#պյեռ-էմերիկ-օբամեյանգ — Armsport.am

Օբամեյանգը վարակվել է մալարիայով

Erik — Thu, 15 Apr 2021 19:33:53 +0000

«Արսենալի» հարձակվող Պյեռ-Էմերիկ Օբամեյանգն ինստագրամյան իր էջում պատմել է՝ ինչու է բաց թողնում Եվրոպա լիգայի քառորդ եզրափակչի՝ «Սլավիայի» դեմ պատասխան խաղը։

«Ողջույն, մարդիկ, շնորհակալություն բոլոր հաղորդագրությունների ու զանգերի համար։ Ցավոք, մի քանի շաբաթ առաջ Գաբոնի հավաքականի ճամբարում գտնվելու ընթացքում վարակվել եմ մալարիայով։

Այդ շաբաթ մի քանի օր հիվանդանոցում եմ անցկացրել, բայց բժիշկների շնորհիվ, որոնք այդքան արագ ախտորոշեցին ու բուժեցին վարակը, ինձ արդեն շատ ավելի լավ եմ զգում։

Վերջին մի քանի շաբաթվա ընթացքում ինձ իսկապես վատ էի զգում, բայց շուտով ավելի ուժեղ կվերադառնամ, քան երբևէ։ Հիմա կհետևեմ իմ ընկերներին, սա մեծ խաղ է մեզ համար։

Առա՛ջ, «Արսենալ»»,- գրել է ֆուտբոլիստը։

Հայտնի է Եվրոպա լիգայի՝ շաբաթվա լավագույն ֆուտբոլիստը

Erik — Fri, 26 Feb 2021 15:16:23 +0000

«Արսենալի» հարձակվող Պյեռ-Էմերիկ Օբամեյնագը ճանաչվել է Եվրոպա լիգայի՝ շաբաթվա լավագույն խաղացող։ Այս մասին հաղորդում է ՈՒԵՖԱ-ի պաշտոնական կայքը։

Հարձակվողը դուբլ էր ձևակերպել 1/16 եզրափակչի՝ «Բենֆիկայի» դեմ խաղում (3-2), ինչը օգնել էր թիմին դուրս գալ մրցաշարի մյուս փուլ։

Օբամեյանգի հեթ-տրիկը հաղթանակ պարգևեց Արսենալին Լիդսի դեմ խաղում🎥

Erik — Sun, 14 Feb 2021 19:25:28 +0000

ԱՊԼ 24-րդ տուրում «Արսենալը» ընդունել էր «Լիդսին» ու հաղթանակ տարավ 4-2 հաշվով։

13-րդ րոպեին տանտերերի կազմում հաշիվը բացեց Պյեռ-Էմերիկ Օբամեյանգը, որը 41-րդ րոպեին նաև կրկնապատկեց այն՝ անվրեպ իրացնելով 11-մետրանոցը։ Առաջին կեսի վերջին րոպեին Բելյերինը հաշիվը դարձրեց խոշոր։

Երկրորդ կեսի 47-րդ րոպեին Օբամեյանգը հեթ-տրիկ ձևակերպեց։ Մրցակիցն ավելի ուշ երկու գոլ կարողացավ այնուամենայնիվ խփել, բայց ավելին անել չհաջողվեց։

Արտետայի սաները 34 միավորով բարձրացան 10-րդ հորիզոնական, իսկ «Լիդսը» 32 միավորով 11-րդն է։

Օբամեյանգը երկարաձգել է պայմանագիրն Արսենալի հետ

Erik — Tue, 15 Sep 2020 15:57:20 +0000

«Արսենալի» հարձակվող Պյեռ-Էմերիկ Օբամեյանգը նոր պայմանագիր է կնքել ակումբի հետ։ Այս մասին տեղեկացնում է լոնդոնյան թիմի մամուլի ծառայությունը։

Պայմանագիրը նախատեսված է 3 տարով։

Հաղորդվում էր, որ նոր պայմանագրով՝ ֆուտբոլիստը լոնդոնյան ակումբի ամենաբարձր վարձատրվող խաղացողը կդառնա։

Օբամեյանգը «Արսենալում» հանդես է գալիս 2018 թվականի հունվարից։

Հարձակվողի ակտիվում 70 գոլ ու 15 փոխանցում կա 109 խաղում։

This is where you belong, Auba ❤️

🤝 @Aubameyang7 pic.twitter.com/sgViWSBYWf

— Arsenal (@Arsenal) September 15, 2020

Օբամեյնագը հարգել է Չեդվիկ Բոուզմանի հիշատակը՝ գոլը տոնելով նրա հայտնի ժեստով

Erik — Sat, 29 Aug 2020 18:09:12 +0000

Անգլիայի Սուպերգավաթի «Լիվերպուլի» դեմ խաղի 12-րդ րոպեին հաշիվը բացել էր Պյեռ-Էմերիկ Օբամեյանգը։

Ֆուտբոլիստը հարգել է դերասան Չեդվիկ Բոուզմանի հիշատակը՝ գոլը տոնելով նրա հայտնի Սև Հովազի ժեստով։

Հիշեցնենք, որ այսօր 42 տարեկանում մահացել է ամերիկացի դերասան Չեդվիկ Բոուզմանը, որը գլխավոր դերն է խաղացել «Սև հովազ» ֆիլմում։

Օբամեյանգը կրկնել է Սանչեսի ռեկորդը

Erik — Sat, 29 Aug 2020 17:26:20 +0000

Անգլիայի Սուպերգավաթի խաղում «Արսենալը» 1-0 հաշվով հաղթում է «Լիվերպուլին»։

Հաշիվը 12-րդ րոպեին կիսապաշտպան Բուկայո Սակայի փոխանցումից հետո բացել է հարձակվող Պյեռ-Էմերիկ Օբամեյանգը։

Սա 31-ամյա հարձակվողի 5-րդ գնդակն էր «Ուեմբլիում» «Արսենալի» կազմում․ ավելի վաղ նա երկուական գոլ էր խփել Անգլիայի Գավաթի 2019/20 մրցաշրջանի կիսաեզրափակչում ու եզրափակչում։

Այդ կերպ Օբամեյանգը կրկնել է «զինագործների» նախկին կիսապաշտպան Ալեքսիս Սանչեսի ռեկորդը։

Արտետան՝ Օբամեյանգի ապագայի մասին․ Հուսով եմ՝ եզրափակիչ դուրս գալը նրան կհամոզի, որ Արսենալը ճիշտ ուղով է ընթանում

Erik — Sun, 19 Jul 2020 09:11:00 +0000

«Արսենալի» գլխավոր մարզիչ Միկել Արտետան Անգլիայի Գավաթի կիսաեզրափակչում «Մանչեսթեր Սիթիին» 2-0 հաշվով հաղթելուց հետո խոսել է թիմի հարձակվող Պյեռ-Էմերիկ Օբամեյանգի պայմանագրի երկարաձգման հավանականության մասին։ Գաբոնցու ներկայիս պայմանագիրն ավարտվում է 2021-ի հունիսին։

«Հուսով եմ Գավաթի եզրափակիչ դուրս գալը կօգնի նրան համոզել, որ մենք ճիշտ ուղով ենք ընթանում»,-Արտետայի խոսքերն է փոխանցում BBC-ն։

Այս 2 գոլերը քեզ համար էին․ Օբամեյանգը դուբլը նվիրել է տատիկի հիշատակին

Erik — Sun, 19 Jul 2020 08:27:00 +0000

Անգլիայի Գավաթի կիսաեզրափակչում «Մանչեսթեր Սիթիի» դեմ տարած 2-0 հաշվով հաղթանակից հետո լոնդոնցիների ֆուտբոլիստ Պյեռ-Էմերիկ Օբամեյանգը, որը դուբլի հեղինակ դարձավ այդ խաղում, գրառում է կատարել ինստագրամյան իր էջում։

«Այ սա թիմային ելույթ էր։

Այսօր մեծ օր է։ Գիտեմ, որ դու այլևս այս աշխարհում չես, բայց քո հոգին դեռ ինձ հետ է։ Այս երկու գոլերը քեզ համար էին Մեմե (տատիկ), քո ծննդյան օրվա համար էին»,- գրել է Օբամեյանգը։

Հիշեցնենք, որ եզրափակչում «զինագործները» կխաղան ՄՅՈՒ- «Չելսի» զույգի հաղթողի հետ։

Օբամեյանգը Արսենալից շաբաթական 250 հազար ֆունտ աշխատավարձ է խնդրել

Erik — Fri, 03 Jul 2020 19:23:00 +0000

Հարձակվող Պյեռ-Էմերիկ Օբամեյանգը դեմ չէ «Արսենալում» մնալուն։ Ներկայումս կողմերը պայմանագիրը երկարաձգելու վերաբերյալ բանակցություններ են վարում։ Այս մասին հաղորդում է ESPN-ն։

31-ամյա ֆուտբոլիստը «զինագործների» ղեկավարությանը խնդրել է 3 մրցաշրջանի համար նախատեսված պայմանագիր՝ շաբաթական 250 հազար ֆունտ (277 հազար եվրո) աշխատավարձով։

Օբամեյանգի ներկայիս պայմանագիրն «Արսենալի» հետ նախատեսված է մինչև 2021 թվականի հունիսի 30-ը։ Հարձակվողի շաբաթական աշխատավարձը կազմում է 200 հազար ֆունտ (222 հազար եվրո)։

Օբամեյանգը հաստատել է, որ պատրաստ է նոր պայմանագրի շուրջ բանակցել Արսենալի հետ

Erik — Thu, 02 Jul 2020 13:56:00 +0000

«Արսենալի» հարձակվող Պյեռ-Էմերիկ Օբամեյանգը ԱՊԼ 32-րդ տուրի՝ «Նորվիչի» հետ խաղից հետո (4-0) հայտնել է, որ պատրաստ է պայմանագրի երկարաձգման շուրջ բանակցել ակումբի հետ։

«Նոր պայմանագի՞ր։ Տեսնենք։ Այդ հարցը կքննարկենք ակումբի հետ ու կտեսնենք, թե ինչ կստացվի։ Այս պահին իսկապես խաղերի վրա եմ կենտրոնացած։ Այն պահից, երբ հայտնվեց Միկել Արտետան, թիմում ամեն ինչ լավ է։ Այնպիսի նշաններ կան, որ ճիշտ ուղով ենք ընթանում»,- խաղացողի խոսքերն է փոխանցում The Sun-ը։