ռոնալդո — Armsport.am https://armsport.am Սպորտային լուրեր Fri, 29 May 2026 08:11:27 +0000 hy-AM hourly 1 https://wordpress.org/?v=6.8.5 https://armsport.am/wp-content/uploads/2020/08/117234954_601576137219348_199328778928507485_n.png ռոնալդո — Armsport.am https://armsport.am 32 32 Տոտիից, Դել Պիեռոյից ու Կակայից լավն եմ. Կասանոյի սկանդալային հայտարարությունը https://armsport.am/598278/ Fri, 29 May 2026 11:25:58 +0000 https://armsport.am/?p=598278 Իտալիայի ազգային հավաքականի և Մադրիդի «Ռեալի» նախկին հարձակվող Անտոնիո Կասանոն Viva el Futbol շոուի եթերում աղմկահարույց և ինքնավստահ հայտարարություններ է արել՝ համեմատելով իրեն ֆուտբոլային լեգենդների և ժամանակակից աստղերի հետ։ Կասանոն առանձնացրել է այն ֆուտբոլիստներին, որոնց մակարդակին, իր իսկ խոստովանությամբ, երբեք չի կարողացել հասնել. «Ինիեստան գերազանցում է ինձ. նա ֆուտբոլի պատմության ամենաուժեղ կիսապաշտպանն է, որին երբևէ […]]]>

Իտալիայի ազգային հավաքականի և Մադրիդի «Ռեալի» նախկին հարձակվող Անտոնիո Կասանոն Viva el Futbol շոուի եթերում աղմկահարույց և ինքնավստահ հայտարարություններ է արել՝ համեմատելով իրեն ֆուտբոլային լեգենդների և ժամանակակից աստղերի հետ։

Կասանոն առանձնացրել է այն ֆուտբոլիստներին, որոնց մակարդակին, իր իսկ խոստովանությամբ, երբեք չի կարողացել հասնել.

«Ինիեստան գերազանցում է ինձ. նա ֆուտբոլի պատմության ամենաուժեղ կիսապաշտպանն է, որին երբևէ տեսել եմ։ Նույնը վերաբերում է Ռոնալդինյոյին, որը 5-6 տարի խաղաց այնպիսի մակարդակով, որին ես չէի ձգում։ Ռոմարիոն ինձանից ուժեղ էր, ինչպես և Ֆենոմեն Ռոնալդոն, Նեյմարը և, իհարկե, Մեսսին։ Ես նույնիսկ երեք կյանքի դեպքում չէի կարողանա մոտենալ Լիոնելին։ Նա միակ խաղացողն է, ում տեղը կցանկանայի ծնված լինել։ Միակ բանը, որ մեզ միավորում է, այն է, որ ես կարող էի նրա հետ խաղալ այն մեծագույն «Բարսելոնայում»»,- ասել է իտալացին։

Խոսելով բրազիլացի լեգենդների և ժամանակակից աստղերի մասին՝ նախկին հարձակվողը նշել է, որ որոշ ասպեկտներով գերազանցում է նրանց.

«Ռիվալդոյի հետ համեմատության մեջ ես ընտրում եմ ինձ. վարպետությամբ և հանճարեղությամբ ես ավելի լավն էի, թեև նա կախարդական ձախ ոտք ուներ։ Կակա՞ն. տեխնիկայի և հանճարեղության առումով երկու դեպքում էլ ես ավելի լավն եմ։ Նա պայթյունավտանգ արագացում ուներ, բայց իմ դրիբլինգն ու վերջին փոխանցումն ավելի որակյալ էին։ Նույնը վերաբերում է Բատիստուտային և Դեմբելեին։

Ինչ վերաբերում է Լամին Յամալին՝ նա շատ ուժեղ է, խաղում է այլ դիրքում, բայց ես ինձ չափազանց շատ էի սիրում. իմ բոլոր խենթություններով հանդերձ, առանց նորմալ մարզվելու և մշտապես ավելորդ քաշով, ես խաղացել եմ անհավանական ուժեղ թիմերում»։

Անդրադառնալով իտալական ֆուտբոլի խորհրդանիշներին՝ Ռոբերտո Բաջոյին, Ֆրանչեսկո Տոտիին և Ալեսանդրո Դել Պիեռոյին՝ Կասանոն կրկին նախապատվությունը տվել է իրեն.

«Ռոբերտո Բաջոն փայլուն անցկացրեց ԱԱ-1994-ը, բայց ի տարբերություն ինձ, մեծ ակումբներում քիչ բանի հասավ։ «Յուվենտուսում» սկզբում վատ չէր, բայց «Ինտերում» և «Միլանում» նրա մոտ չստացվեց, թեև հրաշալի էր խաղում «Բոլոնիայում» և «Բրեշիայում»։ Նա ավելի շատ գոլեր էր խփում, բայց վերջին փոխանցման և հանճարեղության տեսանկյունից ես նախընտրում եմ ինձ։

Տոտիի հետ համեմատած՝ ես ավելի հանճարեղ եմ, թեև նա ֆիզիկապես ավելի լավ էր պատրաստված։ Եթե կարողանայի նորից ծնվել, կընտրեի լինել Կասանոն, ոչ թե Տոտին։

Դել Պիեռոյի հետ ինձ համեմատել են ողջ կյանքիս ընթացքում։ Ես նրանից լավն էի շատ առումներով՝ դրիբլինգով, ֆիզիկական ուժով, երկրորդ հարկում խաղով և ավելի լավ էի կատարում վերջին փոխանցումը։ Նրա խաղի մեջ ավելի շատ կայունություն կար, բայց պակասում էր հանճարեղությունն ու սեփական դեմքը, թեև նա, անկասկած, թոփ-ֆուտբոլիստ է»,- եզրափակել է Կասանոն։

]]> Մեսսին նշել է այն լեգենդներին, որոնց հետ ժամանակին չի փոխանակվել խաղաշապիկներով https://armsport.am/596830/ Sat, 09 May 2026 12:32:23 +0000 https://armsport.am/?p=596830 «Ոսկե գնդակի» ութակի դափնեկիր Լիոնել Մեսսին անկեղծացել է և պատմել, թե նախկին թիմակիցներից և մրցակիցներից ում հետ կցանկանար ժամանակին մարզաշապիկ փոխանակած լինել։ «Ես շատ եմ զղջում, որ մարզաշապիկներով չեմ փոխանակվել «Բարսելոնայի» իմ բազմաթիվ թիմակիցների հետ՝ օրինակ՝ Ռոնալդինյոյի, Չավիի, Ինիեստայի… Ինչպես նաև «Ռեալը» ներկայացնող մրցակիցներիս՝ Ռոբերտո Կառլոսի, Դևիդ Բեքհեմի, Ռոնալդոյի հետ։ Ժամանակին ես հաճույքով կխնդրեի նրանց […]]]>

«Ոսկե գնդակի» ութակի դափնեկիր Լիոնել Մեսսին անկեղծացել է և պատմել, թե նախկին թիմակիցներից և մրցակիցներից ում հետ կցանկանար ժամանակին մարզաշապիկ փոխանակած լինել։

«Ես շատ եմ զղջում, որ մարզաշապիկներով չեմ փոխանակվել «Բարսելոնայի» իմ բազմաթիվ թիմակիցների հետ՝ օրինակ՝ Ռոնալդինյոյի, Չավիի, Ինիեստայի…

Ինչպես նաև «Ռեալը» ներկայացնող մրցակիցներիս՝ Ռոբերտո Կառլոսի, Դևիդ Բեքհեմի, Ռոնալդոյի հետ։ Ժամանակին ես հաճույքով կխնդրեի նրանց մարզաշապիկները»,- արգենտինացի հարձակվողի խոսքերն է մեջբերում լրագրող Պոլո Ալվարեսը։

]]> Նա պատմության լավագույն խաղացողներից մեկն է, բայց արդյո՞ք լավագույնը․ Ռոնալդոն՝ Ռոնալդուի մասին https://armsport.am/581916/ Wed, 12 Nov 2025 06:15:15 +0000 https://armsport.am/?p=581916 Բրազիլիայի հավաքականի կազմում ֆուտբոլի երկակի աշխարհի չեմպիոն Ռոնալդոն կարծում է, որ հինգ անգամ «Ոսկե գնդակ» ստացած Կրիշտիանու Ռոնալդուի ամպագոռգոռ հայտարարությունները վկայում են նրա չափազանց ինքնավստահ լինելու մասին։ Ավելի վաղ Ռոնալդուն հայտարարել էր, որ անհնար է ֆուտբոլի պատմության լավագույն խաղացողին որոշել միայն աշխարհի առաջնություններում տարած հաղթանակներով։ «Որոշ մարդիկ շատ ինքնավստահ են։ Ես նախընտրում եմ, որ իմ […]]]>

Բրազիլիայի հավաքականի կազմում ֆուտբոլի երկակի աշխարհի չեմպիոն Ռոնալդոն կարծում է, որ հինգ անգամ «Ոսկե գնդակ» ստացած Կրիշտիանու Ռոնալդուի ամպագոռգոռ հայտարարությունները վկայում են նրա չափազանց ինքնավստահ լինելու մասին։

Ավելի վաղ Ռոնալդուն հայտարարել էր, որ անհնար է ֆուտբոլի պատմության լավագույն խաղացողին որոշել միայն աշխարհի առաջնություններում տարած հաղթանակներով։

«Որոշ մարդիկ շատ ինքնավստահ են։ Ես նախընտրում եմ, որ իմ մասին ուրիշները խոսեն, ոչ թե ես ինքս։ Նա պատմության լավագույն խաղացողներից մեկն է, բայց արդյո՞ք լավագույնը։ Այդ կարծիքին ես համաձայն չեմ։ Բայց ես հարգում եմ նրա կարծիքը, նա իսկապես լավագույնների թվում է, և ես կասեի՝ անգամ թոփ-10-ում է», — Ռոնալդոյի խոսքերը փոխանցում է Footmercato-ն։

Կրիշտիանու Ռոնալդուն հինգ անգամ դարձել է «Ոսկե գնդակի» դափնեկիր, հինգ անգամ հաղթել է Չեմպիոնների լիգան, դարձել է Եվրոպայի չեմպիոն և երկու անգամ՝ Ազգերի լիգայի հաղթող։ Կարիերայի ընթացքում նա խփել է 953 գոլ։

]]> Նա կլիներ ավելի լավը, քան Կրիշտիանուն և Մեսսին, եթե այդքան վնասվածքներ չունենար․ Գուտի https://armsport.am/567943/ Fri, 13 Jun 2025 18:10:36 +0000 https://armsport.am/?p=567943 Մադրիդի «Ռեալի» նախկին կիսապաշտպան Գուտին համեմատել է «Ալ-Իտիհադի» հարձակվող Կարիմ Բենզեմային և «սերուցքայինների» նախկին խաղացող Ռոնալդոյին։ «Բենզեմա՞, թե՞ Ռոնալդո: Ռոնալդոն լավագույն ֆուտբոլիստն է, ում հետ երբևէ խաղացել եմ: Եթե նա այդքան վնասվածքներ չունենար, նա կլիներ բոլորից վեր՝ նույնիսկ Կրիշտիանուից և Մեսսիից», — Գուտիի խոսքերն է մեջբերում Marca-ն։ Ռոնալդոն «Ռեալում» հանդես է եկել 2002-2007 թվականներին: Մադրիդյան […]]]>

Մադրիդի «Ռեալի» նախկին կիսապաշտպան Գուտին համեմատել է «Ալ-Իտիհադի» հարձակվող Կարիմ Բենզեմային և «սերուցքայինների» նախկին խաղացող Ռոնալդոյին։

«Բենզեմա՞, թե՞ Ռոնալդո: Ռոնալդոն լավագույն ֆուտբոլիստն է, ում հետ երբևէ խաղացել եմ: Եթե նա այդքան վնասվածքներ չունենար, նա կլիներ բոլորից վեր՝ նույնիսկ Կրիշտիանուից և Մեսսիից», — Գուտիի խոսքերն է մեջբերում Marca-ն։

Ռոնալդոն «Ռեալում» հանդես է եկել 2002-2007 թվականներին: Մադրիդյան ակումբի կազմում նա դարձել է Իսպանիայի չեմպիոն: Բրազիլացի ֆուտբոլիստը խաղացել է նաև «Կրուզեյրու», ՊՍՎ, «Բարսելոնա», «Ինտեր», «Միլան» և «Կորինտիանս» ակումբներում: Նրա ակտիվում կա 310 գոլ 482 ակումբային խաղերում և 62 գոլ՝ Բրազիլիայի հավաքականի կազմում անցկացրած 99 խաղերում: Ռոնալդոն Բրազիլիայի հավաքականի կազմում երկու անգամ դարձել է աշխարհի չեմպիոն:

]]> Ռոնալդոն կիսվել է իր կարծիքով ՉԼ-ի հավանական հաղթողի վերաբերյալ https://armsport.am/565427/ Wed, 28 May 2025 10:41:13 +0000 https://armsport.am/?p=565427 «Ինտերի» և Բրազիլիայի հավաքականի նախկին հարձակվող Ռոնալդոն կիսվել է իր կարծիքով 2024/2025 մրցաշրջանի ՈՒԵՖԱ Չեմպիոնների լիգայի հավանական հաղթողի վերաբերյալ: Հիշեցնենք, որ մրցաշարի վճռորոշ հանդիպմանը «ներաձուրիները» հանդիպելու են ֆրանսիական ՊՍԺ-ի հետ: Հանդիպումը տեղի կունենա մայիսի 31-ին Մյունխենում (Գերմանիա): «Իմ կանխատեսումն այն է, որ «Ինտերը» կհաղթի, սա իմ կարծիքն է որպես երկրպագու: Ես հիանալի կապ ունեմ ակումբի […]]]>

«Ինտերի» և Բրազիլիայի հավաքականի նախկին հարձակվող Ռոնալդոն կիսվել է իր կարծիքով 2024/2025 մրցաշրջանի ՈՒԵՖԱ Չեմպիոնների լիգայի հավանական հաղթողի վերաբերյալ:

Հիշեցնենք, որ մրցաշարի վճռորոշ հանդիպմանը «ներաձուրիները» հանդիպելու են ֆրանսիական ՊՍԺ-ի հետ:

Հանդիպումը տեղի կունենա մայիսի 31-ին Մյունխենում (Գերմանիա):

«Իմ կանխատեսումն այն է, որ «Ինտերը» կհաղթի, սա իմ կարծիքն է որպես երկրպագու: Ես հիանալի կապ ունեմ ակումբի հետ: Ես շատ կարևոր պահեր եմ ապրել նրանց հետ, ուստի չեմ կարող թաքցնել իմ համակրանքը: Լավ կլինի, եթե «Ինտերը» կրկին հաղթի Չեմպիոնների լիգան», — Ռոնալդոյի խոսքերն է մեջբերում Fcinter1908.it-ը:

]]> Ռոնալդոն վաճառել է Վալյադոլիդում իր բաժնեմասը https://armsport.am/564635/ Fri, 23 May 2025 19:00:20 +0000 https://armsport.am/?p=564635 Մադրիդի «Ռեալի» և Բրազիլիայի ազգային հավաքականի նախկին հարձակվող Ռոնալդոն վաճառել է իսպանական «Վալյադոլիդի» իր բաժնեմասը, հաղորդում է ֆուտբոլային ակումբի մամուլի ծառայությունը։ Բրազիլացին ակումբի սեփականատեր էր դարձել 2018 թվականին։ «Ռեալ Վալյադոլիդ» ֆուտբոլային ակումբի տնօրենների խորհրդի նախագահ և մեծամասնական բաժնետեր Ռոնալդո Լուիս Նազարիո դե Լիման հայտարարել է ակումբի մեծամասնական բաժնեմասը հյուսիսամերիկյան ներդրումային խմբին փոխանցելու վերաբերյալ համաձայնագրի ստորագրման […]]]>

Մադրիդի «Ռեալի» և Բրազիլիայի ազգային հավաքականի նախկին հարձակվող Ռոնալդոն վաճառել է իսպանական «Վալյադոլիդի» իր բաժնեմասը, հաղորդում է ֆուտբոլային ակումբի մամուլի ծառայությունը։ Բրազիլացին ակումբի սեփականատեր էր դարձել 2018 թվականին։

«Ռեալ Վալյադոլիդ» ֆուտբոլային ակումբի տնօրենների խորհրդի նախագահ և մեծամասնական բաժնետեր Ռոնալդո Լուիս Նազարիո դե Լիման հայտարարել է ակումբի մեծամասնական բաժնեմասը հյուսիսամերիկյան ներդրումային խմբին փոխանցելու վերաբերյալ համաձայնագրի ստորագրման մասին՝ եվրոպական հիմնադրամի ֆինանսական աջակցությամբ: Այս նոր փուլը նշող նոր նախագծի մասին լրացուցիչ մանրամասներ կհայտարարվեն առաջիկա օրերին», — ասվում է ակումբի պաշտոնական կայքում տեղադրված հայտարարության մեջ:

«Վալյադոլիդը» Իսպանիայի առաջնության մրցաշարային աղյուսակի վերջին տեղում է։ Թիմը 37 խաղից հետո վաստակել է 16 միավոր և կորցրել է բարձրագույն դիվիզիոնում մնալու հնարավորությունները։

]]> IFFHS-ը ներկայացրել է պատմության լավագույն ֆուտբոլիստների ցանկը https://armsport.am/563721/ Sun, 18 May 2025 11:19:37 +0000 https://armsport.am/?p=563721 Ֆուտբոլի պատմության և վիճակագրության միջազգային ֆեդերացիան (IFFHS) հրապարակել է բոլոր ժամանակների լավագույն տղամարդ ֆուտբոլիստների տասնյակը։ Ցանկը գլխավորում է արգենտինացի աստղ Լիոնել Մեսսին, ով տարիներ շարունակ գերիշխում է՝ սահմանելով ռեկորդներ ինչպես ակումբային, այնպես էլ ազգային հավաքականի մակարդակով։ Լավագույն տասնյակ Լիոնել Մեսսի (Արգենտինա) Պելե (Բրազիլիա) Դիեգո Մարադոնա (Արգենտինա) Կրիշտիանու Ռոնալդու (Պորտուգալիա) Յոհան Կրոյֆ (Նիդերլանդներ) Ռոնալդո Նազարիո (Բրազիլիա) […]]]>

Ֆուտբոլի պատմության և վիճակագրության միջազգային ֆեդերացիան (IFFHS) հրապարակել է բոլոր ժամանակների լավագույն տղամարդ ֆուտբոլիստների տասնյակը։

Ցանկը գլխավորում է արգենտինացի աստղ Լիոնել Մեսսին, ով տարիներ շարունակ գերիշխում է՝ սահմանելով ռեկորդներ ինչպես ակումբային, այնպես էլ ազգային հավաքականի մակարդակով։

Լավագույն տասնյակ

Լիոնել Մեսսի (Արգենտինա)

Պելե (Բրազիլիա)

Դիեգո Մարադոնա (Արգենտինա)

Կրիշտիանու Ռոնալդու (Պորտուգալիա)

Յոհան Կրոյֆ (Նիդերլանդներ)

Ռոնալդո Նազարիո (Բրազիլիա)

Զինեդին Զիդան (Ֆրանսիա)

Ֆրանց Բեկենբաուեր (Գերմանիա)

Ալֆրեդո Դի Ստեֆանո (Արգենտինա/Իսպանիա)

Ռոնալդինյո (Բրազիլիա)

Ինչո՞վ է առանձնանում այս ցանկը

Արգենտինան ներկայացված է երեք լեգենդներով՝ Մեսսի, Մարադոնա և Դի Ստեֆանո։

Բրազիլիան նույնպես ունի երեք ներկայացուցիչ՝ Պելե, Ռոնալդո և Ռոնալդինյո։

Ցանկը ներառում է ֆուտբոլի բոլոր ժամանակաշրջանների ներկայացուցիչներ՝ 1950-ականներից մինչև մեր օրերը։

Ժամանակակից ֆուտբոլի երկու հսկաներ՝ Մեսսին և Ռոնալդուն, ընդգրկվել են առաջին հնգյակում, ինչը վկայում է նրանց երկարամյա գերիշխանության մասին։

]]> Ռոնալդոն կվաճառի իսպանական ակումբը․ Բրազիլացին արդեն պայմանավորվածություն ունի ակումբի վաճառքի վերաբերյալ https://armsport.am/560046/ Thu, 24 Apr 2025 09:07:58 +0000 https://armsport.am/?p=560046 Բրազիլիայի հավաքականի նախկին ֆուտբոլիստ Ռոնալդոն 40 միլիոն եվրոյով կվաճառի իսպանական «Վալյադոլիդը»։ Ինչպես հաղորդում է As-ը՝ մեջբերելով Cadena SER-ին, բրազիլացի նախկին ֆուտբոլիստը առաջիկա օրերին կամ շաբաթներին կվաճառի ակումբը։ Վաճառքի վերաբերյալ պայմանավորվածությունը ձեռք է բերվել մի քանի շաբաթ առաջ, սակայն երկու կողմերը չեն կարող այդ մասին հայտարարել մինչև մայիս, ուստի գնորդը դեռ հայտնի չէ։ Ակնկալվում է, որ […]]]>

Բրազիլիայի հավաքականի նախկին ֆուտբոլիստ Ռոնալդոն 40 միլիոն եվրոյով կվաճառի իսպանական «Վալյադոլիդը»։

Ինչպես հաղորդում է As-ը՝ մեջբերելով Cadena SER-ին, բրազիլացի նախկին ֆուտբոլիստը առաջիկա օրերին կամ շաբաթներին կվաճառի ակումբը։

Վաճառքի վերաբերյալ պայմանավորվածությունը ձեռք է բերվել մի քանի շաբաթ առաջ, սակայն երկու կողմերը չեն կարող այդ մասին հայտարարել մինչև մայիս, ուստի գնորդը դեռ հայտնի չէ։ Ակնկալվում է, որ գործարքի արժեքը կկազմի մոտ 40 միլիոն եվրո:

Ռոնալդոն «Վալյադոլիդի» սեփականատերն է 2018 թվականից:

]]> Բրազիլիայի ընտրանու խնդիրների լուծումն Անչելոտի՞ն էր․ Ռոնալդոն բացահայտումներ է արել https://armsport.am/554791/ Wed, 26 Mar 2025 13:10:04 +0000 https://armsport.am/?p=554791 Բրազիլիայի ազգային հավաքականի նախկին հարձակվող Ռոնալդո Նազարիոն բացահայտել է, որ Կառլո Անչելոտին պատրաստ էր գլխավորել Բրազիլիայի հավաքականը, սակայն Մադրիդի «Ռեալը» թույլ չի տվել նրան հեռանալ: Ռոնալդոն նշել է, որ երբ 2023 թվականին Տիտեն հեռացավ Բրազիլիայի հավաքականի գլխավոր մարզչի պաշտոնից, Բրազիլիայի ֆուտբոլային ֆեդերացիան (CBF) որոշեց սպասել Անչելոտիի պայմանագրի ավարտին, որը նախատեսված էր մինչև 2024 թվականի հունիսը: […]]]>

Բրազիլիայի ազգային հավաքականի նախկին հարձակվող Ռոնալդո Նազարիոն բացահայտել է, որ Կառլո Անչելոտին պատրաստ էր գլխավորել Բրազիլիայի հավաքականը, սակայն Մադրիդի «Ռեալը» թույլ չի տվել նրան հեռանալ:

Ռոնալդոն նշել է, որ երբ 2023 թվականին Տիտեն հեռացավ Բրազիլիայի հավաքականի գլխավոր մարզչի պաշտոնից, Բրազիլիայի ֆուտբոլային ֆեդերացիան (CBF) որոշեց սպասել Անչելոտիի պայմանագրի ավարտին, որը նախատեսված էր մինչև 2024 թվականի հունիսը: Սակայն 2023 թվականի դեկտեմբերին իտալացի մասնագետը երկարաձգեց պայմանագիրը «Ռեալի» հետ մինչև 2026 թվականը, ինչը կանխեց նրա հնարավոր տեղափոխությունը Բրազիլիայի հավաքական:

«Ես մասնակցել եմ բանակցություններին և աջակցել Անչելոտիի թեկնածությանը: Նա իսկապես ցանկանում էր գլխավորել Բրազիլիայի հավաքականը, բայց վերջնական որոշումը «Ռեալինն» էր, և ակումբը չթողեց նրան հեռանալ», – բրազիլացու խոսքն է մեջբերում ESPN-ը։

Անդրադառնալով Բրազիլիայի հավաքականի ներկա վիճակին՝ լեգենդար ֆուտբոլիստը նշել է, որ CBF-ի ներքին քաղաքական խնդիրները բացասաբար են ազդում թիմի ընդհանուր մթնոլորտի վրա՝ խոչընդոտելով լավ արդյունքների հասնելուն: Նա նաև ընդգծել է, որ ինչպես գլխավոր մարզիչ Դորիվալ Ժունիորի ղեկավարության տակ գտնվելը, այնպես էլ լրատվամիջոցների կողմից խաղացողների նկատմամբ մեծ ակնկալիքները խանգարում են թիմին հաջողության հասնել:

«Հավաքականը մշտապես մեծ ճնշման տակ է, ինչը դժվարացնում է արդյունավետ աշխատանքը», – հավելել է Ռոնալդոն:

]]> Ռոնալդոն գնահատել է Նեյմարի՝ ԱԱ-2026-ին մասնակցելու շանսերը https://armsport.am/554159/ Sun, 23 Mar 2025 10:53:37 +0000 https://armsport.am/?p=554159 Բրազիլիայի հավաքականի լեգենդ Ռոնալդոն գնահատել է Նեյմարի՝ ԱԱ-2026-ում խաղալու հնարավորությունները։ Ավելի վաղ «Սանթոսի» հարձակվողը թիմի գլխավոր մարզչի և բժշկական շտաբի որոշմամբ չէր ընդգրկվել ազգային հավաքականում՝ մարտի հանդիպումների համար։ «Ես հավատում եմ դրան։ Նեյմարն անհավանական տաղանդավոր է, բայց նա պետք է պատրաստ լինի զոհաբերությունների: Ամեն ինչ կախված է նրանից: Զոհաբերությունը միանշանակ արժե: Աշխարհի առաջնությանը մնացել է […]]]>

Բրազիլիայի հավաքականի լեգենդ Ռոնալդոն գնահատել է Նեյմարի՝ ԱԱ-2026-ում խաղալու հնարավորությունները։ Ավելի վաղ «Սանթոսի» հարձակվողը թիմի գլխավոր մարզչի և բժշկական շտաբի որոշմամբ չէր ընդգրկվել ազգային հավաքականում՝ մարտի հանդիպումների համար։

«Ես հավատում եմ դրան։ Նեյմարն անհավանական տաղանդավոր է, բայց նա պետք է պատրաստ լինի զոհաբերությունների: Ամեն ինչ կախված է նրանից:

Զոհաբերությունը միանշանակ արժե: Աշխարհի առաջնությանը մնացել է ընդամենը մեկ տարի։ Եթե ​​նա մրցաշարին գա լավ մարզավիճակով, մենք լավ հնարավորություն կունենանք։ Բայց նա պետք է զոհողությունների գնա։ «Նա պետք է միայն ուտի, մարզվի և քնի», — Ռոնալդոյի խոսքերն է մեջբերում A Bola-ն:

]]>