#պոգբա — Armsport.am

ՄՅՈւ-ն այլևս թոփ ակումբ չէ․ Քին

Erik — Mon, 29 Jun 2020 05:55:30 +0000

«Մանչեսթեր Յունայթեդի» նախկին պաշտպան Ռոյ Քինը կարծում է, որ ՄՅՈւ-ն զիջում է ԱՊԼ-ում իր մրցակիցներին, տեղեկացնում է Sky Sports-ը:

«Նրանց ցուցադրած խաղն ապացուցում է, որ ՄՅՈւ-ն զիջում է լիգայի թոփ ակումբներին:

Պոգբայի և Ռեշֆորդի բացակայությունն էլ է ազդում նրանց խաղի վրա, բայց այս թիմը չեմպիոնական չէ:

ՄՅՈւ-ն դադարել է թոփ ակումբ լինելուց: Իհարկե, վիճակն այնքան վատ չէ, որքան ամիսներ առաջ:

Միգուցե, 1-2 բարձրակարգ նորեկ ձեռք բերելուց հետո, Սուլշերին կհաջողվի նոր շունչ հաղորդել իմ սիրելի ակումբին»,- ասել է Քինը:

Ֆերդինանդ. Յունայթեդը պետք է հայտնվի լավագույն քառյակում

Erik — Sat, 13 Jun 2020 09:51:00 +0000

Անգլիական «Մանչեսթեր Յունայթեդի» նախկին պաշտպան Ռիո Ֆերդինանդը կարծում է, որ «կարմիր սատանաները» պետք է հայտնվեն լավագույն քառյակում, տեղեկացնում է The Sun-ը:

«Կարծում եմ ՝ նրանք պետք է հայտնվեն լավագույն քառյակում: Ասում են ՝ Պոգբան բավական քրտնաջան մարզումներ է անցկացնում: Բրունու Ֆերնանդեշն էլ է լավ մարզավիճակում:

Եթե Ռեշֆորդն էլ ցուցադրի իր լավագույն որակներն, ապա «Մանչեսթեր Յունայթեդը» կարող է լավ արդյունք գրանցել»,- ասել է Ֆերդինանդը:

Հիշեցնենք, որ ԱՊԼ-ի ընթացիկ մրցաշրջանում ՄՅՈւ-ն զբաղեցնում է 5-րդ հորիզոնականը:

Սանյոլ. ՄՅՈւ-ն հաճույքով կբաժանվի Պոգբայից

Erik — Tue, 28 Apr 2020 05:40:00 +0000

Ֆրանսիայի հավաքականի նախկին պաշտպան Վիլի Սանյոլը խոսել է Պոլ Պոգբայի կարիերայի մասին, տեղեկացնում է RMC-ն:

«Պոգբան այլևս պետք չէ նրանց: ժամանակն է, որ Պոլը փոխի իր միջավայրը:

Հույս ունեմ, որ մենք կրկին կտեսնենք այն Պոգբային, ով հաղթեց Աշխարհի առաջնությունը»,- ասել է Սանյոլը:

Հիշեցնենք, որ «Ռեալը» և «Յուվենտուսը» հետաքրքրված են ֆրանսիացու ծառայություններով:

Մեքսես. Պոգբան չպետք է վերադառնար ՄՅՈւ

Erik — Mon, 27 Apr 2020 18:12:00 +0000

Ֆրանսիայի հավաքականի նախկին պաշտպան Ֆիլիպ Մեքսեսը քննադատել է «Յուվենտուսի» կիսապաշտպան Պոլ Պոգբային, տեղեկացնում է Sunday Times-ը:

«Այնպիսի տպավորություն է, որ Պոլը դժկամությամբ է խաղադաշտ դուրս գալիս: Նրա դեմքի արտահայտությունը դա է ցույց տալիս:

Այդպես ֆուտբոլ չեն խաղում: Աշխարհում շատ մարդիկ կան, ովքեր 100 եվրո են վաստակում, բայց ավելի երջանիկ տեսք ունեն:

Հասկանալի է՝ նա երջանիկ չէ «Մանչեսթեր Յունայթեդում», սակայն, այդ պարագայում պետք չէր այնտեղ տեղափոխվել:

Պոլը կարող էր մնալ «Յուվենտուսում» և դառնալ այդ ակումբի իրական լեգենդը»,- ասել է Մեքսեսը:

Հիշեցնենք, որ Պոգբան կարող է վերադառնալ «Յուվենտուս»:

Սիսոկո. Պոգբան ցանկանում է վերադառնալ Յուվենտուս

Erik — Wed, 25 Mar 2020 15:55:00 +0000

Անգլիական «Լիվերպուլի» նախկին կիսապաշտպան Մոհամեդ Սիսոկոն վստահ է, որ «Մանչեսթեր Յունայթեդի» կիսապաշտպան Պոլ Պոգբան ցանկանում է վերադառնալ «Յուվենտուս», հաղորդում է Daily Mail-ը:

«Ես գիտեմ, որ Զիդանը ուզում է Պոգբային տեսնել «Ռեալում», սակայն, Պոլը սիրում է «Յուվենտուսը» և մտադիր է վերադառնալ Թուրին:

Այստեղ իր դերը ունի նաև «Մանչեսթեր Յունայթեդը»: Դժվար է ասել, թե այս հարցում անգլիացիները ինչ կարծիք ունեն»,- ասել է Սիսոկոն:

Հիշեցնենք, որ Պոգբան նախկինում ցանկություն էր հայտնել լքել մանչեսթերյան ակումբը:

Պոգբան կարող է մասնակցել մանչեսթերյան դերբիին

Erik — Wed, 04 Mar 2020 07:27:00 +0000

Անգլիական «Մանչեսթեր Յունայթեդի» ֆրանսիացի կիսապաշտպան Պոլ Պոգբան կարող է մասնակցել Պրեմիեր լիգայի 29-րդ տուրի «Մանչեսթեր Սիթիի» դեմ հանդիպմանը, տեղեկացնում է L’Equipe-ը:

Նշվում է, որ թիմի բժիշկները թույլ են տվել Պոգբային մարզվել թիմի հիմնական կազմում:

Այսպիսով, 26-ամյա կիսապաշտպանը կարող է հայտնվել «կարմիր սատանաների» հայտացուցակում:

Հիշեցնենք, որ նա հունվարին ոտնաթաթի վիրահատության էր ենթարկվել: ԱՊԼ-ի այս մրցաշրջանում Պոգբան մասնակցել է 7 հանդիպման և դարձել ՝ 2 գոլի հեղինակ:

Հավելենք, որ «Մանչեսթեր Յունայթեդ»- «Մանչեսթեր Սիթի» հանդիպումը կկայանա մարտի 8-ին:

Պոգբա. Կտխրեմ, եթե Լիվերպուլը չեմպիոն դառնա

Erik — Tue, 25 Feb 2020 16:13:00 +0000

Անգլիական «Մանչեսթեր Յունայթեդի» կիսապաշտպան Պոլ Պոգբան խոսել է «Լիվերպուլի» մրցելույթների մասին, տեղեկացնում է ESPN-ը:

«Չեմ ցանկանում, որ «Լիվերպուլը» հաղթի Պրեմիեր լիգան: Ես «Մանչեսթեր Յունայթեդի» խաղացող և ինձ չեն կարող ուրախացնել նրանց հաջողությունները:

Սակայն, որպես ֆուտբոլասեր պետք է խոստովանեմ ՝ նրանք արժանի են չեմպիոնական տիտղոսին:

Իսկ մենք պետք է շարունակենք քրտնաջան մարզվել և կատարելագործել մեր խաղը», — ֆրանսիացու խոսքերը մեջբերում է ESPN- ը:

Հիշեցնենք, որ «Լիվերպուլը» վաստակել է 79 միավոր և շարունակում է վստահորեն գլխավորել ԱՊԼ-ի մրցաշարային աղյուսակը:

Հավելենք, որ Պոգբան գալիք ամռանը ուզում է փոխել ակումբը: Նրա ծառայություններով հետաքրքրված են՝ «Ռեալը», «Բարսելոնան» և «Յուվենտուսը»։

Էվրա. Պոգբան պետք է լքի Մանչեսթերը

Erik — Mon, 20 Jan 2020 09:20:00 +0000

«Մանչեսթեր Յունայթեդի» նախկին պաշտպան Պատրիս Էվրան կարծում է, որ Պոլ Պոգբան պետք է հեռանա անգլիական ակումբից, հաղորդում է Daily Mail-ը:

«Պոգբային նոր մարտահրավեր է անհրաժեշտ: Պարզ երևում է, որ նա հաճույք չի ստանում ֆուտբոլից:

Եթե Պոլը ցանկանում է տիտղոսներ նվաճել, ապա պետք է հավաքի իրերը և նոր ակումբ տեղափոխվի:

«Յունայթեդը» մեծ ակումբ է, որը կորցրել է իր փայլը: Ալեքս Ֆերգյուսոնի ժամանակները վաղուց անցել են»,-ասել է ֆրանսիացի ֆուտբոլիստը:

Հիշեցնենք, որ Պոգբան վերջերս կոճի վիրահատության է ենթարկվել: Նրա ապաքինման համար կպահանջվի 4 շաբաթ:

Սուլշեր. Պոգբան չի հեռանա Մանչեսթերից

Erik — Sun, 05 Jan 2020 06:23:52 +0000

Անգլիական «Մանչեսթեր Յունայթեդի» գլխավոր մարզիչ Ուլե Գունար Սուլշերը խոսել է թիմի առանցքային խաղացող Պոլ Պոգբայի տեղափոխության մասին, հաղորդում է The Sun-ը:

«Կարող եմ վստահեցնել, որ Պոգբան չի հեռանա տրանսֆերային այս պատուհանի ընթացքում: Նա մեր թիմի կարևոր մասնիկն է:

Ցավոք, վնասվածքները խանգարում են նրան այս մրցաշրջանում»,-հայտարարել է նորվեգացի մասնագետը:

Հիշեցնենք, որ Պոգբան վնասվածքի պատճառով բաց է թողել հոկտեմբեր, նոյեմբեր ամիսները, իսկ դեկտեմբերին մասնակցել է 2 հանդիպման։

Պոգբան դուրս է մնացել Արսենալի հետ հանդիպման հայտացուցակից

Erik — Tue, 31 Dec 2019 19:19:24 +0000

«Մանչեսթեր Յունայթեդի» ֆրանսիացի կիսապաշտպան Պոլ Պոգբան դուրս է մնացել Լոնդոնի «Արսենալի» հետ հանդիպման հայտացուցակից, տեղեկացնում է ESPN-ը:

Նշվում է , որ ֆրանսիացի ֆուտբոլիստը հարբուխով է հիվանդացել:

Հիշեցնենք, որ 26-ամյա ֆուտբոլիստը Պրեմիեր լիգայի այս մրցաշրջանում անցկացրել է 7 հանդիպում ՝ խփելով 2 գոլ:

Հավելենք, որ «Արսենալ»- «Մանչեսթեր Յունայթեդ» հանդիպումը տեղի կունենա հունվարի 1-ին ՝ 23:00-ին: