#ռոստով — Armsport.am

Բայրամյանը մասնակցեց Ռոստովի հաղթանակին

Erik — Wed, 17 Mar 2021 17:07:25 +0000

ՌՊԼ 23-րդ տուրում «Ռոստովը» արտագնա խաղում 4 անպատասխան գնդակ ուղարկեց «Ռոտորի» դարպասը:

Հյուրերի կազմում ամբողջ հանդիպմանը մասնակցեց Հայաստանի հավաքականի հարձակվող Խորեն Բայրամյանը:

Այս հաղթանակից հետո «Ռոստովը» 37 միավորով 6-րդն է:

Հիշեցնենք, որ Բայրամյանը հրավիրվել է Հայաստանի ազգային հավաքական, մասնակցելու Մունդիալ-2022-ի ընտրական փուլի առաջիկա խաղերին:

Խորեն Բայրամյանը կմիանա Հայաստանի ազգային հավաքականի՞ն

Նարե Հովհաննիսյան — Sat, 18 Jul 2020 12:00:00 +0000

Հայաստանի ֆուտբոլի ֆեդերացիան Թվիթերի պաշտոնական էջում կատարած գրառմամբ ակնարկել է, որ մեր ընտրանին շուտով նոր համալրում կունենա: ՀՖՖ-ն հրապարակել է գանգրահետ տղայի էմոջի՝ «Շուտով» մակագրությամբ:

Երկրագուների շրջանում ակտիվ քննարկումներ են ընթանում, որ մեր ընտրանու նորեկը լինելու է «Ռոստովի» 28-ամյա կիսապաշտպան Խորեն Բայրամյանը:

«Հրաշալի համալրում մեր թիմի համար։ Ամենաուժեղ հայազգի ֆուտբոլիստներից մեկը արդեն Ազգերի լիգայի մրցաշարին կմիանա մեր հավաքականին»,- ասվում է Հայաստանի ազգային հավաքականի երկրագուների՝ First Armenian Front շարժման ֆեյսբուքյան էջում.

Ճապոնացի ֆուտբոլիստը կխաղա ՌՊԼ-ում

Erik — Thu, 09 Jul 2020 05:28:00 +0000

Ռուսական «Ռոստովը» շուտով պայմանագիր կստորագրի «Տոկիոյի» կիսապաշտպան Կենտո Հասիմոտոյի հետ, տեղեկացնում է ակումբի պաշտոնական կայքը:

Բժշկական զննումից հետո, ռուսական ակումբը չորս տարվա պայմանագիր կստորագրի 26-ամյա կիսապաշտպանի հետ: Ճապոնացու հետ կնքվելիք պայմանագրի բոլոր կետերը համաձայնեցվախ են:

«Տոկիոյի» կազմում նա անցկացրել է 165 հանդիպում և դարձել ՝ 17 գոլի ու 6 գոլային փոխանցման հեղինակ:

Transfermarkt-ը Հասիմոտոյին գնահատում է 1,2 միլիոն եվրո: Տրանսֆերի արժեքը չի հրապարակվում:

Ռոստովի մեկնարկային կազմը Կռիլյա Սովետովի դեմ

Erik — Sat, 04 Jul 2020 14:50:00 +0000

ՌՊԼ-ի 26-րդ տուրի շրջանակում «Ռոստովը» հյուրընկալվում է «Կռիլյա Սովետովին»:

Հյուրերի մեկնարկային կազմն արդեն հայտնի է.

Ուղիղ եթերն ՝ այստեղ.

Ռոստովի երիտասարդ ֆուտբոլիստի գոլը Սոչիի դարպասը՝ ՌՊԼ-ի հունիս ամսվա լավագույն գոլ

Վարուժան Բաբայան — Sat, 04 Jul 2020 07:52:00 +0000

ՌՊԼ-ի հունիսի ամսվա լավագույն գոլ է ճանաչվել 23-րդ տուրի խաղում «Ռոստովի» 17-ամյա կիսապաշտպան Ռոման Ռոմանովի խփած գնդակը «Սոչիի» դարպասը (10-1):

Ըստ ՌՊԼ- ի մամուլի ծառայության, այդ գոլի օգտին քվեարկել են Match Premier հեռուստաալիքի երկրպագուները և փորձագետները: Լիգան իր հերթին քվեարկել է Էրիկ Բիկֆալվիի գոլի օգտին:

📢 Лучшим в июне стал гол 17-летнего полузащитника «Ростова» Романа Романова в ворота «Сочи»!

📊 За него проголосовали болельщики и эксперты телеканала МАТЧ ПРЕМЬЕР. РПЛ отдала свой голос за гол Эрика Бикфалви.#ЛучшийГолМесяца #ТинькоффРПЛ pic.twitter.com/mSZdlwEMNw
— Тинькофф Российская Премьер-Лига (@premierliga) July 4, 2020

Հիշեցնենք, որ այս հանդիպումը վերածվեց սկանդալի: «Ռոստովի» 6 ֆուտբոլիստների COVID-19-ի թեստերի պատասխանը դրական է եղել, այդ թվում կիսապաշտպան Խորեն Բայրամյանի։ Ակումբի 42 ներկայացուցիչ (մարզիչներ, անձնակազմ, ֆուտբոլիստներ) գտնվում են երկշաբաթյա կարանտինում, այդ թվում՝ թիմի գլխավոր մարզիչ Վալերի Կարպինը։

Ավելի վաղ ՌՖՄ-ն առաջարկել է հանդիպումը հետաձգել և այն խաղարկել հուլիսի 17-ին, սակայն խաղը հետաձգելու համար անհրաժեշտ էր երկու կողմերի համաձայնությունը։ «Սոչին» դեմ է եղել այդ տարբերակին։ «Սոչին», մրցելով «Ռոստովի» պատանիների հետ, հաղթեց ոչ ֆուտբոլային՝ 10-1 հաշվով։

Ռոստովը հիմնական կազմով կխաղա Արսենալի հետ

Erik — Sat, 27 Jun 2020 12:23:00 +0000

Ռուսական «Ռոստովը» ՌՊԼ-ի 24-րդ տուրի «Արսենալի» դեմ խաղում հանդես կգա հիմնական կազմով:

Ակումբը թույլտվություն է ստացել պատկան մարմիններից և հանդիպումը կանցկացնի իր ամբողջ ներուժով:

Այդուհանդերձ, որոշ ֆուտբոլիստներ չեն կարողանա օգնել Վալերի Կարպինի գլխավորած թիմին:

Դրանց թվում են ՝ Խորեն Բայրամյանը, Ռոման Երյոմենկոն, Արսենիյ Լոգաշովը, Մատիաս Նորմանը և Իվելին Պոպովը:

Հիշեցնենք, որ նախորդ տուրի «Սոչիի» դեմ հանդիպումը «Ռոստովը» անցկացրել էր երիտասարդական թիմով ՝ պարտվելով 10-1 հաշվով:

Հավելենք, որ «Ռոստով»-«Սոչի» հանդիպումը կկայանա այսօր ՝ 21:00-ին:

Առաջիկա խաղում Ռոստովը կարող է հանդես գալ հիմնական կազմով

Վարուժան Բաբայան — Fri, 26 Jun 2020 07:27:00 +0000

«Ռոստովը» ՌՊԼ-ի 24-րդ տուրի «Արսենալի» հետ առաջիկա խաղում կխաղա հիմնական կազով: Այդ մասին հայտնում է Match TV-ն:

Հանդիպմանը մասնակցելու են կորոնավիրուսի համար բացասական թեստեր հանձնած խաղացողները:

Ավելի վաղ ռոստովյան ակումբում հայտնաբերվել էր կորոնավիրուսային վարակի վեց դեպք: Հաղորդվում էր, որ Իվելին Պոպովը, Ռոման Երեմենկոն, Դենիս Հաջիկադունիչը, Խորեն Բայրամյանը, Մաթիաս Նորմանն ու Արսենի Լոգաշովը վարակվել են COVID-19-ով: Դրանից հետո «Ռոստովը» կարանտինացվեց՝ խաղալով երիտասարդական թիմով «Սոչիի» դեմ մրցավեճում (10-1):

Այս պահի դրությամբ ակումբի հիմնական թիմը շարունակում է մնալ կարանտինում երկու շաբաթով: «Արսենալում» կորոնավիրուսի դեպքեր չեն գրանցվել:

«Ռոստով» — «Արսենալ» հանդիպումը կկայանա հունիսի 27-ին և կսկսվի Երևանի ժամանակով 21:00-ին:

Սոչիի երեք ֆուտբոլիստներ ընդգրկվել են ՌՊԼ-ի 23-րդ տուրի խորհրդանշական հավաքականում

Վարուժան Բաբայան — Mon, 22 Jun 2020 13:41:00 +0000

Ռուսաստանի Պրեմիեր լիգան ներկայացրեց Ռուսաստանի առաջնության 23-րդ տուրի խորհրդանշական հավաքականը, ըստ InStat-ի: Խորհրդանշական հավաքականում ընդգրկվել են «Սոչիի» երեք խաղացողներ՝ Ալեքսանդր Կոկորինը, Անտոն Զաբոլոտնին և Էլմիր Նաբիուլինը, ովքեր մասնակցեցին «Ռոստովի» նկատմամբ հաղթանակին՝ 10-1 հաշվով:

Կրիխովյակ. Իհարկե, ֆուտբոլը երեկ պարտվեց կորոնավիրուսին, բայց Ռոստովի պատանիները հարգանք վաստակեցին

Erik — Sat, 20 Jun 2020 10:05:00 +0000

Ռուսական «Լոկոմոտիվի» կիսապաշտպան Գժեգոժ Կրիխովյակը խոսել է «Սոչի»-«Ռոստով» հանդիպման մասին (10-1): Այս մասին նա գրել է իր Twitter-յան էջում:

«Ֆուտբոլը երեկ պարտվեց կորոնավիրուսին, բայց «Ռոստովի» պատանիները հարգանք վաստակեցին»,- գրել է լեհ հարձակվողը:

Հիշեցնենք, որ Եվրոպա Լիգայի ուղեգրի համար պայքարող «Ռոստովը» չկարողացավ խաղին ներկայանալ հիմնական կազմով, քանի որ ամբողջ թիմը մեկուսացած է:

Հավելենք, որ թիմի 17-ամյա դարպասապահ Դենիս Պոպովը «Սոչիի» դեմ խաղում ՌՊԼ-ի ռեկորդ է սահմանել:

Մենք լուծեցինք մեր խնդիրը, վաստակեցինք երեք միավոր․ Սոչիի տնօրեն

Վարուժան Բաբայան — Sat, 20 Jun 2020 08:07:00 +0000

«Սոչիի» գլխավոր տնօրեն Դմիտրի Ռուբաշկոն մեկնաբանել է ՌՊԼ-ի 23-րդ տուրի խաղում «Ռոստովի» նկատմամբ խոշոր հաշվով հաղթանակը:

«Կան մարդիկ, ովքեր հասկանում են, որ խնդիրը մեր ակումբի մեջ չէր: Մենք մեղավոր չենք Ռոստովում տեղի ունեցածի համար, մենք հնարավորություն չունեինք հետաձգել հանդիպումը: Մենք ավարտում ենք առաջնությունը, յուրաքանչյուր միավոր ոսկու արժեք ունի:

Տղաները, չնայած երիտասարդ են, բայց լավ էին տրամադրված, նրանց խաղը առաջացրեց միայն դրական հույզեր: Շնորհակալ եմ նրանց, փառք Աստծո, որ ոչ ոք չի տուժել: Նրանցից շատերի համար այս խաղը կմնա հիշողության մեջ, նրանք փորձ են ձեռք բերել, շատերը երբեք, հնարավոր է, որ չեն ունենա այդպիսի հնարավորություն:

Մենք լուծեցինք մեր խնդիրը, վաստակեցինք երեք միավոր: Դուրս եկան երիտասարդ Կոլդունովը, Բոկովոյը, Միլյուտինը, ովքեր լավ խաղացին: Գլխավոր մարզիչը ավելի լավ գիտի, թե ով է պատրաստ խաղալ, մենք լուծեցինք մեր խնդիրները»,- մեջբերում է Ռուբաշկոյին ТАСС-ը: