Նիդերլանդների Ռոտերդամ քաղաքում մեկնարկել է թենիսի ATP 500 շարքի մրցաշարը։

1/16 եզրափակչի առաջին երկու խաղերն ավարտվել են։ Մրցաշարի վեցերորդ համար Ռոբերտո Բաուտիստա-Ագուտը երեք սեթում առավելության է հասել Մարտեն Ֆուչովիչի նկատմամբ։ Գրանցվել է 4-6, 7-6(1), 6-1 հաշիվը։

Հաղթանակով է մեկնարկել Իսպանիայի մեկ այլ ներկայացուցիչ ևս։ Պաբլո Կարենյո-Բուստան հաղթել է Ադրիան Մանարինոյին 7-5, 6-7(3), 6-4 հաշվով։

Այս պահին միմյանց դեմ մրցում են Գրիգոր Դիմիտրովն ու Դենիս Շապովալովը։ Մրցաշարին մասնակցում է նաև հայկական արմատներով ռուս թենիսիստ Կարեն Խաչանովը, ում մրցակիցը առաջին շրջանում Ֆաբիո Ֆոնինին է։

Սիդնեյում ավարտվեց ATP Cup-ի առաջին մրցաշարը։ Եզրափակչում միմյանց դեմ մրցում էին Սերբիայի և Իսպանիայի հավաքականները։

Եզրափակիչ օրվա մենախաղերից առաջինում միմյանց դեմ մրցեցին Ռոբերտո Բաուտիստա Ագուտն ու Դուշան Լայովիչը։ Իսպանացի թենիսիստը 7-5, 6-1 հաշվով հաղթեց ու առաջին միավորը բերեց իր թիմի համար։

Մենախաղի երկրորդ խաղում միմյանց դեմ մրցում էին Նովակ Ջոկովիչն ու Ռաֆայել Նադալը։ Սերբ թենիսիստը երկու սեթում 6-2, 7-6(4) հաշվով հաղթեց աշխարհի առաջին ռակետին՝ դիմակայությունը տեղափոխելով զուգախաղ։

Զուգախաղում միմյանց դեմ մրցեցին Նովակ Ջոկովիչ/Վիկտոր Տրոիցկի — Պաբլո-Կարենյո Բուստա/Ֆելիսիանո Լոպես զույգերը։ Սերբերը հաղթեցին 6-3, 6-4 հաշվով ու դարձան ATP Cup մրցաշարի չեմպիոն։

Հիշեցնենք, որ ATP Cup մրցաշարը այս տարի անցկացվեց առաջին անգամ։

Ավստրալիայում շարունակվող ATP Cup մրցաշարի եզրափակչի մասնակիցները հայտնի են:Նախկինում տեղեկացրել էինք, որ եզրափակչի առաջին ուղեգիրը նվաճել էր Սերբիայի հավաքականը:

Քիչ առաջ ավարտվեց երկրորդ կիսաեզրափակիչը, որտեղ մրցեցին տանտեր Ավստրալիան ու Իսպանիան: Առաջին խաղում Նիկ Կիրիոսը 2 սեթոմ՝ 1:6,4:6 հաշվով պարտվեց Ռոբերտո Բաուտիստա-Ագուտին, իսկ երկրորդ խաղում Ալեքս դե Մինաուրը 3 սեթում՝ 6:4, 5:7, 1:6 հաշվով պարտվեց Ռաֆա Նադալին:

Իսպանիան հաղթեց 2-0 հաշվով ու վաղը՝ եզրափակչում, կմրցի Սերբիայի հավաքականի հետ:

Իսպանիայի թենիսի հավաքականը հռչակվել է Դևիսի գավաթի չեմպիոն։ Գլխավոր մարզիչ Սերխի Բրուգերայի գլխավորությամբ իսպանացիները Մադրիդում չունեին հավասարը։ Եզրափակչում նրանց մրցակիցը Կանադայի հավաքականն էր։

Իսպանացիներին հաղթանակ է պարգևել Ռաֆայել Նադալը։ Աշխարհի առաջին ռակետը 6-3, 7-6 հաշվով առավելության հասավ Դենիս Շապովալովի նկատմամբ։ Առաջին խաղում էլ Ռոբերտո Բաուտիստա Ագուտը 7-6, 6-3 հաշվով հաղթել էր Ֆելիքս Օժե Ալյասիմին։

Իսպանիան առաջին անգամ է Դևիսի գավաթի հաղթող ճանաչվում 2011 թվականից հետո։ Այդ ժամանակ լա ֆուրիա ռոխայի կազմում հանդես էին գալիս այս տարվա չեմպիոններից միայն Ռաֆայել Նադալն ու Ֆելիսիանո Լոպեսը։ Ռոբերտո Բաուտիստա Ագուտի, Պաբլո Կարենյո Բուստայի և Մարսել Գրանոլյերսի համար սա առաջին Դևիսի գավաթն էր։