Պիզա — Armsport.am https://armsport.am Սպորտային լուրեր Sun, 17 May 2026 12:23:20 +0000 hy-AM hourly 1 https://wordpress.org/?v=6.8.5 https://armsport.am/wp-content/uploads/2020/08/117234954_601576137219348_199328778928507485_n.png Պիզա — Armsport.am https://armsport.am 32 32 🎥 Հռոմեական դերբիում հաղթեց Ռոման, Յուվեն սայթաքեց, իսկ Պիզան հրաժեշտ տվեց Ա Սերիային https://armsport.am/597445/ Sun, 17 May 2026 12:23:20 +0000 https://armsport.am/?p=597445 Իտալիայի Ա Սերիայի 2025/26 մրցաշրջանի նախավերջին՝ 37-րդ տուրում գրանցվեցին անսպասելի արդյունքներ, որոնք էապես փոխեցին մրցաշարային աղյուսակի վերին հատվածի դասավորությունը՝ հատկապես Չեմպիոնների լիգայի գոտում: Տուրի գլխավոր անակնկալներից մեկը գրանցվեց Թուրինում, որտեղ «Յուվենտուսը» «Ալյանց Ստադիումում» 0:2 հաշվով պարտություն կրեց «Ֆիորենտինայից»: Հյուրերի կազմում աչքի ընկան Շեր Նդուրը և Ռոլանդո Մանդրագորան: Այս պարտության հետևանքով թուրինցիները 68 միավորով 3-րդ հորիզոնականից […]]]>

Իտալիայի Ա Սերիայի 2025/26 մրցաշրջանի նախավերջին՝ 37-րդ տուրում գրանցվեցին անսպասելի արդյունքներ, որոնք էապես փոխեցին մրցաշարային աղյուսակի վերին հատվածի դասավորությունը՝ հատկապես Չեմպիոնների լիգայի գոտում:

Տուրի գլխավոր անակնկալներից մեկը գրանցվեց Թուրինում, որտեղ «Յուվենտուսը» «Ալյանց Ստադիումում» 0:2 հաշվով պարտություն կրեց «Ֆիորենտինայից»: Հյուրերի կազմում աչքի ընկան Շեր Նդուրը և Ռոլանդո Մանդրագորան: Այս պարտության հետևանքով թուրինցիները 68 միավորով 3-րդ հորիզոնականից նահանջեցին միանգամից 6-րդ տեղ:

«Յուվենտուս» — «Ֆիորենտինա» [Տեսանյութ]

«Բիանկոներիների» սայթաքումից լավագույնս օգտվեց «Ռոման», որը հռոմեական կրքոտ դերբիում 2:0 հաշվով պարտության մատնեց «Լացիոյին»: Հանդիպման հերոս դարձավ Ջանլուկա Մանչինին՝ ձևակերպելով դուբլ: Խաղն ավարտվեց բավականին նյարդային մթնոլորտում. 70-րդ րոպեին երկու թիմերն էլ մնացին տասը հոգով՝ ոչ մարզական պահվածքի համար հեռացվեցին Ուեսլին («Ռոմա») և Նիկոլո Ռովելան («Լացիո»): Տոնելով 4-րդ անընդմեջ հաղթանակը՝ «Ռոման» 70 միավորով բարձրացավ 4-րդ հորիզոնական՝ մտնելով Չեմպիոնների լիգայի գոտի: «Լացիոն» 51 միավորով 9-րդն է:

«Ռոմա» — «Լացիո» [Տեսանյութ]

«Միլանն» արտագնա խաղում 2:1 հաշվով կամային հաղթանակ կորզեց «Ջենոայի» նկատմամբ: Միլանցիների կազմում գոլերի հեղինակ դարձան Քրիստոֆեր Նկունկուն (11-մետրանոցից) և Զաքարի Ատեկամեն, իսկ դաշտի տերերի միակ գնդակը խփեց Յոհան Վասկեսը: Այս հաղթանակը թույլ տվեց «ռոսոներիներին» վաստակել 70 միավոր և բարձրանալ 3-րդ հորիզոնական:

