սամվել-գասպարյան — Armsport.am

Հայաստանի ծանրամարտի ֆեդերացիան հարգանքի տուրք է մատուցել Յուրի Վարդանյանի հիշատակին

Նարե Հովհաննիսյան — Fri, 13 Jun 2025 08:04:45 +0000

Հայաստանի ծանրամարտի ֆեդերացիայի նախագահ Արայիկ Հարությունյանը, գլխավոր քարտուղար Սամվել Գասպարյանը, կանանց և տղամարդկանց ազգային թիմերի անդամները` աշխարհի ու Եվրոպայի չեմպիոնները, ծանրամարտի նվիրյալներն իրենց հարգանքի տուրքը մատուցեցին հայկական ծանրամարտի լեգենդ Յուրի Վարդանյանին` այցելելով անվանի մարզիկի շիրիմին: Այս մասին հայտնում է Հայաստանի ծանրամարտի ֆեդերացիայի մամուլի քարտուղարությունը:

Հունիսի 13-ին Օլիմպիական խաղերի, աշխարհի 7-ակի, Եվրոպայի 5-ակի չեմպիոն Յուրի Վարդանյանը կդառնար 69 տարեկան:

«Յուրի Վարդանյանն այն քիչ մարզիկներից է, որի մասին խոսում է ամբողջ աշխարհը: Արդեն ի պաշտոնե` ներկայանալով որպես Հայաստանի ծանրամարտի ֆեդերացիայի նախագահ, միշտ տալիս են Յուրի Վարդանյանի անունը: Այն, ինչ արել է Վարդանյանը որպես մարզիկ, քչերին է հաջողվել` բարձրացնել անհնարինը, մեծ համբավ բերել ոչ միայն իրեն, այլ նաև Հայաստանին: Մենք պարտավոր ենք այսօր այստեղ լինել ոչ միայն մարզիկներով, այլ նաև մեր մյուս գործընկերներով` ցույց տալու, որ հիշում ենք նրա սխրանքը: Նա օրինակ պետք է լինի մյուսների համար»,-ասել է ֆեդերացիայի նախագահ Արայիկ Հարությունյանը:

Հայաստանի ծանրամարտի ֆեդերացիա գլխավոր քարտուղար Սամվել Գասպարյանի խոսքով` կրտսեր սերունդը պետք է իր հարգանքի տուրքը մատուցի անվանի մարզիկներին:

«Մենք պարտավոր ենք մեր հարգանքի տուրքը մատուցել մեր մեծանուն մարզիկներին, որովհետև մեր մարզաձևը` ծանրամարտը, հենց նրանցով է զարգացել: Նմանատիպ միջոցառումները պետք է շարունակական դարձնել ֆեդերացիայի կողմից»,-ասել է Գասպարյանը:

Գյումրեցի լեգենդար մարզիկին հարգանքի տուրք էին մատուցում նաև Հայաստանի ծանրամարտի տղամարդկանց ու կանանց հավաքականի անդամները, որոնց թվում էր նաև Օլիմպիական խաղերի արծաթե մեդալակիր, աշխարհի և Եվրոպայի չեմպիոն Վարազդատ Լալայանն, ով առանձնակի հպարտությամբ խոսեց Վարդանյանի մասին. «Յուրի Վարդանյանը շատ մեծ օրինակ է թե մեզ համար, թե հայկական սպորտի համար: Մեզ համար նա օրինակ է, որ ծանրամարտում կարողանանք անհնարինը հնարավոր դարձնել»:

Ծանրամարտի ԵԱ. Պոկում վարժությունից հետո Գասպարյանը 2-րդն է, իսկ Մարտիրոսյանը՝ 4-րդը

Erik — Sat, 10 Apr 2021 08:40:17 +0000

Մոսկվայում շարունակվում է ծանրամարտի Եվրոպայի առաջնությունը:

Այսօր հարթակ են դուրս եկել 102 կգ քաշային ծանրորդները, որոնց թվում են Արսեն Մարտիրոսյանն ու Սամվել Գասպարյանը:

Պոկում վարժությունում Արսենը պոկեց 171 կգ, իսկ Սամվելը՝ 176 կգ ու նվաճեց փոքր արծաթե մեդալ:

Պոկում վարժության հաղթողին Սամվելը պարտվեց 1 կգ-ով: Նույնքանով բրոնզե մեդալակրին Արսենը պարտվեց 1 կգ:

Առջևում հրում վարժությունն է:

Ծանրամարտի ԵԱ. Այսօր հարթակ դուրս կգա 4 հայ ծանրորդ

Erik — Sat, 10 Apr 2021 06:05:25 +0000

Մոսկվայում շարունակվում է ծանրամարտի Եվրոպայի առաջնությունը: Հայ ծանրորդները շարունակում են մեդալներ նվաճել: Հարթակ դուրս եկած ծանրորդներից առայժմ միայն ձեռնունայն է մնացել 96 կգ քաշային Դավիթ Հովհաննիսյանը:

Այսօր չեմպիոնական ամենամեծ սպասումներն ունենք: Ժամը 18-ին հարթակ է դուրս գալու Եվրոպայի ու աշխարհի կրկնակի չեմպիոն, ՕԽ-ի արծաթե մեդալակիր Սիմոն Մարտիրոսյանը: Սակայն մինչ այդ էլի մասնակիցներ ունենք: 102 կգ քաշային կարգում Հայաստանը ներկայացված է 2 ծանրորդով՝ ի դեմս Սիմոնի եղբայր՝ Արսեն Մարտիրոսյանի ու Սամվել Գասպարյանի: Նախնական պատվիրած քաշերի համաձայն հենց նրանք էլ չեմպիոնական պայքար են մղելու:

Երեկոյան, ժամը 21-ին հարթակ դուրս կգա 87 կգ քաշային Տաթև Հակոբյանը: Եվրոպայի նախորդ առաջնությունում 4-րդ աստիճանին կանգնելուց հետո եկել է պատվո հարթակ բարձրանալու ժամանակը:

Ծանրամարտի օնլայն մրցաշարում Հայաստանը կունենա 3 մասնակից

Erik — Fri, 28 Aug 2020 07:10:58 +0000

Օգոստոսի 28-30-ը անցկացվելու է ծանրամարտի առցանց մրցաշար, որը նվիրված է լինելու Ուզբեկստանի անկախության տոնին։

Մասնակցելու է մինչև 120-140 մարզիկ: Հայաստանից ստուգատեսին կմասնակցեն 89 կգ քաշային Անդրանիկ Կարապետյանը, 102 կգ քաշային Սամվել Գասպարյանը, իսկ 109+ քաշային կարգում Հայաստանը կներկայացնի Վարազդատ Լալայանը։ Մրցաշարը ցուցադրվելու է Youtube-ով և facebook-ով։