«Սևիլյայի» խորվաթ կիսապաշտպան Իվան Ռակիտիչը խոսել է ՈւԵՖԱ-ի սուպերգավաթի «Բավարիայից» կրած պարտության մասին (1-2), տեղեկացնում է Sport.es-ը:

«Մինչև վերջին րոպեն պայքարեցինք նրանց դեմ: Շնորհակալ եմ այն երկրպագուներին, ովքեր այս բարդ օրերին եկան ստադիոն և աջակցեցին մեզ:

Հպարտ եմ մեր ցուցադրած խաղով»,- ասել է Ռակիտիչը:

Հիշեցնենք, որ «Բավարիան» երկրորդ անգամ իր պատմության մեջ տիրեց ՈւԵՖԱ-ի սուպերգավաթին: «Սևիլյան»  հակառեկորդի հեղինակ դարձավ: Ակումբը հինգ անգամ պարտվել է Սուպերգավաթի խաղում ՝ տանելով մեկ հաղթանակ:

Խորվաթ կիսապաշտպան Իվան Ռակիտիչը, ով «Բարսելոնայից» տեղափոխվեց «Սևիլյա», անկեղծացել է, որ մոտ հարաբերություններ չի ունեցել Լեո Մեսսիի և Լուիս Սուարեսի հետ, տեղեկացնում է Sport.es-ը:

«Նրանք իմ ընկերները չէին: Դժվար է ընկերություն անել բոլորի հետ, քանի որ թիմում 23-24 ֆուտբոլիստ է հանդես գալիս:

Նրանք իմ խաղընկերներն էին, որոնց հետ հրաշալի 6 տարիներ եմ անցկացրել: Հարգում եմ այդ տղաներին»,- ասել է Ռակիտիչը:

Հիշեցնենք, որ 32-ամյա ֆուտբոլիստը Լա լիգայի նախորդ մրցաշրջանում մասնակցել է 42 հանդիպման և դարձել ՝ 1 գոլի ու 5 գոլային փոխանցման հեղինակ:

«Սևիլյայի» նորեկ Իվան Ռակիտիչը խոսել է «Բարսելոնայում» անցկացրած տարիների մասին, հաղորդում է Sport.es-ը:

«Ինձ համար պատիվ էր խաղալ այս մեծ ակումբում: Ուզում եմ շնորհակալություն հայտնել բոլոր նրանց, ովքեր օգնել են ինձ:

Մինչ նոր հանդիպում»,- ասել է Ռակիտիչը:

Հիշեցնենք, որ Ռակիտիչը նախկինում արդեն խաղացել է «Սևիլյայում» (2011-2014 թվականներին), որի կազմում անցկացրել է 149 հանդիպում և դարձել ՝ 32 գոլի հեղինակ:

Կատալոնական ակումբի կազմում նա մասնակցել է 310 հանդիպում և դարձել ՝ 36 գոլի ու 36 գոլային փոխանցման հեղինակ:

«Բարսելոնան» և «Յուվենտուսը» հնարավոր է փոխանակվեն ֆուտբոլիստներով, տեղեկացնում է Calciomercato-ն:

Նշվում է, որ Ռոդրիգո Բենտանկուրը և Իվան Ռակիտիչը կփոխանակվեն ակումբներով:

Այդ պարագայում, կատալոնական ակումբը պետք է հավելյալ 30 միլիոն եվրո վճարի Բենտանկուրի դիմաց:

Հիշեցնենք, որ այս ակումբները վերջերս մի փոխանակում արդեն իրականացրել են (Միրալեմ Պյանիչ-Արտուր Մելո):

Մադրիդի «Աթլետիկոն» ցանկանում է իր կազմում տեսնել «Բարսելոնայի» կիսապաշտպան Իվան Ռակիտիչին: Մադրիդյան ակումբի ներկայացուցիչները բանակցել են խորվաթ ֆուտբոլիստի հետ, տեղեկացնում է Sport.es-ն:

Նշվում է, որ «Աթլետիկոն» պատրաստ է 8 միլիոն եվրո աշխատավարձ վճարել փորձառու խաղացողին:

Այսպիսով, 31-ամյա Ռակիտիչը կարող է մնալ Լա Լիգայում և ամռանը համալրել Դիեգո Սիմեոնեի գլխավորած թիմը:

Հիշեցնենք, որ Ռակիտիչը առաջարկներ կդիտարկի նաև ԱՊԼ-ի ակումբների կողմից:

Կատալոնական «Բարսելոնայի» խորվաթ ֆուտբոլիստ Իվան Ռակիտիչը կարիերան կարող է շարունակել Մադրիդի «Ատլետիկոյում», հաղորդում է Cadena SER -ը:

Նշվում է, որ 31-ամյա ֆուտբոլիստը մադրիդյան ակումբի գլխավոր թիրախն է:

Ռակիտիչի պայմանագիրը կատալոնական ակումբի հետ ավարտվում է 2021 թվականին: «Բարսելոնան» դեմ չէ վաճառել կիսապաշտպանին, քանի դեռ նրա պայմանագրի ժամկետը չի սպառվել:

Հավելենք, որ Լա Լիգայի այս մրցաշրջանում Ռակիտիչը անցկացրել է 24 հանդիպում և դարձել 3 գոլային փոխանցման հեղինակ:

«Բարսելոնայի» կիսապաշտպան Իվան Ռակիտիչը հաջորդ ամռանը կարող է դառնալ Մադրիդի «Աթլետիկոյի» խաղացող: Այս մասին հայտնում է Movistar-ը։

Մադրիդյան ակումբը մտադիր է «Բարսելոնայի» հետ խորվաթ կիսապաշտպանի պայմանագրի ավարտից մեկ տարի առաջ կնքել թանկարժեք պայմանագիր: Գործարքի գումարը կարող է հասնել 45 մլն դոլարի։

Ընթացիկ մրցաշրջանում 31-ամյա Ռակիտիչը Լա Լիգայում անցկացրել է միայն մեկ հանդիպում՝ որպես կատալոնական ակումբի հիմնական խաղացող: Ընդամենը նրա ակտիվում կա 16 խաղ, որոնցում նաաչքի է ընկել մեկ գնդակով և մեկ գոլային փոխանցումով։

«Բարսելոնան» սկսել է նոր կիսապաշտպանի որոնումը Իվան Ռակիտիչին փոխարինելու համար:

Ինչպես հաղորդում է As-ը, կատալոնացիների ցուցակում են Ֆաբիան Ռուիսը («Նապոլի»), Սաուլ Նյիգեսը («Աթլետիկո») և Ռոդրիգո Բենտանկուրը («Յուվենտուս»):

Հիշեցնենք, որ Ռակիտիչը մոտ է առաջիկա ձմռանը ակումբից հեռանալուն։ Հավանական է, որ խորվաթը կարիերան կշարունակի Իտալիայում։