#սասուոլո — Armsport.am

Նապոլին 30 միլիոն եվրո կառաջարկի Սասուոլոյի հարձակվողի համար

Erik — Wed, 02 Sep 2020 10:50:00 +0000

Իտալական «Սասուոլոյի» հարձակվող Ժերեմի Բոգան հայտնվել է «Նապոլիի» ուշադրության կենտրոնում, հաղորդում է TuttoSport-ը:

Նեապոլյան ակումբը պատրաստ է 30 միլիոն եվրո վճարել հարձակվողի համար:

Հավելենք, որ հարձակվողի նկատմամբ հետաքրքրություն են ցուցաբերում նաև ՝ ՊՍԺ-ն և «Ինտերը»:

Իտալիայի Ա Սերիայի այս առաջնությունում Բոգան անցկացրել է 24 հանդիպում ու դարձել ՝ 8 գոլի և 4 գոլային փոխանցման հեղինակ:

Ինտերը 20 միլիոն եվրո կառաջարկի Սասուոլոյի կիսապաշտպանի համար

Erik — Tue, 01 Sep 2020 06:13:00 +0000

Միլանի «Ինտերը» մրցաշրջանի ավարտից հետո կգնի «Սասուոլոյի» կիսապաշտպան Ստեֆանո Սենսիի տրանսֆերը, հաղորդում է Football Italia-ն:

Տրանսֆերի արժեքը կարող է կազմել 20 միլիոն եվրո։ Նշվում է, որ տրանսֆերը կիրականա այս ամռանը:

Հիշեցնենք, որ Ա Սերիայի ընթացիկ մրցաշրջանում դարձել է 3 գոլի ու 4 գոլային փոխանցման հեղինակ:

Հավելենք, որ «Բարսելոնան» հետաքրքրված է Սենսիի ծառայություններով:

Նապոլիի մեկնարկային կազմը Սասուոլոյի հետ խաղում

Erik — Sat, 25 Jul 2020 18:55:00 +0000

Երևանի ժամանակով 23:45-ին կմեկնարկի իտալական Ա սերիայի 36-րդ տուրի «Նապոլի»-«Սասուոլո» հանդիպումը: Արդեն հայտնի է տանտերերի մեկնարկային կազմը:

Միլանի մեկնարկային կազմը Սասուոլոյի դեմ խաղում, ուղիղ եթեր

Erik — Tue, 21 Jul 2020 19:15:00 +0000

Իտալիայի Ա սերիայի 35-րդ տուրի շրջանակում «Միլանը» հյուրընկալվում է «Սասուոլոյին»:

Պիոլիի թիմը պայքարում է Եվրոպա լիգայի ուղեգրի համար ու այս պահին 56 միավորով 6-րդ տեղը կիսում է «Նապոլիի» հետ ու 2 միավորով է հետ մնում «Ռոմայից»: «Սասուոլոն» 48 միավորով 8-րդն է ու մեծ հաշվով մրցաշարային ակնկալիքներ այլևս չունի: Ա սերիայի վերսկսումից հետո միլանյան թիմը չի կրել ոչ մի պարտություն. ունի 6 հաղթանակ ու 2 ոչ-ոքի:

Պիոլին մեկնարկում ընգրկել է հետևյալ 11 խաղացողին.

99. Դոնարումա, 12. Կոնտի, 24. Կյաեր, 13. Ռոմանյոլի, 19. Էրնանդես, 79. Կեսիե, 4. Բենասեր, 56. Սաելեմաեկերս, 18. Ռեբիչ, 10. Չալխանօղլու, 21. Իբրահիմովիչ

Խաղի ուղիղ հեռարձակումը՝ այստեղ:

Սարի. Պետք է հղկենք մեր խաղը

Erik — Thu, 16 Jul 2020 07:42:00 +0000

Թուրինի «Յուվենտուսի» գլխավոր մարզիչ Մաուրիցիո Սարին մեկնաբանել է «Սասուոլոյի» դեմ հանդիպման արդյունքը (3-3), տեղեկացնում է Sky Italia-ն:

«Հանդիպման ընթացքում մի քանի ֆանտաստիկ դրվագներ ցուցադրեցինք: Ես պարզապես հիանում էի տղաների խաղով:

Սակայն, լինում էին պահեր, երբ մեր պաշտպանները կարծես անջատում էին իրենց ուշադրությունը: «Սասուոլոն» հրաշալի թիմ է, որը կարող է դառնալ ապագա «Ատալանտան»:

Վստահ եմ, եթե շտկենք պաշտպանությունում գործած մեր սխալները, ապա մենք գրեթե անպարտելի կդառնանք:

«Յուվենտուսին» պակասում է հավասարակշռությունը»,- ասել է Սարին:

Հիշեցնենք, որ «Յուվենտուսը» վաստակել է 77 միավոր և զբաղեցնում է առաջին հորիզոնականը՝ երկրորդ դիրքում ընթացող «Ատալանտային» գերազանցելով 7 միավորով:

Յուվենտուսը բաց թողեց 2 գոլի առավելությունն ու քիչ էր մնում պարտվեր Սասուոլոյին

Նարե Հովհաննիսյան — Wed, 15 Jul 2020 21:55:23 +0000

Իտալական Ա Սերիայի 33-րդ տուրում «Սասուոլոն» կամային ոչ-ոքի խաղաց «Յուվենտուսի» հետ՝ 3-3:

Թուրինցիները հաշվի մեջ առաջ են անցել արդեն 5-րդ րոպեին. Դանիլոն է գրավել մրցակցի դարպասն ու առաջ մղել իր թիմին: 7 րոպե անց «Յուվենտուսը» կրկնապատկել է իր առավելությունը. Պյանիչը երկրորդ գոլային փոխանցումն է կատարել՝ այս անգամ Իգուայինին մեն-մենակ թողնելով դարպասապահի դեմ, ով էլ մեկ հպումով գնդակն ուղարկել է մրցակցի դարպասը:

«Սասուոլոյի» կազմում հաշիվը 29-րդ րոպեին կրճատել է Ջուրիչիցը, իսկ 52-րդ րոպեին Բերարդին հավասարեցրել է այն՝ տուգանայինից կատարած իդեալական հարվածով գնդակն ուղարկելով Շչեսնիի դարպասը: 3 րոպե անց՝ արդեն Բերարդիի փոխանցումից հետո, տանտերերին առաջ է մղել Կապուտոն՝ մոտ մեկ մետրից կատարած հարվածով գրավելով «Յուվենտուսի» դարպասն ու հաշիվը դարձնելով 3-2: Սակայն, «Յուվենտուսը» 64-րդ րոպեին կարողացել է հավասարեցնել հաշիվը. Ալեքս Սանդրոն է մոտ տարածությունից գլխի հարվածով հաշիվը դարձրել 3-3 ու փրկել թուրինցիներին պարտությունից:

Տուրի մյուս խաղերում գրանցվել են հետևյալ արդյունքները՝

«Լեչչե»-«Ֆիորենտինա»՝ 1-3

«Ռոմա»-«Վերոնա»՝ 2-0

«Ուդինեզե»-«Լացիո»՝ 0-0

Յուվենտուսը հետաքրքրված է Միլանի նախկին ֆուտբոլիստով

Erik — Mon, 13 Jul 2020 09:55:00 +0000

Իտալական «Սասուոլոյի» կիսապաշտպան Մանուել Լոկատելին կարող է տեղափոխվել «Յուվենտուս», հաղորդում է Tuttosport-ը:

22-ամյա ֆուտբոլիստի դիմաց թուրինյան ակումբը պատրաստ է 25 միլոն եվրո վճարել:

Իտալիայի չեմպիոնները պատրաստ են «Սասուոլոյին» զիջել Հանս Նիկոլուսի Կավիլյեին, ով այժմ վարձավճարով խաղում է «Պերուջայում»:

Հիշեցնենք, որ Ա Սերիայի ընթացիկ առաջնությունում անցկացրել է 27 հանդիպում:

Ինձագի. Այսօր Սասուոլոն մեզանից լավն էր

Erik — Sat, 11 Jul 2020 20:27:00 +0000

«Լացիոյի» գլխավոր մարզիչ Սիմոնե Ինձագին մեկնաբանել է Ա Սերիայի 32-րդ տուրում իր թիմի կրած պարտությունը «Սասուոլոյից»:

«Թիմը գտնվում է վատ հոգեբանական վիճակում, բայց մենք չպետք է հիասթափվենք: Պետք է առաջ շարժվել: Շատ խաղացողներ հիանալի մարզավիճակում չեն: Մենք խնդիր ենք ունենում յուրաքանչյուր երեք օրը մեկ խաղալով: Այսօր «Սասուոլոն» մեզանից ավելի լավն էր»,-ասել է Ինձագին:

Հիշեցնենք, որ հռոմեական թիմը 3-րդ անընդմեջ պարտությունը կրեց:

Լացիոն կրկին պարտվեց

Erik — Sat, 11 Jul 2020 17:17:00 +0000

Իտալական Ա սերիայի 32-րդ տուրում Հռոմի «Լացիոն» սեփական հարկի տակ 1:2 հաշվով պարտվեց «Սասուոլոյին»: Հատկանշական է, որ հռոմեացիներն առաջինը բացեցին հաշիվը:

33-րդ րոպեին աչքի ընկավ Լուիս Ալբերտոն: Երկրորդ կեսի սկզբնամասում Ջիակոմո Ռասպադորին կրճատեց հաշվի տարբերությունը, իսկ ավելացված ժամանակում Կապուտոն խփեց իր թիմի հաղթական գոլը:

Այսպիսով, Ինզագիի գլխավորած թիմը պարտվում է 3-րդ խաղում անընդմեջ: Այս խաղից հետո «Լացիոն» 68 միավարով 2-րդ տեղում է: «Սասուոլոն» 8-րդն է 46 միավորով:

Լացիոյի մեկնարկային կազմը՝ Սասուոլոյի հետ խաղում

Erik — Sat, 11 Jul 2020 14:23:00 +0000

Իտալական Ա սերիայի 32-րդ տուրում Հռոմի «Լացիոն» սեփական հարկի տակ կմրցի «Սասուոլոյի» հետ: Արդեն հայտնի է տանտերերի մեկնարկային կազմը:

Հանդիպումը կմեկնարկի Երևանի ժամանակով 19:15-ին: