Լեհաստանի ազգային հավաքականի 37-ամյա հարձակվող Ռոբերտ Լևանդովսկին համաձայնության է եկել թուրքական «Ֆեներբախչեի» հետ՝ անձնական պայմանագրի կետերի շուրջ։

​Ինչպես հաղորդում է լրագրող Յագիզ Սաբունջուօղլուն, ստամբուլյան ակումբի նախագահի թեկնածու Հաքան Սաֆին սկզբունքային համաձայնության է հասել լեհ ֆուտբոլիստի հետ՝ «դեղձանիկների» կազմում նրա ապագայի վերաբերյալ։ Սպասվում է, որ Լևանդովսկին կստորագրի «2+1» ձևաչափով աշխատանքային պայմանագիր։ Ըստ դրա՝ նրա տարեկան աշխատավարձը կկազմի 15 միլիոն եվրո, իսկ անհատական բարձր ցուցանիշների համար կնախատեսվեն նաև հավելյալ բոնուսներ։

​Ավելի վաղ հայտնի էր դարձել, որ աստղային հարձակվողը չի կարողացել ընդհանուր հայտարարի գալ «Բարսելոնայի» հետ պայմանագրի երկարաձգման շուրջ, ուստի կատալոնական ակումբից կհեռանա ազատ գործակալի կարգավիճակով։

​Հավելենք, որ նախորդ մրցաշրջանում լեհ ֆուտբոլիստը «կապտանռնագույնների» կազմում բոլոր մրցաշարերում մասնակցել է 46 հանդիպման՝ աչքի ընկնելով 19 խփված գնդակով և 4 արդյունավետ փոխանցմամբ։

Լեհ հարձակվող Ռոբերտ Լևանդովսկին կիսվել է «Բարսելոնայից» հեռանալուց հետո իր զգացողություններով։ Հիշեցնենք, որ ֆուտբոլիստը լքել է կատալոնական ակումբը ընթացիկ մրցաշրջանի ավարտին։

«Գաղտնիք չէ, որ երբ խաղում ես ամենաբարձր մակարդակով, որտեղ ճնշումն զգացվում է յուրաքանչյուր երեք օրը մեկ, ավելի կենտրոնացած և լարված ես լինում։ Վերջին շրջանում հույզերս ծայրահեղ շատ էին։ Կարծում եմ՝ այժմ ինձ ավելի հանգիստ ու ազատ եմ զգում. կյանքիս մի որոշակի փուլ մոտեցավ իր ավարտին։

Բացի այդ, այս ամենից որոշակի հեռավորություն է ստեղծվում, և սկսում ես վերհիշել այն ամենը, ինչ տեղի է ունեցել և ինչի ես հասել»,- Լևանդովսկու խոսքերն է մեջբերում Լեհաստանի ֆուտբոլային միության X-ի պաշտոնական էջը։

Նշենք, որ Լևանդովսկին «Բարսելոնա» էր տեղափոխվել 2022 թվականի ամռանը։ Այս ընթացքում 37-ամյա հարձակվողը բոլոր մրցաշարերում մասնակցել է 191 հանդիպման՝ դառնալով 119 գոլի և 24 գոլային փոխանցման հեղինակ։

Կատալոնական ակումբի կազմում լեհ ռմբարկուն երեք անգամ նվաճել է Իսպանիայի չեմպիոնի տիտղոսը (Լա Լիգա), երեք անգամ դարձել երկրի Սուպերգավաթակիր և մեկ անգամ՝ Իսպանիայի գավաթակիր։

Կատալոնական «Բարսելոնան» հարձակվող է փնտրում՝ փոխարինելու ակումբից հեռացող Ռոբերտ Լևանդովսկուն։

Ինչպես տեղեկացնում է Mundo Deportivo-ն, «կապտանռնագույնները» չեն բացառում Հարի Քեյնի («Բավարիա»), Խուլիան Ալվարեսի («Ատլետիկո») կամ Ժոաո Պեդրոյի («Չելսի») տրանսֆերները գնելու տարբերակները:

Աղբյուրի համաձայն՝ «Բարսելոնան» կնվազեցնի իր պահանջները հարձակվողի հարցում միայն այն դեպքում, եթե վերոնշյալ երեք թեկնածուներից որևէ մեկին ձեռք բերելը վերջնականապես անհնար դառնա։ Ընդգծվում է, որ կատալոնական ակումբի գլխավոր հույսերը կապված են Ալվարեսի և Պեդրոյի հետ, քանի որ Քեյնը բավականին հաջող մրցաշրջան է անցկացրել «Բավարիայում»: Այնուամենայնիվ, «Բարսելոնայում» կասկածում են, որ «Ատլետիկոն» և «Չելսին» մեծ ցանկություն կունենան վաճառելու իրենց ֆուտբոլիստներին։

Նշվում է, որ «Բարսելոնան» արդեն իսկ պաշտոնական հարցումներ է կատարել Ալվարեսի և Պեդրոյի վերաբերյալ։ Ակումբը պատրաստ է արգենտինացու համար վճարել մինչև 100 միլիոն եվրո, եթե մադրիդյան թիմը բաց լինի տրանսֆերի համար: Գործարքի կայացման վրա մեծապես կարող է ազդել նաև այն հանգամանքը, թե որքանով ինքը՝ Ալվարեսը, կպնդի Մադրիդից հեռանալու հարցում։

«Բարսելոնայի» կիսապաշտպան Ֆերմին Լոպեսը կիսվել է թիմի հարձակվող Ռոբերտ Լևանդովսկիի՝ ակումբից հեռանալու վերաբերյալ իր տպավորություններով։

Լեհ ֆուտբոլիստը չի երկարաձգի ավարտվող պայմանագիրը «կապտանռնագույնների» հետ։ Այսօր հարձակվողը հրաժեշտ կտա «Կամպ Նոուի» երկրպագուներին՝ մրցաշրջանի վերջին տնային խաղում մրցելով «Բետիսի» դեմ։

«Ես կկարոտեմ Լևանդովսկիին։ Անձամբ ես նրանից շատ բան եմ սովորել։ Նա հսկայական փորձ ունեցող մեծագույն խաղացող է, որը հաղթել է ամեն ինչ։ Ափսոս, որ նա հեռանում է։ Ռոբերտը ակումբ եկավ բարդ ժամանակահատվածում և մեզ շատ օգնեց։

Նրա պես ֆուտբոլիստների շնորհիվ մեր թիմը կրկին հաջողակ դարձավ։ Շատ շնորհակալ եմ իմ հանդեպ նրա ջերմ վերաբերմունքի համար»,- Ֆերմինի խոսքն է մեջբերում Barca Universal-ը։

Ռոբերտ Լևանդովսկին «Բարսելոնայում» անցկացրել է չորս տարի։ Այդ ընթացքում նա կատալոնացիների կազմում մասնակցել է 191 հանդիպման՝ դառնալով 119 գոլի հեղինակ։

«Բարսելոնայի» գլխավոր մարզիչ Հանս-Դիտեր Ֆլիկը մեկնաբանել է թիմի հարձակվող Ռոբերտ Լևանդովսկիի՝ ընթացիկ մրցաշրջանի ավարտից հետո կատալոնական ակումբից հեռանալու որոշումը։

– Ի՞նչ կկորցնի «Բարսելոնան» Լևանդովսկիի հեռանալով:

– Այս մակարդակի ֆուտբոլիստ գտնելը բարդ է լինելու: Ես դա նախկինում էլ եմ ասել: Նա հիանալի մարդ է և տպավորիչ պրոֆեսիոնալ։ Մենք նրան շատ կկարոտենք, բայց կգտնենք ելքը: Մենք կվերակառուցենք թիմը:

– Ինչպե՞ս անցավ Լևանդովսկիի հետ հրաժեշտի զրույցը:

– Զրույցը լավ անցավ: Իմ բոլոր տիտղոսները ես նվաճել եմ նրա հետ միասին։ Ինձ համար մեծ պատիվ էր աշխատել նրա հետ։ Նա անհավանական պրոֆեսիոնալ է. Ռոբերտը միշտ եղել է բարձր մակարդակի վրա և հոգ է տարել իր մարմնի մասին: Ես դա երբեք չեմ մոռանա։ Լևանդովսկին իսկական օրինակ է երիտասարդ ֆուտբոլիստների համար։ Նա իր որոշման մասին հայտնեց հանդերձարանում։ Բոլորս գիտենք, թե ինչպիսի խաղացող է նա, — Ֆլիկի խոսքերն է մեջբերում AS պարբերականը:

Հիշեցնենք, որ լեհ հարձակվողը «Բարսելոնայի» գույները պաշտպանում է 2022 թվականից։ Հանս-Դիտեր Ֆլիկը կապտանռնագույնների ղեկը ստանձնել է 2024 թվականին։

