդները ստեղծում է առաջին հերթին հենց ըստ Մաքսի հարմարության։ Եթե բոլիդը իսկապես լավն է, դրանից գերազանցապես շահում է Ֆերստապենը։ Իհարկե, չմոռանանք նաև Ալեքս Ալբոնի մասին, որը կարող է լուրջ մրցակցություն ցուցաբերել ներթիմային պայքարում։

Չմոռանանք Պիեր Գասլիի, Ջորջ Ռասելի մասին, որոնք նույնպես երիտասարդ արշավորդների թվին են պատկանում։ Գասլին հանդես է գալիս «Ալֆա Տաուրիում», Ռասելը՝ «Ուիլյամսում»։ Այս տարի Ֆ1 է վերադառնում նաև Էստեբան Օկոնը։ Հեռանկարային ֆրանսիացին վարելու է «Ռենոյում»։ Սպասելիքները մեծ են նաև Կառլոս Սայնսից, որը վերջին տարին է անցկացնում «Մակլարենում»։ Մյուս տարի նա միանալու է «Ֆերարիին»։

Մյուս տարի թիմը փոխում է նաև Դանիել Ռիկարդոն։ «Ռենոյի» արշավորդը գալիս է «Մակլարեն»։ «Ռեդ Բուլից» հետո ավտրալացի արշավորդը ասես չի գտնում իր տեղը։ «Հնաբնակներից» ապացուցելու բան ունեն թե՛ Ռիկարդոն, թե՛ Վալտերի Բոտտասը, թե՛ Կևին Մագնուսենը։

Անկախ ամեն ինչից, կանխատեսումներ անելը շատ բարդ է այս մրցաշրջանի համար։ Սպասենք որակավորման մրցարշավին, իսկ կիրակի արդեն հիմնական արշավին։ Թերևս այդ ժամանակ որոշակիորեն հասկանալի կդառնա, թե ինչ սպասել այս մրցաշրջանից։

Եվ վերջում, ձեզ հետ կիսվեմ ուրբաթ կայացած մարզումային արշավի արդյունքներով։

Աշխարհի ամենաարագ մարզաձևի՝ Ֆորմուլա-1-ի երկրպագուներին շնորհավորում եմ մրցաշրջանի մեկնարկի կապակցությամբ։

Արամ Սահակյան

Ֆորմուլա 1-ի աշխարհի քառակի չեմպիոն գերմանացի Սեբաստիան Ֆետելը կշարունակի կարիերան McLaren թիմում: Այս մասին հայտնում է F1-Insider-ը:

Հրապարակման համաձայն, Ferrari-ում նրա տեղը կզբաղեցնի իսպանացի Կառլոս Սայնեսը, որն այժմ McLaren-ի ավտոարշավորդ է:

F1-Insider-ի համաձայն, Ֆետելի պայմանագիրը բրիտանական թիմի հետ նախատեսված կլինի մեկ տարի ժամկետով՝ ևս մի քանի տարի երկարաձգելու հնարավորությամբ:

Այս շաբաթվա սկզբին Ֆետելը հայտարարեց մրցաշրջանի ավարտին Ferrari-ից հեռանալու մասին: Կողմերը չկարողացան պայմանավորվել պայմանագրի երկարաձգման պայմանների շուրջ, որը լրանում է 2020 թվականի վերջին:

Ըստ F1-Insider-ի, Ferrari-ն Ֆետելին առաջարկել է երկու մրցաշրջանի համար նախատեսված պայմանագիր`12 միլիոն եվրո աշխատավարձով, ներկայիս 40 միլիոն եվրո աշխատավարձի տեղը, իսկ գերմանացի մարզիկը հրաժարվել է գումար կորցնել:

«Ֆերարիի» սպորտային տնօրեն Լորան Մեքիսը պատմել է, թե ինչու են թիմում դեռևս մեծ հույսեր կապում ֆորմուլա-1-ի քառակի չեմպիոն Սեբաստիան Ֆետելի հետ, չնայած այն փաստին, որ 2019 թվականին ներթիմային պայքարում գերմանացին պարտվեց 22-ամյա Շարլ Լեկլերին։

«Առաջատար լինելը նրա (Ֆետելի/խմբ․)արյան մեջ է։ Նա շարունակում է մեր թիմի առանցքային անդամը լինել։

Նա միշտ կարողանում է ճիշտ բառեր գտնել։ Նա հանգիստ է ու մոտիվացված։ Ինչպես հայտնի է, որքան երկար ավտոարշավորդը հանդես գա մի թիմում, այնքան շատ այդ թիմը կարող է ստանալ նրանից։ Կարող եմ դա ասել Սեբաստիանի մասին»,-Մեքիսի խոսքերն է մեջբերում Autosprint-ը։

Ֆետելը հանդես է գալիս «Ֆերարիի» կազմում 2015 թվականից։ 2010-ից 2013 թվականներին բոլոր տիտղոսները նա նվաճել է «Ռեդ բուլի» կազմում։

«Ֆերարիի» ավտոարշավորդ Շարլ Լեկլերը ամփոփել է 2019 թվականի մրցաշրջանը ու կատակել է իր խաղընկեր Սեբաստիան Ֆետելի հետ ունեցած կոնֆլիկտի շուրջ, որը հիմնականում մամուլի ստեղծած միֆն է։

«Բոլիդի դիմաց անհրաժեշտ է գրել․ «Ուրա՜խ Սուրբ Ծնունդ»։ Իմ ու Ֆետելի հարաբերությունները շատ լավ են, քան կարող են պատկերացնել մարդիկ։ Մենք երկուսս էլ ձգտում ենք հաղթանակի, բայց դրա հետ մեկտեղ մեզ պահում ենք հասուն մարդկանց պես։ Սեբը մեծագույն չեմպիոն է չափազանց մեծ փորձով։ Պայքարել նրա հետ, հանդես գալով «Ֆերարիի» կազմում, մեծ պատիվ է։ »

Ես երբեք չէի կարող ակնկալել, որ նորամուտս «Ֆերարիում» հենց այսպիսին կլինի։ Ամեն ինչ շատ ավելի լավ անցավ, քան ես պատկերացնում էի։ Ես չէի սպասում 7 փոուլների։ Հաջորդ մրցաշրջա՞նը։ Կցանկանայի պայքարել չեմպիոնական տիտղոսի համար Ֆետելի հետ»,-Լեկլերի խոսքերն է մեջբերում grandprix47-ը։

Ֆերարիի ավտոարշավորդ Շարլ Լեկլերը խոսել է իր թիմակցի՝ Սեբաստիան Ֆետելի հետ Բրազիլիայի Գրան-Պրիում տեղի ունեցած բախման մասին։

«Ես վազանց կատարեցի առաջին ոլորանում, սակայն հասկացա, որ Սեբը ցանկանում է երրորդում վերականգնել դիրքերը։ Պայքարը շատ խիտ էր ու արդյունքում բոլիդները բախվեցին միմյանց։

Ես չեմ խոսել Սեբաստիանի հետ դեռ, բայց վստահ եմ, որ մենք հասուն մարդիկ ենք ու տեղի ունեցածը կթողնենք անցյալում»,-Լեկլերի խոսքերն է մեջբերում Sky Sports-ը։

Սինգապուրում մեկնարկեց Ֆորմուլա-1-ի հերթական Գրան-Պրին։ Այսօր կայացել է որակավորման մրցարշավը։ 

«Ֆերարիի» ավտոարշավորդ Շարլ Լեկլերը հաղթել է pole position-ը և վաղվա մրցարշավում մեկնարկելու է առաջինը։ Մոնակոն ներկայացնող մրցարշավորդը գերազանց մարզավիճակում է։ Նա հաղթել է նախորդ երկու Գրան-Պրիներում։

Որակավորման մրցարշավում երկրորդը «Մերսեդեսի» ավտոարշավորդ Լյուիս Հեմիլթոնն է։ Երրորդ հորիզոնականում դարձյալ «Ֆերարին» է, այս անգամ ի դեմս Սեբաստիան Ֆետելի։ Նրանց հաջորդում են Մաքս Ֆերստապենը «Ռեդ Բուլից» և Վալտերի Բոտտասը «Մերսեդեսից»։  

Որակավորման մրցարշավի արդյունքները