«Ջենոա» — «Միլան» [Տեսանյութ]

ՉԼ ուղեգրի համար պայքարը շարունակում է նաև «Կոմոն», որը սեփական հարկի տակ Ալբերտո Մորենոյի միակ գոլի շնորհիվ կոտրեց «Պարմայի» դիմադրությունը (1:0) և 68 միավորով այժմ զբաղեցնում է 5-րդ հորիզոնականը:

«Կոմո» — «Պարմա» [Տեսանյութ]

Մրցաշարային աղյուսակի երկրորդ հորիզոնականում ամրապնդված «Նապոլին» արտագնա խաղում 3:0 հաշվով վստահորեն հաղթեց հետնապահ «Պիզային»: Նեապոլցիների կազմում գոլերով աչքի ընկան Սքոթ Մաքթոմինայը, Ամիր Ռահմանին և Ռասմուս Հոյլունդը:

«Պիզա» — «Նապոլի» [Տեսանյութ]

Այս հանդիպումից հետո հստակեցվեց նաև վտանգավոր գոտու ճակատագիրը. 23-րդ պարտությունը կրած «Պիզան» (18 միավոր) վերջնականապես կորցրեց Ա Սերիայում տեղը պահպանելու բոլոր հնարավորությունները և «Վերոնայի» հետ միասին լքեց Իտալիայի բարձրագույն դիվիզիոնը:

Մրցաշարի վերջին՝ 38-րդ տուրի հանդիպումները կկայանան մայիսի 24-ին:

Վերջին տուրի առանցքային խաղերը.

  • «Վերոնա» – «Ռոմա»
  • «Տորինո» – «Յուվենտուս»
  • «Նապոլի» – «Ուդինեզե»
  • «Լացիո» – «Պիզա»
  • «Ֆիորենտինա» – «Ատալանտա»

]]> 🎥 Մալենի շոուն Օլիմպիկոյում․ Ռոման ջախջախեց Ա Սերիայի հետնապահին https://armsport.am/594596/ Fri, 10 Apr 2026 20:47:49 +0000 https://armsport.am/?p=594596 Իտալական Ա Սերիայի 2025/2026 մրցաշրջանի 32-րդ տուրի շրջանակում «Ռոման» «Օլիմպիկո» մարզադաշտում հյուրընկալել էր մրցաշարային աղյուսակի հետնապահին՝ «Պիզային»։ Հանդիպումն անցավ տանտերերի բացահայտ առավելությամբ և ավարտվեց նրանց խոշոր հաշվով հաղթանակով՝ 3:0։ Օրվա և խաղի գլխավոր հերոսը դարձավ հռոմեական ակումբի նիդերլանդցի հարձակվող Դոնիել Մալենը՝ դառնալով տպավորիչ հեթ-տրիկի հեղինակ։ Մալենը հյուրերի դարպասի բանալին գտավ արդեն հանդիպման մեկնարկում՝ աչքի ընկնելով […]]]>

Իտալական Ա Սերիայի 2025/2026 մրցաշրջանի 32-րդ տուրի շրջանակում «Ռոման» «Օլիմպիկո» մարզադաշտում հյուրընկալել էր մրցաշարային աղյուսակի հետնապահին՝ «Պիզային»։ Հանդիպումն անցավ տանտերերի բացահայտ առավելությամբ և ավարտվեց նրանց խոշոր հաշվով հաղթանակով՝ 3:0։

Օրվա և խաղի գլխավոր հերոսը դարձավ հռոմեական ակումբի նիդերլանդցի հարձակվող Դոնիել Մալենը՝ դառնալով տպավորիչ հեթ-տրիկի հեղինակ։ Մալենը հյուրերի դարպասի բանալին գտավ արդեն հանդիպման մեկնարկում՝ աչքի ընկնելով 3-րդ րոպեին։ Առաջին խաղակեսի վերջնամասում (43′) նա կրկնապատկեց իր թիմի առավելությունը, իսկ երկրորդ կեսի սկզբում՝ 52-րդ րոպեին, վերջնականապես դրեց հանդիպման վերջակետը։

Այս խաղից հետո հռոմեացիները վաստակեցին 57 միավոր և այժմ զբաղեցնում են Ա Սերիայի մրցաշարային աղյուսակի 6-րդ հորիզոնականը՝ շարունակելով պայքարը եվրագավաթային գոտու համար։

«Պիզան» շարունակում է գտնվել խորը ճգնաժամի մեջ։ Սա թիմի երրորդ անընդմեջ պարտությունն էր. նրանք 32 խաղից հետո իրենց ակտիվում ունեն ընդամենը 18 միավոր և եզրափակում են մրցաշարային աղյուսակը (20-րդ տեղ)՝ էլ ավելի բարդացնելով բարձրագույն խմբում տեղը պահպանելու իրենց խնդիրը։

Տեսանյութը՝ ԱՅՍՏԵՂ

Մրցաշարային աղյուսակն այս պահին

]]> 🎥 Յուվենտուսը տանը խոշոր հաշվով առավելության հասավ հետնապահի նկատմամբ https://armsport.am/592011/ Sat, 07 Mar 2026 21:35:24 +0000 https://armsport.am/?p=592011 Իտալիայի առաջնության 28-րդ տուրում Թուրինի «Յուվենտուսը» սեփական հարկի տակ չորս անպատասխան գնդակ ուղարկեց հետնապահ «Պիզայի» դարպասը (4-0)։ «Բիանկոներիի» կազմում գոլերով աչքի ընկան Անդրեա Կամբիասոն, Խեֆրեն Թյուրամը, Քենան Յիլդիզը և Ժերեմի Բոգան՝ համապատասխանաբար 54-րդ, 65-րդ, 75-րդ և 90+4-րդ րոպեներին։ «Ծեր ինյորան» այս հաղթանակից հետո վաստակած միավորների քանակը հասցրեց 50-ի՝ մոտենալով լավագույն հնգյակին։ «Պիզան» 15 միավորով եզրափակում […]]]>

Իտալիայի առաջնության 28-րդ տուրում Թուրինի «Յուվենտուսը» սեփական հարկի տակ չորս անպատասխան գնդակ ուղարկեց հետնապահ «Պիզայի» դարպասը (4-0)։

«Բիանկոներիի» կազմում գոլերով աչքի ընկան Անդրեա Կամբիասոն, Խեֆրեն Թյուրամը, Քենան Յիլդիզը և Ժերեմի Բոգան՝ համապատասխանաբար 54-րդ, 65-րդ, 75-րդ և 90+4-րդ րոպեներին։

«Ծեր ինյորան» այս հաղթանակից հետո վաստակած միավորների քանակը հասցրեց 50-ի՝ մոտենալով լավագույն հնգյակին։ «Պիզան» 15 միավորով եզրափակում է մրցաշարային աղյուսակը։

Հանդիպման գոլերը՝ ԱՅՍՏԵՂ

Ա Սերիայի մրցաշարային աղյուսակը՝ ստորև․

]]> 🎥 Մոդրիչի գոլը հաղթանակ պարգևեց Միլանին՝ Պիզայի դեմ խաղի վերջնամասում https://armsport.am/590082/ Fri, 13 Feb 2026 21:44:04 +0000 https://armsport.am/?p=590082 Իտալիայի առաջնության 25-րդ տուրի մեկնարկային խաղում «Միլանը» հյուրընկալվելիս 2-1 հաշվով պարտության մատնեց հետնապահ «Պիզային»։ Հանդիպման հաշիվը 39-րդ րոպեին բացեց ռոսոներիների կիսապաշտպան Ռուբեն Լոֆտուս-Չիկը։ Տանտերերին հաջողվեց հավասարեցնել հաշիվը 71-րդ րոպեին՝ Ֆելիպե Լոյոլայի դիպուկ հարվածի շնորհիվ։ Սակայն խաղի հիմնական ժամանակի ավարտին մոտ՝ 85-րդ րոպեին, Լուկա Մոդրիչը, ստանալով Սամուելե Ռիչիի փոխանցումը, ներխուժեց տուգանային հրապարակ, ու խփեց հյուրերի հաղթական […]]]>

Իտալիայի առաջնության 25-րդ տուրի մեկնարկային խաղում «Միլանը» հյուրընկալվելիս 2-1 հաշվով պարտության մատնեց հետնապահ «Պիզային»։

Հանդիպման հաշիվը 39-րդ րոպեին բացեց ռոսոներիների կիսապաշտպան Ռուբեն Լոֆտուս-Չիկը։ Տանտերերին հաջողվեց հավասարեցնել հաշիվը 71-րդ րոպեին՝ Ֆելիպե Լոյոլայի դիպուկ հարվածի շնորհիվ։ Սակայն խաղի հիմնական ժամանակի ավարտին մոտ՝ 85-րդ րոպեին, Լուկա Մոդրիչը, ստանալով Սամուելե Ռիչիի փոխանցումը, ներխուժեց տուգանային հրապարակ, ու խփեց հյուրերի հաղթական գոլը։

Ավելացված ժամանակում երկու դեղին քարտ ստացավ և խաղադաշտը լքեց Ադրիեն Ռաբյոն։ Ֆրանսիացի կիսապաշտպանը առաջին դեղին քարտը ստացավ խախտման, իսկ երկրորդը՝ մրցավարի հետ վիճելու համար։

Այս հաղթանակից հետո Մասիմիլիանո Ալեգրիի գլխավորած թիմը վաստակած միավորների քանակը հասցրեց 53-ի և ամրապնդվեց երկրորդ հորիզոնականում։ «Պիզան»՝ 15 միավորով, եզրափակում է մրցաշարային աղյուսակը։

Հանդիպամն գոլերը՝ ԱՅՍՏԵՂ

Ա Սերիայի մրցաշարային աղյուսակը՝ ստորև․

]]> 📷 Ինտերը յուրահատուկ կերպով է անդրադարձել Մխիթարյանի՝ գլխով խփած գոլին https://armsport.am/588298/ Sat, 24 Jan 2026 07:21:23 +0000 https://armsport.am/?p=588298 Միլանի «Ինտերը» սոցիալական ցանցերի իր էջերում առանձնահատուկ անդրադարձ է կատարել Հայաստանի ազգային հավաքականի նախկին ավագ Հենրիխ Մխիթարյանի գոլին, որը նա հեղինակեց Սերիա Ա-ի 22-րդ տուրի՝ «Պիզայի» դեմ կայացած խաղում։ «Ներաձուրիները» հրապարակել են հայ կիսապաշտպանի լուսանկարը և կատարել երկիմաստ ու դիպուկ գրառում. «Got his head in the game»: Ակումբի մեդիա թիմը օգտագործել է անգլերեն հայտնի դարձվածքը, […]]]>

Միլանի «Ինտերը» սոցիալական ցանցերի իր էջերում առանձնահատուկ անդրադարձ է կատարել Հայաստանի ազգային հավաքականի նախկին ավագ Հենրիխ Մխիթարյանի գոլին, որը նա հեղինակեց Սերիա Ա-ի 22-րդ տուրի՝ «Պիզայի» դեմ կայացած խաղում։

«Ներաձուրիները» հրապարակել են հայ կիսապաշտպանի լուսանկարը և կատարել երկիմաստ ու դիպուկ գրառում.

«Got his head in the game»:

Ակումբի մեդիա թիմը օգտագործել է անգլերեն հայտնի դարձվածքը, որը բառացի թարգմանվում է որպես «Գլուխը՝ խաղի մեջ»։ Սա յուրօրինակ բառախաղ է, որը միաժամանակ մատնանշում է երկու փաստ՝ Մխիթարյանը գոլը խփել է գլխով, և նա մտքով ու հոգով ամբողջությամբ կենտրոնացած է խաղի վրա։

Հիշեցնենք, որ Մխիթարյանը մասնակցեց ամբողջ հանդիպմանը և մրցավարի ավելացրած ժամանակում դրեց հանդիպման վերջակետը՝ ձևակերպելով «Ինտերի» ջախջախիչ հաղթանակը 6:2 հաշվով։

]]> 🎥 Ծննդյան օրվա նվեր․ Մխիթարյանի գոլն օգնեց Ինտերին հաղթանակ Պիզայի դեմ խաղում https://armsport.am/588293/ Fri, 23 Jan 2026 21:46:22 +0000 https://armsport.am/?p=588293 Իտալական Սերիա Ա-ի 22-րդ տուրի շրջանակում Միլանի «Սան Սիրո» մարզադաշտում կայացավ «Ինտեր» — «Պիզա» հանդիպումը։ Խաղն ավարտվեց տանտերերի՝ հոկեյին բնորոշ 6:2 հաշվով ջախջախիչ հաղթանակով։ «Ինտերի» մեկնարկային կազմում էր Հայաստանի հավաքականի նախկին ավագ Հենրիխ Մխիթարյանը, ով վստահ խաղ ցուցադրեց ամբողջ հանդիպման ընթացքում և մասնակցեց թիմի գոլային տոնին։ Հանդիպման սկիզբը անակնկալ էր միլանյան ակումբի համար․ հյուրերը Ստեֆանո […]]]>

Իտալական Սերիա Ա-ի 22-րդ տուրի շրջանակում Միլանի «Սան Սիրո» մարզադաշտում կայացավ «Ինտեր» — «Պիզա» հանդիպումը։ Խաղն ավարտվեց տանտերերի՝ հոկեյին բնորոշ 6:2 հաշվով ջախջախիչ հաղթանակով։

«Ինտերի» մեկնարկային կազմում էր Հայաստանի հավաքականի նախկին ավագ Հենրիխ Մխիթարյանը, ով վստահ խաղ ցուցադրեց ամբողջ հանդիպման ընթացքում և մասնակցեց թիմի գոլային տոնին։

Հանդիպման սկիզբը անակնկալ էր միլանյան ակումբի համար․ հյուրերը Ստեֆանո Մորեոյի դուբլի (11-րդ և 23-րդ րոպեներ) շնորհիվ հաշվի մեջ առաջ անցան 2:0 հաշվով։ Սակայն «ներաձուրիները» դրսևորեցին կամային բարձր որակներ և դեռ առաջին խաղակեսում ոչ միայն կրճատեցին, այլև հաշվի մեջ առաջ անցան։ 39-ից 43-րդ րոպեների ընթացքում աչքի ընկան Պյոտր Զելինսկին (11մ), Լաուտարո Մարտինեսը և Ֆրանչեսկո Էսպոզիտոն։

Երկրորդ խաղակեսում «ներաձուրիները» շարունակեցին ճնշումը։ Ֆեդերիկո Դիմարկոն և Անժ-Յոան Բոնին հաշիվը դարձրին 5:2։

Հանդիպման վերջակետը դրեց Հենրիխ Մխիթարյանը։ Ավելացված ժամանակում հայ կիսապաշտպանը գրավեց մրցակցի դարպասը՝ ձևակերպելով վերջնական հաշիվը՝ 6:2:

Այս հաղթանակից հետո «Ինտերը» վաստակեց 52 միավոր և շարունակում է միանձնյա գլխավորել մրցաշարային աղյուսակը։ «Պիզան» 14 միավորով եզրափակում է աղյուսակը (20-րդ տեղ)։

Փետրվարի 1-ին միլանյան ակումբը կմրցի «Կրեմոնեզեի» հետ, իսկ «Պիզան» մեկ օր շուտ կհանդիպի «Սասուոլոյին»։

Տեսանյութերը՝ ԱՅՍՏԵՂ

Մրցաշարային աղյուսակն այս պահին

]]> 🎥 Ա Սերիա. Յուվենտուսի, Ռոմայի և Կոմոյի արտագնա խոշոր հաղթանակները https://armsport.am/586812/ Tue, 06 Jan 2026 21:51:46 +0000 https://armsport.am/?p=586812 Իտալիայի առաջնության 2025/2026 մրցաշրջանի 19-րդ տուրում կայացել են մի շարք հանդիպումներ, որոնցում հյուրընկալվող թիմերը վստահ ելույթներ են ունեցել և միավորներ վաստակել մրցաշարային աղյուսակի վերին հորիզոնականների համար պայքարում։ «Սասուոլո» 0։3 «Յուվենտուս» [տեսանյութ] Թուրինի «Յուվենտուսը» հյուրընկալվելիս ջախջախիչ հաղթանակ է տարել «Սասուոլոյի» նկատմամբ «Մապեի» մարզադաշտում։ Հանդիպման հաշիվը բացվել է 16-րդ րոպեին, երբ տանտերերի պաշտպան Տարիկ Մուհարեմովիչը գրավել է […]]]>

Իտալիայի առաջնության 2025/2026 մրցաշրջանի 19-րդ տուրում կայացել են մի շարք հանդիպումներ, որոնցում հյուրընկալվող թիմերը վստահ ելույթներ են ունեցել և միավորներ վաստակել մրցաշարային աղյուսակի վերին հորիզոնականների համար պայքարում։

«Սասուոլո» 0։3 «Յուվենտուս» [տեսանյութ]

Թուրինի «Յուվենտուսը» հյուրընկալվելիս ջախջախիչ հաղթանակ է տարել «Սասուոլոյի» նկատմամբ «Մապեի» մարզադաշտում։ Հանդիպման հաշիվը բացվել է 16-րդ րոպեին, երբ տանտերերի պաշտպան Տարիկ Մուհարեմովիչը գրավել է սեփական դարպասը։ Երկրորդ խաղակեսում՝ 62-րդ րոպեին, Ֆաբիո Միրետին կրկնապատկել է հյուրերի առավելությունը, իսկ մեկ րոպե անց Ջոնաթան Դեյվիդը ձևակերպել է վերջնական հաշիվը՝ 3։0։ Այս հաղթանակից հետո «Յուվենտուսը» վաստակել է 36 միավոր՝ ամրապնդվելով լավագույն քառյակում։

«Լեչե» 0։2 «Ռոմա» [տեսանյութ]

Հռոմեական ակումբը նույնպես հաջող է հանդես եկել արտագնա խաղում՝ երկու անպատասխան գնդակ ուղարկելով «Լեչչեի» դարպասը։ Առաջին խաղակեսում աչքի է ընկել Էվան Ֆերգյուսոնը։ Երկրորդ կեսում փոխարինման դուրս եկած Արտեմ Դովբիկը խփել է թիմի երկրորդ գոլը։ Ջան Պիերո Գասպերինիի գլխավորած «Ռոման» այս հաղթանակի շնորհիվ նույնպես հասել է 36 միավորի սահմանագծին։

«Պիզա» 0։3 «Կոմո» [տեսանյութ]

«Կոմոն» հյուրընկալվելիս խոշոր հաշվով հաղթել է «Պիզային»՝ տանելով երրորդ անընդմեջ հաղթանակը։ Սեսկ Ֆաբրեգասի սաները բոլոր գոլերը խփել են երկրորդ խաղակեսում․ Մաքսիմո Պերոնեն բացել է հաշիվը, իսկ Անաստասիոս Դուվիկասը դարձել է դուբլի հեղինակ։ Հանդիպման վերջնամասում «Կոմոյի» դարպասապահ Ժան Բուտեզը հետ է մղել Մբալա Նզոլայի իրացրած 11-մետրանոց հարվածը։ «Կոմոն» վաստակել է 33 միավոր և շարունակում է պայքարը եվրոգավաթային տեղերի համար։

]]> Նոայի առաջատարը՝ Իտալիայի ճանապարհի՞ն․ հայտնի ինսայդերը բացում է փակագծերը https://armsport.am/586319/ Tue, 30 Dec 2025 16:45:30 +0000 https://armsport.am/?p=586319 Հայաստանի չեմպիոն «Նոայի» բոսնիացի հարձակվող Նարդին Մուլահուսեյնովիչը հայտնվել է եվրոպական մի շարք ակումբների տրանսֆերային դիտակետում։ Իտալացի հայտնի ինսայդեր Ռուդի Գալետիի փոխանցմամբ՝ ֆուտբոլիստի նկատմամբ հետաքրքրություն են ցուցաբերում իտալական «Կալյարին», «Պիզան» և մի քանի այլ թիմեր, որոնք արդեն սկսել են թարմացված տեղեկություններ հավաքել խաղացողի վերաբերյալ։ Բացի Ապենինյան թերակղզու ներկայացուցիչներից, 26-ամյա հարձակվողի համար պայքարից դուրս չեն եկել նաև […]]]>

Հայաստանի չեմպիոն «Նոայի» բոսնիացի հարձակվող Նարդին Մուլահուսեյնովիչը հայտնվել է եվրոպական մի շարք ակումբների տրանսֆերային դիտակետում։ Իտալացի հայտնի ինսայդեր Ռուդի Գալետիի փոխանցմամբ՝ ֆուտբոլիստի նկատմամբ հետաքրքրություն են ցուցաբերում իտալական «Կալյարին», «Պիզան» և մի քանի այլ թիմեր, որոնք արդեն սկսել են թարմացված տեղեկություններ հավաքել խաղացողի վերաբերյալ։

Բացի Ապենինյան թերակղզու ներկայացուցիչներից, 26-ամյա հարձակվողի համար պայքարից դուրս չեն եկել նաև լեհական առաջատար ակումբները, որոնց հետաքրքրության մասին հաղորդվել էր դեռևս տասն օր առաջ։ Սպասվում է, որ առաջիկա շաբաթները վճռորոշ կլինեն բոսնիացու կարիերայի հետագա ընթացքի համար։

Հիշեցնենք, որ Մուլահուսեյնովիչը «Նոային» միացել է անցած ամառ և կարճ ժամանակում դարձել թիմի առանցքային ֆիգուրներից մեկը։ Ընթացիկ մրցաշրջանում նա բոլոր մրցաշարերում աչքի է ընկել բարձր արդյունավետությամբ՝ գրանցելով 9 գոլ և 4 գոլային փոխանցում։ Հատկապես տպավորիչ է նրա ելույթը Կոնֆերենցիաների լիգայի լիգայի փուլում, որտեղ նա մասնակցություն է ունեցել թիմի խփած բոլոր 6 գնդակներին (5 գոլ, 1 ասիստ)՝ մեծ ներդրում ունենալով փլեյ-օֆֆ դուրս գալու գործում։

Նշենք, որ Մուլահուսեյնովիչի գործող պայմանագիրը հայկական ակումբի հետ նախատեսված է մինչև 2028 թվականի ամառը։ 

]]> 🎥 Յուվենտուսը հյուրընկալվելիս դժվարին հաղթանակ տարավ Պիզայի նկատմամբ https://armsport.am/585996/ Sat, 27 Dec 2025 21:40:22 +0000 https://armsport.am/?p=585996 Իտալիայի առաջնության 17-րդ տուրում Թուրինի «Յուվենտուսը» հյուրընկալվելիս երկու անպատասխան գնդակ ուղարկեց «Պիզայի» դարպասը (2-0)։ Հանդիպման հաշիվը բացվեց 73-րդ րոպեին, երբ թուրինցիների ֆրանսիացի պաշտպան Պիեր Կալուլուի հարվածից հետո գնդակը դիպավ տանտերերի պաշտպան Արտուրո Կալաբրեսիի ոտքին ու հայտնվեց Ադրիան Սեմպերի դարպասում՝ գրանցվելով որպես ինքնագոլ։ Խաղի վերջնական հաշիվը 90+2-րդ րոպեին ձևակերպեց Կենան Յիլդիզը՝ 2-0։ Այս խաղից հետո «բիանկոներիները» […]]]>

Իտալիայի առաջնության 17-րդ տուրում Թուրինի «Յուվենտուսը» հյուրընկալվելիս երկու անպատասխան գնդակ ուղարկեց «Պիզայի» դարպասը (2-0)։

Հանդիպման հաշիվը բացվեց 73-րդ րոպեին, երբ թուրինցիների ֆրանսիացի պաշտպան Պիեր Կալուլուի հարվածից հետո գնդակը դիպավ տանտերերի պաշտպան Արտուրո Կալաբրեսիի ոտքին ու հայտնվեց Ադրիան Սեմպերի դարպասում՝ գրանցվելով որպես ինքնագոլ։ Խաղի վերջնական հաշիվը 90+2-րդ րոպեին ձևակերպեց Կենան Յիլդիզը՝ 2-0։

Այս խաղից հետո «բիանկոներիները» վաստակած միավորների քանակը հասցրին 32-ի՝ ժամանակավորապես բարձրանալով 3-րդ հորիզոնական։ «Պիզան» 11 միավորով նախավերջինն է։

Հանդիպման գոլերը՝ ԱՅՍՏԵՂ

Ա Սերիայի մրցաշարային աղյուսակը՝ ստորև․

]]> 🎥 Սերիա Ա․ Լաուտարո Մարտինեսի դուբլը հաղթանակ պարգևեց Ինտերին https://armsport.am/583630/ Sun, 30 Nov 2025 15:50:51 +0000 https://armsport.am/?p=583630 Իտալիայի Սերիա Ա-ի 13-րդ տուրում Միլանի «Ինտերը» հյուրընկալվելիս 2:0 հաշվով առավելության է հասել «Պիզայի» նկատմամբ։ ​Միլանյան ակումբի կազմում դուբլի հեղինակ է դարձել Լաուտարո Մարտինեսը. արգենտինացի հարձակվողը մրցակցի դարպասը գրավել է 69-րդ և 83-րդ րոպեներին։ «Ներաձուրիների» հայ կիսապաշտպան Հենրիխ Մխիթարյանը մնաց պահեստայինների նստարանին։ ​Այս հաղթանակից հետո «Ինտերը» վաստակել է 27 միավոր և բարձրացել մրցաշարային աղյուսակի 3-րդ […]]]>

Իտալիայի Սերիա Ա-ի 13-րդ տուրում Միլանի «Ինտերը» հյուրընկալվելիս 2:0 հաշվով առավելության է հասել «Պիզայի» նկատմամբ։

​Միլանյան ակումբի կազմում դուբլի հեղինակ է դարձել Լաուտարո Մարտինեսը. արգենտինացի հարձակվողը մրցակցի դարպասը գրավել է 69-րդ և 83-րդ րոպեներին։

«Ներաձուրիների» հայ կիսապաշտպան Հենրիխ Մխիթարյանը մնաց պահեստայինների նստարանին։

​Այս հաղթանակից հետո «Ինտերը» վաստակել է 27 միավոր և բարձրացել մրցաշարային աղյուսակի 3-րդ հորիզոնական։ «Պիզան» 10 միավորով 18-րդ տեղում է։

Հանդիպման տեսանյութը՝ ԱՅՍՏԵՂ

Սերիա Ա-ի մրցաշարային աղյուսակն այս պահին

]]>