Կատալոնական «Բարսելոնան» սոցցանցերի իր պաշտոնական էջերում հրաժեշտ է տվել հարձակվող Ռոբերտ Լևանդովսկիին, որը հայտարարել էր մրցաշրջանի ավարտից հետո ակումբից հեռանալու մասին։

​«Եկար որպես աստղ՝ հեռանում ես որպես լեգենդ։ Շնորհակալություն քեզ, Ռոբերտ Լևանդովսկի, յուրաքանչյուր գոլի, յուրաքանչյուր պայքարի և այս գույների ներքո անցկացրած յուրաքանչյուր կախարդական ակնթարթի համար։ Կուլեներ ընդմիշտ», — ասված է «կապտանռնագույնների» տարածած հաղորդագրության մեջ։

​Հիշեցնենք, որ Լևանդովսկին «Բարսելոնա» էր տեղափոխվել 2022 թվականի ամռանը։ Այս ընթացքում 37-ամյա լեհ հարձակվողը բոլոր մրցաշարերում անցկացրել է 191 հանդիպում՝ դառնալով 119 գոլի և 24 արդյունավետ փոխանցման հեղինակ։

Կատալոնական ակումբի կազմում նա երեք անգամ նվաճել է Իսպանիայի չեմպիոնի տիտղոսը, երեք անգամ դարձել երկրի Սուպերգավաթակիր և մեկ անգամ հաղթել Իսպանիայի գավաթի խաղարկությունում։

Փորձառու հարձակվող Ռոբերտ Լևանդովսկին 2025/26 մրցաշրջանի ավարտից հետո կհեռանա կատալոնական «Բարսելոնայից»։ Այս մասին հայտնում է լեհական Meczyki պարբերականի լրագրող Տոմաշ Վլոդարչիկը։

​Աղբյուրի փոխանցմամբ՝ արդեն առաջիկա կիրակի՝ մայիսի 17-ին, լեհ ֆուտբոլիստը «Կամպ Նոու» մարզադաշտում կանցկացնի իր հրաժեշտի հանդիպումը՝ Լա լիգայի 37-րդ տուրի շրջանակում մրցելով «Բետիսի» դեմ։

Նշվում է, որ 37-ամյա հարձակվողի կարիերայի շարունակության ամենահավանական տարբերակը Սաուդյան Արաբիայի առաջնությունն է, քանի որ նրա համար կարևոր են ժամային գոտին, Եվրոպայից ունեցած հեռավորությունը և կլիման։ Դիտարկվում է նաև «Չիկագո Ֆայրի» առաջարկը, սակայն այն պակաս առաջնահերթ է։ Լևանդովսկիի ծառայություններով հետաքրքրված է եղել նաև «Պորտուն», բայց այժմ խաղացողն առավելապես հակված է Մերձավոր Արևելք տեղափոխվելուն։ Ըստ շրջանառվող լուրերի՝ ֆուտբոլիստը վերջնական որոշում կկայացնի առաջիկա օրերին։

​Ընդգծվում է, որ հարձակվողը կատալոնական ակումբից ստացել է նոր պայմանագրի առաջարկ, սակայն չի ընդունել այն՝ պատճառաբանելով թիմում իր նվազող դերը։ Այս դեպքում ֆինանսական կողմը Ռոբերտի համար առաջնային չէ. նա ցանկանում է խաղալ և էական ազդեցություն ունենալ այն ակումբի արդյունքների վրա, որտեղ կշարունակի կարիերան։ Ավելի վաղ նույնպես հաղորդվում էր, որ կողմերը դադարեցրել են նոր համաձայնագրի շուրջ բանակցությունները։

​Հիշեցնենք, որ 37-ամյա Ռոբերտ Լևանդովսկին «Բարսելոնայում» հանդես է գալիս 2022 թվականից։ Նրա գործող պայմանագրի ժամկետն ակումբի հետ նախատեսված է մինչև 2026 թվականի հունիսի վերջը։

Պորտուգալական «Պորտուն» լրջորեն հետաքրքրված է «Բարսելոնայի» լեհ հարձակվող Ռոբերտ Լևանդովսկու ծառայություններով։ Այս մասին հայտնում է Sky Sports պարբերականը։

Ըստ աղբյուրի՝ նախքան ֆուտբոլիստին հստակ առաջարկ անելը, պորտուգալական ակումբը սպասում է, թե երբ 37-ամյա հարձակվողը պաշտոնապես կհեռանա «Բարսելոնայից»։ Այս պահի դրությամբ լեհ աստղը դեռ վերջնական որոշում չի կայացրել իսպանական գրանդը լքելու վերաբերյալ։

Ապրիլին հաղորդվում էր, որ կատալոնական ակումբը Լևանդովսկուն առաջարկել է մեկ տարվա նոր պայմանագիր, սակայն այլ թիմերի առաջարկները ֆինանսական տեսանկյունից շատ ավելի շահավետ են եղել: Հիշեցնենք, որ 37-ամյա ֆուտբոլիստի գործող պայմանագրի ժամկետը «Բարսելոնայի» հետ լրանում է այս հունիսին:

Բացի «Պորտուից», փորձառու հարձակվողի նկատմամբ առարկայական հետաքրքրություն են ցուցաբերում իտալական «Յուվենտուսն» ու «Միլանը», ինչպես նաև մի քանի ակումբներ ամերիկյան MLS-ից և Սաուդյան Արաբիայից։

Ընթացիկ մրցաշրջանում Լևանդովսկին բոլոր մրցաշարերում կատալոնական ակումբի կազմում անցկացրել է 43 հանդիպում՝ դառնալով 18 գոլի և 2 գոլային փոխանցման հեղինակ։

​«Բարսելոնայի» գլխավոր մարզիչ Հանս-Դիտեր Ֆլիկը անդրադարձել է կատալոնական ակումբի հարձակվողներ Ռոբերտ Լևանդովսկու և Մարկուս Ռեշֆորդի ապագային։

​«Մրցաշրջանի ավարտին մենք ամեն ինչ կվերլուծենք և կհասկանանք մեր հետագա քայլերը։ Մարկուսը մեծ աշխատանք է կատարել մեզ համար, նրա վիճակագրությունը բավականին լավն է։ Ես ուրախ և երախտապարտ եմ նրան իր նվիրվածության համար։

​Ինչ վերաբերում է Ռոբերտին, էլ ի՞նչ կարող եմ ասել։ Ես նրա հետ տիտղոսներ եմ նվաճել և անչափ հպարտ եմ, որ մարզում եմ նման ֆանտաստիկ ֆուտբոլիստի: Սակայն ունենք այն, ինչ ունենք, և կտեսնենք, թե ինչ կլինի հաջորդ մրցաշրջանում»,- գերմանացի մասնագետի խոսքերն է մեջբերում իսպանական AS պարբերականը։

​Նշենք, որ ընթացիկ մրցաշրջանում Լևանդովսկին «կապտանռնագույնների» կազմում բոլոր մրցաշարերում անցկացրել է 43 հանդիպում՝ դառնալով 18 գոլի և 2 արդյունավետ փոխանցման հեղինակ։

Մարկուս Ռեշֆորդն իր հերթին մասնակցել է 47 հանդիպման՝ իր ակտիվում գրանցելով 13 գոլ և 12 արդյունավետ փոխանցում։

«Բարսելոնայի» լեհ դարպասապահ Վոյցեխ Շչեսնին կատակով իր հայրենակից և ակումբակից Ռոբերտ Լևանդովսկուն խորհուրդ է տվել ավարտել ֆուտբոլային կարիերան՝ նշելով, որ հենց դրանից հետո են սկսում ստացվել լավագույն առաջարկները։

Ավելի վաղ իտալական Calciomercato պարբերականը տեղեկացրել էր, որ 37-ամյա Լևանդովսկին հնարավոր է՝ որպես ազատ գործակալ տեղափոխվի «Միլան»։

«Եթե սեփական փորձիցս ելնելով խորհուրդ տայի, ապա նրան կասեի՝ ավարտի՛ր կարիերադ, որովհետև դրանից հետո են սկսում ստացվել լավագույն առաջարկները»,- Շչեսնիի խոսքերն է մեջբերում լեհական Eleven Sports հեռուստաալիքը։

Հիշեցնենք, որ 2024 թվականի օգոստոսին Շչեսնին պաշտոնապես հայտարարեց կարիերան ավարտելու մասին, սակայն նույն տարվա հոկտեմբերին կատալոնական ակումբը պայմանագիր կնքեց 34-ամյա դարպասապահի հետ։ Պատճառը թիմի հիմնական դարպասապահ Մարկ-Անդրե տեր Շտեգենի ստացած ծանր վնասվածքն էր։