Հայտնի են դարձել Չեմպիոնների լիգայի 2026/27 մրցաշրջանի ընդհանուր փուլի 29 մասնակիցները։ Լիգայի փուլում ամենաշատ ներկայացուցիչներ կունենան Անգլիան և Իսպանիան՝ 5-ական ակումբով։

• Անգլիա. «Արսենալ», «Մանչեսթեր Սիթի», «Մանչեսթեր Յունայթեդ», «Ասթոն Վիլա», «Լիվերպուլ»։
• Իսպանիա. «Բարսելոնա», «Ռեալ», «Վիլյառեալ», «Ատլետիկո», «Բետիս»։
• Իտալիա. «Ինտեր», «Նապոլի», «Ռոմա», «Կոմո»։
• Գերմանիա. «Բավարիա», Դորտմունդի «Բորուսիա», «Լայպցիգ», «Շտուտգարտ»։
• Ֆրանսիա. ՊՍԺ, «Լանս», «Լիլ»։
• Նիդերլանդներ. ՊՍՎ, «Ֆեյենորդ»։
• Պորտուգալիա. «Պորտու», «Սպորտինգ»։
• Բելգիա. «Բրյուգե»։
• Չեխիա. «Սլավիա»։
• Թուրքիա. «Գալաթասարայ»։
• Ուկրաինա. «Շախտյոր»։

Ընդհանուր առմամբ՝ Չեմպիոնների լիգայի 2026/27 մրցաշրջանի լիգայի փուլում հանդես կգա 36 թիմ։ ՉԼ-ի մնացած 7 ուղեգրերը կխաղարկվեն որակավորման փուլերում, որոնք կանցկացվեն ամռանը։ Մրցաշարի հիմնական փուլը կմեկնարկի 2026 թվականի սեպտեմբերի 8-ին և կեզրափակվի 2027-ի հունվարի 27-ին։

Հիշեցնենք, որ Չեմպիոնների լիգայի ընթացիկ մրցաշրջանի հաղթողը հայտնի կդառնա մայիսի 30-ին՝ ՊՍԺ — «Արսենալ» եզրափակիչ դիմակայությունում։ Հանդիպումը կկայանա Բուդապեշտի «Պուշկաշ Արենա» մարզադաշտում։

Միլանի «Ինտերի» պաշտպան Ալեսանդրո Բաստոնիի հավանական տեղափոխությունը «Բարսելոնա» ձախողվել է, քանի որ կատալոնական ակումբի գլխավոր մարզիչ Հանս-Դիտեր Ֆլիկը հավանություն չի տվել 27-ամյա ֆուտբոլիստի թեկնածությանը։ Այս մասին հայտնում է Sport.es-ը՝ հղում անելով լրագրող Մատեո Մորետոյին։

Աղբյուրի համաձայն՝ գերմանացի մասնագետը կասկածում է, որ Բաստոնիի տեխնիկական հատկանիշները թույլ կտան նրան լիարժեքորեն խաղալ բարձր ինտենսիվությամբ և ուժեղ պրեսինգի պայմաններում։ Այդ պատճառով ակումբի մարզական տնօրեն Դեկուն սկսել է այլ տարբերակներ ուսումնասիրել։ Նշվում է, որ Բաստոնիի տրանսֆերը կարող էր արժենալ 50-60 մլն եվրո։

Որպես իտալացուն այլընտրանք՝ «Բարսելոնան» այժմ դիտարկում է Լեհաստանի հավաքականի և պորտուգալական «Պորտուի» կենտրոնական պաշտպան Յակուբ Կիվիորի տարբերակը: Կատալոնացիները նրան համարում են ֆինանսապես շատ ավելի մատչելի և հարմար թեկնածու, թեև կողմերի միջև դեռևս տրանսֆերային պաշտոնական բանակցություններ չեն մեկնարկել:

Նշենք, որ Կիվիորը վարձավճարով է հանդես գալիս «Պորտուում». նրա տրանսֆերային իրավունքները պատկանում են Լոնդոնի «Արսենալին», սակայն պորտուգալական ակումբն ունի պարտադիր գնման իրավունք:

Ընթացիկ մրցաշրջանում նա բոլոր մրցաշարերում անցկացրել է 39 հանդիպում՝ դառնալով 2 գոլային փոխանցման հեղինակ։ Ըստ Transfermarkt պորտալի՝ լեհ ֆուտբոլիստի շուկայական արժեքը գնահատվում է 27 մլն եվրո։

Պորտուգալական «Պորտուն» լրջորեն հետաքրքրված է «Բարսելոնայի» լեհ հարձակվող Ռոբերտ Լևանդովսկու ծառայություններով։ Այս մասին հայտնում է Sky Sports պարբերականը։

Ըստ աղբյուրի՝ նախքան ֆուտբոլիստին հստակ առաջարկ անելը, պորտուգալական ակումբը սպասում է, թե երբ 37-ամյա հարձակվողը պաշտոնապես կհեռանա «Բարսելոնայից»։ Այս պահի դրությամբ լեհ աստղը դեռ վերջնական որոշում չի կայացրել իսպանական գրանդը լքելու վերաբերյալ։

Ապրիլին հաղորդվում էր, որ կատալոնական ակումբը Լևանդովսկուն առաջարկել է մեկ տարվա նոր պայմանագիր, սակայն այլ թիմերի առաջարկները ֆինանսական տեսանկյունից շատ ավելի շահավետ են եղել: Հիշեցնենք, որ 37-ամյա ֆուտբոլիստի գործող պայմանագրի ժամկետը «Բարսելոնայի» հետ լրանում է այս հունիսին:

Բացի «Պորտուից», փորձառու հարձակվողի նկատմամբ առարկայական հետաքրքրություն են ցուցաբերում իտալական «Յուվենտուսն» ու «Միլանը», ինչպես նաև մի քանի ակումբներ ամերիկյան MLS-ից և Սաուդյան Արաբիայից։

Ընթացիկ մրցաշրջանում Լևանդովսկին բոլոր մրցաշարերում կատալոնական ակումբի կազմում անցկացրել է 43 հանդիպում՝ դառնալով 18 գոլի և 2 գոլային փոխանցման հեղինակ։

Շաբաթ` մայիսի 9-ին կայացած ֆուտբոլային հանդիպումների արդյունքում ևս երկու ակումբ ապահովել է իր մասնակցությունը հաջորդ մրցաշրջանի Չեմպիոնների լիգայի խաղարկությանը։ Այդ թիմերն են Գերմանիայի Բունդեսլիգայում երրորդ հորիզոնականն ապահոված «Լայպցիգը» և կրկին Թուրքիայի չեմպիոն հռչակված «Գալաթասարայը»։

Այսպիսով, 2026/27 մրցաշրջանի Չեմպիոնների լիգայի խաղարկության լիգայի փուլի մասնակիցների ցանկում արդեն ընդգրկված է 16 թիմ։ Մրցաշարի ուղեգրեր են նվաճել «Արսենալը», «Մանչեսթեր Սիթին», «Մանչեսթեր Յունայթեդը», «Ինտերը», «Բարսելոնան», «Ռեալ Մադրիդը», «Վիլյառեալը», «Ատլետիկո Մադրիդը», «Բավարիան», Դորտմունդի «Բորուսիան», «Լայպցիգը», ՊՍԺ-ն, «Լանսը», ՊՍՎ-ն, «Պորտուն» և «Գալաթասարայը»։

Նշենք, որ Չեմպիոնների լիգայի խաղարկության լիգայի փուլում ընդհանուր առմամբ հանդես կգա 36 թիմ։ Եվս յո7 ուղեգիր կխաղարկվի մրցաշարի որակավորման փուլում։

Եվրոպայում ակումբային մրցաշրջանը մոտենում է տրամաբանական ավարտին, և Չեմպիոնների լիգայի հաջորդ խաղարկության հիմնական փուլի ուղեգրերն աստիճանաբար գտնում են իրենց տերերին:

«Լիվերպուլի» նկատմամբ 3-2 հաշվով տոնած տնային հաղթանակից հետո անգլիական «Մանչեսթեր Յունայթեդը» դարձավ 12-րդ թիմը, որն ապահովեց իր մասնակցությունը գլխավոր եվրագավաթի 2026/27 թվականների մրցաշարին։

Ինչպես հայտնի է, Չեմպիոնների լիգայի խաղարկության լիգայի փուլում հանդես կգա 36 թիմ։ Դրանցից 29-ը կստանան մրցաշարի ուղիղ ուղեգրեր, իսկ մնացած 7 տեղը կխաղարկվի ամռանը կայանալիք որակավորման փուլում:

Անցած հանգստյան օրերին լիգայի փուլի մասնակիցների ցանկը համալրեցին ևս երեք ակումբներ։ Իսպանական «Վիլյառեալն» ապահովեց իր տեղը Լա լիգայի լավագույն քառյակում, պորտուգալական «Պորտուն» հռչակվեց երկրի չեմպիոն, իսկ «Կարմիր սատանաներն» իրենց գլխավոր խնդիրը լուծեցին Անգլիայի Պրեմիեր լիգայում:

Այսպիսով, ներկայացնում ենք այն 12 ակումբները, որոնք արդեն երաշխավորել են իրենց մասնակցությունը Չեմպիոնների լիգայում.

• Անգլիա. «Արսենալ», «Մանչեսթեր Սիթի», «Մանչեսթեր Յունայթեդ»
• Իսպանիա. «Բարսելոնա», «Ռեալ Մադրիդ», «Վիլյառեալ»
• Գերմանիա. «Բավարիա», «Բորուսիա Դորտմունդ»
• Իտալիա. «Ինտեր»
• Ֆրանսիա. ՊՍԺ
• Նիդերլանդներ. ՊՍՎ
• Պորտուգալիա. «Պորտու»

Ապրիլի 16-ին կայացան ՈւԵՖԱ-ի Եվրոպայի լիգայի 2025/2026 մրցաշրջանի քառորդ եզրափակիչի պատասխան հանդիպումները, որոնց արդյունքում ձևավորվեցին մրցաշարի կիսաեզրափակիչի զույգերը։

Եվրոպական մեծությամբ երկրորդ ակումբային մրցաշարում պայքարը կշարունակեն պորտուգալական «Բրագան», գերմանական «Ֆրայբուրգը», ինչպես նաև անգլիական «Ասթոն Վիլան» ու «Նոթինգհեմ Ֆորեսթը»։

Քառորդ եզրափակիչի արդյունքները

«Սելտա» (Իսպանիա) — «Ֆրայբուրգ» (Գերմանիա)՝ 1:3 [Տեսանյութ]

Առաջին հանդիպումը՝ 0:3։ Գերմանական ակումբը երկրորդ խաղում ևս վստահ հաղթանակ տարավ։ Հյուրերի կազմում աչքի ընկան Իգոր Մատանովիչը (33′) և Յուիտո Սուձուկին, ով դուբլ ձևակերպեց (39′, 51′)։ Իսպանացիների հեղինակության գնդակը խաղավարտին խփեց Ուիլոթ Սվեդբերգը (90+1′)։

«Բետիս» (Իսպանիա) — «Բրագա» (Պորտուգալիա)՝ 2:4 [Տեսանյութ]

Առաջին հանդիպումը՝ 1:1։ Գոլառատ և դրամատիկ խաղում պորտուգալական թիմը կամային հաղթանակ տարավ։ «Բետիսը» 26-րդ րոպեի դրությամբ հաղթում էր 2:0 հաշվով (գոլերը՝ Անտոնի, Աբդե Էզալզուլի), սակայն «Բրագան» կարողացավ բեկել հանդիպման ընթացքն ու 4 գնդակ ուղարկել մրցակցի դարպասը։ Աչքի ընկան Պաու Վիկտորը (38′), Վիտոր Կարվալյոն (49′), Ռիկարդու Օրտան (53′, 11-մ) և Ժան-Բատիստ Գորբին (74′)։

«Նոթինգհեմ Ֆորեսթ» (Անգլիա) — «Պորտու» (Պորտուգալիա)՝ 1:0 [Տեսանյութ]

Առաջին հանդիպումը՝ 1:1։ Անգլիացիները տնային մարզադաշտում նվազագույն հաշվով հաղթանակ կորզեցին։ Խաղի ելքը վճռվեց մեկնարկում. 8-րդ րոպեին հյուրերի պաշտպան Յան Բեդնարեկը հեռացվեց դաշտից, իսկ 12-րդ րոպեին Մորգան Գիբս-Ուայթը խփեց հանդիպման միակ գոլը։

«Ասթոն Վիլա» (Անգլիա) — «Բոլոնիա» (Իտալիա)՝ 4:0 [Տեսանյութ]

Առաջին հանդիպումը՝ 3:1։ Բիրմինգհեմցիները սեփական հարկի տակ ջախջախեցին իտալական ակումբին։ Տանտերերի կազմում աչքի ընկան Օլի Ուոթքինսը (16′), Էմիլիանո Բուենդիան (26′), Մորգան Ռոջերսը (39′) և Էզրի Կոնսան (89′)։ Նշենք, որ 25-րդ րոպեին Ռոջերսը նաև վրիպել էր 11-մետրանոց նշանակետից։

Կիսաեզրափակիչի զույգերն ու ժամանակացույցը

Այսպիսով, Եվրոպայի լիգայի եզրափակիչի ուղեգրի համար կպայքարեն հետևյալ զույգերը.

• «Բրագա» (Պորտուգալիա) — «Ֆրայբուրգ» (Գերմանիա)
• «Նոթինգհեմ Ֆորեսթ» (Անգլիա) — «Ասթոն Վիլա» (Անգլիա)

Կիսաեզրափակիչի առաջին հանդիպումները կկայանան հինգշաբթի՝ ապրիլի 30-ին, իսկ պատասխան խաղերը՝ մեկ շաբաթ անց՝ մայիսի 7-ին։

Մրցաշարի հաղթողի անունը հայտնի կդառնա եզրափակիչ խաղում, որը նախատեսված է մայիսի 20-ին։

Եվրոպա լիգայի 2025/26 թթ. խաղարկության քառորդ եզրափակիչի առաջին խաղում իտալական «Բոլոնիան» սեփական հարկի տակ 1-3 հաշվով զիջեց անգլիական «Ասթոն Վիլային»:

Հյուրերն առաջին խաղակեսի վերջնամասում կարողացան առաջ անցնել հաշվի մեջ. 44-րդ րոպեին Յուրի Տիլեմանսի փոխանցումից հետո Էզրի Կոնսան բացեց հանդիպման հաշիվը: Երկրորդ խաղակեսի մեկնարկում՝ 51-րդ րոպեին, Օլի Ուոթքինսը Էմիլիանո Բուենդիայի գոլային փոխանցումից հետո կրկնապատկեց բիրմինգեմցիների առավելությունը:

Տանտերերին հաջողվեց կրճատել հաշվի տարբերությունը միայն հանդիպման հիմնական ժամանակի վերջին րոպեին. 90-րդ րոպեին անհատական անցումից հետո Էմիլիանո Մարտինեսի պաշտպանած դարպասը գրավեց Ջոնաթան Ռոուն։

Սակայն սա դեռ ամենը չէր. մրցավարի կողմից ավելացված 4-րդ րոպեին (90+4) անկյունայինի խաղարկումից հետո նույն Ուոթքինսը խփեց իր երկրորդ գնդակը՝ դառնալով դուբլի հեղինակ և ձևակերպելով հանդիպման վերջնական հաշիվը։

Թիմերի միջև պատասխան հանդիպումը կկայանա հաջորդ հինգշաբթի՝ ապրիլի 16-ին, Բիրմինգեմի «Վիլա Պարկ» մարզադաշտում՝ Երևանի ժամանակով 23:00-ին։

Հանդիպման գոլերը՝ ԱՅՍՏԵՂ

Զուգահեռաբար ընթացող խաղերում գրանցվեցին հետևյալ արդյունքները․

• «Պորտու» — «Նոթինգհեմ Ֆորեստ»՝ 1-1, հանդիպման գոլերը՝ ԱՅՍՏԵՂ
• «Ֆրայբուրգ» — «Սելտա»՝ 3-0, հանդիպման գոլը՝ ԱՅՍՏԵՂ

Հայտնի ֆուտբոլային գործակալ Պաուլու Բարբոսան պարզաբանել է, թե ինչու ժամանակին Էդուարդ Սպերցյանի տրանսֆերը ռուսական «Կրասնոդարից» պորտուգալական «Պորտու» չկայացավ։

«Կարծում եմ՝ այն գումարը, որի դիմաց «Կրասնոդարը» պատրաստ էր վաճառել ֆուտբոլիստին, չափազանց մեծ էր «Պորտուի» համար։ Սակայն «Բարսելոնայի» հետ հնարավոր գործարքն իսկապես քննարկվել է, և շրջանառվող այդ լուրերը լիովին համապատասխանում են իրականությանը»,- պորտուգալացի գործակալի խոսքերն է մեջբերում Sport24-ը։

Հիշեցնենք, որ Հայաստանի ազգային հավաքականի ավագը իր պրոֆեսիոնալ կարիերայի ընթացքում դեռևս չի փոխել ակումբային գրանցումն ու չի լքել հարազատ թիմը:

Անդրադառնալով ներկայիս իրավիճակին՝ Բարբոսան հավելել է, որ այժմ «Պորտուն» այլևս չի դիտարկում ռուսական տրանսֆերային շուկան, քանի որ ակումբի գլխավոր մարզիչ Ֆրանչեսկո Ֆարիոլին նախապատվությունը տալիս է եվրոպացի խաղացողներին։

Մարտի 19-ին և լույս 20-ի գիշերը կայացան ՈւԵՖԱ Եվրոպայի լիգայի 2025/2026 մրցաշրջանի 1/8 եզրափակիչի պատասխան յոթ հանդիպումները։ Արդեն հայտնի են բոլոր այն թիմերը, որոնք կշարունակեն պայքարը տիտղոսի համար, և վերջնականապես ձևավորվել են քառորդ եզրափակիչի զույգերը։

Մարտի 19-ին կայացած խաղերի արդյունքները

• «Լիոն» – «Սելտա»՝ 0:2 (առաջին խաղը՝ 1:1)
• «Միդտյուլանդ» – «Նոթինգհեմ Ֆորեսթ»՝ 1:2, հետխաղյա 11մ.՝ 0:3 (առաջին խաղը՝ 1:0)
• «Ֆրայբուրգ» – «Գենկ»՝ 5:1 (առաջին խաղը՝ 0:1)
• «Ասթոն Վիլա» – «Լիլ»՝ 2:0 (առաջին խաղը՝ 1:0) [Տեսանյութ]
• «Բետիս» – «Պանաթինաիկոս»՝ 4:0 (առաջին խաղը՝ 0:1) [Տեսանյութ]
• «Պորտու» – «Շտուտգարտ»՝ 2:0 (առաջին խաղը՝ 2:1) [Տեսանյութ]
• «Ռոմա» – «Բոլոնիա»՝ 3:4՝ լրացուցիչ ժամանակում (առաջին խաղը՝ 1:1) [Տեսանյութ]

Եվրոպայի լիգա, 2025/2026 մրցաշրջան. 1/4 եզրափակիչի զույգերը

1/8 եզրափակիչի հանդիպումների ավարտից անմիջապես հետո ձևավորվեցին մրցաշարի քառորդ եզրափակիչի զույգերը.

• «Բրագա» — «Բետիս»
• «Ֆրայբուրգ» — «Սելտա»
• «Պորտու» — «Նոթինգհեմ Ֆորեսթ»
• «Բոլոնիա» — «Ասթոն Վիլա»

Հիշեցնենք, որ Եվրոպայի լիգայի ընթացիկ խաղարկության եզրափակիչը կկայանա 2026 թվականի մայիսի 20-ին՝ Ստամբուլի «Բեշիքթաշ» մարզադաշտում։ Մրցաշարի գործող գավաթակիրը Լոնդոնի «Տոտենհեմն» է, որը նախորդ տարվա եզրափակիչում առավելության էր հասել «Մանչեսթեր Յունայթեդի» նկատմամբ։

Կայացան 2025/2026 մրցաշրջանի Եվրոպա լիգայի 1/8 եզրափակչի առաջին հանդիպումները։ Ներկայացնում ենք օրվա գլխավոր դիմակայությունների արդյունքները.

«Շտուտգարտ» 1:2 «Պորտու» [Տեսանյութ]

Գերմանիայում կայացած խաղում պորտուգալական «Պորտուն» կարողացավ առավելության հասնել տանտերերի նկատմամբ։ Առաջին խաղակեսի միջնամասում հաշիվը բացեց Տերեմաս Մոֆին, իսկ 27-րդ րոպեին Ռոդրիգու Մորան կրկնապատկեց հյուրերի առավելությունը։

Ընդմիջումից առաջ «Շտուտգարտի» հարձակվող Դենիզ Ունդավը կրճատեց հաշվի տարբերությունը, սակայն ավելին անել գերմանական ակումբին չհաջողվեց։ (Հիշեցնենք, որ նախորդ փուլում շվաբները 4:2 հաշվով անցել էին «Սելթիկին», իսկ «Պորտուն» ընդհանուր փուլն ավարտել էր 5-րդ տեղում)։

«Պանատինայկոս» 1:0 «Բետիս» [Տեսանյութ]

Աթենքում հույները նվազագույն հաշվով պարտության մատնեցին իսպանական «Բետիսին»՝ չնայած խաղավարտին մոտ մնացել էին տասը հոգով։ 59-րդ րոպեին հեռացվեց տանտերերի հարձակվող Անաս Զարուրին։

Սակայն 87-րդ րոպեին «Բետիսի» պաշտպան Դիեգո Լյորենտեն նույնպես կարմիր քարտ ստացավ՝ հավասարեցնելով կազմերը, իսկ մեկ րոպե անց (88′) Վիսենտե Տաբորդան անվրեպ իրացրեց 11-մետրանոցն ու հաղթանակ պարգևեց «Պանատինայկոսին»։

«Լիլ» 0:1 «Ասթոն Վիլա» [Տեսանյութ]

Ֆրանսիայում կայացած հանդիպումն ավարտվեց անգլիական ակումբի արտագնա հաղթանակով։ Խաղի միակ և հաղթական գնդակը 61-րդ րոպեին հեղինակեց «Ասթոն Վիլայի» հարձակվող Օլի Ուոթքինսը։

«Բոլոնիա» 1:1 «Ռոմա» [Տեսանյութ]

Իտալական դերբիում հաղթողը չորոշվեց։ 50-րդ րոպեին Ֆեդերիկո Բեռնարդեսկին առաջ մղեց «Բոլոնիային», սակայն 71-րդ րոպեին հռոմեացիների կիսապաշտպան Լորենցո Պելեգրինին վերականգնեց հաշվի հավասարությունը։ (Նախորդ փուլում «Բոլոնիան» հաղթահարել էր նորվեգական «Բրանի» արգելքը, իսկ «Ռոման» որպես ընդհանուր փուլի 8-րդ տեղի թիմ՝ միանգամից ապահովել էր տեղը 1/8 եզրափակչում)։

Նշված բոլոր զույգերի պատասխան հանդիպումները կկայանան մարտի 19-ին։ Եվրոպա լիգայի այս տարվա խաղարկության եզրափակիչը կկայանա 2026 թվականի մայիսի 20-ին՝ Ստամբուլի «Բեշիքթաշ» մարզադաշտում։