«Վանը» պաշտոնապես հայտարարել, որ թիմի կազմը համալրել է հայ կիսապաշտպան Պետրոս Ավետիսյանը։

30-ամյա ֆուտբոլիստը կարիերայի ընթացքում հանդես է եկել մի շարք հայկական և արտասահմանյան ակումբներում՝ հայկական «Բանանցում», «Փյունիկում», «Ալաշկերտում», «Արարատ-Արմենիայում», «Նոայում», «Գանձասարում», ռուսական «Խիմկիում», ինչպես նաև ղազախական «Տոբոլում», «Շախտյորում» (Կարագանդա), «Ակժայիկում» և «Մակտաարալում»։

Ավետիսյանը նաև ներկայացրել է Հայաստանի ազգային հավաքականը։

Այս մրցաշրջանում նա անցկացրել է 12 հանդիպում՝ դառնալով մեկ գոլի և նույնքնա գոլային փոխանցման հեղինակ։

«Գանձասարն» ամռան տրանսֆերային պատուհանի ընթացքում համալրել է թիմի կազմը մի շարք նորեկներով։

Թիմին միացել են Արման Խաչատրյանը, Նարեկ Ալավերդյանը, Պետրոս Ավետիսյանը, Տարոն Ոսկանյանը, Պետրոս Մանուկյանը, Լևոն Պետրոսյանը, Պատվական Ավետիսյանը, Նիկիտա Լոբուսովը և Աննան Մենսահը։

Ավելի վաղ հաղորդվել էր, որ «Գանձասարը» լքել են Տիգրան Ոփանյանը, Վահե Մուրադյանը, Ամին Միզյեդը, Սարգիս Շահինյանը, Աշոտ Քոչարյանը, Գրիգոր Մուրադյանը, Էրիկ Սողոմոնյանը, Գևորգ Մաթևոսյանը, Սուրեն Զաքարյանը, Ալեն Տատինցյանը, Ուսման Ֆայեն, Դավիթ Բարսեղյանը և Էդվին Գյասին։

Հիշեցնենք, որ Fastex Պրեմիեր Լիգայի 2025/2026թթ․ խաղարկության մեկնարկային տուրը վաղն է՝ օգոստոսի 1-ին։ «Գանձասարը» Երևանի «Ջունիոր սպորտ» մարզադաշտում մրցելու է «Արարատի» հետ։ Խաղի մեկնարկը 19։00-ին է։

Վաղը` հուլիսի 8-ին կայանալիք Կոնֆերենցիաների գավաթի որակավորման առաջին փուլի «Նոա»-ԿուՊՍ խաղից առաջ կայացած ասուլիսին մեր թիմի ֆուտբոլիստ Պետրոս Ավետիսյանը պատասխանեց լրագրողների հարցերին:

ԿուՊՍ-ի դեմ խաղի մասին

Ամենակարևոր գործոնը նման խաղերում միասնական լինելն է։ Վաղը պիտի դրա հաշվին կարողանանք հաջողության հասնել։ Վաղը տանն ենք խաղում, ինչը մեծ առավելություն է տալիս մեզ։

Նոր գլխավոր մարզչի՝ Արամ Հակոբյանի մասին

Պրոֆեսիոնալ թիմ եկել է պրոֆեսիոնալ մարզիչ։ Կարճ ժամանակ ունեինք այս խաղին պատրաստվելիս մարզչի մտքերին ծանոթանալու համար։ Վաղը դաշտում կտեսնենք։

Արտասահմանից ունեցած առաջարկների մասին

Հիմա «Նոա» եվրագավաթային խաղերի վրա եմ կենտրոնացած։ Բայց դրանցից հետո, ոթե լավ առաջարկ լինի, մեծ սիրով կուզեմ կարիերաս եվրոպական ավելի լուրջ առաջնությունում շարունակել։

VBET ՀՊԼ 23-րդ տուրում  «Նոան» սեփական հարկի տակ  3-0 հաշվով հաղթեց «Շիրակին»։ Այս խաղում դուբլի հեղինակ դարձած Պետրոս Ավետիսյանը հետխաղյա մեկնաբանության ընթացքում խոսել է իր ցուցադրած խաղի ու առաջիկա պլանների մասին.

«Շատ ուրախ եմ դուբլի համար, շատ լավ կլիներ, որ դարպասաձողին չդիպչեր հարվածներիցս մեկը և էլի գոլ  խփեի, բայց կարևորը հաղթանակն էր ու կարևոր քայլ արեցինք: Ըստ պլանավորածի ընթացավ այս խաղը: Առաջիկա խաղերից ակնկալում եմ միայն հաղթանակ»,-նշել է Ավետիսյանը ակումբի մամուլի ծառայության հետ զրույցում:

ՀՊԼ ձմեռային տրանսֆերային պատուհանի փակվելուց մեկ օր առաջ «Նոան» հայտարարեց Պետրոս Ավետիսյանի հետ պայմանագիր կնքելու մասին։ 25-ամյա հարձակվողական ոճի կիսապաշտպանը, որը Հայաստանի առաջնություն վերադարձավ ղազախական «Տոբոլից», այստեղ ավելի վաղ հանդես էր եկել «Ուրարտուում», «Փյունիկում» ու «Արարատ-Արմենիայում»։

ArmSport-ը երիտասարդ ֆուտբոլիստի հետ խոսել է արտասահմանյան կարիերայի, հայրենիք վերադառնալու և այլ հարցերի մասին։

-Պետրո՛ս, կամփոփե՞ս «Տոբոլում» անցկացրած տարին․ ի՞նչ տվեց քեզ Ղազախստանի առաջնությունը։

-Առաջին անգամ էի հանդես գալիս Հայաստանից դուրս և ուրախ եմ, որ դարձա Ղազախստանի առաջնության արծաթե մեդալակիր։ Կարծում եմ՝ օգտակար փորձ էր՝ ինչպես ֆուտբոլային, այնպես էլ կյանքի առումով։

-Ղազախստանի առաջնությունն ինչպիսի՞ն է խաղացողի տեսանկյունից։ Շա՞տ է տարբերվում մեր առաջնությունից։

-Ղազախստանում շատ են բարձրակարգ լեգիոներները։ Այդ փաստը որակ է հաղորդում առաջնությանը, բայց Հայաստանի առաջնությունը ևս տարեցտարի աճ է գրանցում։

-Այնտեղից հեռանալուց հետո քո անունը կապվում էր «Տամբովի» հետ․ ինչո՞ւ չստացվեց պայմանագիր կնքել։

-Այո՛, «Տամբովին» միանալու տարբերակ կար, բայց, ի վերջո, չտեղափոխվեցի այդ ակումբ։ Չէի ցանկանա խոսել պատճառների մասին։ Դա անցյալում է։ Հիմա տեղափոխվել եմ «Նոա» ու, կարծում եմ, շատ լավ թիմում եմ։ Ցանկանում եմ առաջ նայել և, հնարավորինս, օգտակար լինել թիմին։

-Ասել ես, որ բացի «Նոայից» հայկական այլ թիմեր էլ էին քեզ ուզում տեսնել իրենց կազմում․ քո նախկին թիմերը կայի՞ն դրանց թվում։

-Ո՛չ։

-Ինչո՞վ գրավեց քեզ «Նոան»։

-Երբ «Տոբոլի» հետ պայմանագրիս ժամկետն ավարտվել էր, մարզավիճակս պահպանելու համար մարզվում էի ԲԿՄԱ-ի հետ։ Ի դեպ, շատ շնորհակալ եմ ԲԿՄԱ-ին դրա համար։ Այդ ընթացքում ԲԿՄԱ-ի կազմում ընկերական խաղի մասնակցեցի «Նոայի» դեմ։ Այդ խաղից հետո ինձ հետ զրուցեց թիմի գլխավոր մարզիչ Դմիտրի Գունկոն և ասաց, որ ինձ կցանկանար տեսնել թիմում։ Ինձ համար շատ կարևոր է, որ հենց մարզիչն է նախաձեռնողը, այդ պատճառով էլ որոշեցի տեղափոխվել այստեղ։

-Ի՞նչ պոտենցիալ ունի թիմը։

-«Նոան» շատ լավ թիմ է։ Կա լավ մարզչական շտաբ, լավ ֆուտբոլիստներ։ Իսկ ակումբը լուրջ նպատակներ է դնում իր առջև։

-Հայաստանի առաջությունն ինչպե՞ս է փոխվել քո բացակայության մեկ տարվա ընթացքում։

-Շատ մեծ է մրցակցությունը։ Չկա բացահայտ առաջատար, խաղերն անկանխատեսելի են դարձել, ու մեծ թվով թիմեր պայքարում են մրցանակային տեղերի համար։

-Հիմա ֆուտբոլում քո նպատակը ո՞րն է։

-Այս պահին մտքերս «Նոայի» հետ են, որպեսզի լավագույն կերպով հանդես գամ։ Իսկ մնացածն արդեն ժամանակը ցույց կտա։

Ստելլա Բաբլոյան

«Նոա»-ի նորեկ, հարձակողական ոճի կիսապաշտպան Պետրոս Ավետիսյանի առաջին հարցազրույցը ակումբի մամուլի ծառայությանը:

— Բարի գալուստ «Նոա», Պետրո՛ս: Ինչպե՞ս ստացվեց, որ տեղափոխվեցիր հենց այս ակումբում:

— Շնորհակալություն: Ղազախական «Տոբոլ»-ի հետ պայմանագրիս ժամկետի ավարտից հետո ունեի առաջարկներ թե՛ արտասահմանից, թե՛ հայկական ակումբներից: Դրսում չստացվեց, որոշ բաներ սպասելու պատճառով: Ինչպես գիտեք, «Տամբով»-ում էի, բայց էնտեղից հեռացա ինչ-ինչ պատճառներով… Հայաստանյան ակումբներից ունեի առաջարկներ, բայց ընտրեցի «Նոա»-ն, որովհետև հասկացա, որ ամենից շատը «Նոա»-ն է ուզում ինձ տեսնել իր թիմում: Անձամբ թիմի գլխավոր մարզիչը ինձ հետ կապ հաստատեց, խոսեցինք իր հետ և դրանից հետո որոշեցի տեղափոխվել հենց այս ակումբ: Մեծ ակնկալիքներով եմ միացել «Նոա»-ին, լավ տրամադրությամբ, և պետք է ամեն ինչ անեմ, որպեսզի օգնեմ թիմին կատարել իր առջև դրված խնդիրները:

— Մեկ տարվա դադարից հետո կրկին հանդես ես գալու Հայաստանի առաջնությունում: Վստահաբար՝ հետևել ես Հայաստանի Պրեմիեր լիգայի խաղերին, ինչպիսի՞ն է տպավորդությունդ ընթացիկ առաջնությունից:

— Կարող եմ ասել, որ անցած մեկ տարվա ընթացքում Հայաստանի առաջնությունը աճ է արձանագրել, թիմերի միջև մրցակցությունը շատ մեծ է: Մրցաշարային աղյուսակին նայելով՝ 4-5 թիմ պայքարում է չեմպիոնության համար և չկա բացարձակ ֆավորիտ:

— Նման մրցակցությունը հաշվի առնելով, որքանո՞վ են իրագործելի նախորդ տարվա հաջողությունը կրկնելու և զարգացնելու՝ չեմպիոն հռչակվելու «Նոա»-ի հավակնությունները:

— Նայելով թիմի, և ոչ միայն թիմի, նաև ակումբի՝ մերսողից սկսած մինչև ղեկավարություն, թրամադրվածությանը, կարծում եմ՝ այո, լիովին արդարացված հավակնություններ են:

— Խաղալով «Նոա»-ի կազմում, հնարավո՞ր է կրկին հրավեր ստանաս հանդես գալ Հայաստանի ազգային հավաքականի կազմում:

— Կարծում եմ՝ այո, որովհետև Հայաստանի ազգային ընտրանու մարզիչը լինում է Հայաստանի առաջնության բոլոր հանդիպումներին, և, հույս ունեմ, որ «Նոա»-ում հաջող հանդես գալու դեպքում կհրավիրվեմ հավաքական նորից:

«Նոա»-ն պայմանագիր է կնքել 25-ամյա կիսապաշտպան Պետրոս Ավետիսյանի հետ: Այս մասին հաղորդում է ակումբի մամուլի ծառայությունը։

Ավետիսյանը Հայաստանի հավաքականի անդամ է, նախկինում հանդես է եկել «Ուրարտու», «Փյունիկ» և «Արարատ Արմենիա» ակումբներում, իսկ վերջին թիմը ղազախական «Տոբոլն» է:

Ավելի վաղ տեղեկություն էր տարածվել, որ Պետրոս Ավետիսյանը միացել է «Տամբովի» հավաքին։

«Տամբովի» մարզական տնօրեն Պավել Խուդյակովը պատմել է, թե ինչպես թիմը հայտավորել կազմը «Լոկոմոտիվի» հետ Ռուսաստանի գավաթի խաղարկության 1/8 եզրափակչի խաղից առաջ (0: 3)․

«Անգամ խաղի մեկնարկից 2,5 ժամ առաջ մենք չէինք հասկանում, թե ում կարող ենք հայտավորել, ում ՝ ոչ, — Խուդյակովին է մեջբերում «Match TV» — ի թղթակից Սերգեյ Իլյովը: — Արտյոմ Արխիպովը չհասցրեց ստանալ միջազգային տրանսֆեր: Պետրոս Ավետիսյանը, ով «Փյունիկի» առաջատարներից էր, չէր խաղում:

Այս տղաները շատ կրեատիվ են, մեր ուժը հարձակման մեջ է: Մենք նրանց վրա հույս ենք դնում արդեն «Ռոտորի»  դեմ խաղում: Մենք ավտոբուսով հասանք խաղին, Սերգեյ Պերվուշինը,  լիովին չէր պատկերացնում մեկնարկային կազմը: Ընդհանրապես, շատ շնորհակալություն նրան: Իսկական մարտիկ: Նման իրավիճակում նա պահպանում էր հանգստությունը:

Մենք կավելացնենք մեր խաղում: Մեզ պետք է 2-3 տուր: Կլիմովը, Կարապուզովը, Ավանեսյանը, Չաբանովը լավ երիտասարդ տղաներ են, մոտիվացված, ներուժով, սակայն, իհարկե, ավելի փորձառու խաղացողներ են պետք: Ինչո՞վ է միշտ հայտնի եղել Տամբովը: Այն փաստը, որ մենք մարտիկներ ունեինք, թիմում միշտ լավ մթնոլորտ էր տիրում: Եվս 3-4 հոգի մեզ կմիանա, մենք բանակցություններ ենք վարում»,- ասել է Խուդյակովը:

Ղազախստանի առաջնության 17-րդ տուրում «Տոբոլը» ընդունել էր «Կայսարին» ու խոշոր հաշվով հաղթանակ տարավ: Հանդիպումն ավարտվեց 3-0 հաշվով:

Հայ կիսապաշտպան Պետրոս Ավետիսյանը տանտերերի կազմում փոխարինման դուրս գալուց հետո դարձավ գոլային փոխանցման հեղինակ 3-րդ գոլի ժամանակ:

Ղազախստանի Պրեմիեր լիգայի 4-րդ տուրում «Տոբոլը» սեփական հարկի տակ կմրցի «Աստանայի» հետ:

Տանտերերի կազմում խաղին հայտավորված են Հայաստանի հավաքականի ֆուտբոլիստներ Պետրոս Ավետիսյանն ու Արման Հովհաննիսյանը, որոնք պահեստայինների թվում են:

Հայաստանի հավաքականի մեկ այլ ֆուտբոլիստ՝ հարձակվող Տիգրան Բարսեղյանը «Աստանայի» մեկնարկային կազմում է:

Հանդիպումը կմեկնարկին Երևանի ժամանակով 16:00-ին: Ուղիղ եթերը կարող եք դիտել այստեղ: